ပန်းကန်ပြဿနာ

  စိုပြေ

မနေ့ညက ပန်းကန်တွေရိုက်ခွဲပစ်သည်။ သူများတွေထင်ကြမည်။ စိုပြေဆိုးသည်ဟု။ တကယ်လည်း ဆိုးပါသည်။ ဒါပေမဲ့ ပန်းကန်တွေရိုက်ခွဲရသည့် အကြောင်းရင်းကတော့ရှိသည်။ မွန်ကြီးဝန်ကြီးချုပ်က ပြောခဲ့ သည်။ ဟင်းတစ်မျိုးပဲစားဖို့။ ပထမရက်တွေကစိုပြေမသိသေး။ ဖေ့စ်ဘွတ်မသုံးသောကြောင့်ဖြစ်သည်။ မနေ့က မှဖေ့စ်ဘုတ်သုံးမိပြီးအဲ့သတင်းကိုတွေ့သည်။ မွန်ဝန်ကြီးချုပ်ကကုန်ဈေးနှုန်းကျအောင် ဟင်းတစ်မျိုးပဲစားလို့ဆို သည်။

အဲ့စကားကိုတွေ့တော့ စိုပြေတော်တော်ဒေါသထွက်သွားသည်။ တောက်။ မိုက်ရိုင်းလိုက်လေခြင်း။ ဆန်ကောလောက်မှဇောက်မနက်။ ငါဟာတော်တော်သောက်သုံးမကျတဲ့ကောင်ပါလားဟု အတွေးဝင်သွားလို့ ဖြစ်သည်။ အရင်ဝန်ကြီးတွေတုန်းကလည်း အဲ့လိုစကားမျိုး ခဏခဏပြောသည်။ ပြောတိုင်းလည်းပွဲဆူသည်။ အခုလည်း ခဏခဏပြောသည်။ ပြောတိုင်းပွဲဆူသည်သာ။

လူတွေက စေတနာကိုနားမလည်ကြ။ မလိုက်နာကြ။ ဝန်ကြီးချုပ်စကားတကယ် မှန်သည်။ စိုပြေတို့သာ ဟင်းတစ်မျိုးပဲစားလျှင်ကုန်ဈေးနှုန်းတွေကျမှာပေါ့။ တရုတ်ပြည်ပြန်လည်ထူထောင်တုန်းကဆို ဆန်ပြုတ်တွေပဲ စားကြတာတဲ့။ အခုလည်း မြန်မာနိုင်ငံကိုပြန်လည်ထူထောင်နေချိန်။ ဖြစ်နိုင်လျှင်ဆန်ပြုတ်တွေတောင် သောက် သင့်သည်။ အကုန်အကျလည်းသက်သာ ကျန်းမာရေးလည်းကောင်း။

အခုတော့ ဒီမှာကဆင်းရဲသားတွေတောင်ဆန်ပြုတ်ကိုမသောက်။ စိုပြေဆိုလည်း ဆန်ပြုတ်ကိုနေမ ကောင်းချိန်မှသာ သောက်ဖြစ်သည်။ အခုတော့ စိုပြေကိုယ် စိုပြေဒေါသထွက်မိသည်။ နေ့တိုင်းဟင်းနှစ်မျိုးသုံး မျိုးလောက်စားဖြစ်သည်။ ငါးဟင်းတစ်ပွဲ (ငါးကတော့ကိုယ်တိုင်မျှားတာ) အရွက်ကြော်တစ်ပွဲ။ တစ်ခါတလေ အ ရည်သောက်ချဉ်ရည်ဟင်းကပါသေးသည်။ ပြီးတော့ ငါးပိရည်တို့စရာ။ စဉ်းစားသာကြည့်တော့ စိုပြေဟာ ဒီလောက်စားနေမှဖြင့် ကုန်ဈေးနှုန်းတွေတက်ပြီပေါ့။ ဒါကြောင့် ကိုယ့်ဘာသာကိုယ်ဒေါသထွက်ခြင်းဖြစ်သည်။ ငါအစားတွေ လျှော့ရမယ်လို့လည်း တွေးမိသည်။

ဒါပေမဲ့ ဘယ်လိုလျှော့မတုံး။ အကျင့်ကဖြစ်နေသည်။ နှစ်မျိုးလောက်စားမှစားဝင်သည်။ အဲ့နေ့ စမ်း ကြည့်သည်မဖြစ်။ ဟင်းကငါးပိရည်နဲ့ဆိုနှစ်မျိုးလောက်ဖြစ်နေသည်။ ဒီကြားထဲသူငယ်ချင်းတစ်ကောင်ကလည်း ဝက်မျှစ်ချဉ်ချက်ထားတာလာပေးသွားသည်။ ဒီအတိုင်းဆိုမဖြစ်သေး။ ဝန်ကြီးချုပ်စကား နားမထောင်ရာကျ မည်။ ဝန်ကြီးချုပ်စကားကို နားမထောင်မိတာထက် တိုင်းပြည်အပေါ်တာဝန်မကျေမှာစိုးသည်။

ပြည်သူတွေဆင်းရဲနေချိန်မှာ ဟင်းအများကြီးနဲ့စားရမှာစိုပြေရှက်သည်။ စားလည်းမစားသင့်။ အမေ လည်းကြိုက်မည်မဟုတ်။ စိုပြေဟင်းအများကြီးစားလို့ကုန်ဈေးနှုန်းတွေတက်တာလို့လည်း သမိုင်း တရားခံမဖြစ် ချင်။ ဒါပေမဲ့ဟင်းကလည်းမလျှော့။ နောက်တော့တွေးမိသွားသည်။ ဟင်းထည့်ဖို့ပန်းကန်တွေလိုသည်။ ပန်းကန် တွေရှိနေလို့ ဟင်းတွေအများကြီးထည့်ဖြစ်သည်။ ဟင်းထည့်စရာပန်းကန်ရှိသေးတယ်ဆိုပြီး ဟင်းတွေထပ်ချက် ဖြစ်သည်။ ထပ်ဝယ်ဖြစ်သည်။ ဒါကြောင့် အဓိကတရားခံသည် ပန်းကန်ဖြစ်သည်။ ပန်းကန်တွေရှိနေလို့ ဟင်း တွေအများကြီးထည့်စားဖြစ်တာ။ စိုပြေအဆောင်မှာနေခဲ့တုန်းကပန်းကန်တွေမရှိ။ ပန်းကန်တွေမရှိတော့ ဟင်း အများကြီးမဝယ်။ ပဲကုလားဟင်းတစ်မျိုးနဲ့တင်စားဖြစ်သည်။ အခုလိုပန်းကန်တွေရှိလာတော့မှ ဟင်းတွေများ လာခြင်းဖြစ်သည်။ ဒါကြောင့် စိုပြေလည်းစိတ်ဆိုးဆိုးနဲ့ ပန်းကန်တွေရိုက်ခွဲလိုက်ခြင်းဖြစ်သည်။

အခုအိမ်မှာ ပန်းကန်တွေမရှိတော့။ ဒီမနက်ဟင်းထည့်ဖို့ ပန်းကန်တစ်လုံးပဲကျန်တော့သည်။ ဒါကြောင့် ဒီနေ့ဆို စိုပြေဝက်သားဟင်းတစ်မျိုးပဲစားဖြစ်သည်။ အရင်လိုသာ ပန်းကန်တွေရှိနေသေးရင် ခရမ်းချဉ်သီး ငါးပိ ချက်လေးချက်မည်။ မုန်လာဥလေးချဉ်ဟင်းချက်ဦးမည်ဖြစ်သည်။ အခုတော့တစ်ရာဈေးနဲ့ဝယ်လာသည့် ကိုင်းခ ရမ်းချဉ်သီးတွေကို မနက်ဖြန်မှချက်တော့မည်။ မုန်လာဥကိုတော့ ညနေချက်မည်။ ဒီလောက်လေး ပိုစားတာနဲ့ တိုင်းပြည်ချက်ချင်း မွဲမသွားနိုင်ပါဘူးလေ။

မြန်မာပြည်က လူတိုင်းစိုပြေ့လိုကျင့်သုံးသင့်သည်။ အိမ်မှာရှိသည့် ပန်းကန်အပိုတွေကို ရုိုက်ခွဲသင့် သည်။ ဖျက်ဆီးသင့်သည်။ ဖြစ်နိုင်လျှင်ထမင်းစားပန်းကန်တွေပါမထားသင့်။ ဝန်ကြီးပဒေသရာဇာတို့ လက် ထက်ကလို ဒေါင်းလန်းကြီးနှင့် မိသားစုတွေဝိုင်းစားသင့်သည်။ အစိုးရအနေဖြင့်လည်း အိမ်တွေမှာပန်းကန် အပို တွေထားလျှင် အရေးယူသင့်သည်။ အိမ်တိုင်းကိုလိုက်စစ်ရမည်။ အိမ်မှာပန်းကန်အပိုတွေရှိနေလျှင်ဖမ်း ဆီးအ ရေးယူရမည်။ ပြီးတော့ ပန်းကန်တွေကိုရိုက်ခွဲရမည်။ ဟိုတစ်လောကဘာသာပေါင်းစုံ ဆုတောင်းပွဲတွေလုပ်သ လိုမျိုး။ ပန်းကန်ခွဲပွဲတွေလုပ်သင့်သည်။ ဂျာမနီမှာနာဇီတို့အာဏာရတော့ စာအုပ်တွေဖျက်ဆီးသလိုမျိုးပေါ့။ အဲ့ လိုမျိုးသာ အိမ်မှာရှိသည့် ပန်းကန်အပုိုတွေကိုဖျက်ဆီးကြည့်လိုက်။ လူတွေဟင်းထည့်စရာမရှိတော့လို့ ဟင်း တစ်မျိုးပဲစားကြတော့မည်။ ဒါဆို ကုန်ဈေးနှုန်းကျပြီ။