ပုခက်လွှဲသောလက်တို့၏ ရဲရင့်သောတိုက်ပွဲ

ရုပ်ရှင်ပိုး

ပုခက်လွှဲသောလက်ဆိုတဲ့ အသုံးအနှုန်းကိုငယ်ငယ်က ဘောလုံးဂျာနယ် တစ်စောင်ဖတ်ပြီး စသိခဲ့ရတယ်။ ပုခက်လွှဲ သောလက်တို့၏ ပြိုင်ပွဲဆိုပြီး အမျိုးသမီးကမ္ဘာ့ဖလားဘောလုံးပြိုင်ပွဲကို တင်စားထားတာပေါ့။ နည်းနည်းလေး အသက်အရွယ် ရလာ ဆယ်ကျော်သက်ထဲလည်းရောက်လာရော ဆိုင်မွန်ဒီ Second Sex (ဒုတိယလိင်) (ဆရာမြသန်းတင့် ဘာသာပြန်- မိန်းမတို့အကြောင်း) ကိုစဖတ်ဖူးလာတယ်။ မိန်းမတွေအကြောင်းကို စိတ်ဝင်စားလာခဲ့တာ လည်းပါမှာပေါ့။ အမျိုးသမီးတွေရဲ့ စိတ်နေစိတ်ထားနဲ့ အတွေးအခေါ်တွေကို စိတ်ဝင်စားချင်လာခဲ့မိပါတယ်။

ဒုတိယလိင်၊ ပုခက်လွှဲသောလက်တွေဆိုတဲ့ စကားလုံးတွေကိုအဓိပ္ပာယ်ကောက်ကြည့်ရင် အမျိုးသမီးတွေဟာ အိမ်မှာပဲ အဝတ်လျှော်၊ ကလေးထိန်း၊ ထမင်း၊ ဟင်းချက်ပြုတ်စတဲ့ အိမ်မှုကိစ္စတွေပဲလုပ်ရမယ်။ အမျိုးသမီးတို့ရဲ့ မူလဘူတ တာဝန်ဟာ ယောက်ျားသားတွေကိုပံ့ပိုးပေးဖို့ ကမ္ဘာပြုရေး၊ လူ့အဖွဲ့အစည်းကောင်းကျိုးအတွက် တီထွင်ကြံဆရေး၊ တိုင်းပြည် တည်ဆောက်ရေးတွေမှာ အမျိုးသားအများစုသာလျှင် အခရာဖြစ်လာခဲ့တာ လူ့ယဉ်ကျေးမှုစတင်တဲ့ ကျောက်ခေတ်လောက် က နေစပြီး ၁၉ ရာစုလောက်အထိပဲ။

ဒီရှေးရိုးစွဲအစဉ်အလာကို အင်္ဂလန်နိုင်ငံက အမျိုးသမီးထုဟာ ဆန့်ကျင်ခဲ့ကြပါတယ်။ တော်လှန်ပုန်ကန်ခဲ့ကြပါ တယ်။ အမျိုးသမီးတွေရဲ့ လွတ်လပ်ခွင့်၊ ရပိုင်ခွင့်အတွက်အသက်နဲ့ ခန္ဓာကိုယ်ကိုရင်းနှီးပေးဆပ်ခဲ့ပါတယ်။ သူတို့ဆင်နွှဲခဲ့ကြ တဲ့ တော်လှန်ရေးကတော့ အမျိုးသမီးတွေရဲ့ မဲပေးပိုင်ခွင့်ပဲဖြစ်ပါတယ်။

၂ဝ၁၅ခုနှစ် အောက်တိုဘာလမှာ စတင်ဖြန့်ချိခဲ့တဲ့ ဒီရုပ်ရှင်ကို လွန်ခဲ့တဲ့နှစ်လလောက်က ကြည့်ရှုခွင့်ရခဲ့ပြီး မတ်လ ၁ဝရက် (ကမ္ဘာ့အမျိုးသမီးများနေ့)လည်းတိုက်ဆိုင်နေတဲ့ မတ်လထုတ်မဂ္ဂဇင်းအတွက် အမျိုးသမီးအခွင့်အရေးဆိုင်ရာ ရုပ်ရှင် ဖြစ်တဲ့ Suffragette  ကို ရှုမြင်သုံးသပ်ကြည့်မိပါတယ်။

အမျိုးသမီးအခွင့်အရေးဆိုတာ ဘာလဲ မသိရှာသေးတဲ့မော့ဒ်

၁၉၁၂ခုနှစ် မော့ဒ်ဟာ အသက်၂ဝ ကျော် အစိတ်အပိုင်းလောက်သာရှိသေးတဲ့ အဝတ်လျှော်စက်ရုံကအလုပ် သမလေးပါ။ ညည်းငွေ့စရာကောင်းပြီး ဆင်းရဲနုံချာတဲ့ ဘဝကတစ်နေ့လုပ်တစ်နေ့စားမလေး။ ပိုင်ဆိုင်တာဆိုလို့ ခင်ပွန်းသည် တစ်ယောက်နဲ့ သားလေးတစ်ယောက်ပဲ ရှိတယ်။

တစ်နေ့ သူမဟာလျှော်ပြီးသားအပ်ထည်တွေသွားပို့နေတုန်း လမ်းပေါ်က ဆန္ဒပြပွဲကိုမြင်တွေ့ခဲ့ရပါတယ်။ မဲပေးခွင့်၊ မဲပေးခွင့်၊ တို့အမျိုးသမီးတွေရဲ့မဲပေးခွင့်။ ဒီကြွေးကြော်သံတွေကိုစိတ်ဝင်စားသွားတယ်။ ဟောဆန္ဒပြ လူအုပ်ထဲမှာ သူနဲ့ အလုပ်အတူတူလုပ်တဲ့ ဗိုင်အိုလက်လည်းပါနေပါလား။ စိတ်ဝင်တစားသွားကြည့်မိတဲ့သူမဟာ အင်္ဂလိပ်အာဏာပိုင်တွေရဲ့ ဖမ်းဆီးထိန်းသိမ်းခြင်းခံခဲ့ရပါတယ်။

ပါလီမန်ကော်မတီဆီရောက်သွားတဲ့ ခဝါသည်မလေး မော့ဒ်

မော့ဒ်ကို တစ်နေ့မှာ သူ့လုပ်ဖော်ကိုင်ဖက်တစ်ဦးက လာခေါ်တယ်။ သွားရမယ့်နေရာက ပါလီမန်ကော်မတီ အစည်း အဝေး။ လုပ်ရမယ့်အလုပ်က အဝတ်လျှော်အလုပ်သမတွေရဲ့အခက်အခဲနဲ့ အခွင့်အရေးကို အမတ်တွေရှေ့မှာ တောင်းဆိုဖို့။ မူလက ဒီတာဝန်ကို သူ့လုပ်ဖော်ကိုင်ဖက် သူငယ်ချင်းကပဲလုပ်မှာ၊ ပြောရမှာဆိုရမှာဖြစ်ပေမဲ့ ကျန်းမာရေးအခြေအနေကြောင့် မလုပ်နိုင်ခဲ့ဘူး။ ဒါကြောင့် သူ့ကိုအကူအညီတောင်းတာဖြစ်တယ်။

ပါလီမန်ရောက်တော့ အမတ်တစ်ယောက်ရဲ့ မိန်းမဖြစ်တဲ့ အဲလစ်ဟောက်တန်ဆိုတဲ့ အမျိုးသမီးကလာခေါ်တယ်။ အဲဒီအမျိုးသမီးက အောက်ခြေသိမ်းအမျိုးသမီးအလုပ်သမားတွေအတွက် အခွင့်အရေးမရသေးတာတွေ၊ အခက်အခဲတွေကို အမတ်တွေသိအောင် ကြားနာပွဲကို စီစဉ်ပေးတဲ့သူဖြစ်တယ်။

နွမ်းဖပ်ဖပ် အဝတ်လျှော်သမလေး မော့ဒ်ဟာ ပါလီမန်အမတ်များစွာကိုကြည့်ပြီး အစပိုင်းတော့ ဘာမှမပြောတတ် ခဲ့ဘူး။ မေးတစ်ခွန်း၊ ဖြေတစ်ခွန်း အဆင့်ကနေပြီးအရှိန်ရလာတော့မှ လုပ်ခလစာနည်းပါးမှုတွေ၊ လုပ်ငန်းခွင်မှာ ကြီးကြပ်သူရဲ့ အနိုင်ကျင့် စော်ကားခံရမှုတွေ၊ လင်ယောက်ျားတွေရဲ့ ရိုက်နှက်နှိပ်စက်မှုတွေအကြောင်း အမတ်တွေကိုပြောပြတယ်။ ကြား နာသွားတဲ့ အမတ်တွေကတော့ အောက်ခြေအမျိုးသမီးထုရဲ့ အခက်အခဲကိုပြောပြနေတဲ့ မော့ဒ်ကိုလှောင်ရယ်လို့ တစ်ဖုံ၊ မယုံသင်္ကာလို့တစ်သွယ်နဲ့ သူမပြောသွားတဲ့ အကြောင်းအရာတွေကို အကုန်လျစ်လျူရှုထားတယ်။

မတရားမှုဟာ အမိန့်ဖြစ်လာရင် တော်လှန်ပုန်ကန်မှုဟာ အမှန်တရားဖြစ်လာတယ်

ကြားနာပွဲမှာ ပြောဆိုပြီးတဲ့နောက်တော့ သူဆင်းရဲမလေး၊ ခဝါသည် မလေးမော့ဒ်ဟာ သူတို့ဘဝတွေအတွက်ဘာမှ အာမခံချက်မပေးဘဲ ဖိနှိပ်နေတဲ့အာဏာပိုင်တွေကိုနာကြည်းလာတယ်။ နေ့စဉ်ကြုံတွေ့နေရတဲ့ ဒုက္ခတွေ ကြားကထွက်ပေါက် ဟာ တောင်းဆိုတာမရမချင်း အာဏာဖီဆန်ရေးလို့ နားလည်လာတယ်။ နိုင်ငံရေးကိုစိတ်ဝင်စားလာခဲ့တယ်။ အိမ်ပြန်ရောက် တော့ ခင်ပွန်းသည်ဖြစ်သူက သူ့ကိုဆူတယ်၊ ဆဲတယ်။ ပါလီမန်ကြားနာမှုတက်ခဲ့တဲ့ လုပ်ရပ်တွေရော၊ ဆန္ဒပြပွဲမှာ ဝင်ပါလာ တာတွေအတွက်ရော သူ့ကိုငြူစူတယ်။ အပြစ်တင်တယ်။ မင်းနဲ့မဆိုင်တာတွေဝင်မလုပ်နဲ့ဆိုပြီးတားတယ်။ ခင်ပွန်းသည် သဘောကတော့ အလုပ်အကိုင်တစ်ခုလုပ်ပြီးငွေရှာ၊ ကလေးထိန်း၊ ထမင်းချက်၊ အိမ်ထောင်မှုထိန်းသိမ်းစေချင်တာပါပဲ။

ဇနီးသည်ရဲ့ လုပ်ရပ်ကိုအားပေးလိုစိတ်လုံးဝမရှိခဲ့ဘဲ ထိုးနှက်ပြစ်တင်ပါတော့တယ်။ အမျိုးသမီးတွေအတွက် ကပ်ဆိုး တစ်ခုကို ကျရောက်နေတဲ့ အချိန်မှာမော့ဒ်ကတော့ ခေတ်ရဲ့ဝန်ကိုထမ်းလို့ တာဝန်ကျေချင်ပါတယ်။

မော့ဒ်ထောင်ကျပြီ။

ထောင်ဆိုတာ ဆိုးသွမ်းညစ်ပတ်သူတွေအတွက် ပြုပြင်ထိန်းသိမ်းပေးရာ နေရာတစ်ခုဖြစ်သလို အာဏာရှိတဲ့ သူတွေရဲ့ အာဏာလက်ဝယ်တည်မြဲရေးအတွက် လူထုကိုခြိမ်းခြောက်စရာ နေရာတစ်ခုလည်းဖြစ်ပါတယ်။ မော့ဒ်တစ် ယောက် ဆန္ဒပြပွဲတွေမှာပါလာတယ်။ ပါလာလို့ ရဲကဖမ်းတယ်။ သီတင်းပတ် နှစ်ပတ်လောက်ထောင်ထဲမှာနေရတယ်။ လူကို သာထောင်ထဲထည့်ထားလို့ ရပေမဲ့ မော့ဒ်ရဲ့ လွတ်မြောက်ချင်တဲ့စိတ်ကိုတော့ အကျဉ်းထောင်ထဲထည့် မရပါဘူး။

ထောင်ထဲမှာအမျိုးသမီးများရဲ့ လူမှုရေးနဲ့ နိုင်ငံရေးလှုပ်ရှားမှုသမဂ္ဂ (Women’s Social and Political Union) ခေါင်း ဆောင်ဖန်းခက်တ်ရဲ့ လက်ရုံးတစ်ဆူဖြစ်တဲ့ အမ်မလီနဲ့သိကျွမ်းခွင့်ရခဲ့ပါတယ်။ နိုင်ငံရေးကို အခုထက်ပိုမိုလေ့လာခွင့်ရ ခဲ့ပါတယ်။

လူ့အဖွဲ့အစည်းဆီက လက်ခုပ်သံမရ

ထောင်ကပြန်ထွက်လာတော့ သူ့ရဲ့ လင်ယောက်ျားကရော၊ အိမ်နီးချင်းတွေကရော၊ လုပ်ဖော်ကိုင်ဖက်တွေကရော မော့ဒ်ကိုရွံစရာကောင်းတဲ့မျက်လုံးတွေနဲ့ကြည့်ပါတယ်။ အမျိုးသမီးအခွင့်အရေးအတွက် သူ့ရဲ့လင်ယောက်ျားဆီကရော အနီး အနားပတ်ဝန်းကျင်က ဘဝတူအမျိုးသမီးတွေဆီကပါ သူမဟာ လက်ခုပ်သံမရခဲ့ပါဘူး။ ဒါပေမဲ့ မော့ဒ်ဟာအရှုံးပေးပြီး စိတ် ကုန်ချင်နေတဲ့ မော့ဒ်ဟာ လင်ယောက်ျားနဲ့သားဖြစ်သူကို တာဝန်ကျေအောင်ပြုစုယုယခဲ့ပြီး ဆန္ဒပြပွဲတွေနဲ့ဝေးရာမှာနေမယ် ဆိုတဲ့ ကတိပေးခဲ့ရပါတယ်။ ဒါပေမဲ့ အမျိုးသမီးခေါင်းဆောင် ဖန်းခက်တ်ရဲ့ လျှို့ဝှက်ဟောပြောပွဲကို တက်ဖြစ်အောင် သွား တက်ခဲ့သေးပြီးအဲဒီပွဲမှာ အမျိုးသမီးလှုပ်ရှားမှုတွေရဲ့ ခေါင်းကိုင်မိခင်ဖန်းခက်တ်ဟာ သူ့ကိုရဲတွေလက်ကနေ အဖမ်းမခံရ အောင် ကူညီပေးတဲ့မော့ဒ်ကိုသတိထားမိသွားပါတယ်။ မော့ဒ်နဲ့ အမျိုးသမီးပေါင်းများစွာကတော့ ထပ်အဖမ်းခံရပါတယ်။ အာဏာပိုင်ယောက်ျားသားတွေရဲ့ ရိုက်နှက်နှိပ်စက်ခြင်းခံရပါတယ်။ နောက်တော့ ရဲကမော့ဒ်ကို သူမအိမ်ကိုပြန်ပို့ပါတယ်။ အိမ်ရောက်တော့ လင်ယောက်ျားဖြစ်သူက သူမကိုနှင်ချပါတယ်။

ရင်နဲ့လွယ်တဲ့သား

လင်ယောက်ျားဖြစ်သူက သူ့အပေါ်နားလည်မပေးနိုင်တာကို မော့ဒ်တစ်ယောက်မခံစားတော့ပေမဲ့ သားဖြစ်သူကို တော့ အကြိမ်ကြိမ်တွေ့ဖို့ ကြိုးစားခဲ့ပါတယ်။ ခပ်လှမ်းလှမ်းကနေလှမ်းခေါ်တယ်။ မေမေပြန်လာခဲ့ပါ မယ်သားရယ်။ လိမ်လိမ် မာမာနေနော်။ အမေသားနားမှာ အမြဲတမ်းရှိနေပါမယ်လို့ ပြောရင်းသူ့ရဲ့ နိုင်ငံရေးလှုပ်ရှားမှုနဲ့ အဝတ်လျှော်စက်ရုံဆင်းရ ချိန် တွေပြီးတိုင်း သားလေးကိုလှမ်းမြင်နိုင်မယ့် အိမ်ရဲ့ပြတင်းပေါက်ရဲ့ အဝေးတစ်နေရာမှာပဲ အိပ်စက်ပါတယ်။

သစ္စာဖောက်လုပ်ခိုင်း

မော့ဒ်ရဲ့ နိုင်ငံရေးလှုပ်ရှားမှုတွေဟာ တဖြည်းဖြည်း အရှိန်ရလာပါပြီ။ မော့ဒ်ဆီမှာ သမဂ္ဂကအသိတွေလည်း တိုးလာ သလို တိုက်ပွဲအတွက် ဘာလုပ်ရမယ်ဆိုတဲ့မဟာ ဗျူဟာကို ပါသိရှိခွင့်၊ လုပ်ဆောင်ခွင့်ရလာပါပြီ။ တိုးတိုးတစ်မျိုး ကျယ် ကျယ်တစ်ဖုံ အမျိုးသမီးအခွင့်အရေးအတွက် တောင်းဆိုမှုတွေကိုပြုလုပ်နေရင်း အကြောင်းမထူးလာတဲ့နောက် မော့ဒ်တို့ အမျိုးသမီးတစ်သိုက်ဟာ လူထုမထိခိုက်ဘဲအာဏာပိုင်တွေရဲ့ အစိုးရယန္တရားတွေပျက် သွားအောင်လုပ်မယ့် ဗျူဟာတွေကို ချမှတ်လာပါတယ်။

အာဏာပိုင်တွေက သူတို့အစီအစဉ်တွေကိုအတိအကျမသိပေမဲ့ မော့ဒ်ရဲ့နိုင်ငံရေးခရီးဟာ အတော်ရောက်နေ ပြီမှန်း တော့သိထားတဲ့အတွက် အဝတ်လျှော်ရုံကနေထွက်ပြီး ဘဝကောင်းစားရေးအတွက် အာဏာပိုင်တွေအတွက် အမျိုးသမီး လှုပ်ရှားမှုတွေကို သတင်းပေးဖို့ စေခိုင်းလာပါတယ်။ ကိုယ့်ဘဝအကျိုးတစ်ခုတည်းတင်မကြည့်ဘဲ အမျိုးသမီးထုတစ်ခု လုံးရဲ့ ဘဝကိုပါ စဉ်းစားတတ်နေပြီဖြစ်တဲ့ မော့ဒ်ဟာ ရဲအရာရှိတွေရဲ့ ကမ်းလှမ်းမှုကို ငြင်းပယ်ခဲ့ပါတယ်။

ရင်သွေးကိုလှူဒါန်းတဲ့ဖခင်

မိခင်တာဝန်မကျေလို့ဆိုပြီး အပြစ်တင်တဲ့ မော့ဒ်ရဲ့ခင်ပွန်းဖြစ်သူဟာ ဖခင်တာဝန်ကိုလည်း ကျေပွန်အောင် မထမ်း ဆောင်တတ်ပါဘူး။ သားကိုအမေနဲ့မတွေ့အောင်အမြဲထားတယ်။ အဝတ်လျှော်၊ ထမင်းချက်၊ ကလေးထိန်းကိုယ့်အလုပ် ကိုယ်မလုပ်တဲ့မိန်းမ၊ ဒီမိန်းမနဲ့ငါ့ကလေး ကိုပေးမတွေ့ဘူးလို့ဆိုပြီး နောက်ဆုံးမှာတော့ အိမ်ထောင့်တာဝန်ရောခေတ်ရဲ့ တာဝန်ကိုပါမထမ်းနိုင်တဲ့ ယောက်ျားဖြစ်သူဟာ ကလေးကိုတစ်ပါးသူလက်ထဲမွေးစားဖို့ ပေးလိုက်ပါတော့တယ်။ မော့ဒ်မှာ တော့ မျက်ရည်လည်ရွဲနဲ့ သားလိုက်လုခဲ့ပေမဲ့ ယောက်ျားကလိုက်တားနေလို့ ကလေးကိုမပေးချင်ဘဲပေးခဲ့ရတယ်။ မေမေပြန် လာခေါ်မယ်သားရယ်။

တောင်းယူလို့မရတော့ တိုက်ယူတယ်

မော့ဒ်ရဲ့ဘဝမှာ ဘာမှမရှိတော့ဘူး။ မကျန်တော့ဘူး။ သူပိုင်ဆိုင်တာ ခင်ပွန်းသည်နဲ့သားပဲ။ ခင်ပွန်းသည်ကသားကို တစ်ပါးသူလက်ထဲစွန့်ပစ်လိုက်တဲ့နောက်မှာတော့ စိတ်အနာကြီးနာခဲ့တယ်။ စိတ်လည်းနာသလို သူ့လိုအမျိုးသမီးတွေရဲ့ ဘဝလွတ်မြောက်ရေးအတွက် ကိုယ်တိုင်တိုက်ယူမှသာ ဖြစ်လာမယ်ဆိုတာ ပိုသေချာစေလာတော့တယ်။

မော့ဒ်တို့ ရဲဘော်တစ်သိုက် ကြေးနန်းတိုင်တွေ၊ တယ်လီဖုန်းလိုင်းတွေ အကုန်လုံးကိုဗုံးခွဲပြီး အစိုးရယန္တရား အခက် တွေ့အောင်လုပ်ခဲ့တယ်။ နောက်ဆုံး လူသူကင်းမဲ့နေတဲ့အချိန် ပါလီမန်ထဲဝင်ပြီး ဖောက်ခွဲမှုလုပ်ပြီးတဲ့ နောက်မှာတော့ သူတို့ ထပ်မံအဖမ်းခံရပါတော့တယ်။ အာဏာပိုင်တွေကတော့ အရွယ်ရောက်ပြီးသားအမျိုးသမီးတွေရဲ့ မဲပေးပိုင်ခွင့်အတွက် လျစ် လျူရှုနေဆဲပါပဲ။

အသက်နဲ့ခန္ဓာကို တော်လှန်ရေးအတွက် ပူဇော်ထားတယ်

အကျဉ်းထောင်ထဲမှာ မော့ဒ်ဟာ အစာငတ်ခံဆန္ဒပြတယ်။ အခွင့်အရေး မပေးမချင်းအစာမစားဘူး။ ခေါင်းမာတဲ့ အာဏာပိုင်တွေဟာ အခွင့်အရေးလည်းမပေးဘူး။ မော့ဒ်ရဲ့ လုပ်ရပ်လည်းအထမမြောက်အောင် အတင်းအကျပ်ချုပ်နှောင် ပြီး အစာကျွေးပါတယ်။ မော့ဒ်ရဲ့လုပ်ရပ်လည်း အထမ မြောက်ရော အာဏာပိုင်တွေကရက် အနည်းငယ်အကြာမှာ ပြန်လွှတ် ပေးခဲ့ပါတယ်။

ဘုရင်သိအောင် အလံတွေဝှေ့ယမ်းပြမယ်

အမျိုးသမီးတွေဟာ လွယ်လွယ်နဲ့လက်မလျှော့တတ်ကြပါဘူး။ မော့ဒ်တို့ ရဲဘော်တဟစ်သိုက်ဟာဘုရင် ဂျော့ v ရဲ့ မြင်းစီးပွဲအခမ်းအနားကိုတက်ရင်း ဘုရင် မြင်သာအောင် အနီးဆုံးအထိသွားပြီးတော့ သူတို့ရဲ့အမျိုးသမီးသမဂ္ဂအလံတွေကို ဝှေ့ယမ်းပြဖို့ စီစဉ်ထားပါတယ်။ မူလက အစုအဖွဲ့နဲ့လုပ်ဖို့ စီစဉ်ထားပေမဲ့ မော့ဒ်နဲ့ အမ်မလီနှစ်ယောက်တည်းသာ ဒီပွဲကိုလာ နိုင်ခဲ့ပါတယ်။ နှစ်ယောက်တည်းနဲ့ အမျိုးသမီးထုကိုကိုယ်စားပြုတဲ့ အခွင့်အရေးတိုက်ပွဲကို ဘုရင်မြင်ပြီး နားလည်လက်ခံလာ အောင်လုပ်ဖို့က အတော်လေးခက်ခဲပါတယ်။

မြင်းပြိုင်ပွဲကစနေပြီ။ ဘုရင်နဲ့အပေါင်းအပါတွေဟာ တာထွက်လာပါပြီ။ အမ်မလီနဲ့မော့ဒ်ဟာ လူအုပ်ကြားထဲမှာတိုး ဝှေ့ရင်းနဲ့ ဘုရင်ရောက်လာနိုင်မယ့် ပြေးလမ်းရဲ့ အနီးဆုံးနေရာကိုအရောက်သွားနေကြပါတယ်။ အဲဒီအချိန်မှာပဲ ခဝါသည် မလေးအမ်မလီဟာ အင်္ဂလန်အမျိုးသမီးထုတစ်ခုလုံးရဲ့ အပြောင်းအလဲကိုဆောင်ြကဉ်းပေးနိုင်မယ့် ပေးဆပ်မှုတစ်ခုကိုပြုလုပ် လိုက်ပါတယ်။ လူအုပ်ကြားထဲကနေ တိုးရင်းဝှေ့ရင်းနဲ့ပဲ ဘုရင်ကိုခပ်လှမ်းလှမ်းအကွာကနေ လှမ်းမြင်နေရပြီ။ အနီးစပ်ဆုံး အနေအထားကိုရောက်လာတဲ့ အခါမြင်းပြိုင်ကွင်းထဲကို အလံထောင်ကာ လှမ်းဝင်လိုက်ပါတယ်။

အရှိန်နဲ့ပြေးလာတဲ့ ဘုရင်ရဲ့စီးတော်မြင်းဟာ ခဝါသည်မလေး အမ်မလီကိုမရှောင်နိုင်ခဲ့ပါဘူး။ တဒင်္ဂလေးအတွင်းမှာ တင် ပရိသတ်ဗိုလ်ပါ အပေါင်းဟာ အလံကိုင်ခဝါသည်မလေးရဲ့ အသက်ဝိညာဉ်မဲ့နေတဲ့ ခန္ဓာကိုယ်အနားကို ဝိုင်းအုံလာကြ ပါတော့တယ်။ မော့ဒ်အတွက် ဒီမြင်ကွင်းဟာမေ့မှာမဟုတ်ဘူး။ အမ်မလီရဲ့ စွန့်လွှတ်မှုဟာလည်း အမျိုးသမီးအခွင့်အရေး လှုပ်ရှားမှုသမိုင်းမှာ မှတ်ကျောက်တစ်ခုဖြစ်မှာ အသေအချာပါပဲ။

ပေးဆပ်ခဲ့သူတွေအတွက် အသီးအပွင့်

ဒီဖြစ်ရပ်တွေဖြစ်ပြီးတဲ့နောက် ခြောက်နှစ်လောက်အကြာမှာ ဗြိတိန်နိုင်ငံဟာ အသက် ၃ဝအောက် အမျိုး သမီးတွေ ရဲ့အခွင့်အရေးနဲ့ မဲပေးပိုင်ခွင့်ကို ခွင့်ပြုပေးခဲ့ပါတယ်။ အမျိုးသမီးလှုပ်ရှားမှုတွေ ထပ်မံမြင့်တက်လာတာကြောင့် ၁၉၂၈မှာ အသက်၂၁နှစ်အောက် အမျိုးသမီးအားလုံး မဲပေးခွင့်ပေးလိုက်ရပြီးတော့ ကမ္ဘာ့နိုင်ငံအသီးသီးမှာလည်း ၁၉ရာစုရဲ့ အစော ပိုင်းခုနှစ်တွေအတွင်းမှာ အမျိုးသမီးအခွင့်အရေးတောင်းဆိုတဲ့ တော်လှန်မှုတွေ ဆက်တိုက်ဖြစ်လာတာကြောင့် နိုင်ငံရေး ဆိုင်ရာမဲပေးခွင့်နဲ့ အခွင့်အရေးတွေကို တဖြည်းဖြည်းပေးလာရကာ အမျိုးသမီးတွေအပေါ်ဖိနှိပ်အနိုင်ကျင့်ထားတဲ့ ဥပဒေ တွေကိုလည်း ပယ်ဖျက်လိုက်ရပါတော့တယ်။ ဒီအမျိုးသမီးလှုပ်ရှားမှုတွေဟာ ၁၇ရာစုလောက်ကတည်းက ဥရောပနဲ့ အမေရိ ကမှာ သန္ဓေတည်လာခဲ့တာဖြစ်ပြီး ၁၉ ရာစုနှောင်းပိုင်းနဲ့ ၂ဝရာစုတွေမှာတော့ အမျိုးသမီးနဲ့ အမျိုးသားတန်းတူညီမျှ ခွင့်တွေ၊ အမျိုးသမီးနဲ့ကလေး အခွင့်အရေးကာကွယ်စောင့်ရှောက်မှု လုပ်ငန်းတွေ၊ နိုင်ငံပေါင်းစုံက သဘောတူလက်မှတ်ထိုးရတဲ့ စာချုပ်တွေ၊ ပဋိညာဉ်တွေဆက်လက်ပေါ်ပေါက်လာခဲ့တာပဲ ဖြစ်ပါတယ်။ အမျိုးသမီးတွေဟာ ပုခက်လွှဲရုံတင်မဟုတ်ပါဘူး။ ကမ္ဘာကြီးကိုပါ ကိုင်လှုပ်ပစ်နိုင်ပါတယ်။

ရုပ်ရှင်အချက်အလက်

အမျိုးသမီးဒါရိုက်တာဆာရာဂါဗွန်က ဒီရုပ်ရှင်ကိုရိုက်ကူးပြီး အမျိုးသမီးဇာတ်ညွှန်းရေး ဆရာအေဘီမော်ဂန်ကဇာတ် ညွှန်းရေးထားပါတယ်။ မော့ဒ်အဖြစ် ကာရေးမာလီဂန်က သရုပ်ဆောင်ထားပြီး မြန်မာပြည်ပရိသတ်အတွက် လူသိများထင် ရှားတဲ့ သရုပ်ဆောင်တွေမပါဝင်ပါဘူး။ IMDB Rate အနေနဲ့ကတော့ ၆ဒသမ၆ ရရှိခဲ့ပါတယ်။ ဒီရုပ်ရှင်ရဲ့ အထူးခြားဆုံး အချက်ကတော့ ဗြိတိန်ပါလီမန်မှာ ပထမဆုံးရိုက်ကူးခွင့်ရတာပါပဲ။ ပါလီမန်က လွန်ခဲ့တဲ့ နှစ်ပေါင်း ၁ဝဝကျော်လောက်က ခွင့်မပြုခဲ့တဲ့ အမျိုးသမီးအခွင့်အရေး ဇာတ်ကားကို လက်ရှိပါလီမန်က ခွင့်ပြုလိုက်တာဟာ မော့ဒ်တို့ အမ်မလီတို့လို အမျိုး သမီး ရဲဘော်တွေရဲ့ စွန့်လွှတ်ပေးဆပ်မှုကြောင့်ပါပဲ။