“စာချုပ်ကိုမြင်မှ လှုပ်ရှားမယ်ဆိုရင် ကျွန်တော်တို့ နောက်ကျသွားမှာ စိုးရိမ်တယ်”

 

သဘာဝပတ်ဝန်းကျင် ပညာရှင် ဒေါက်တာမြင့်ဇော်နှင့် တွေ့ဆုံခြင်း။

အက်စ်အမ်အေ

မြစ်ဆုံဆည်စီမံကိန်း အပြီးတိုင် ရပ်ဆိုင်းရေးအတွက် ဖြစ်နိုင်ငံခြေများကို အဖြေရှာခြင်း “ဧရာဝတီကို ပြန်ရွေးယူကြမယ်”  စကားဝိုင်းဆွေးနွေးပွဲကို ဧပြီ ၂၀ ရက်က ရန်ကုန်မြို့ နိုဗိုတယ်ဟိုတယ်တွင် ပြုလုပ်ခဲ့သည်။ အဆိုပါ ဟောပြောပွဲတွင် မြစ်ဆုံစီမံကိန်း ရပ်တန့်ရေးအတွက် ပြည်သူတစ်ဦးလျှင် တစ်ဒေါ်လာနှုန်းထည့်ဝင်ပြီး တရုတ်ကို လျော်ကြေးပေးမည့် လှုပ်ရှားမှုအစီအစဉ်ကိုလည်း ဧရာဝတီကို ပြန်ရွေးယူကြမယ် ဦးဆောင်သူများ က ထုတ်ဖော်ပြောကြားလိုက်သည်။ ယင်းလုပ်ဆောင်မှုနှင့် ပတ်သက်ပြီး ထောက်ခံသူများ၊ ဝေဖန်သူများလည်း ရှိခဲ့သည်။

ထို့ကြောင့် ဧရာဝတီကိုပြန်ရွေးယူကြမယ် အစီအစဉ် ဦးဆောင်သူများတွင်ပါဝင်သည့် သဘာဝပတ်ဝန်း ကျင်ပညာရှင် ဒေါက်တာမြင့်ဇော်နှင့် ယနေ့ခေတ်က ဆက်သွယ်မေးမြန်းထားသည်များကို ဖော်ပြလိုက်ပါသည်။

မေး။ ။ ဧရာဝတီကို ပြန်ရွေးယူကြမယ်ဆိုပြီး လှုပ်ရှားမှု လုပ်ဆောင်ရတဲ့ ရည်ရွယ်ချက်ကို သိချင်ပါတယ်။

ဖြေ။ ။ ကျွန်တော်တို့ရဲ့ ဧရာဝတီကိုပြန်ရွေးယူကြမယ်လှုပ်ရှားမှုက အဓိကတော့ ဧရာဝတီနဲ့ပတ်သက်လို့ တစ်နိုင်ငံလုံးက ရည်ရွယ်ချက်တူတယ်။ မြစ်ဆုံရေကာတာကို ရပ်တန့်ချင်တယ်။ ဒါပေမယ့် နည်းလမ်းမှာတော့ ဘယ်လိုနည်းလမ်းနဲ့ရပ်တန့်ရမလဲဆိုတဲ့အခါမှာ အားလုံးလက်ခံနိုင်တဲ့ နည်းလမ်းတစ်စုံတစ်ရာကို ကျွန်တော်တို့ အစပြုကြည့်မယ်ပေါ့။ တခြားတခြားသော စိတ်ကူးစိတ်သန်းတွေလည်း ပေါ်လာမယ်ပေါ့။ ဒီလိုစိတ်ကူးနဲ့ ကျွန် တော်တို့ လုပ်ခဲ့တာပါ။

မေး။ ။ ဒီအဖွဲ့ကို ဖွဲ့စည်းဖြစ်ပုံနဲ့ ပတ်သက်ပြီးသိချင်ပါတယ်။

ဖြေ။ ။ စဖွဲ့ကတည်းက အားလုံးက အဖွဲ့အစည်းကြီးဆိုပြီး ဖွဲ့ထားတာမဟုတ်ဘူး။ အားလုံးသိတဲ့အတိုင်း ပဲ သဘာဝပတ်ဝန်းကျင်နဲ့ ပတ်သက်လို့ကော၊ အနုပညာနဲ့ ပတ်သက်လို့ကော သိက္ခာကြီးတဲ့ အောင်မြင်မှုကြီး ကြီးရှိပြီးသားလူတွေပဲ။ သူတို့သည် သူတို့အကျိုးစီးပွား အတွက်ဘာမှမဟုတ်ဘူး။ သူတို့ဘဝတစ်လျှောက်မှာ အမြင့်ဆုံးသော အောင်မြင်မှုရပြီးသားလူတွေ အနာဂတ်မျိုးဆက်နဲ့ အများပြည်သူကြုံရမယ်အခက်အခဲအပေါ် မှာ သူတို့စိတ်ပူပန်ပြီးတော့ လှုပ်ရှားကြတဲ့သူတွေပေါ့။ အဲ့တော့အဖွဲ့အစည်းရယ်လို့ ဘာလို့မဟုတ်ဘဲ တစ်သီး ပုဂ္ဂလစိတ်ဆန္ဒနဲ့ အားလုံးဝိုင်းဝန်းတိုင်ပင်ပြီးတော့ လုပ်ကြတာမျိုးပါပဲ။

မေး။ ။ လက်ရှိလှုပ်ရှားမှုအပိုင်းမှာကော ဘယ်လိုအခြေနေရောက်ပြီလဲ။

ဖြေ။ ။ အခုတော့ ဒီလိုစိတ်ကူးစိတ်သန်းလေးတွေကို ဒီလိုလေး လုပ်ကြရင်ကောင်းမလားဆိုတဲ့ အများ သိအောင် ချပြရုံပဲရှိပါသေးတယ်။ ဒီအပေါ်မှာအများပြောဆိုတာတွေ၊ ဆွေးနွေးတာတွေ ကျွန်တော်တို့ နား ထောင်ကြတဲ့ အဆင့်ပေါဗျာ။

မေး။ ။ ဒီလှုပ်ရှားမှုနဲ့ ပတ်သက်ပြီး ဘယ်အတိုင်းအတာထိမျှော်လင့်ထားပါသလဲ။

ဖြေ။ ။ ကျွန်တော်တို့ မျှော်လင့်ချက်ဆိုရင် ကျွန်တော်တို့ စိတ်ကူးစိတ်သန်းတွေ ထွက်လာကြမယ်။ ဒါက နောက်ဆုံးမှာ ဆုံးဖြတ်ရမှာက အစိုးရကဆုံးဖြတ်ရမှာပေါ့။ အစိုးရကဒါကို ဒီလိုပေးလျော်ကြမယ်ဆိုပြီး ဆုံးဖြတ် ရင်ကျွန်တော်တို့အနေနဲ့၊ ပြည်သူတွေအနေနဲ့ တတ်နိုင်တဲ့ဘက်က ထည့်ဝင်ဖို့ အဆင်သင့်ဖြစ်အောင် ဆော်သြ ထားမယ်ပေါ့။ အဲ့လိုမျိုး တွေးထားတာလဲရှိပါတယ်။

မေး။ ။ ဒီလှုပ်ရှားမှု စတင်လုပ်ဆောင်ကတည်းက ဝေဖန်ပြောဆိုမှုတွေရှိတဲ့အပေါ် ဘာများပြောချင်ပါသလဲ။

ဖြေ။ ။ သူတို့ဝေဖန်တာတွေသည်လည်း အားလုံးဟာ နည်းစနစ်ပိုင်းဆိုင်ရာအရ တစ်ယောက်နဲ့တစ် ယောက် အပေးအယူမတူကြတာပဲဖြစ်တယ်။ အများစုကြီးကတော့ ပန်းတိုင်က ဒီရေကာတာကြီးဖျက်သိမ်းဖို့မှာ တူညီကြတယ်။ အဲ့ဒီအတွက် ကျွန်တော်တို့အနေနဲ့ သဘောထားကွဲလွဲနေတာသည် သိပ်အရေးမကြီးဘူး။ ကျွန် တော်တို့ဦးတည်ချက်၊ မျှော်လင့်ချက်တူကြတယ်ဆိုတဲ့အပေါ်မှာပဲ ကျွန်တော်တို့ အပြုသဘော အကောင်းမြင်ပါ တယ်။

မေး။ ။ စာချုပ်ကိုတောင် မမြင်ရသေးဘဲ ဒီလှုပ်ရှားမှုလုပ်တာ အဆင့်ကျော်လုပ်တယ်ဆိုပြီး ဝေဖန်တာတွေလည်း ရှိပါတယ်။ အဲ့ဒီအပေါ်မှာ ဘာများပြောချင်ပါသလဲ။

ဖြေ။ ။ ကျွန်တော်တို့က စာချုပ်မှမသိရဘဲ လျော်မယ်ဆိုတဲ့ကိစ္စဟာ တဆင့်ကျော်မနေဘူးလားပေါ့။ အဲ့ လိုပြောတာရှိတယ်။ သို့သော် ကျွန်တော်တို့တွေးတဲ့အပိုင်းက စာချုပ်ကိုမြင်မှ လှုပ်ရှားမယ်ဆိုရင် ကျွန်တော်တို့ နောက်ကျသွားမှာ စိုးရိမ်တယ်။ တကယ့်လျော်ကြစားကြမယ်ဆိုတဲ့ကိစ္စမျိုးတွေ သည် ဒီစာချုပ်အပေါ်ပဲ အခြေခံ ရမှာ။ စာချုပ်ကို မသိဘဲနဲ့ မထုတ်ပြန်ပဲလို့ လုပ်လို့ရတဲ့အခြေအနေ မဟုတ်ဘူး။ သို့သော် ကျွန်တော်တို့ကတော့ ကိုယ့်ပြည်သူတွေသည် အဆင်သင့်ဖြစ်နေတယ်ဆိုတာကိုပဲ ပြောချင်တော့ စာချုပ်မြင်ရခြင်း၊ မမြင်ရခြင်းက လောလောဆယ်အတွက် ကိုယ်တွေတတ်နိုင်တဲ့အပိုင်းထဲမှာမပါနေဘူး။ အဲ့တော့ ကိုယ်တွေတတ်နိုင်တဲ့အပိုင်း ကပဲ တောင်းဆိုမှုတွေကို၊ လှုပ်ရှားမှုတွေကို  လုပ်မယ်ဆိုတဲ့ရည်ရွယ်ချက်ပေါ့ဗျာ။ အဲ့ဒီရည်ရွယ်ချက်နဲ့ လုပ်တာ ကို ပြောလိုက်ကြတာကလည်း စာချုပ်တောင် မမြင်ရသေးပါလားဆိုတဲ့အသံ ပေါ်လာတာသည်လည်းပဲ ဒီလိုမျိုး စုစည်း လှုပ်ရှားပြီးပြောကြတဲ့ကိစ္စရဲ့ ဘေးထွက်အကျိုးရလဒ်တစ်ခုအနေနဲ့ ဒါတွေသိဖို့မြင်ဖို့ လိုပါလားဆိုတဲ့ အ မြင်မျိုး ပြောဆိုလာကြတာကို ရလဒ်တစ်ခုအနေနဲ့ ကျွန်တော်တို့တွေးပါတယ်။

မေး။ ။ မြစ်ဆုံနဲ့ ပတ်သက်ပြီး ဘယ်အတိုင်းအတာထိ ဆက်လုပ်သွားဖို့ ရည်ရွယ်ထားလဲ။

ဖြေ။ ။ ကျွန်တော်တို့တစ်တွေမြစ်ဆုံနဲ့ ပတ်သက်လို့၊ ဧရာဝတီမြစ်နဲ့ပတ်သက်လို့ လုပ်ခဲ့ကြတာ ကြာခဲ့ ပြီ။ ကို်ယ်တတ်နိုင်တဲ့နည်းလမ်းတွေ၊ တတ်နိုင်တဲ့အပိုင်းတွေက ဆက်လုပ်ကြမှာပေါ့။ တစ်ခါတည်းနဲ့ပြီးမယ့်ဟာ တွေလည်းမဟုတ်ဘူး။ ဒီနိုင်ငံရဲ့ ရေမြေသဘာဝပတ်ဝန်းကျင် ဒါကြီးတစ်ခုလုံးကို ကာကွယ်စောင့်ရှောက်ဖို့ ကိစ္စ ဆိုတာလည်း အချိန်အကြာကြီး၊ လူတွေအများကီး အားလုံးတက်တက်ကြွကြွ လုပ်ကြရမယ့် ကိစ္စဖြစ်တယ်။ နိုင် တာတွေဆက်လုပ်ကြမယ်ဆိုတဲ့ ပုံစံမျိုးတွေးထားပါတယ်။

မေး။ ။ အစိုးရပိုင်းတာဝန်ရှိသူတွေကို ဘယ်လိုမျိုးမက်ဆေ့ပေးဖို့ရှိလဲ။

ဖြေ။ ။ ကျွန်တော်ထင်တယ်ဗျ။ အဲ့ဒီနေ့ကလည်း ကျွန်တော်တို့ ပြောကြတဲ့အထဲမှာလည်းပါပါတယ်။ ဒါက အစိုးရချင်းလုပ်တဲ့ကိစ္စတွေဖြစ်တဲ့အတွက် အစိုးရကပဲဆုံးဖြတ်ရမယ်။ သို့သော် အစိုးရသည် ပြည်သူရဲ့ အသံနဲ့ ဆုံးဖြတ်မယ်လို့ ကျွန်တော်တို့ အားလုံးကမျှော်လင့်တယ်။ ကျွန်တော်တို့အားလုံးစုဝေးကြတာသည် ပြည်သူ့အသံ၊ ပညာရှင်တွေအသံ ကျွန်တော်တို့တွေရဲ့ စိုးရိမ်မှုကိုထုတ်ဖော်တာ။ သူတို့တွေအနေနဲ့ ကြားတဲ့ မြင် တဲ့အပေါ်မှာ သင့်တော်တဲ့အဖြေမျိုး ရှာကြလိမ့်မယ်လို့ မျှော်လင့်ပါတယ်။

မေး။ ။ ဧရာဝတီကို ပြန်ရွေးယူကြမယ်လှုပ်ရှားမှုနဲ့ပတ်သက်ပြီး ပြည်သူတွေကို ဘာပြောချင်လဲ။

ဖြေ။ ။ ကျွန်တော်တို့ရဲ့ သဘာဝပတ်ဝန်းကျင်အရပဲကြည့်ကြည့်၊ ငြိမ်းချမ်းရေးအလားအလာ အရပဲ ကြည့်ကြည့်၊ နိုင်ငံတစ်ခုရဲ့ ဖြစ်တည်မှု အရပဲကြည့်ကြည့် ဒါဟာ အင်မတန်အခရာကျတဲ့ ကျွန်တော်တို့ရဲ့ အ သည်းနှလုံးလို့ ပြောလို့ရတယ်။ အဲ့ဒီနေရာမှာဖြစ်မယ့် အပျက်အစီးတွေဟာ သဘာပတ်ဝန်းကျင်အပေါ် ရိုက် ခတ်တာရှိမယ်။ ပြည်သူ့ဘဝတွေအပေါ် ရိုက်ခတ်တာရှိမယ်။ နောက်ကျွန်တော်တို့ တိုင်းရင်းသားပြည်သူတွေအ နေနဲ့ ဒါကြီးသာလုပ်လိုက်ရင် တစ်သက်လုံး မကျေနပ်တွေနဲ့ ငြိမ်းငြိမ်းချမ်းချမ်းနေနိုင်ကြမှုတွေဆုံးရှုံးမယ်။ ကမ္ဘာ့ ရာသီဥတု ပြောင်းလဲနေတဲ့အချိန်မျိုးမှာ ဒီလိုအချက်အခြာကြတဲ့ နေရာကြီးတစ်ခုကို တရုတ်ပြည်ရဲ့ စီမံအုပ် ချုပ်မှုအောက် ရောက်သွားမယ့်အနေအထားမျိုးဟာ အင်မတန်မှအန္တရာယ်ကြီးတယ်။ အခုဖြစ်ပျက်နေတဲ့ အပူ ချိန်တွေ၊ ပြောင်းလဲမှုတွေနဲ့ တွေးကြည့်လို့ရတာပေါ့။ အဲ့တော့ တခြားတခြားသော အရေးကြီးတဲ့ ကိစ္စတွေရှိပါ တယ်။ ဒါပေမယ့် ဒီမြစ်ဆုံအရေးကတော့ အင်မတန်မှ အတိမ်းစောင်းမခံတဲ့ တကယ့်အရေးပေါ်အခြေအနေ တစ်ခုဆိုတာ ပြောချင်တယ်။

မေး။ ။ နောက်ဆုံးဘာများဖြည့်စွက်ပြောချင်ပါသလဲ။

ဖြေ။ ။ ကျွန်တော်တို့နိုင်ငံမှာ အရေးပေါ်နေတဲ့ အရေးကြီးနေတဲ့ အခြေနေတွေ အများကြီးရှိတယ်။ ရေတိုပြင်ဆင်ရမယ့်ကိစ္စ၊ ရေရှည်ပြင်ဆင်ရမယ့် ကိစ္စတွေရှိတယ်။ ဒီအခြေနေကတော့ တစ်ခုခုဆုံးဖြတ်ပြီးသွားမှ ဆိုရင် ကျွန်တော်တို့ ဧရာဝတီကို မကယ်လိုက်နိုင်မှာ၊ ကျွန်တော်တို့ မြစ်ဆုံကို မကယ်လိုက်နိုင်မှာ စိုးရိမ်တယ်။ အဲ့ဒီအတွက် ကျွန်တော်တို့တစ်တွေ အလောတကြီးအလျင်စလို အဖြေရှာဖို့ဆီကိုရောက်အောင် လှုပ်ရှားကြ တယ်ဆိုတာပြောချင်တယ်။ ပြည်သူတွေအနေနဲ့လည်း ကိုယ့်အမြင်ကိုယ့်အတွေးတွေနဲ့ ဘယ်လိုမျိုး ဖြေရှင်းကြ ရင်ကောင်းမလဲလို့ ဝိုင်းဝန်း ပြောဆိုဆွေးနွေးလာကြရင် ကျွန်တော်တို့ အင်အားရှိလာမယ်လို့မြင်ပါတယ်။

 

အက်စ်အမ်အေ