ဗိုလ်ချုပ်မှူးကြီးမင်းအောင်လှိုင် လက်တစ်ကမ်းမှအခွင့်အလမ်းများ

 

မြန်မာ့တပ်မတော်သမိုင်းတွင် ဗိုလ်ချုပ်အောင်ဆန်းမှအပ မည်သည့်စစ်ခေါင်းဆောင်မျှ ပြည်သူ၏ သည်းသည်း လှုပ် ချစ်ခင်လေးစားတန်ဖိုးထားမှုကို မရခဲ့ကြသေးပါ။ ဗိုလ်ချုပ်ဟုဆိုလျှင် ထိုစကားနှစ်လုံးသည် ဗိုလ်ချုပ်အောင်ဆန်းကို သာ ရည်စူးပြောဆိုခြင်းဖြစ်ကြောင်း အားလုံးကနားလည် လက်ခံထားကြပါသည်။ ဗိုလ်ချုပ်ကြီး နေဝင်းဦးဆောင်သော မြန်မာ့တပ်မတော်သည် ၁၉၆၂တွင် တိုင်းပြည်အာဏာကိုသိမ်းခဲ့ပြီး မြန်မာ့နည်းမြန်မာ့ဟန် ဆိုရှယ်လစ်စနစ်ဖြင့် တိုင်းပြည် ကို ဦးဆောင်ခဲ့ပါသည်။ စစ်အာဏာရှင် တော်လှန်ရေးကောင်စီ အစိုးရသည် လက်ဝဲဝါဒဖြင့် တိုင်းပြည်ကို ပြုပြင်ပြောင်းလဲ အုပ်ချုပ်မှုအောင်မြင်ခဲ့ပါက မြန်မာနိုင်ငံသမိုင်းတွင် ကောင်းသော အပြောင်းအလဲကို ဖော်ဆောင်ပေးခဲ့သည့် ခေါင်းဆောင် အဖြစ်သာမက မြန်မာ့တပ်မတော်သမိုင်း၌လည်း ဗိုလ်ချုပ်ကြီးနေဝင်းသည် ပြည်သူကကမ္ပည်းတင်ခြင်းခံရသည့် ဒုတိယ မြောက် စစ်ခေါင်းဆောင်ဖြစ်လာပေမည်။ သို့သော် ဗိုလ်ချုပ်ကြီးနေဝင်း၏ တော်လှန်ရေးကောင်စီအစိုးရ မအောင်မြင်ခဲ့ပါ။ တပ်မတော်စည်းမျဉ်းစည်းကမ်းအရ အနားယူရမည့် အသက်၅၅နှစ် ကျော်လွန်လာပြီး ၆၁နှစ်ထိ တော်လှန်ရေးကောင်စီ ဥက္ကဋ္ဌရာထူးကို ယူထားခဲ့ပါသည်။ သည်နောက် ဦးနေဝင်းအဖြစ် အရပ်ဝတ်ဖြင့် တိုင်းပြည်ကို ဆက်အုပ်ချုပ်ခဲ့သည်။ တော်လှန်ရေးကောင်စီ အစိုးရနေရာတွင် မြန်မာ့ဆိုရှယ်လစ်လမ်း စဉ်ပါတီအစိုးရကို အစားထိုးခဲ့သည်။

၁၉၈၈ ဇူလိုင်လတွင် အရေးပေါ်ပါတီ ညီလာခံခေါ်ယူလျက် မြန်မာ့ဆိုရှယ်လစ် လမ်းစဉ်ပါတီ ဥက္ကဋ္ဌအဖြစ်မှ ရုပ် ပျက်ဆင်းပျက်နုတ်ထွက်ခဲ့ရပါသည်။ သူတည်ဆောက်ခဲ့သည့် မြန်မာ့ဆိုရှယ်လစ်လမ်းစဉ်ပါတီကိုပါ သူနုတ်ထွက်ခြင်းနှင့်အ တူ ဖျက်သိမ်းခဲ့ပါသည်။ ဗိုလ်ချုပ်ကြီးနေဝင်းဘဝ၊ ဦးနေဝင်းဘဝဖြင့် ဆောင်ရွက်ခဲ့သည်များကို ပြည်သူက မှတ်မှတ်ထင် ထင်မရှိဘဲ၊ ”တပ်ဆိုတာပစ်ရင် မိုးပေါ်ထောင်မပစ်ဘူး၊ တည့်တည့်ပစ်တယ်” ဆိုသောဒေါသတကြီး ပြောခဲ့သည့် စကားများ ကိုသာ လူထုကမှတ်တမ်းတင်ခဲ့ကြပါသည်။ ဦးနေဝင်းသည် မြန်မာ့နိုင်ငံရေး ဇာတ်ခုံပေါ်မှ အနားယူခဲ့ပြီဆိုသော်လည်း ၁၉၈၈ စက်တင်ဘာလတွင် တပ်မတော်က တစ်ကျော့ပြန် အာဏာသိမ်းခဲ့ပြီး တက်လာသည့် နဝတအစိုးရကိုနောက်ကွယ် မှ ကြိုးကိုင်နေသူဟု လူထုကယုံကြည်ခဲ့ကြပါသည်။ ၂ဝဝ၂ခုနှစ် ဒီဇင်ဘာ၅ ရက်နေ့တွင် နအဖအစိုးရလက်ထက်၌ ဦး နေဝင်းကွယ်လွန်ခဲ့ပါသည်။ ဦးနေဝင်းမကွယ်လွန်မီကပင် သမက်နှင့်မြေးများအကျဉ်း ကျခံနေရပြီး သူကိုယ်တိုင်ကားနေ အိမ်အကျယ်ချုပ်ဘဝဖြင့် နေထိုင်ခဲ့ရပါသည်။ တစ်ချိန်ကတပ်မတော်တွင် လက်ညှိုးညွှန် ရာရေဖြစ်သူ၊ ရှိရှိသမျှတပ်မတော် အရာရှိများက ဖိန့်ဖိန့်တုန်ကြောက်ခဲ့ရသူ ဦးနေဝင်းသည် အာဏာလက်မဲ့ချိန်တွင် ဘာမျှမတတ်နိုင်တော့သည့် သွားမရှိ သော ကျားအိုကြီးဘဝဖြင့် နေအိမ်အကျယ်ချုပ်ခံဘဝဆိုသည်မှာ အလွန်သံဝေဂရဖွယ်ပြယုဂ် တစ်ခုဖြစ်ပါသည်။ ဦးနေဝင်း အတွက်လိုအပ်သည့် ဆေးစစ်မှု၊ ဆေးကုသမှုများအတွက် ယခင်ကကဲ့သို့ ပြည်ပသို့ ထွက်ခွာခွင့် မရတော့ဆိုသော ကော လာဟလများက လည်း ပြည်သူကြားတွင်ပျံ့နှံ့ခဲ့ပါသည်။

ဦးနေဝင်းအသုဘကို လိုက်ပါပို့ဆောင်သူ လူ ၂ဝခန့်သာရှိပြီး အသုဘပို့ဆောင်သူ စစ်ဗိုလ်ကြီးနှစ်ဦး ရာထူးမှ ထုတ်ပယ်ခံရသည်ဟု ကောလာဟလများထပ်ထွက်လာပါသည်။ နောက်ပိုင်းတွင် ဦးနေဝင်းက သေတမ်းစာသဘော စာ ရေးမှာကြားခဲ့သဖြင့် သူသေဆုံးသည်နှင့် ချက်ချင်းပို့ဆောင် သဂြို င်္လ်ရသယောင် သတင်းများထွက်လာသော်လည်း မည် သူမျှ မယုံကြည်ကြပေ။ တပ်မတော်၏ စစ်ဦးစီးချုပ်ရာထူးဖြင့်သာ ဖဆပလအစိုးရကို သစ္စာရှိရှိတာဝန်ထမ်းခဲ့မည်ဆိုပါက ဦးနေဝင်းကွယ်လွန်ချိန်တွင် ဒုတိယတပ်မတော် ခေါင်းဆောင်အဖြစ် နိုင်ငံတော်ဈာပနအဖြစ် စစ်အခမ်းအနားဖြင့် သင်္ဂြိုလ် ပေးရမည်သာ ဖြစ်ပါသည်။

သို့သော်မည်သူမပြုမိမိမှု ဦးနေဝင်း တစ်သက်လုံးပြုခဲ့သော အမှားတချို့က (ဗိုလ်ချုပ်အောင်ဆန်း၏ အခန်း ကဏ္ဍကို မှေးမှိန်စေရန် စတင်အားထုတ်ခဲ့ခြင်း)၊ သူ့အပေါ်ယုံကြည်အားထားခဲ့သော ဦးနေဝင်းအခေါ် ကိုကြီးနု (ဝန်ကြီး ချုပ်ဦးနု) ကို နောက်ကျောဓားဖြင့်ထိုး၍ တိုင်းပြည်အာဏာသိမ်းခဲ့ခြင်း၊ ကမ္ဘာ့ငြိမ်းချမ်းရေးဗိသုကာ အဖြစ် နာမည်ကျော် ခဲ့သည့် ဦးသန့်ကိုမလို မုန်းတီးအငြှိုးထားခြင်း၊ ဦးသန့်ကို ကမ္ဘာ့ကိုလသမဂ္ဂက တတိယအကြိမ်မြောက် ကုလသမဂ္ဂ အထွေထွေ အတွင်းရေးမှူးချုပ်ရာထူး ဆက်ခန့်လိုသော်လည်း မိခင်နိုင်ငံ မြန်မာပြည်ကမထောက်ခံခဲ့ခြင်း၊ ဦးသန့် ကွယ် လွန်ပြီး ရုပ်အလောင်းကို မြန်မာပြည်သို့ ပြန်သယ်လာစဉ် ဦးသန့်အရေးအခင်း ဖြစ်ခဲ့ရခြင်းစသည့် လုပ်ရပ်များအတွက် ဝဋ် လည်သည်ဟု ဦးနေဝင်းကို မနှစ်သက်သူများကမှတ်ချက်ချကြပါသည်။ မည်သို့ဆိုစေ မြန်မာပြည်သူတို့၏ ရင်ထဲအသည်း ထဲ၌ ဗိုလ်ချုပ်ကြီးနေဝင်းကို ကြည်ညိုလေးစားမှုဖြင့် သိမ်းဆည်းမထားကြဘဲ အမုန်းတရားများမကျေနပ်မှုများဖြင့် တိုင်း ပြည်ကို ဆင်းရဲတွင်းထဲ ပို့ဆောင်ခဲ့သူအဖြစ်သာ ကမ္ပည်း တင်ထားကြပါသည်။

မဆလအစိုးရ ပြုတ်ကျပြီးနောက် တက်လာသည့် နဝတအစိုးရဥက္ကဋ္ဌ ဗိုလ်ချုပ်မှူးကြီးစောမောင်သည်  ကမ္ဘာ ကိုရော မြန်မာကိုပါသူပေးခဲ့သည့် ”၁၉၉ဝ ပြည့် နှစ် ရွေးကောက်ပွဲတွင် အနိုင်ရသောပါတီ ကိုအာဏာလွှဲပြီး တပ်မတော်က စစ်တန်း လျားသို့ပြန်ပါမည်”ဆိုသော ကတိတည်နိုင်ခဲ့ပါက ဗိုလ်ချုပ်မှူးကြီးစောမောင်၏ အမည်သည် စစ်အာဏာရှင် စနစ်ကို အဆုံးသတ်ပေးခဲ့သော စစ်ခေါင်းဆောင်အဖြစ် ကမ္ဘာနှင့် မြန်မာက ကမ္ပည်းတင်ခဲ့မည်သာ ဖြစ်ပါသည်။ သို့သော် အကြောင်းကြောင်း တို့ကြောင့် ၁၉၉ဝ ပြည့်နှစ်တွင် ၈၄ရာခိုင် နှုန်း မဲအနိုင်ရသည့် အန်အယ်လ်ဒီပါတီကို အာဏာမလွှဲခဲ့ပါ။ တပ်မတော်ကို စစ်တန်းလျားဆီ ပြန်မပို့ခဲ့နိုင်ပါပေ။ ထိုနောက် ဗိုလ်ချုပ်မှူးကြီးစောမောင်၏ ကျန်းမာရေး ချို့ယွင်းလာကာ တာဝန်မှ အနားယူခဲ့ရပါသည်။ အနားယူပြီးမကြာမီ အငြိမ်းစား ဗိုလ်ချုပ်မှူးကြီး စောမောင်ကွယ်လွန်ခဲ့ပါသည်။ လူထုကား ဗိုလ်ချုပ်မှူးကြီးစော မောင်ကို ချစ်ခြင်းလည်းမရှိ၊ မုန်းခြင်းလည်းမရှိ။ အရေးထားလောက်သည့် တာဝန်များကို နိုင်ငံနှင့် လူ မျိုးအတွက် ဆောင်ရွက်ပေးသွားသူ အဖြစ်လည်း ကမ္ပည်းတင် ထားခြင်းမရှိပေ။

ဗိုလ်ချုပ်မှူးကြီးစောမောင်နေရာကို လူစားဝင်တာဝန်ယူခဲ့သည့် ဗိုလ်ချုပ်မှူးကြီး သန်းရွှေကား အကြံကြီးသူတစ် ယောက်ဖြစ်ပါ သည်။ ၁၉၉၅ဝန်းကျင်တွင် ပြည်ခိုင်ဖြိုး လူမှုရေးအသင်းကို ကိုယ်တိုင်ဦးစီးတည်ထောင်ခဲ့သည်။ ၁၄နှစ် ကြာအချိန်ယူ၍ ၂ဝဝ၈ ဖွဲ့စည်းပုံကို စိတ်တိုင်းကျရေးဆွဲခဲ့သည်။ သည့်နောက် သူကိုယ်တိုင်တည် ထောင်ခဲ့သော ပြည်ခိုင်ဖြိုး  လူမှုရေးအသင်း ကိုပါတီအဖြစ် တစ်မုဟုတ်ချင်းပြောင်းလဲပေးပြီး ၂ဝ၁ဝပြည့်နှစ်ရွေးကောက်ပွဲကို ကျင်းပကာ ကြိုတင်မဲတန်ခိုးဖြင့် ပြည်ခိုင် ဖြိုးပါတီကို မဲနိုင်စေခဲ့ပါသည်။ သို့ဖြင့် စစ်အာဏာရှင် အုပ်ချုပ်ရေးမှသည် ပြည်သူ တင် မြှောက်သော ဒီမိုကရေစီအစိုးရတက်လာပြီဟု ကမ္ဘာကို နိုင်ငံရေးကစားပြလိုက်သည်။ ဗိုလ်ချုပ်ကြီးသိန်းစိန်ကို ဘောင်းဘီ ချွတ်စေပြီး တောင်ရှည်ပုဆိုးဝတ် ခေါင်းပေါင်းစွပ်စေ၍ သမ္မတနေရာပေးကာ သူကိုယ်တိုင်ကား နိုင်ငံရေးဇာတ်ခုံကန့်လန့် ကာနောက်ကွယ်သို့ ဝင်သွားခဲ့ပါသည်။ အများပြည်သူက ဦးသန်းရွှေသည် သမ္မတဦးသိန်းစိန်အစိုးရကို ကြိုးကိုင်ထားသည် ဟုယုံ ကြည်ကြသော်လည်း ပြည်ခိုင်ဖြိုးပါတီအစိုးရနှင့် တပ်မတော်အသိုင်းအဝိုင်းကမူ ဦးသန်းရွှေသည် ပြည်ခိုင်ဖြိုးအစိုးရ ကို ကြိုးကိုင်ခြင်းအလျှင်းမရှိဘဲ နေအိမ်တွင်စာဖတ် နေသည်ဟု တုံ့ပြန်ခဲ့သည်။ လူထုကြားတွင် စာဖတ်နေသူကြီးဆိုသော အသံကိုကြား သည်နှင့် ထိုစကားလုံးများသည် အငြိမ်းစား ဗိုလ်ချုပ်မှူးကြီးသန်းရွှေကို ရည်ညွှန်းကြောင်း လူထုက သိ နေပေသည်။ ဦးသန်းရွှေသည် လူထုရှေ့သို့ ထွက်လာခြင်းမရှိသည့်နည်းတူ ပြည်သူကလည်း ဦးသန်းရွှေကို တ,သမှု အ လျှင်းမရှိကြပါ။

၂ဝ၁၅ ရွေးကောက်ပွဲတွင် ပြည်သူက အန်အယ်လ်ဒီပါတီကို ပုံအောမဲပေးကာ သမ္မတရာထူးကို စစ်ဗိုလ်ဟောင်း များ ဆက်မခံနိုင်စေရန် တားဆီးပေးခဲ့ကြပါသည်။ သို့ဖြင့် မြန်မာ့တပ်မတော်သည် တပ်မတော် ကျောထောက်နောက်ခံပြု ပါတီအစိုးရများ ဖြင့်သာလက်တွဲခဲ့ရရာမှ တပ်မတော်ကျောထောက်နောက်ခံပြုပါတီမဟုတ်ရုံသာမက တပ်မတော် အစိုးရ များက အစဉ်တစိုက်နှိပ်ကွပ်ခဲ့သော အတိုက်အခံပါတီဘဝမှ အစိုးရဖွဲ့လာသည့် အန်အယ်လ်ဒီအစိုးရနှင့် ဆက်ဆံရသည့် တပ်မတော် ဖြစ်လာပါသည်။ အန်အယ်လ်ဒီအစိုးရက ပျော့ပျောင်းသောမူဝါဒကို လက်ကိုင်ထား၍ တပ်မတော်ကို လည်း ကောင်း၊ ဝန်ကြီးဌာနအသီးသီးတွင် ခြေကုပ်ချကျန်ရစ်သော မိုးကျရွှေကိုယ် အရာရှိများကိုလည်း အခြေမပျက် ဆက်ဆံခဲ့ပါသည်။

 

အန်အယ်လ်ဒီအစိုးရ ဦးစားပေးလုပ်ဆောင်သည့်လုပ်ငန်းသည် ပြည်တွင်းငြိမ်း ချမ်းရေး ထာဝရရရှိရန်ဖြစ်ပါသည်။ အစိုးရက ပြည်တွင်းငြိမ်းချမ်းရေး ထာဝရရရှိရေး အားထုတ်နေသော်လည်း ပြည်သူအများစု က ငြိမ်းချမ်းရေးရရန်မလွယ်ဟု ကြိုတင်ဝေ ဖန်ခဲ့ကြပါသည်။ သူတို့အမြင်တွင် တပ်မတော်သည်လည်းကောင်း၊ တချို့သော လက်နက်ကိုင် အဖွဲ့အစည်း များသည်လည်းကောင်း ငြိမ်းချမ်းရေးကို မလိုချင်ကြဟုအမြင်စောင်းခဲ့ကြပါသည်။ တတိယအကြိမ် (၂၁) ရာစုပင်လုံညီလာ ခံအပြီးတွင် မြန်မာ့ငြိမ်းချမ်းရေး နောက်ဆုတ်သွားပြီဟုဆိုသူများပင်ရှိလာပါသည်။ အဘယ်ကြောင့်ဆိုသော် ပြည်တွင်းငြိမ်း ချမ်းရေးအတွက် အားတက်သရောပါဝင်ခဲ့သည့် KNU အဖွဲ့ ကိုယ်တိုင်က မူဝါဒပြောင်းသွားသော ကြောင့် ဖြစ်ပါသည်။

၂ဝ၁၈ ခုနှစ်အတွင်းရခိုင်ပြည်နယ် ဘင်္ဂါလီအရေးကြောင့် အန်အယ်လ်ဒီ အစိုးရ တစ်ရပ်တည်း အကျဉ်းအကျပ် မျိုးစုံကိုရင်ဆိုင်ရခြင်းမဟုတ်ဘဲ၊ မြန်မာ့တပ်မတော်သည် ကမ္ဘာကစွပ်စွဲမှုများစွာကိုရင်ဆိုင်ရသည့် အဖွဲ့အစည်းဖြစ်လာပါ သည်။ ယခင်ကပင် ရှမ်းပြည်နယ်၊ ကချင်ပြည်နယ်ဘက်တွင် စစ်ပွဲများအတွင်း တပ်မတော်ကလူ့အခွင့်အရေးချိုးဖောက်မှုများ၊ ညှဉ်းပန်းနှိပ်စက်မှုများနှင့် တိုင်းရင်းသူများအား မတရားပြုကျင့်မှုများရှိသည်ဟု တိုင်တောခဲ့သောအဖွဲ့အစည်းများ ရှိခဲ့ ပါသည်။ သို့သော်ထိုတိုင်တောမှုများနှင့် ပတ်သက်၍တပ်မတော်ကို ကမ္ဘာကဖိအားပေးမှု၊အရေး ယူရန်အားထုတ်မှုမရှိခဲ့ပေ။

ရခိုင်ပြည်နယ်အတွင်း ဖြစ်ပွားခဲ့သည့် ဘင်္ဂါလီအရေးတွင်မူ တပ်မတော်သည် လူမျိုးတုံးသတ်ဖြတ်မှု၊ မုဒိမ်းမှုနှင့် လူ့အခွင့် အရေးချိုးဖောက်မှု စသည်တို့ဖြင့် ကုလသမဂ္ဂနှင့် တခြားအဖွဲ့အစည်းများက စွပ်စွဲခဲ့ပါသည်။ အစိုးရသည် တပ်မ တော်၏လုပ်ရပ်များကို လျစ်လျူရှုထားသည်ဟူသော မှတ်ချက်ဖြင့် ဒေါ်အောင်ဆန်းစုကြည်ကို ပေးအပ်ခဲ့သည့် ဆုအ တော်များများကို ပြန်ရုပ်သိမ်းခဲ့ကြပါသည်။ ဒီဇင်ဘာလတွင်း၌ ရခိုင်တွင် AAခေါ် ရခိုင်တိုင်းရင်းသား လက်နက်ကိုင် တပ်ဖွဲ့နှင့် မြန်မာ့တပ်မတော်တို့ တိုက်ပွဲများဆက်တိုက်ဖြစ်ပွားလာပါသည်။ ထိုသို့ AAနှင့် တိုက်ပွဲဖြစ်နေသော်လည်း ဒီဇင် ဘာ ၂၁ရက်နေ့တွင် အချက် ၁၁ချက်ပါ အပစ်အခတ်ရပ်စဲပေးမည့်သတင်းကို တပ်မတော်က ထုတ်ပြန်ပေးခဲ့ပါသည်။ နောက်ပြန်ဆုတ်သွားပြီဟု မှတ်ချက်ချခံ နေရသည့် မြန်မာ့ငြိမ်းချမ်းရေးလုပ်ငန်းစဉ်ကို တပ်မတော်ဘက်က ဆက်လက် ဆောင်ရွက်နေကြောင်း သတင်းမီဒီယာ ကောင်စီဝင်များကို ဗိုလ်ချုပ်မှူးကြီးမင်းအောင်လှိုင်က ဘုရင့်နောင်ဧည့်ရိပ်သာသို့ ခေါ်ယူကာ အသိပေးခဲ့ခြင်းဖြစ်ပါသည်။ တပ်မတော်အနေဖြင့် ငြိမ်းချမ်းရေးဆက် လက်ဆွေးနွေးရန် အဖွဲ့များရှိနေသည့် မြောက်ပိုင်းတိုင်းစစ်ဌာနချုပ်၊ အရှေ့ မြောက်တိုင်းစစ်ဌာနချုပ်၊ အရှေ့ပိုင်းတိုင်းစစ်ဌာနချုပ်၊ အရှေ့အလယ်ပိုင်းတိုင်း စစ်ဌာ နချုပ်နှင့် တြိဂံတိုင်းစစ်ဌာနချုပ်  ၅ခု တွင် လာမည့်ဧပြီလ ၃ဝရက်နေ့ထိ အပစ် အခတ်ရပ်စဲပေးမည်ဟု ကြေညာခဲ့ပါသည်။

တပ်မတော်၏ ကြေညာချက်ကိုတိုင်းရင်းသားလက်နက်ကိုင် အဖွဲ့များက ကြိုဆိုခဲ့ကြပါသည်။ နောက်တစ်နေ့ ဧရာဝတီအွန်လိုင်းသတင်းတွင် လဝီဝမ်ဆိုသူအကြီးတန်း သတင်းထောက်က ”ငြိမ်းချမ်းရေးလုပ်ငန်းစဉ် တရုတ်အခန်း ကဏ္ဍ” ခေါင်းစဉ်ဖြင့် ဆောင်းပါးတစ်ပုဒ်တင်ခဲ့ပါသည်။ ထိုဆောင်းပါးတွင် ”ငြိမ်းချမ်းရေးလုပ်ငန်းစဉ်အတွက် တရုတ်နိုင်ငံ က မြန်မာ့တပ်မတော်ကို ဖိအားအများအပြား ပေးခဲ့သည်ဟုသိရသည်။ မြန်မာနှင့် တရုတ်နိုင်ငံတို့သည် ရှမ်းပြည်မြောက် ပိုင်းမူဆယ်မှ မန္တလေးထိ ရထားလမ်းတည်ဆောက်ရန် သဘောတူထားပြီးဖြစ်သည်။ တရုတ်နိုင်ငံသည် ထိုသို့ သောစီမံ ကိန်းများကို မြန်မာ့တပ်မတော် ခေါင်းဆောင်ပိုင်းအပေါ် ဖိအားအဖြစ် အသုံးပြုပုံပေါ်သည်”ဟု ရေးသားထားပါသည်။

သတင်းမီဒီယာ ကောင်စီဝင်များကိုမူ ဗိုလ်ချုပ်မှူးကြီးမင်းအောင်လှိုင်က ”တပ်မတော်ကနေ ဆုံးဖြတ်ချက်တစ်ခု ချခဲ့တာရှိပါတယ်။ ကျွန်တော်ဦးစီးပြီးတော့ ဒီဟာဆုံး ဖြတ်ချက်ချခဲ့တာပါ” ဟုအချက် ၁၁ ချက်ကိုဖတ်မပြမီ ပြောခဲ့ပေ သည်။ မည်သို့ဆိုစေ ကမ္ဘာပေါ်တွင် အရှည်ကြာဆုံး ပြည်တွင်းစစ်ဖြစ်သည့် မြန်မာ့ပြည်တွင်းစစ်ကို တိုင်းပြည်အကျိုး၊ လူ မျိုးအကျိုးကိုမျက်နှာမူလျက်ဗိုလ်ချုပ်မှူးကြီးမင်းအောင်လှိုင် ဆုံးခန်းတိုင်သည်ထိ ဆောင်ရွက်သွားမည်ဟုယုံကြည်ပါသည်။

ဖဆပလအစိုးရမှသည် အန်အယ်လ်ဒီ အစိုးရထိတိုင် မြန်မာအစိုးရအဆက်ဆက်သည် ပြည်တွင်းငြိမ်းချမ်းရေး ရရန် ကြိုးပမ်းခဲ့ကြပါသည်။ သို့သော် မအောင်မြင်ခဲ့ကြပါ။  အဓိကအခန်းကဏ္ဍ၌ ရှိနေသည့် မြန်မာ့တပ်မတော်သည် သဘောထားကြီးစွာဖြင့် စည်းမျဉ်းစည်းကမ်းများကို အသေကိုင်မထားဘဲ ညှိနှိုင်းအရယူပေးမည်ဆိုပါက တပ်မတော်ကို ဦးဆောင်နေသည့် ဗိုလ်ချုပ်မှူးကြီးမင်းအောင်လှိုင်သည် မြန်မာ့သမိုင်းတွင် ပြည်သူကမ္ပည်းတင်ခြင်းကိုခံရသည့် ဒုတိယ မြောက် စစ်ခေါင်းဆောင် ဖြစ်လာပေမည်။

စစ်အာဏာရှင်များကို ပြန်စေ့ငုသော် ဗိုလ်ချုပ်ကြီးနေဝင်း၊ ဗိုလ်စန်းယု၊ ဗိုလ် စိန်လွင်တို့မှစ၍ ဗိုလ်စောမောင်၊ ဗိုလ် သန်းရွှေတို့အဆုံး သူတို့သည် တိုင်းပြည်တာဝန်ကို အတိုင်းအတာတစ်ခုထိ ထမ်းဆောင်ခဲ့ကြသူများဖြစ်ကြစေကာမူ လူ ထု၏ချစ်ခင်မှု၊ လေးစားကြည်ညိုမှု၊ တန်ဖိုးထားမှု ကိုမည်သူမျှမရရှိခဲ့ကြပါ။ ဗိုလ်ချုပ်မှူးကြီးမင်းအောင်လှိုင်ကား ကံထူး သူဖြစ်ပါသည်။ တိုင်းပြည်နှင့် လူမျိုးပေါ်ထားရှိသည့် သူ၏စစ်မှန်သောစေတနာကို ပြသမည်ဆိုပါက ပြသနိုင်ရန် အခွင့် အရေးရရှိထားသူဖြစ်ပါသည်။ သူမကြာခဏပြောခဲ့သည့် မြန်မာ့တပ်မတော်သည် ငြိမ်းချမ်းရေးကိုအလို ချင်ဆုံးအဖွဲ့ဖြစ်ပါ သည် ဆိုသောစကားနှင့်အညီ ထာဝရပြည်တွင်းငြိမ်းချမ်းရေးကို ဖော်ဆောင်ပေးနိုင်ခွင့်ကား သူ့လက်တစ်ကမ်းတွင် ရောက် ရှိနေပါပြီ။ ပြည်သူချစ်၍ ကမ္ပည်းတင်ခံရမည့်စစ်ခေါင်းဆောင်၊ နှစ် ၇ဝ ကျော်ကြာ ပြည်တွင်းစစ်ကို ရပ်စဲနိုင်ရေး ပါဝင် ဆောင်ရွက်ပေးခဲ့သည့် စစ်ခေါင်းဆောင်ဆိုသော တန်ဖိုးမဖြတ်နိုင်မည့် ဘွဲ့ထူး ဂုဏ်ထူးကို အရယူမည့်သူလား၊ လက်လွှတ် ဆုံးရှုံးခံမည့်သူလား ဆိုသည့်အဖြေကို မဝေးတော့သောအနာဂတ်တွင် မြန်မာ ပြည်သူတို့ တွေ့မြင်ရတော့မည်ဖြစ်ပါသည်။

ခင်နှင်းဦး