တစ်ကျော့ပြန် ရန်ကုန်မြို့သစ်စီမံကိန်းနှင့် ပေါ်ထွက်လာနိုင်သည့် ဘေးထွက်ဆိုးကျိုးများ

၁၉၈၈ နောက်ပိုင်း စစ်အာဏာရှင်အုပ်ချုပ်ရေးကို သက်ဆိုးရှည်စေရန် အဓိကကျားကန်ပေးခဲ့သည့် တရုတ်ကို မြန်မာလူထုက မုန်းတီးခဲ့ပါသည်။ လူထု၏ တရုတ်အပေါ်မုန်းတီးမှုကို တရုတ်အစိုးရ၊ မြန်မာစစ်အာ ဏာရှင်များနှင့် တစ်ချိန်က စစ်အာဏာရှင်တို့၏ အတိုက်အခံပါတီဖြစ်သည့် အန်အယ်လ်ဒီပါတီတို့က ကောင်း ကောင်းသိကြပါသည်။ ထို့ကြောင့် အတိုက်အခံပါတီဘဝတုန်းက ဒေါ်အောင်ဆန်းစုကြည်က တရုတ်ကို ပြော လေ့ရှိသည်မှာ မြန်မာအစိုးရနှင့် တရုတ်အစိုးရကြား အစိုးရချင်း ဆက်ဆံရေးကောင်းမွန်နေရုံဖြင့် မပြီးဘဲ နှစ် ဖက်ပြည်သူများကြားတွင်လည်း ဆက်ဆံရေးကောင်းရန်လိုသည်ဟူ၏။

တရုတ်-မြန်မာ ဆက်ဆံရေးတွင် တရုတ်သည် အစိုးရချင်းဆက်ဆံရေးကို တည်ဆောက်ရုံသာမက လက်ရှိအာဏာရထားသည့် မည်သည့်မြန်မာအစိုးရ လက်ထက်ဖြစ်စေ၊ အစိုးရကို အဓိကဒုက္ခပေးနိုင်သည့် အတိုက်အခံတစ်ဖွဲ့ဖွဲ့ကို အစဉ်အမြဲ ဆက်ဆံရေးတည်ထောင် ထားခြင်းဖြစ်ပါသည်။ စင်စစ်နိုင်ငံရေးပရိ ယာယ် ကြွယ်လျက် မီးစတစ်ဖက် ရေမှုတ်တစ်ဖက်ဝါဒကို ကျင့်သုံးခြင်းဖြစ်ပါသည်။ ဒေါ်အောင်ဆန်းစုကြည်ကို အတိုက် အခံခေါင်းဆောင်ဘဝကတည်းက တရုတ်သို့ လာရောက်ရန်ဖိတ်ကြားပြီး လူထုထောက်ခံ မှုရနေသော နိုင်ငံရေး သမားအဖြစ် အလေးထားကြောင်းပြသလျက် ဆက်ဆံရေးနှောင်တည်းထားခဲ့ပါသည်။ မီးစတစ်ဖက် ရေမှုတ် တစ်ဖက်ဝါဒအပေါ် အတိတ်ကို ပြန်ကြည့်ပါကလည်း ထင်ရှားစွာမြင်တွေ့ နိုင်ပါသည်။

တော်လှန်ရေးကောင်စီခေတ်တုန်းက ဗိုလ်ချုပ်ကြီးနေဝင်းအစိုးရနှင့် ဆက်ဆံသကဲ့သို့ပင် ဗမာပြည်ကွန် မြူနစ်ပါတီနှင့် တရုတ်ကြားခိုင်မြဲသည့် ဆက်ဆံရေးရှိခဲ့ပါသည်။ တော်လှန်ရေးကောင်စီအစိုးရအဖွဲ့ဝင်တချို့ နှစ်နိုင်ငံအရေးကြောင့် တရုတ်သို့ သွားရသည့်အခါများ၌ တရုတ်ကွန်မြူနစ်ပါတီမှ တာဝန်ရှိသူများကို အလယ် တွင်ထား၍ တော်လှန်ရေးကောင်စီဝင်စစ်ဗိုလ်များနှင့် ဗမာပြည်ကွန်မြူနစ်ပါတီ ပေါ်လစ်ဗျူရိုအဖွဲ့ ခေါင်းဆောင် တို့ မျက်နှာချင်းဆိုင်ထိုင် တွေ့ဆုံရသည့်အခါများပင် ရှိခဲ့ပါသည်။ အလယ်ရိုးမကို ခြေကုပ်ယူထားသော ကွန် မြူနစ်များပြိုကွဲချိန်တွင် ဗမာပြည်ကွန်မြူ နစ်ပါတီဝင်များကို တရုတ်ကလက်ခံထားပြီး ကူညီထောက်ပံ့ခဲ့ပါသည်။ တရုတ်၏ အဆိုအရ ဗမာပြည်ကွန်မြူနစ်ပါတီနှင့် တရုတ်ကွန်မြူနစ်ပါတီကြား ပါတီ – ပါတီချင်းဆက် ဆံရေးသာ ဖြစ်သည်။ ဗမာပြည်ကွန်မြူနစ် ပါတီနှင့် တရုတ်အစိုးရကြားမှ ဆက်ဆံရေးမဟုတ်ဟု တော်လှန်ရေးကောင်စီ အစိုးရကို တရုတ်ကဆင်ခြေပေးပါသည်။ မြစ်ဝကျွန်း ပေါ်ဒေသရှိ လက်နက်ကိုင်အဖွဲ့များကို တပ်မတော်က ဖြတ်လေးဖြတ်ဖြင့် ထိုးစစ်ဆင် တိုက်ခိုက်သောအခါ ဗမာပြည်ကွန်မြူ နစ်ပါတီသည် မြစ်ဝကျွန်းပေါ်ဒေသရှိ စခန်းများကို ဖျက်သိမ်းခဲ့ရသည်။ အလယ်ရိုးမကို ခြေကုပ်ယူရပ်တည်ခဲ့ရပါသည်။ ထို့နောက် သခင်သန်း ထွန်းလုပ်ကြံခံရသည်။ ထို့နောက် ဗမာပြည်ကွန်မြူနစ်ပါတီ အင်အားချည့်နဲ့လာပြီး ပြည်မတွင် မရပ် တည်နိုင် တော့ပေ။ နယ်စပ်ဒေသသို့ ဗမာပြည်ကွန်မြူနစ်ပါတီ ခြေကုပ်ယူရပ်တည်ရ ချိန်တွင် တရုတ်ကွန်မြူနစ်ပါတီက ထောက် ပံ့ပေးထားခဲ့ပါသည်။ မြန်မာနိုင်ငံတွင် ဗမာပြည်ကွန်မြူနစ်ပါတီ မြေပေါ်မှပျောက် ကွယ်သွားရခြင်း သည် မြန်မာ့တပ်မတော်ကို တရုတ်က ကူညီပေးခဲ့၍ ဖြစ်ပါသည်။ မြန်မာ့တပ်မတော် တစ်ခုတည်းကြောင့် မြေ ပေါ်ကွန်မြူနစ်ပါတီ ကွယ်ပျောက်သွားခြင်း  မဟုတ်ပါ။

ထိုအခင်းအကျင်းများသည် ၁၉၆၂- ၁၉၈၇ ဝန်းကျင်က မြန်မာနှင့် တရုတ်၏ ဆက်ဆံရေး တစ်စိတ်တစ်ဒေသဖြစ်ပါသည်။ ထိုစဉ်က တရုတ်တို့ ရုန်းကန်နေရ ဆဲဖြစ်ပြီး စီးပွားရေးရှေ့တန်းရောက် နိုင်ငံ မဖြစ်သေးပါ။ သို့သော် မြန်မာကား စီးပွားရေးသာမက နိုင်ငံအရေးအားလုံး တဖြည်းဖြည်းကျလာပြီဖြစ်ပါသည်။ ၁၉၈၈ အရေးတော်ပုံကြီးတွင် လူထုကို ရက်ရက်စက်စက် ဖြိုခွဲခဲ့၍ နဝတ၊ နအဖ အစိုးရကို အနောက် နိုင်ငံ များက ဆေးဖော်ကြောဖက်မလုပ်သော်လည်း တရုတ်က အနီးကပ်ကူညီထောက်ပံ့ခဲ့ပါသည်။ သို့ဖြင့် စစ်အာ ဏာရှင်များအပေါ် တရုတ်သြဇာညောင်းလာပုံရပါသည်။ အာဏာကို လက်မလွှတ်ရရေးအတွက် တရုတ်ထံမှရ ယူရသည့် အကူအညီများ အားကိုးရမှုများကို အလကားပဲတင်းရခဲ့သည့် မဟုတ်ပါ။ ကျောက်ဖြူရေ နက်ဆိပ် ကမ်းစီမံကိန်းကို ပေးလိုက်ရသည်။ မြန်မာပြည်ကို ခါးတစောင်းပိုင်းသလိုဖြတ်၍ လုပ်ဆောင်ရမည့် စီမံကိန်း ဖြစ်ပါသည်။ တခြားစီမံကိန်းများစွာကိုလည်း တရုတ်နှင့်လက်တွဲလုပ်ရသည်။ ဧရာဝတီ မြစ်ဆုံစီမံကိန်းကို ပေးလိုက်ရသည်။ လက်ပံတောင်းတောင်ကြေး နီစီမံကိန်းကို ပေးလိုက်ရသည်။

ဧရာဝတီမြစ်ဆုံစီမံကိန်းကို လူထုက ပြင်းပြင်းထန်ထန် ကန့်ကွက်သောကြောင့် ဦးသိန်းစိန်အစိုးရက ၂ဝ၁၁တွင် ယာယီရပ်ဆိုင်းပေးခဲ့ပါသည်။ အလားတူပင် လက်ပံတောင်းတောင် ကြေးနီစီမံကိန်းကိုလည်း ပြည်သူက ပြင်းပြင်းထန်ထန် ကန့်ကွက်ခဲ့ ကြပါသည်။ လက်ပံတောင်းတောင်ကြေးနီ စီမံကိန်း သပိတ်စခန်းကို လုံခြုံရေးတပ်ဖွဲ့များက မီးလောင်ဗုံးဖြင့် ပစ်ခတ်ဖြိုခွဲခဲ့၍ ပြဿနာပိုမို ကြီးထွားလာချိန်တွင် ဒေါ်အောင်ဆန်းစု ကြည် ပါဝင်ဖြေရှင်းပေးခဲ့ရပါသည်။ ဦးသိန်းစိန်အစိုးရ သက်တမ်းကုန်လုကုန်ခင်တွင် တက်သုတ်ရိုက် အကောင် အထည်ဖော်မည်ပြုသည့်စီမံကိန်းမှာ၊ ရန်ကုန်မြို့သစ်စီမံကိန်း ဖြစ်ပါသည်။ ဤစီမံကိန်းကို ရန်ကုန်တိုင်းဒေ သကြီး လွှတ်တော်ထဲတွင် ကိုယ်စားလှယ်တချို့က ပြင်း ပြင်းထန်ထန်ထောက်ပြ ကန့်ကွက်ခဲ့ကြပါသည်။

ဝီးကိလိအလဲဗင်းဂျာနယ်၊ သတင်းစာနှင့် တူမောရိုးဂျာနယ်များက ရန်ကုန်မြို့သစ်စီမံကိန်းနှင့် ပတ် သက်သည့် အသေးစိတ်အချက်အလက်များကို ဖော်ထုတ်ပေးခဲ့ကြပါသည်။ ယူနန်ပြည်နယ်မှ မြန်မာနိုင်ငံတွင်း လာရောက်နေထိုင်သည့် တရုတ်ညီနောင် ၃ဦးအနက် ရှောက်စန်းနှင့် ထိုစဉ်ကရန်ကုန် တိုင်းဒေသကြီးဝန်ကြီး ချုပ်၏သမက်တို့ ပူးတွဲလုပ်ဆောင်မည့် စီမံကိန်းဖြစ်ကြောင်း မီဒီယာများက ဖော်ထုတ်ရေးသားပေးခဲ့ ကြပါ သည်။ သို့ဖြင့် ဦးသိန်းစိန်အစိုးရ သက်တမ်းပြည့်ခါနီး စတင်လုပ်ဆောင်မည့် ရန်ကုန်မြို့သစ်စီမံကိန်းကို မစ တင်ခဲ့ရတော့ပေ။

၂ဝ၁၅ ရွေးကောက်ပွဲတွင် အန်အယ်လ်ဒီပါတီကို မဲပုံပေးခဲ့ခြင်းအကြောင်းများအနက် အန်အယ်လ်ဒီအ စိုးရတက်လာပါက တရုတ်ထံ တိုင်းပြည်၏ သယံဇာတများကို အောက်ဈေးဖြင့် ထိုးရောင်းမည်မဟုတ်၊ မြစ်ဆုံကိုဆက်လုပ်မည်မဟုတ်၊ စီမံကိန်းများကိုပေါပေါပဲပဲ တရုတ်လက်သို့ ထိုးအပ်မည်မဟုတ်ဘဲ ဆင်းရဲနေ သည့် မြန်မာနိုင်ငံ အနေဖြင့် တရုတ်ကို တန်းတူရည်တူ ဆက်ဆံနိုင်ခြင်း မရှိစေကာမူ ဆင်းရဲသူတို့ ရှိရမည့် အောက်မာနဖြင့် သိက္ခာရှိရှိ ဆက်ဆံ မည်ဟု ယုံကြည်မှုသည်မဲပေးခဲ့သည့် အကြောင်းရင်း တစ်ရပ်ဖြစ်ပါသည်။ သို့သော် အန်အယ်လ်ဒီအစိုးရလက်ထက် မြစ်ဆုံစီမံ ကိန်းပြန်လည်လုပ်ဆောင်ရေးကို တရုတ်ဘက်က တောင်း ဆိုလာချိန်တွင် အန်အယ်လ်ဒီအစိုးရ၏ အပြောတချို့ကားမြန်မာလူ ထုလုံးဝမျှော်လင့်မထားသော အပြောမျိုး ဖြစ်နေခဲ့ပါသည်။  ယခုထိ မြစ်ဆုံနှင့်ပတ်သက်၍ အစိုးရထံမှ တိကျပြတ်သားသော ဆုံးဖြတ်ချက် ထွက်မလာ သေးသော်လည်း ၂ဝ၁၅ တုန်းက လူထုပူပန်ခဲ့ကြသည့် ရန်ကုန်မြို့သစ်စီမံကိန်းကို စတင်တော့မည် ဖြစ် ကြောင်း ရန်ကုန်တိုင်းဝန်ကြီးချုပ် ဦး ဖြိုးမင်းသိန်းက ထုတ်ဖော်ပြောဆိုလိုက်ပါသည်။

ဦးသိန်းစိန်အစိုးရလက်ထက်တုန်းက မီးရထားဝန်ကြီးဦးအောင်မင်းက ”ကျွန်တော်တို့က တရုတ်ကို ကြောက်နေရတာပါ” ဟု ထုတ်ပြောခဲ့သည့်တိုင် ရန်ကုန်တရုတ်တန်းဖြစ်သည့် လသာလမ်းတစ်ဝိုက်တွင် တရုတ်နှစ်သစ်ကူးပွဲကို တရုတ်များက သူ တို့ဘာသာ သာမန်ကျင်းပခဲ့ကြပါသည်။ တရုတ်နှစ်ကူးသည့်နေ့တွင် လသာလမ်း တစ်ဝိုက် ကားလမ်းပိတ်ဆို့မှုမျှလောက်ကိုသာ ရန်ကုန်နေလူထုခံစားခဲ့ရပါသည်။ ဦးဖြိုးမင်းသိန်း ရန်ကုန်ဝန်ဖြစ်လာပါမှ တရုတ်တန်းတစ်ခုလုံး ရဲပတောင်းတောက် သည်ထိ တရုတ်မီးပုံးများချိတ်ဆွဲ၍ လမ်းမ ပေါ်တက် နှစ်သစ်ကူးပွဲတော်အဖြစ် ကျင်းပခွင့်ကို တရုတ်တို့ ရကြပေတော့သည်။

ရန်ကုန်တိုင်းအစိုးရက ရန်ကုန်မြို့သစ်စီမံကိန်းကိုပြန်လုပ်ရန် ၂ဝ၁၈တွင် လွှတ် တော်သို့တင်ပြသည့် အခါ ကိုယ်စားလှယ်တချို့က ရန်ကုန်တိုင်းအစိုးရ ကိုယ်တိုင်ကုမ္ပဏီ  တည်ထောင်ပါဝင်မှုကို ထောက်ပြခဲ့ကြပါ သည်။ ထို့ပြင်လွှတ်တော်သို့ ကြိုတင်သဘောတူညီချက်မယူဘဲ၊ မြို့သစ်စီမံကိန်းစမည်ဟု အသိပေးသည့်သ ဘောမျှသာတင်ပြခြင်းကို ဝေဖန်ကန့်ကွက်ခဲ့ပါသည်။ ကြည့်မြင်တိုင်တစ်ဖက်ကမ်း ရန်ကုန်မြို့သစ် စီမံကိန်း ကြောင့် ခြံကျယ်ဝန်းကျယ်ကြီးများဖြင့် တိုက်တာကောင်းများဖြင့် နေထိုင်နိုင်သည့် အခွင့်အရေးရကြ တော့မည်ဟု ဦးဖြိုးမင်းသိန်းပြောသည်ကို လူထုကကျေနပ်မှု လုံးဝမရှိခဲ့ပါ။ ကြည့်မြင်တိုင်တစ်ဖက်ကမ်း ရန်ကုန်မြို့သစ်စီမံကိန်းကို ခရိုနီတို့အတွက်လုပ်ဆောင်သည့် စီမံကိန်းဟု ဝေဖန်ခဲ့ကြပါသည်။ စီမံကိန်းကို လွှတ်တော်သို့ ဦးစွာတင်မပြခြင်းမှာ ယခင်အစိုးရလက် ထက်တွင် လွှတ်တော်က သဘောတူခဲ့ပြီးဖြစ်သည့် စီမံကိန်းဖြစ်နေခြင်းကြောင့်ဟု ဦးဖြိုးမင်းသိန်းကဆိုပါသည်။ ရန်ကုန်အစိုးရပိုင် ကုမ္ပဏီကို ကုမ္ပဏီများတည် ထောင်ခွင့် အထူးဥပဒေအရ လုပ်ဆောင်ခြင်းဟု ပြန်လည်ဖြေရှင်းခဲ့ပါသည်။ ထိုနောက် မြို့သစ်စီမံကိန်း အ သံပြန်တိတ်သွားပါသည်။

ယခုတစ်ဖန် လာမည့်ပွင့်လင်းရာသီတွင် ရန်ကုန်မြို့သစ်စီမံကိန်းကိုစတော့ မည်ဟု ဦးဖြိုးမင်းသိန်းက ထုတ်ပြောခဲ့ပါသည်။ ထိုစီမံကိန်းကို ဝေဖန်သံများလည်း ဆူညံလာပါသည်။ တရုတ်နှင့် မြန်မာစီးပွားရေး အ ခြေအနေများစွာ မကွာခြားသည့်အချိန်တုန်းက၊ မြန်မာနိုင်ငံရပ်တည်ရေးအတွက် ကမ္ဘာ့အလယ်တွင် တရုတ်ထံ မမှီခိုရသည့် အချိန်၊ မြန်မာအစိုးရ မိမိခြေထောက်ပေါ် မိမိရပ်တည်နေနိုင်သည့်အချိန်ကပင် တရုတ်သည် ဗမာပြည်ကွန်မြူနစ်ပါတီ ကို ပါတီ-ပါတီချင်း ဆက်ဆံရေးဟူသော အကြောင်းပြချက်ဖြင့် မြန်မာကို နိုင်ငံရေးနှင့် စစ်ရေးအရ အပေါ်စီးယူထားခဲ့သည့် နိုင်ငံဖြစ်ပါသည်။ ယခု မြန်မာတိုင်းရင်းသား လက်နက်ကိုင်အဖွဲ့ တချို့ သည် တရုတ်ကို အားပြုနေကြရပေရာ မြန်မာနိုင်ငံအတွက် ပြည်တွင်းစစ်ချုပ်ငြိမ်းရေးနှင့် ထာဝရငြိမ်း ချမ်းရေး ရရှိရေး ဆွေးနွေးရသည့်အခါ တရုတ်ပါဝင်လာဦးမည်ဖြစ်ပါသည်။ ပြည်တွင်း ငြိမ်းချမ်းရေးဖော်ဆောင်နိုင်ရန် ရန်ကုန်မြို့သစ်စီမံကိန်းကို အလဲအထပ်လုပ် လိုက်ရလေသလား။

အန်အယ်လ်ဒီအစိုးရသည် အတိုက်အခံဘဝတုန်းက လူထုအပေါ် ပွင့်လင်းမြင်သာစွာ ပြောဆိုဆက်ဆံ ခဲ့သော်လည်း အာဏာရလာချိန်တွင် လူထုအပေါ်ပွင့် လင်းမြင်သာချပြမှု အလွန်အားနည်းသွားပါသည်။ မြစ်ဆုံအရေးတွင်လည်း ယခုထိရေငုံနှုတ်ပိတ်။ ရန်ကုန်မြို့သစ်စီမံကိန်းကို မလိုအပ်ပါက မလုပ်ပါနှင့်ဟု သမ္မတ ဦးဝင်းမြင့် ကိုယ်တိုင်ပြောကြားခဲ့ပါလျက် စတင်ရန် ပြင်ဆင်လာကြပြန်ပါသည်။ ရန်ကုန် မြို့သစ်စီမံကိန်းတွင်၊ တရုတ်ဘက်ကများစွာ အသာစီးယူထားသည့် အကျိုးအမြတ်ခွဲဝေမှုနှင့် မြေလျော်ကြေးပေးသည့်ဈေး လျော့ နည်းနေမှု၊ တရုတ်သို့မြေဧက ၁၆၈ဝဝဝ ရောင်းချရာတွင် မြေဈေးနည်းပါးသည့်ကိစ္စ၊ စီမံကိန်းတွင် ဝင်လာမည့် ငွေမည်းများပြဿနာ၊ ရန်ကုန်အစိုးရက ပါဝင်ဆောင်ရွက်သည့်ကိစ္စ၊ တရုတ်ရရှိသွားမည့် မြန်မာ့ ပထဝီနိုင်ငံ ရေး၊ တရုတ်ထံ မြန်မာတင်ရှိမည့် ကြွေးမြီမှ တစ်ဆင့် သီရိလင်္ကာကဲ့သို့ ရင်ဆိုင်ရနိုင်သည့် အခြေအနေ စ သည်များကို ပညာရှင်များ၊ သိနားလည်သူများက ထောက်ပြဝေဖန်နေ ကြပြီဖြစ်ပါသည်။

ဤသို့ ထောက်ပြဝေဖန်မှုများစွာထွက်ပေါ်လာရခြင်းသည် ရန်ကုန်အစိုးရ၏ ပွင့် လင်းမြင်သာမှုအား နည်းခြင်း၊ ပြည်သူနှင့် လွှတ်တော်သို့ ကြိုတင်အသိပေးမှု မရှိခြင်း၊ (လွှတ်တော်သို့အနီးကပ်တင်ပြခဲ့ခြင်း၊ လွှတ် တော်ဘက်ကလေ့လာရန် လုံလောက်သည့် အချိန်မရခဲ့ခြင်း) အစိုးရပိုင် ကုမ္ပဏီတည် ထောင်ပါဝင်လုပ်ဆောင် လာခြင်းနှင့် မြန်မာနိုင်ငံ၏ အချုပ်အခြာအာဏာနှင့် ပထဝီနိုင်ငံရေးများ မြန်မာ့လက်တွင် လျော့ ပါးလာတော့ မည့်အရိပ်လက္ခဏာများကို မြင်တွေ့လာကြခြင်းတို့ကြောင့်ဖြစ်ပါသည်။ ယခင်အစိုးရလက်ထက်တွင် ရန်ကုန်မြို့ သစ်စီမံကိန်း လုပ်ဆောင်မည်ဆိုသည့်သတင်းကြောင့် ကြည့်မြင်တိုင် တစ်ဖက်ကမ်းရှိ လယ်မြေများ ဥယျာဉ်ခြံ မြေများကို ဈေးကောင်းပေး၍ ငွေကြေးရှိသူများက အလုအယက်ဝယ်ယူကြပါသည်။ ဝယ်သူအများစုက နိုင်ငံ ခြားသားတရုတ်များ။ နာမည်ခံဝယ်ပေးသူများက မြန်မာများ။ မြန်မာမတစ်ယောက်ဆိုလျှင် အထက်တန်း စာရေးရာထူးမှ ထွက်ပြီး တရုတ်တို့အတွက် အမည်ခံလယ်မြေ ဥယျာဉ်ခြံမြေ ဝယ်ယူပေးသည့် အလုပ်ဖြင့် ကွန်ဒိုတစ်ခန်းကား တစ်စီးဝယ်နိုင်သည့် အနေအထားဖြစ် သွားပါသည်။

ရန်ကုန်မြို့သစ်စီမံကိန်းအတွက် မြေဧက ၃ သန်းနီးပါး အသုံးပြုမည်ဟုဆိုပါသည်။ မြေအလွတ် ရှိနေပါက ထိုမြေပေါ်တွင်  အချိန်မရွေး မြို့ပြအဖြစ် ပြောင်းလဲ၍ရပါသည်။ သို့သော် မြို့သစ်တည်ပြီးပါက မြေဧက ၃ သန်းကိုပြန်ယူရန် မည်သည့်နည်းမျှမရှိတော့ပါ။ အန်အယ်လ်ဒီအတိုက် အခံပါတီဘဝတွင် ရှိနေစဉ်တုန်းက အလုအယက် လယ်မြေရောင်းနေသည့် လယ်သမားများကို ဒေါ်အောင်ဆန်းစုကြည်က လယ် မြေများ အလွယ်တကူမရောင်းချကြရန် သတိပေးဖူးပါသည်။ ဒေါ်အောင်ဆန်းစုကြည်က မြေဆိုသည်မှာ ထပ်ချဲ့ ယူ၍မရကြောင်း၊ လယ်မြေများကို လွယ်လင့်တကူမ ရောင်းစေလိုကြောင်း သတိပေးခဲ့ပါသည်။ဤစီမံကိန်းတွင် မြန်မာဘက်က ရင်းနှီး မြှုပ်နှံနိုင်မှု အလွန်နည်းပါးပြီး တရုတ်ဘက်က အလွန်များပြားနေခြင်းကို လူထုက သီရိ လင်္ကာဖြစ်ရပ်နှင့် ယှဉ်တွေးပူပန်ကြရပါသည်။ ရန်ကုန်မြို့သစ်စီမံကိန်းကို လုပ်ဆောင်ခွင့်ရထားသည့် တရုတ် ကုမ္ပဏီ စီလေးလုံး(CCCC)သည် သီရိလင်္ကာတွင် ကိုလံဘို ဆိပ်ကမ်းမြို့တော်စီမံကိန်းကို လုပ်ခွင့်ရထားသည့် ကုမ္ပဏီဖြစ်ပါသည်။ သီရိလင်္ကာမှ ဟန်ဘင်တိုတာဆိပ်ကမ်း (Han – bantota) ကို အကြွေးကြောင့် တရုတ် လက်ထိုးအပ်ရသည့်အဖြစ်မျိုး ရန်ကုန်မြို့သစ်စီမံကိန်းကြောင့်ဖြစ်လာမည်ကို မြန်မာလူထု ပူပန်နေကြရပြီဖြစ်ပါ သည်။

တရုတ်၏ လမ်းကြောင်းတစ်ကြောင်း ခါးပတ်တစ်စင်း စီမံကိန်းကို ၂ဝ၁၈ရောက်မှ ကမ္ဘာသို့ တရားဝင်ချပြခဲ့ သော်လည်း တရုတ်အတွင်းစည်း၌  စတင်လုပ်ဆောင်ခဲ့သည်မှာ ကြာခဲ့ပြီဖြစ်ကြောင်း ယူနန်နယ်သား ရှောက် စန်းမှတစ်ဆင့် ရန်ကုန်မြို့သစ်စီမံကိန်းကို ၂ဝ၁၅ကပင် စရန်အားထုတ်ခဲ့ခြင်းက ပြသနေပါသည်။ ရန်ကုန်မြို့ သစ်စီမံကိန်းသည် တရုတ်၏ လမ်းကြောင်းတစ်ကြောင်း ခါးပတ်တစ်စင်း ဧရာမစီမံကိန်းကြီးထဲမှ ခွေးသွား စိပ်ကလေးတစ်ခုသာဖြစ် သော်လည်း မြန်မာအတွက်မူ အဘက် ဘက်က နစ်နာမည်ဖြစ်ကြောင်း ပညာရှင် အသီးသီးက ထောက်ပြဝေဖန်နေကြပါပြီ။

ရှေ့တွင်လည်း မြန်မာအစိုးရလုပ်ဆောင်မည့် တရုတ်နှင့်ပတ်သက်သည့် စီမံကိန်းများအပေါ် အစိုးရ ဘက်က ပွင့်လင်း မြင်သာချမပြခြင်းနှင့် လူထုက မကျေနပ် ခြင်းများ ဆက်တိုက်ဖြစ်လာတော့မည်ဟု ယူဆရပါ သည်။ အန်အယ်လ်ဒီအစိုးရသည် ၅၄နှစ်နီးပါးကြာမြင့်ခဲ့သည့် အာဏာရှင် အစိုးရနေရာသို့ ရခဲ့သည့် လူထုတင်မြှောက် ပေးခဲ့သောပထမဆုံး အရပ်သားအစိုးရ ဖြစ်ပါသည်။ အင်အယ်လ်ဒီ၏ ပထမဆောင် ပုဒ်က ပြောင်းလဲချိန်တန်ပြီ။ အစိုးရသက် တမ်း ၁နှစ်ပြည့်ချိန်တွင် အစိုးရ ဆောင်ပုဒ်က ပြည်သူနှင့်အတူ။ သက်တမ်း ၂ နှစ်ပြည့် ချိန်တွင် အစိုးရဆောင်ပုဒ်က စုပေါင်းအင်အားဖြင့် လုပ်ဆောင်ကြမည်ဟူ၏။ ပြည်သူက အဆိုပါ ဆောင်ပုဒ် ၃ခုစလုံးကို လက်ခံခဲ့ကြပါသည်။ သို့သော် အပြောနှင့်အလုပ်ညီစေရန် အစိုးရဘက်က ပြသပေး ရမည် ဖြစ်ပါသည်။

အန်အယ်လ်ဒီအစိုးရ ရင်ဆိုင်နေရသည့် ဧရာဝတီမြစ်ဆုံစီမံကိန်း၊ ရန်ကုန်မြို့သစ်စီမံကိန်းများသည် ယခင်အစိုးရများ တစ်ပိုင်းတန်းလန်းကျန်ခဲ့သည့် စီမံကိန်းများ ဖြစ်ပါသည်။ ယခင်အစိုးရက လုပ်ဆောင်ခဲ့၍ နောက်အစိုးရက ကတိကဝတ် စောင့်ထိန်းရန် တာဝန်ရှိသည်ဆိုသော ဆင်ခြေကို လူထုက အံ့သြခဲ့ကြပါသည် မလေးရှားတွင် တရုတ်နှင့် လုပ်ဆောင်မည့် မီးရထားစီမံကိန်းကို ဖျက်သိမ်းလိုက်ခြင်း၊ အာဖရိက နိုင်ငံတချို့က တရုတ်နှင့် စီမံကိန်းများလုပ်ရန်မလိုလားတော့ခြင်း၊ OBOR လမ်းကြောင်းတစ်ကြောင်း ခါးပတ်တစ်စင်း စီမံကိန်းဝင်စာချုပ်များကို တချို့နိုင်ငံများက ပြန်ဖျက်သိမ်းလာကြပါသည်။ တခြားနိုင်ငံများပင် မိမိတိုင်းပြည် အကျိုးကိုမျှော်၍ တစ်ချိန်ကချုပ်ဆိုခဲ့စေကာမူ ဖျက်သိမ်းသင့်ပါက ဖျက်သိမ်းခဲ့ကြပါသည်။ အန်အယ်လ်ဒီအစိုးရ အနေဖြင့် သည်စီမံကိန်းများနှင့်ပတ်သက်၍ ရင်ဆိုင်နေရသည့် အကျဉ်းအကျပ်များကိုချပြပါ။ အတူစဉ်းစား ဖြတ်ကျော်ကြပါမည်ဟု ဥပဒေပညာရှင်များ၊ တခြားပညာရှင်များနှင့် လူထုကပြောသော်လည်း အစိုးရဘက်က တုံ့ပြန်မှုမရှိခဲ့ပါ။

မြန်မာအစိုးရသည် ယခင်အစိုးရအဆက်ဆက် ချေးယူခဲ့သည့် တရုတ်ကြွေးမြီများ၊ ပြည်တွင်းငြိမ်းချမ်းရေး တွင် တရုတ်ကိုင်ထားသည့် ဝှက်ဖဲ၊ လက်ရှိမြန်မာရင်ဆိုင်နေရသည့် ဘင်္ဂါလီအရေးကြောင့် ကုလ သမဂ္ဂတွင်တ ရုတ်ထံမှယူရမည့် ဗီတိုအာဏာတို့အတွက် စီမံကိန်းများကို လဲလှယ်ပေးနေရလေသလား။ မြန်မာလူထုသည် နိုင်ငံရေးအသိမြင့်မားကြပါသည်။ မြန်မာလူထုတစ်ကြိမ်မျှ မဲပေးမမှားခဲ့သေးပါ။ ၁၉၆ဝတွင် တပ်မတော်က ထောက်ခံခဲ့သည့်တည်မြဲကို ကြက်ခြေခတ်ပြီး သန့်ရှင်းကို မဲပေးခဲ့သည်။ ၁၉၉ဝ ပြည့်နှစ်တွင် မဆလတစ်ဖြစ်လဲ တစညကို ကြက်ခြေခတ်ပြီး အန်အယ်လ်ဒီကို မဲပေးခဲ့သည်။ ၂ဝ၁၅ တွင် အန်အယ်လ်ဒီတက်လာပါက အမျိုး၊ ဘာသာ၊ သာသနာပျက်လိမ့်မည်ဟု ၂ဝ၁၂ ကပင် စတင်လုပ်ဆောင်ခဲ့သူများကို ဆန့် ကျင်၍ အင်အယ်လ်ဒီကို ပုံအောမဲပေးခဲ့သည်။ သည်လို နိုင်ငံရေးအသိမြင့်မားသည့် လူထုကို လူထုတင်မြောက်ထားသည့် အစိုးရက ပွင့်လင်းမြင်သာချပြမှုမရှိဘဲ၊ တရုတ်နှင့် စီမံကိန်းများအား ဆက်လက်လုပ်ဆောင်မည်ဆိုပါက မြန်မာ့ဂုဏ် သိက္ခာ၊ အချုပ်အခြာအာဏာနှင့် ပထဝီနိုင်ငံရေးကို တရုတ်လက်ထိုးအပ်ရသည့် စီမံကိန်းများနှင့် လဲလှယ်ခဲ့သူ တရားခံအစစ်များအပေါ်တင်မည့် အမည်းစက်များသည် အန်အယ်လ်ဒီပေါ် စွန်းထင်းလာမည်ဖြစ်ပါသည်။ သည်စီ မံကိန်းများမှတစ်ဆင့် အနာဂတ်တွင် မြန်မာနိုင်ငံ၌ ကြီးမားသည့် ထိခိုက်မှုများ ပေါ်ပေါက်ခဲ့သော်၊ လူထုတင်မြှောက်ထားသည့် အစိုးရသည်သာ သမိုင်းတရားခံအဖြစ် ကမ္ပည်းမော်ကွန်း တင်ကျန်ရစ်မည်ဖြစ်ပါ သတည်း။

ခင်နှင်းဦး