စစ်အာဏာရှင်စနစ်အငွေ့အသက်ကို ခံစားနေရသည့် တောင်ပေါ်နေပြည်တို့၏အခက်အခဲများ

ကချင်ပြည်နယ်မြောက်ပိုင်းအဖျားစွန်း တရုတ်ပြည်သူ့သမ္မတနိုင်ငံနှင့် ထိစပ်နေသော ချန်မူးခုံးဒေသ အအေးပိုင်း ချန်မူးခုံးတောင်ပေါ်ဒေသကိုရောက်ရှိဖို့ ကားလမ်းအလွန်ကိုခက်ခဲပါသည်။ လမ်းခရီး စရိတ်မှာလည်း တစ်သိန်းကျော်ထိကုန်ကျမှုရှိပါသည်။ လမ်းခရီးတလျှောက်တွင်လည်း ဝါးတားဂိတ် များရှိပါသည်။ မိုးရာသီကာလ သွားဖို့ဆိုရင် သွားလာနိုင်ဖို့ လွန်စွာခက်ခဲကြမ်းတမ်းသော ခရီးစဉ် တစ်ခုပဲဖြစ်ပြီး မြေပြိုမှုတွေဖြစ်သောကြောင့် လမ်းခရီးအဆင်မပြေမှုများကို ပြည်သူတွေ ကြုံတွေ့နေရ သည်မှာ နှစ်၆၀ ကျော်ကြာလာပြီ ဖြစ်ပါသည်။ ချန်မူးခုံးဒေသသည် ကချင်လူမျိုးစု အနွယ်ဝင် လချိဒ် လူမျိုးများနှင့်လော်ဝေါ်လူမျိုးများ၊ လီဆူ လူမျိုးများ အများဆုံး နေထိုင်လျှက်ရှိကြသည်။ အများဆုံးနေ ထိုင်လျှက်ရှိသည်မှာ လချိဒ်လူမျိုးဖြစ်လေသည်။ တောင်ယာလုပ်ငန်းနှင့် လယ်ယာလုပ်ငန်းကို အများ ဆုံး စိုက်ပျိုးလုပ်ကိုင်ကြပြီး တစ်ဖက်နိုင်ငံတွင် ရွေ့ပြောင်းအလုပ်သမားများအဖြစ်လည်း သွားရောက် လုပ်ကိုင်နေကြသည်။

ချန်မူးခုံးဒေသသည် နယ်ခြားစောင့်တပ် BGF ထိန်းချုပ်ထားသော တောင်ပေါ်ဒေသဖြစ်သည်။
ချန်မူးခုံးဒေသသည် ယခုအခါခေတ်ကာလတွင် မူးယစ်ဆေးဝါးအန္တရယ်ကို ပြည်သူများမှာ ဆိုးရွာစွာ ထိတွေ့ ကြုံတွေ့ခံစားနေရသည်။ ထိုအရပ်ဒေသတွင် ဘိန်းဖြူကို ကလေးငယ်များ ကျောင်းသားများ အများဆုံးအသုံးပြု သုံးစွဲလာကြကြောင်းကြားသိရသည်။ ထိုသို့အများဆုံး အသုံးပြုလာကြရသည့် အကြောင်းအရင်းမှာ ဘိန်းဖြူကို ကျပ်၂၀၀ ဖြင့်လည်းဝယ်ယူသုံးစွဲခွင့်နှင့် အလွယ်တကူ ရှိနိုင်သော ကြောင့်ဖြစ်လေသည်။

နယ်ခြားစောင့်တပ် BGF စစ်သားများသည်လည်း မူးယစ်ဆေးဝါးသုံးစွဲမှုကြောင့် တစ်နှစ်လျှင် ၃၀ကျော် အသက်သေဆုံးမှုများဖြစ်ပေါ်လာနေကြောင်းတွေ့ရသည်။ နယ်ခြားစောင့်စစ်သားများ မူးယစ်ဆေးဝါး သုံးစွဲမှုကြောင့် သေကြေပျက်စီးခြင်းများဖြစ်ပေါ်ကာ စစ်သားများလျော့နည်းလာခြင်းကြောင့် တပ်သား သစ်စုဆောင်းရေး လုပ်ဆောင်လာကြသည်။ နယ်ခြားစောင့်တပ်သာမက ပြည်သူ့စစ်များကပါ စစ်သား စုဆောင်းမှုကို အာဏာရှင်ဆန်ဆန် ပြည်သူများကို အမိန့်ပေး လုပ်ဆောင်လာခဲ့ကြသည်။ ထို့ကြောင့် ပြည်သူအများ ကြောက်ရွံ့ထိန့်လန့်လျှက်နေကြပါသည်။ ထိုမျှမက လူမှုရေးပြသာနာများနှင့် မိသားစု တို့တွင် ပြသာနာများ ကြုံတွေ့လာရသည်။

”စစ်သားတွေလုပ်ဖို့ စုဆောင်းနေတော့ ကလေးတွေထောက်ပံ့ဖို့မရှိတော့ဘူး ကျောင်းတက်နေတဲ့ ကလေးတွေရဲ့ ပညာရေးက ခက်ခဲလာတယ်။ အခုက ပြည်သူ့စစ်ကလည်း စစ်သားစုဆောင်းနေ တယ်။ နယ်ခြားစောင့်တပ်ကလည်း စစ်သားစုဆောင်းတယ်။ စစ်သားတွေသွားလုပ်ရတော့ အိမ်မှာ ဘယ်သူမှမရှိတော့ဘူး။ စစ်သားတွေက မူးယစ်ဆေးဝါးကြောင့် အများကြီးသေသွားတာတွေရှိတယ်” ဟုဦးယိန်းဇုန်းကပြောပြသည်။

တစ်အိမ်တစ်ယောက် မိသားစုတစ်စုလျှင် တစ်ယောက်အနည်းဆုံးလုပ်ကြရသည်။ မလုပ်သည့်မိသား စုအိမ်များကို အသက်အန္တရယ် ခြိမ်းခြောက်မှုများပြုလုပ်ကြသည်။ ယောင်္ကျားများ စစ်သားစုဆောင်း ခံရသည့်ထဲ ပါသွားပြီးလျှင် ကျန်နေသော မိသားစုများမှာ ဒုက္ခအမျိုးမျိုးကြုံတွေ့ရသည်။ မိသားစု တစ်စုတွင် အမျိုးသားတစ်ဦးတည်းရှိပါကလည်း ငဲ့ညာမှုမရှိဘဲ အတင်းအဓမ္မ ခေါ်ယူစုဆောင်းလေ့ရှိ သည်။ အမျိုးသားက စုဆောင်းမှုထဲပါသွားလျှင် ကျန်ရှိနေသောမိသားစုမှာ စားဝတ်နေရေးနှင့် ကလေး ကျောင်းစာရိတ်များ ထောက်ပံ့ကူညီမှုတွေ အခက်အခဲကြုံတွေ့နေကြရသည်။

ချန်မူးခုံးတောင်ပေါ်ဒေသသည် ၂၀ ရာစုခုနှစ်က ကွန်မြူနစ်စနစ် ထွန်းကားခဲ့သည့်ဒေသဖြစ်သည်။ ကွန်မြူနစ်ဝါဒ ဖုံးလွမ်းခဲ့သည့်အလျှောက် ပြည်သူများလည်း ဗဟုသုတ အသိပညာကြွယ်ဝမှု နည်းပါး စွာအသက်ရှင်နေထိုင်ခဲ့ကြသည်။ ကျန်းမာရေးစောင့်ရှောက်မှုဆိုင်ရာ ဆေးရုံနှင့် ကျန်းမာရေးဝန်ထမ်း များ၊ ဆရာဝန်များမရှိသဖြင့် ခက်ခဲစွာတောလမ်းခရီးကို ဖြတ်သန်း၍ တစ်ဖက် တရုတ်နိုင်ငံထဲသို့ဝင်ပြီး ဆေးကုသမှုကို ယွမ်ငွေဈေးနှုန်းကြီးမြင့်စွာဖြင့် ဆေးကုသမှုခံယူနေကြရသည်။ တောင်ပေါ်ဒေသရှိ အထက်တန်းကျောင်းများတွင်လည်း ကျောင်းဆရာဆရာများနှစ်စဉ်နှစ်တိုင်း လိုအပ်နေလျှက်ရှိသည်။

ကချင်ပြည်နယ် လွှတ်တော်တွင် တင်ပြသော်လည်း လွှတ်တော်က ပြည်နယ်အစိုးရကို သြဇာ မညောင်းခြင်း အရေးယူဆောင်ရွက်မှုမရှိခြင်း ဆရာဆရာမများ စေလွှတ်ခြင်းမရှိခြင်းတို့ကြောင့်
တောင်ပေါ်နေကျောင်းသားမျာတွင် ပညာတတ် ပညာသင်ယူချင်စိတ်ရှိသည့် နှလုံးသားများ၊ ဦးနှောက် များမှာ တစ်နှစ်ထက်တစ်နှစ် ကျောင်းပြင်ပရောက်သွားမှုများပြားလာနေခဲ့လေသည်။ ထိုအရပ်ဒေသ တွင် အများဆုံးလိုအပ်ရှိနေသည်မှာ အထက်တန်းပြဆရာဆရာများဖြစ်လေသည်။ မူးယစ်ဆေးဝါးနှင့် ပညာသင်ကြားမှု အပြည့်အဝအခွင့်အရေးမရှိခြင်းတို့ကြောင့် စနစ်ဆိုးတစ်ခုကို ဖြတ်သန်းနေရသော တောင်ပေါ်နေကလေးငယ်များဟာ မြန်မာနိုင်ငံရဲ့ လူသားအရင်းအမြစ် ဆုံးရှုံးမှုဖြစ်ပေါ် လာစေနိုင် သည်ကို သတိပြုမိသင့်ပါသည်။

ထိုတောင်ပေါ်ဒေသသည် သတ္တု သယံဇာတ ထွက်ရှိသော ဒေသဖြစ်သည်။ ထိုသတ္တုတွင်းတွင် လုပ်ကိုင်နေသော သူများတိုင်းတပါးသား လူမျိုးသာအများဆုံး ဖြစ်လေသည်။ ထိုသတ္တုတွင်း မှရှိသော ငွေများသည် နယ်ခြားစောင့်တပ်နှင့် ပြည်သူ့စစ် စစ်ခေါင်းဆောင်များသာ အများဆုံးရှိလေ သည်။ ဒေသခံပြည်သူများမှာ သတ္တုတွင်းမှထွက်လာသော ဆိုးကျိုးများကိုသာ ခံစားရလေသည်။ သတ္တုတွင်း လုပ်ကိုင်ခြင်းသည် သဘာဝပတ်ဝန်းကို များစွာ ထိခိုက်စေလေသည်။ ထိုဒေသမှ
ရှိနေသည့် ဘဏ္ဍာငွေများသည် မည်သည့်ဘဏ်သို့ရောက်ရှိနေသည်မှာ အစိုးရမှ ချပြမှုမရှိခြင်းပဲ ရှိနေသည်။ သတ္တုတွင်းမှ ရှိသော ဘဏ္ဍာငွေများသည် နယ်ခြားစောင့် စစ်ခေါင်းဆောင်များနှင့် တပ်မတော်မှစစ်ခေါင်းဆောင်များသာရရှိသည်ဟု ထင်မြင်ပါသည်။

သတ္တုတွင်းမှ ရှိသည့် ငွေများသည် ပြည်သူလူထုအတွက် အသုံးချမှုမရှိကြောင်းတွေ့ရသည်။ ကချင်ပြည်နယ်အစိုးရကလည်း မသိသလို နေနေကြသည်ကိုတွေ့ရသည်။ လက်နက်ကိုင်ပြီး သယံဇာတကို တဖက်နိုင်ငံသို့ရောင်းချနေကြသည်မှာလူတစုတည်းအတွက်သာ အကျိုးကိုပြုနေကြ သည်။ စာချုပ်ချုပ်ဆိုမှုသည် ဌာနေတိုင်းရင်းသားများအတွက် မပါဝင်ခဲ့ချေ တိုင်းတပါးသားများအကျိုး အတွက်သာ ဖြစ်ရသည်မှာရင်နာစရာကောင်းလှပါသည်။ထိုဒေသမှထွက်ရှိနေသော သဘာဝသယံ ဇာတ ဟာတဖက်နိုင်ငံအတွက်သာ ဖြစ်နေသည်။

အာဏာရှင်စနစ် ပိုမိုကြီးထွားလာသည်မှာ ထိုဒေသတွင် လမ်းပန်ဆက်သွယ်ရေးခက်ခဲခြင်းနှင့် ပြည်သူလူထုမှာ ရိုးသားသော တိုင်းရင်းသားလူမျိုးဖြစ်ခြင်း ကွန်မြူနစ်စနစ် ရဲ့အငွေ့အသက်ကို
နှစ်ပေါင်းများစွာ ခံလာရသည့်အတွက်ကြောင့်လည်း ဖြစ်ပါသည်။ အရာရာတွင်နောက်ကျနေသော တောင်ပေါ်ေ သဖြစ်သည့်အတွက် လက်နက်ကိုင်ဆောင်သူများသည် အာဏာပိုရှိလေသည်။ တယ်လီဖုန်း ဆက်သွယ်ရေးလိုင်းလည်းမရှိသောကြောင့် ပြည်သူလူထုမှာ ပိုပြီး အခက်အခဲကြုံတွေ့ နေရသည်။ တာဝါတိုင်များ တယ်လီဖုန်းဆက်သွယ်ရေး လွယ်ကူအဆင်ပြေစေရန် လုပ်ဆောင်ရမှ ဖြစ်တော့မည်။ သတင်းအမှောင်ချထားခြင်း ပြင်ပကမ္ဘာနှင့်အဆက်အသွယ်ဝေးကွာနေသော
တောင်ပေါ်ဒေသဖြစ်လေသည်။ စစ်အာဏာရှင် ထိန်းချုပ်မှုအောက်မှ အမြန်ဆုံးလွတ်မြောက်အောင် ပြည်သူလူထုကို အသိမြင်များ ဖွင့်လာအောင်လုပ်ဆောင်ရပေတော့မည်။

တောင်ပေါ်ဒေသတွင် လက်နက်အားကိုး လုပ်အာဏာရှင်စနစ်ကို လျော့နည်းသွားအောင် လုပ်ဆောင် ရမည်။ သို့မဟုတ်ပါက နှစ်ပေါင်းများစွာကြာအောင် အမြစ်တွယ်နေတော့မည်ဟုမြင်မိပါသည်။ ချန်မူးခုံ ဒေသတွင် စစ်သားစုဆောင်းခံရသည့် မိသားစုများထဲတွင် သက်ကြီးရွယ်အိုကို လုပ်ကိုင်ရှာဖွေကျွေး မွေးနေသော သားများကိုပင် မချန်ထားဘဲ ခေါ်ယူနေမှုများကြောင့် လူမှုရေးပြသာနာများ ရင်ဆိုင်နေရ သည်။ ”မုဆိုးမအဘွားဦးကသူ့သားတယောက်ထဲဘဲရှိတယ်။ အဲ့တာကို စစ်သားလုပ်ဖို့ ခေါ်ယူသွား တယ်။ အခုအဲ့ဒီအဘွားအို ဘယ်သူမှမကြည့်ကြဘူး။ စားဖို့သောက်ဖို့လည်း ခက်ခဲနေတယ်” ဟု ဦးယိန်းဇုံးကဆိုသည်။

ဆိုင်းဗျူ