ယုံကြည်မှုကို လူထုစွန့်ခွာချိန်

လူတစ်ယောက်အဖို့ သူယုံကြည်ထားမှုကို ချိုးဖောက်ခံလိုက်ရသည့်အဖြစ်ထက်ဆိုးသည့် စော်ကားခံ ရမှု မရှိဟု ဆိုရိုးစကားကို ကြားမိဖူးသည်။ ယခုလည်း ကျွန်တော်တို့လူ့အဖွဲအစည်းထဲ ကိုယ်ယုံကြည်၍ နေရာ ပေးခဲ့သူများ၏ မယုံနိုင်သော ဘဝမေ့မှု၊ ပြည်သူကိုမျက်နှာလွှဲပြုမှု၊ အများပြည်သူအကျိုးကို လျစ်လျူရှုမှုများ ကြောင့် ကိုယ်တင်သော မောင်ပုလဲက ဒိုင်းဝန်းထက်ကဲသည့် အဖြစ်များကိုကြုံလာရသည့်အခါ လူသဘာဝ အတိုင်း အဟောင်းကိုစွန့်ခွာ၍ အသစ်ကိုရှာကြသည့်အဖြစ်ကို ရောက်လေသည်။ ထိုအရာကို ပြက်ပြက် ထင်ထင် မြင်ရသည့်အဖြစ်ကား ၂ဝ၁၈နိုဝင်ဘာ ကြားဖြတ် ရွေးကောက်ပွဲရလဒ်များပင်ဖြစ်သည်။

မကြာမီက ကျင်းပပြီးစီးခဲ့သည့် နှစ်ကြိမ်မြောက် ကြားဖြတ်ရွေးကောက်ပွဲမှာ လစ်လပ် ၁၃နေရာအတွက် ယှဉ်ပြိုင်ရာမှာ NLDက ၇နေရာနိုင်ပြီး ၆နေရာမှာ ရှုံးနိမ့်ခဲ့ပါသည်။ ထိုရှုံးနိမ့်ခဲ့သည့် ၆နေရာထဲတွင် ၂ဝ၁၅အထွေ ထွေ ရွေးကောက်ပွဲတုန်းက အနိုင်ရရှိခဲ့သည့်နေရာ ၄နေရာပါဝင်ခဲ့တဲ့အတွက် ဤတွင် ပြည်သူတွေက အာဏာရပါတီကို စိတ်ပျက်နေပြီလားဆိုတာ စဉ်းစားတွက်ချက်စရာ ဖြစ်လာပါသည်။

ရာခိုင်နူန်းအားဖြင့် ၅ဝရာခိုင်နူန်း ကျော်ရုံသာအနိုင်ရခဲ့တဲ့ ယခုနိုဝင်ဘာ ရွေးကောက်ပွဲရလဒ်က ၂ဝ၁၅အထွေထွေ ရွေးကောက်ပွဲကြီးတွင် ရာခိုင်နှုန်း၈ဝနီးပါး၊ လစ်လစ်မဲဆန္ဒနယ် ၁၉နေရာအနက် ၁၈ နေရာတွင် ဝင်ရောက်ယှဉ်ပြိုင်ခဲ့သည်မှာ ၁ဝနေရာသာအနိုင်ရရှိခဲ့သဖြင့် အနိုင်ရရှိမှု  ၅၅ရာခိုင်နှုန်းသာရှိ၍ ၂ဝ၁၇ခုနှစ်ဧပြီ ၁ရက်မှာ ကြားဖြတ်ရွေးကောက်ပွဲတွေနဲ့ နှိုင်းယှဉ်ထိုးမယ်ဆိုလျှင် အကျဘက်ကို သိ သိသာ သာတွေ့ရမှာ ဖြစ်ပါတယ်။

ယခုကြားဖြတ်မှာ သတိထားစရာက  ပြည်ခိုင်ဖြိုးပါတီရဲ့ အနိုင်ရမှု ရာခိုင်နူန်း ပြန်တက်လာမှုပင်။ ၂ဝ၁၅အထွေထွေရွေး ကောက်ပွဲကာလတုန်းက အပြတ်အသတ်ရှုံးခဲ့တဲ့ ပြည်ခိုင်ဖြိုးပါတီက အခုကြားဖြတ်တွင် အနိုင်ရမှု ၂၃ရာခိုင်နှုန်းထိရှိခဲ့သည် ထက်ပို သတိထားစရာဖြစ်တာက တိုင်းရင်းသား ဒေသများတွင် တိုင်းရင်းသားပါတီတွေက သာ အနိုင်ရခဲ့တာပါ။ ယခု ကြားဖြတ်မှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် ပါတီ (SNLD)က လဲ့ချားမြို့နယ် ပြည်သူ့ လွှတ်တော်တစ်နေရာ၊ ချင်းဒီမိုကရေစီ အဖွဲ့ချုပ်ပါတီက ချင်းပြည်နယ် လွှတ်တော်နဲ့ ဒေါက်တာအေးမောင်ရဲ့သားက ရခိုင်ပြည်နယ်လွှတ်တော်မှာ တစ်သီးပုဂ္ဂလကိုယ် စားလှယ်အဖြစ် ဝင်ပြိုင်မှုကနေ အနိုင်ရရှိခဲ့ခြင်းပင်။

NLDပါတီအတွက် အချိုမြိန်ဆုံး ကာလဟုခေါ်နိုင်သည့် ၂ဝ၁၅သောင်ပြိုကမ်းပြိုနိုင်သည့် အထွေထွေ ရွေးကောက်ပွဲကို ပြန်ကြည့်လျှင် ပြည်သူ့လွှတ်တော်၌ NLDက ၂၅၅နေရာ၊ ပြည်ခိုင်ဖြိုးက ၃ဝနေရာ၊ ရခိုင်အမျိုးသားပါတီက ၁၂နေရာ၊ ရှမ်းတိုင်းရင်းသားများဒီမိုကရေစီအဖွဲ့ချုပ် က ၁၂နေရာ၊ တအာင်း(ပလောင်) အမျိုးသားပါတီက သုံးနေရာ၊ ပအိုဝ်းအမျိုးသား အဖွဲ့ချုပ်က (PNO) ပါတီကသုံးနေရာ ဖြင့် အနိုင်ရခဲ့ကြပါသည်။

အမျိုးသားလွှတ်တော်တွင်  NLDက ၁၃၅နေရာ၊ ပြည်ခိုင်ဖြိုးက ၁၂နေရာ၊ ရခိုင်အမျိုးသားပါတီက ၁ဝ နေရာ၊ ရှမ်း တိုင်းရင်းသားများ ဒီမိုကရေစီအဖွဲ့ချုပ်က ၃ နေရာ၊ တအာင်း(ပလောင်)အမျိုးသား ပါတီက ၂ နေရာဖြင့် အသီးသီးအနိုင်ရခဲ့ ပါတယ်။ သို့သော် ပြောင်းလဲမှုကို ပြင်းပြင်း ထန်ထန်တောင့်တနေသည့် ၂ဝ၁၅ ခုနှစ်။ ယခု ၂ဝ၁၇နှင့် ၂ဝ၁၈တွင်မှု ထိုခြေအနေက ပြောင်းလဲသွားပြီ။ ပြည်သူတွေ ကြား စိတ်ပျက်မှုနှင့်မရေ မရာ မစားရဝခမန်း ပြောစကားတွေကြောင့် ယခုကြားဖြတ်တွင် မျှော်လင့်ချက် အိမ်မက်တွေကို ခွာချကာ လက်တွေ့ဖြစ်မှုဘက်ကို ချည်းကပ်လာသည်။ ထိုအခြေအနေကိုတိုင်းရင်းသားပါတီများရွေးကောက်ခံရမှု၊ အဓိကအတိုက် အခံပါတီ နိုင်ခြေမြင့်တက်မှုများကနေ မြင်တွေ့လာရပြီ ဖြစ်သည်။

 

အမြင်ကတ်စရာကောင်းသည့်အောင်ပွဲခံမှု

NLDပါတီ ၂ဝ၁၅ ခုနှစ်တွင်ရွေး ကောက်ခံရမှုတွင် ပါတီဝင်များ၏ အားစိုက်ထုတ်မှုထက် ပြောင်းလဲမှုကိုလိုလားနေ သည့် ပြည်သူတစ်ရပ်လုံး၏ပါဝင်မှုက အဓိကဖြစ်သည်။ အထူးသဖြင့် ထိုကာလက ပါတီများ၏ပြောစကားများ၊ စောင့်ကြည့် အဖွဲများ၏ခန့်မှန်းမှုများ၊ နိုင်ငံရေးအစဉ် အလာရှိသူများ၊ အတွေ့အကြုံရှိသူများ၏ ခန့်မှန်းမှုများတွင် NLDပါတီသောင်ပြို ကမ်းပြိုအနိုင်ရနိုင်သည်ဆိုသော ခန့်မှန်းမှုမျိုး မပါဝင်ခဲ့။ NLDပါတီတာဝန်ရှိသူတွေ ကိုယ်တိုင် ထိုပမာဏအထိ ရဲရဲဝံဝံ့မှန်းဆခဲ့သည်မျိုး မရှိခဲ့။

ထိုအချိန်က အာဏာရပါတီဖြစ်သည့် ပြည်ခိုင်ဖြိုးပါတီဘက်မှ တရားဝင်မဟုတ် သည့် ခန့်မှန်းမှုများ တွင် အနည်းဆုံးမဲအရေအတွက် ၃ဝရာခိုင်နှုန်းရဖို့နှင့် ရွေးကောက်ပွဲ ဝင်စရာမလိုဘဲ တပ်ဘက်မှရထားသည့် ၂၅ရာခိုင်နှုန်းနှင့်ပေါင်းကာ အစိုးရဖွဲ့နိုင်ဖို့ မျှော်မှန်းထားသည်ကိုသာ တွေ့ရသည်။ ထိုအခြေအနေတွင် သတင်းမီဒီယာများ၊ အွန်လိုင်းဘလော်ဂါများ၊ အနုပညာရှင်များ၊ စာပေပညာရှင်များ၏ ဝိုင်းဝန်းမှုက NLD ပါတီတောင်ပြို ကမ်းပြိုအနိုင်ရသည့်အထိ ဖြစ်လာအောင် မဲဆန္ဒရှင်ပြည်သူတွေကိုလှုံ့ဆော်နိုင်ခဲ့သည်။

သို့သော် မဲအနိုင်ရပြီးနောက် NLD ပါတီဗဟိုတွင် ထိုစာပေပညာရှင်၊အနုပညာရှင်၊ သတင်းမီဒီယာ၊ အွန်လိုင်းဘလော်ဂါများကို ဘယ်လိုဆက်ဆံသလဲဆိုတာ မသိသော်လည်း မြို့နယ်နှင့် ရပ်ကွက်များတွင် ရွေးကောက်ခံရသည့် NLDအမတ်တွေက ယခင် ပြည်ခိုင်ဖြိုးပါတီလက်ထက်က အမတ်တွေလိုပဲ ပြည်သူနှင့် တဖြေးဖြေးကြာ လေကင်းကွာလေဖြစ်လာခဲ့သည်။

၂ဝ၁၅ ရွေးကောက်ပွဲအောင်ပွဲတွင် သူတို့ အစွမ်းဖြင်ရသည့် အောင်ပွဲလို့ ထင်မှတ်ထားသလို ၁၉၈၈အရေးတော်ပုံမှာ ပြည်သူအားလုံး ပါဝင်ခဲ့ပြီး နိုင်ငံရေးသမားများထက်၊ ကျောင်းသားတွေထက် ပြည်သူ များ ပိုသေခဲ့ရသည်ကိုမေ့နေပုံရကာ ထိုကာလအတွင်း သူတို့တွေ ထောင်ကျတန်း ကျခြင်းအတွက် ပြည်သူက ပြန်ပြီးသူတို့ကို အြေ<ွကးပြန်ဆပ်ရမည့် အပေါက်မျိုးချိုးသည့် အမတ်များ၊ ပါတီဝင်များ ရှိလာခဲ့သည်။ ဒါက ပြည်သူတွေမြင်ချင်သည့် သူတို့ရွေး ကောက်လိုက်သည့် အမတ်တွေ၏ စရိုက် လက္ခဏာမျိုး မဟုတ်။

ပြည်သူတွေက ပြည်သူထဲကနေရွေးကောက်လိုက်သည့် အမတ်တွေကို ပြည်သူနှင့် တသားတည်းဖြစ် စေချင်သည်။ လုပ်ငန်းရှင်တွေ၊ သမာအာဇီဝဖြင့် အသက်မမွေး သည့်သူတွေနှင့် လုံးထွေးနေသည့် ယခင် အမတ်တွေလို မမြင်ချင်လို။ ပြီးတော့ ပြည်သူတွေ နှစ်ရှည်ခံစားနေရသည့် မြေယာပိုင်ဆိုင်မှုနှင့် စားဝတ နေရေးပြဿနာအပေါ် အာရုံစိုက်ဖြေရှင်းပေးနိုင်သည့် ‘ကိုယ့်ဘက်ကလူအဖြစ်’မျှော်လင့် ထားခြင်းဖြစ်သည်။ တစ်ကယ်လက်တွေ့ တွင်မှုသည်လိုမဟုတ်။ တချို့မီဒီယာမ ပေါက်ရောက်သည့် ဒေသနှင့် အကျိုးအ မြတ်ကြီး မားသည့် နေရာဒေသများတွင် မဆိုင်သလိုနေသည့် ပုံစံတွေဖြင် မလုပ်မရှုပ် မပြုတ်အချိုးမျိုးဖြင့် ဘောင်လွတ် နေထိုင်မှုမျိုး၊ ပြည်သူဘက်ကထက် စီးပွားရေးလုပ် ငန်းရှင်များဘက်က ရပ်တည်သည့် ပုံစံမျိုး ချိုးလာကြသည်။

ဤကဲသို့အဖြစ်မျိုး ရှိလာသလိုအမတ်များ၏ လူမှုရေးကိစ္စများ၊ တခြားစည်းဖောက်မှုများတွင် အများ ပြည်သူမျှော်လင့်ထားသလို  ပြတ်ပြတ်သားသားအရေးယူမှု မရှိသည့်အခါ ပြည်သူများစိတ်ထဲ ကိုယ်ရွေး လိုက်သည့် လူတွေလဲအရင်လူတွေလိုဘဲ ဘာထူးသလဲဆိုသည့်အတွေးဝင်လာကာ ပြည်သူ့ပါတီအမြင်မှ ထိုသူ တွေရဲ့ပါတီအဖြစ် ပြောင်းမြင်မှုများ ရှိလာခဲ့သည်။ ထိုအချက်များက ပါတီဝင်များရပ်ထဲရွာထဲ လမ်းသလားနေ သည့်အခါ ယခင်ကကိုယ် နှင့်ဆိုင်သလိုသဘောထားရာမှ ပါတီဝင်တွေကလည်း ကိုယ့်ကိုယ်ကိုအောင်နိုင်သူ လိုအရေးကြီးပုဂ္ဂိုလ်လို့ထင်သလို ပြည်သူတွေဘက်ကလည်း ယခင်မဆလ၊ ကြံ့ခိုင်ရေးခေတ်ကလမ်းစဉ် လူငယ်၊ ကြံ့ခိုင်ရေးအသင်းဝင်တွေလို သဘောထားကာ ကိုယ်နှင့်မဆိုင်သလို ခပ်တန်းတန်းဘေးမဲ့ပေးထားပြီး ခပ်ကင်းကင်းနေလာခဲ့ကြသည်။ ပြောရလျှင် နိုင်ငံရေးအပေါ် စိတ်ပျက်လာခဲ့မှုပင်။

ထိုအခြေအနေကို မီးမောင်းထိုးပြခဲ့သည်က ပြီးခဲ့သည့် ကြားဖြတ်ရွေးကောက်ပွဲတွင် မဲလာပေးသူ အရေအတွက် အချိုးအစားကို ကြည့်လျှင် ထိုအခြေအနေကို သိနိုင်သည်။

 

ပြည်သူတွေ ရင်ကိုထိတဲ့ရင်ကြားစေ့ရေး

NLD အစိုးရတက်လာခါစက ကြွေးကြော်ခဲ့သည့် ရင်ကြားစေ့ရေးသည့် အစိုးရဖွဲ့ကာ တာဝန်ယူပြီး ၃ နှစ်သက်တမ်းရှိလာသည့်အခါ  မည်သည့်အခြေအနေ ဖြစ်လာသည်ကို အားလုံးမြင်နေရပြီဖြစ်သည်။ ဒီ အခြေ အနေတွင် မြန်မာပြည်သူများ၏စိတ်ဓာတ်အခြေခံကို ကနဦးသိထားဖို့လိုသည်။မြန်မာလူမျိုးများက အရက် သောက်လျှင် ပြင်းပြင်း၊ ဆေးလိပ်သောက်လျှင်ပြင်းပြင်း၊ ဘောလုံးကန်လျှင် ခပ်ကြမ်းကြမ်း၊ ဘာမဆိုပျော့တာ ကိုမကြိုက်၊ ပြတ်ပြတ်သားသားလုပ်တာကိုသာကြိုက်သည်။

အထင်ရှားဆုံးပြောရလျှင် ရုပ်ရှင်မှာထင်ရှားသည့် ရွှေဘရုပ်ရှင်ဇာတ်ကားများတွင်တောင် ရွှေဘခံနေရ ၍ကြာလျှင် စိတ်မရှည်ဖြစ်ကာ ပိတ်ကားကိုခဲနှင့်ထုတတ်ကြ သည့်အမျိုးတွေဖြစ်သလို ဇာတ်တို့ အငြိမ့်တို့မှာ လူကြမ်းဗီလိန်က မင်းသား၊ မင်းသမီး နှင့် ကလေးများကို နှိပ်စက်တာလွန်လာလျှင်  စင်ပေါ်တက်ရိုက်ကြသည့် လူမျိုးတွေဖြစ်သည်။ ဤနေရာတွင် ၈၈၈၈ အရေးတော်ပုံ ဖြစ်လာရခြင်းမှာ အပျော်တမ်းဖြစ်လာတာမဟုတ် သလိုစပ်ဆော့ပြီး ဖြစ်လာတာလည်း မဟုတ်။ အခြေခံအကြောင်းအရာဖြစ်သည့် တစ်ပါတီ အာဏာရှင်စနစ် အောက် ဖိနှိပ်ဗိုလ်ကျမှုကိုမခံနိုင်သဖြင့် လတ်တလော ကျောင်းသားအရေးကို အခြေခံပြီး ပေါက်ကွဲမှုကြောင့် ဖြစ်လာခြင်းပင်။

ပြည်သူ့ပါတီလို့ လက်ခံထားသည့် NLD ပါတီအစိုးရဖြစ်လာသည့်အခါ ယခင်ကိစ္စတွေကို အရေးမယူ လျှင်နေ၊ နောင်မ လုပ်ရဲအောင် လက်ရှိကျူးလွန်နေဆဲသူတွေကို တားမြစ်လိမ့်မည့် ထိထိရောက်ရောက် အရေးယူမည်ဟုအများစုက ခန့်မှန်းထားခဲ့ကြသည်။ အထူးသဖြင့် ရာဇဝတ်မှုများ၊  လာဘ်စားမှုများ၊ ရာထူး အာဏာအလွဲသုံး စားမှုများ၊ အများပြည်သူကိုစော်ကားနှိပ် စက်မှုများ။

သို့သော် ထင်သလိုမဟုတ်ဘဲအများ ပြည်သူဘက်က အရပ်သားအစိုးရလက် ထက်မှာလည်းခံရစမြဲ၊ အရေးယူဖို့ ရှိလာသည့်အခါ ဟိုဘက်ကကူလာသည့်လူများ ဖြစ်နေ၍ မထိရဲမတို့ရဲရင်ကြားစေ့ရေးမူ ကြောင့် ပြည်သူတွေမှာနောက်လာသည့် ဘုန်းကြီးကြောင့် နှစ်ချက်ခေါက်ခံရသည့် ဥပမာလို ခံစားလာရသည်။ ယခုထိရင်ကြား စေ့ရေးမူကြောင် ဘယ်ဘက်ကဆင်ခြင်သွားသလဲ။ ဘယ်ဘက်က ပိုရောင့်တက်ပြီး အတင့်ရဲလာသလဲဆိုသည်ကို လတ်တလော ပြည်တွင်းအခင်းအကျင်းကို ကြည့်လျှင် NLD အစိုးရ၏ ရင်ကြား စေ့ရေးအောင်မြင်သလား၊ မအောင်မြင်သလားကွဲကွဲပြားပြား မြင်နိုင်သည်။

ပြည်သူတွေအဖို့ ဘာကိုအားကိုးရမည်နည်း။ ပြည်သူတွေ နစ်နာမှုအတွက် ကုစားပေးဖို့ ဘယ်သူတွေ ကိုရွေးရမည်နည်း။ ပြည်သူတွေဘက်က ဘယ်သူကတကယ်ရှိသည် နည်းဆိုသည်ကိုသိနိုင်မည်နည်း။

 

 

လူမှုကွန်ရက်ပေါ်က ကြွားစိန်များ

ယခင်ကတော့ ထိုသူများ ဘယ်လိုနေ ဘယ်လိုစားကြသလဲတော့မသိ။ ယခုမှု ဘယ်နေရာသွားသွား စားကောင်းသောက် ဖွယ်များ၊ ဇိမ်ခံကားများနှင့် ခရီးများဆက်ကြ၊ ပျော်ပွဲစားများ သွားကြကာအောင်ပွဲရပါတီ လူတန်းစားတစ်ရပ်ကို ယနေ့လူမှုကွန်ရက်တွေမှာ မြင်နိုင်ပြီ ဖြစ်သည်။

ထိုရည်ညွှန်းသည့်အရာက အခြားမဟုတ်။ ယခုသုံးနှစ်အတွင်း အများပြည်သူ အမြင်ကတ်စရာဖြစ်လာ အောင် ပင်နီအင်္ကျီများဝတ်ကာ တောင်ကသူကမြောက် ဘက်ကိုသွား၊ မြောက်ဘက်ကသူကတောင် ဘက်ကို သွားနှင့် အင်းလေး၊ ချောင်းသာစတဲ့ နေရာတွေမှာ သွားကြလာကြစားကြနှင့် ပါတီစည်းရုံးရေးလား၊ ဇိမ်ခံရေးလားမသိသည့် လှုပ်ရှားမှုတွေကို တစ်ဦးတစ်ယောက်ချင်း၊ အဖွဲ့လိုက်ချင်းက ခပ်စိပ်စိပ်ဖြင့် အများ ပြည်သူကို မျက်စိနောက်ကာ အထင်လွဲလာစေခဲ့သည်။

ထိုသွားလာ လှုပ်ရှားမှုများတွင်ရေးသည့် စာသားများက တခြားသူမခံချိမခံသာအောင် လူသဘာဝ ခပ်ကြွားကြွားရေးကြ၊ ထေ့ကြလုပ်ခြင်းက ပါတီအတွက် ထောက်ခံသူတိုးလားမတိုးလားတော့ မသိယခင်က ထက် ပိုပြီးလူမုန်းများလာသည်ကတော့ အမှန်ပင်။ လက်ရှိတွင် ယခုပြောသည့်အရာတွေက မနာလိုလို့ပြော သည်ဟု ယူဆလျှင် လက်ခံမည်ဖြစ်သည်။ သို့သော် ပြည်သူများဘက်က ကြည့်မည်ဆိုလျှင် ပြည်သူများ ကြုံနေရသည့် အထည်ချုပ်လို့၊ မြေယာမဲ့လို့၊ ကျူးကျော်လိုစသည့် အများပြည်သူနှင့် ဆိုင်သည့် ပါတီထိပ်ပိုင်းက မကိုင်တွယ်နိုင်သည့် အောက်ခြေပြဿနာများကိုရပ်ကွက် မြို့နယ်ပါတီဝင်များက အာဏာပိုင်များနှင့် ချိတ် ဆက်ပေးကာ ကူညီဖြေရှင်းပေးမှု မျိုးဖြင့် ယုံကြည်မှုတည်ဆောက်ကာ အခြေခံပါတီ စည်းရုံးမှုမျိုး မလုပ်နိုင်ခဲ့ သည့်အတွက် ပါတီအပေါ် ယုံကြည်မှုမဲ့ကာလာမည့် ၂ဝ၂ဝတွင် ယခင် ၂ဝ၁၅လိုတောင်ပြို ကမ်းပြို အခြေ အနေကို မျှော်လင့်နိုင်စရာရှိ မည်မထင်။

ယခုမြင်နေရသည်ကအပြင်မှာကောလူမှုကွန်ရက်မှာပါ၊ တာဝန်ယူနေရသည့်နေ ရာဌာနတွေမှာသည် လူတွေကိုကြည့်ရတာ အချိန်တန်မဲနိုင်ပြီး အာဏာကိုဆက်ချုပ်ကိုင်ထားမည်ဟု ထင်ထားပုံရသည်။ တစ် နည်းအားဖြင့် ပါတီခေါင်းဆောင်ဒေါ် အောင်ဆန်းစုကြည်မျက်နှာကြောင့် ဒီတစ်သက် NLD ပါတီဘယ်တော့မျှ မဲမရှုံးဟု ထင်မှတ်ထားပုံရသည်။

၂ဝ၁၇ကြားဖြတ်တွင် ပြည်သူတွေက ပြသည်။ NLD ပါတီကို ပြင်ဖို့။ သို့သော် အောင်ပွဲအရှိန်ကြောင့် တုတ်တုတ်တောင် မလှုပ်။ ၂ဝ၁၈၊ နိုဝင်ဘာကြားဖြတ်တွင် ပြည်သူများက NLDကို ရာဇသံပေးလာပြီ။ ပြင်လျှင်ပြင်, မပြင်လျှင်စွန့်ခွာတော့မည်ဟု။ ပြည်သူများအတွက် နောက်ထပ် အာဏာရှင်မျိုးကွဲများ၊ လက်ပါး စေမျိုးကွဲတွေ၊ အ ကျိုးမဖြစ်ထွန်းသည့် ရင်ကြားစေ့ရေးတွေ မမြင်ချင်တော့။

၂ဝ၂ဝအတွက် NLD ဘယ်လမ်းကိုရွေးမလဲ။ ယခင်အာဏာရပါတီက မှားသည့် အမှားကို ကျူးလွန် မလား၊ ဒါမှမဟုတ် ပြည်သူဖြစ်စေချင်သည့် လမ်းကို ရွေးမလား။ ပြည်သူကတော့ ၂ဝ၂ဝ အ တွက် လမ်းဆုံ လမ်းခွတွင် အထုပ်အပိုးနှင့် စောင့်နေလေပြီ။ ဒီတစ်ခါ ပြည်သူကလူ ကြည့်ရွေးတော့မည်ကား သေချာနေပြီ။ ပြည်သူပါတီအနေဖြင့် ပြည်သူဘက်ကို ရှေးရှုကာပါတီနှင့် အစိုးထဲကမူမမှန်သည့် သူများ၊ အာဏာယစ်မှုး သူများ၊ စည်းဖောက်သူများ၊ အဂတိတရားလေးပါး ကျူးလွန်သူများကို ပြတ်ပြတ်သားသားအရေးယူပြ ကာ ပြည်သူလက်ခုပ်သံကို ပြန်ယူဖို့သင့် နေပြီဖြစ်သည်။

လုပ်သင့်သည်ကိုရဲရဲသာလုပ်ပါ။ပြည် သူများက ၈၈တုန်းကလို NLDနောက်မှာ ထပ်ကြပ်မကွာ ရှိနေမည်ဖြစ် သည်။ လုပ်ရဲဖို့သာလိုပါသည်။

ဂျီအောင်ဘန်း