ရခိုင်ပဋိပက္ခအတွက် ဒီပလိုမေစီ

ကေတူးအေ
ယနေ့ခေတ် မဂ္ဂဇင်း ၊ စက်တင်ဘာလ ၂၀၁၇ ထုတ်မှ

ပြီးခဲ့သည့် သီတင်းပတ်အတွင်း ရခိုင်ပြည်နယ်မှ မွတ်ဆလင်များအကြမ်းဖက်ခံရမှုဓာတ်ပုံများဟုဆိုကာ အခြားနိုင်ငံများမှ ရုပ်ပုံများအား ကမ္ဘာ့အလျင်မြန်ဆုံးလူမှုကွန်ရက်ဖြစ်သည့်

တွစ်တာ (Twitter) အား အသုံးပြုဖြန့် ဝေခဲ့သည့် တူရကီနိုင်ငံဒုတိယ ဝန်ကြီးချုပ်၏လုပ်ရပ်အား ဖော်ထုတ်လိုက်နိုင်ခြင်းသည် အမှန်စင်စစ်အားဖြင့် မြန်မာတို့၏ ကြီးမားသောအောင်မြင်မှုတစ်ခုဖြစ်သည်။

လွန်ခဲ့သော နှစ်အနည်းငယ်ကလည်း နိုင်ဂျီးရီးယားနိုင်ငံ၌ ဖြစ်ပွားခဲ့သော မီးလောင်မှုရုပ်ပုံများအား မောင် တောမှ မွတ်ဆလင်ကျေးရွာများ မီးရှို့ခံရသည့် ရုပ်ပုံများ အဖြစ်လည်းကောင်း၊ တရုတ်နိုင်ငံမြေငလျင် ဘေးကြောင့် သေဆုံးရသူများ၏ အတုံးအရုံး ရုပ်အလောင်းများအား မောင်တောဒေသမှ မွတ်ဆလင်များ၏ ရုပ်အလောင်းများ အဖြစ်လည်းကောင်း၊ ရန်ကုန် မင်္ဂလာတောင်ညွန့် မြို့နယ် မေတ္တာမွန်ရပ်ကွက် ကုန်လှောင်ရုံများမီးလောင်မှု ရုပ်ပုံ များအား မောင်တောဒေသမှ ရုပ်ပုံများအဖြစ်လည်းကောင်း၊ ဘင်္ဂလားဒေ့ရှ် နိုင်ငံမှ ထွက်ခွာလာသောစက် လှေစင်း လုံးပြည့်ဒုက္ခသည်များအား မြန်မာနိုင်ငံမှ ထွက်ခွာလာသူများအဖြစ်လည်း ကောင်းစသဖြင့် အမျိုးမျိုးပုံဖော်ကာ ကမ္ဘာ သို့တင်ပြရန် ကြိုးပမ်းခဲ့ကြသော်လည်း နောက်ဆုံး၌ အမှန်တရားမှာ ဘူးပေါ်သလို ပေါ်ခဲ့ရသည်။ နည်းပညာ တိုးတက်နေသောခေတ်၌ ဖေ့စ်ဘုတ်၊ တွစ်တာကဲ့သို့ လျင်မြန်စွာ ဖြန့်ဝေပေးနိုင်သော ဆိုရှယ်မီဒီယာများထွန်း ကားနေသကဲ့သို့ တစ်ဖက်၌လည်း လုပ်ကြံ ဓာတ်ပုံများအားမည်သည့် နေရာ၌ မည်သည့်အချိန်က မည်သည့် ကင်မရာအမျိုးအစားဖြင့် ရိုက်ကူးခဲ့သည်ကို ဆန်းစစ်ဖော်ထုတ်နိုင်သည့် နည်းပညာများလည်း အပြည့်အစုံရှိနေပြီ ဖြစ်သည်။
သေချာသည်မှာ ရခိုင်ပြည်နယ်မြောက် ပိုင်းဒေသ၌ ဖြစ်ပွားနေသော အခြေအနေများအား တစ်စိတ်ကို တစ်အိတ်လုပ်ကာပုံ ကြီးချဲ့ဖြန့်ဝေခြင်း၊ မဟုတ်မမှန်လုပ်ကြံ ဖြန့်ဝေခြင်းများ၌ ယခုတူရကီဒုတိယဝန်ကြီးချုပ် သည် ပထမဆုံးကျူးလွန်သောပုဂ္ဂိုလ်မဟုတ် ဆိုခြင်းပင်ဖြစ်သည်။ အင်္ဂလိပ်ဘာသာဖြင့် ဖြန့်ဝေမှုကြောင့်သာ ဖြစ်ရပ် အချို့အားခြေရာခံဖော်ထုတ်မိခြင်းဖြစ်သော်လည်း ကမ္ဘာ့မွတ်ဆလင်နိုင်ငံအများစု၌ အသုံးပြုနေသော အာရဗီအပါ အဝင် အခြားသော ဘာသာရပ်ပေါင်းများစွာဖြင့် ဖြန့်ဝေမှုများလည်းရှိနိုင်သဖြင့် အားလုံးကိုခြေရာခံ ဖော်ထုတ်ရန် မှာ မူမလွယ်ကူနိုင်ပေ။
ယခု ၂ဝ၁၇ ခုနှစ်၌ ရခိုင်ဒေသ၌ ဖြစ် ပွားသော အကြမ်းဖက်မှုအထိ ဆိုးဝါးလာ သောပဋိပက္ခမှာ မြန်မာတို့ အတွက် ဝမ်းနည်းကြေကွဲဖွယ် ကောင်းလှသော်လည်း ကံကောင်းသောအားသာချက်တစ်ခုမှာ ပြည်ပအဖွဲ့အစည်း များ၏ ခြေထိုးမှု၊ လုပ်ကြံသတင်းဖြန့်ဝေမှု၊ တွစ်တာကဲ့သို့ အလျင် မြန်ဆုံးလူမှုကွန်ရက်များဖြင့် ကမ္ဘာအားဖြန့် ချိနေ မှုများအား ယခင်ကထက် ထဲထဲဝင်ဝင် ပိုမိုသိမြင်လာကြခြင်းဖြစ်သည်။ မဟုတ်မမှန် သတင်းများအား ဖြန့်ချိနေ သည့် နိုင်ငံခြားသားအချို့အား အင်္ဂလိပ်ဘာသာဖြင့်ပင် လိုက်လံတုံ့ပြန်ရှင်းပြနိုင်သည့် အဆင့်အထိ မြန်မာများ တိုးတက်လုပ်ဆောင်လာနိုင်ကြခြင်းမှာ ခေတ်အမီဆုံး ဒီပလိုမေစီနည်းနာကျင့်သုံးနိုင်မှု ဥပမာတစ်ခုဖြစ်သည်။ လက်ဆယ်ချောင်းမပြည့်သော နိုင်ငံခြားသား အချို့မှ ရခိုင်အရေးအား မွတ်ဆလင်နိုင်ငံ ၅၇ နိုင်ငံပါဝင်ဖွဲ့စည်း ထားသောအိုအိုင်စီ (OIC) နိုင်ငံများ၊ အမေရိကန်နှင့် အီးယူ နိင်ငံများသိရှိအောင် လုပ်ဆောင်နေကြခြင်း ဖြစ်သည် ကို ဆိုရှယ်မီဒီယာအသုံးပြုသည့် မြန်မာများ တွင်တွင်ကျယ်ကျယ် သိရှိလာကြသည်။ စင်စစ်၌ မြန်မာနိုင်ငံ၌ ပေါ်ပေါက်နေသည့် အခြေအနေမှန်များအား မလေးရှား၊ အင်ဒိုနီးရှားစသည့် ဒေသတွင်းနိုင်ငံများပင် ဂဃနဏ မသိရှိနိုင်ခဲ့လျှင် နိုင်ဂျီးရီးယား၊ လက်ဘနွန်၊ ယီမင်၊ ပါလက်စတိုင်း စသည့် အခြားသောဝေးကွာလှမ်း သော အရပ်ဒေသရှိ အိုအိုင်စီနိုင်ငံများအနေဖြင့် သိရှိရန် ပို၍ပင် မလွယ်ကူလှပါ။ အဆိုပါ နိုင်ငံများအနေဖြင့် တွစ်တာ၊ ဖေ့စ်ဘုတ်တို့မှ တူရကီဒုတိယဝန်ကြီးချုပ်ကဲ့သို့ လုပ်ကြံပုံကြီးချဲ့ ဖြန့်ဝေသူများကြောင့်သာ မြန်မာ နိုင်ငံအစိုးရအား စိတ်နာသည့် လေသံများဖြင့် သံယောင်လိုက် ပြစ်တင်ပြောဆိုနေကြခြင်းဖြစ်သည်။
နောက်ထပ်အရေးကြီးသည့် အချက်တစ်ခုမှာ နိုင်ငံခြားသတင်းမီဒီယာများမှ တင်ပြဖြန့်ချိမှုများကြောင့် ရခိုင်ပဋိပက္ခမှာ ကမ္ဘာသို့ ပိုမိုပျံ့နှံ့သွားခဲ့ရပြီးနောက်၊ မြန်မာ လူမျိုးတို့၏ ပုံရိပ်၊ ဗုဒ္ဓဘာသာပုံရိပ် ထိခိုက် ညှိုးနွမ်းရ ခြင်းဖြစ်သည်။ အဆိုပါဖြစ်စဉ်အား လေ့လာသုံးသပ်ကြည့်ပါက ရခိုင်ပဋိပက္ခစတင်ခဲ့သည့် သမ္မတဦးသိန်းစိန် အစိုးရလက်ထက်မှ ယနေ့အထိတိုင် အစိုးရအနေဖြင့် မီဒီယာဒီပလိုမေစီအားထိရောက် စွာအသုံးမပြုနိုင်ခြင်း အားနည်းချက်ကြောင့် ဟုဆိုနိုင်သည်။ အဆိုပါ နိုင်ငံခြားသတင်းမီဒီယာအများစုသည် မောင်တောဒေသ၌ နေထိုင် သောလူများစုသည် ရခိုင်တိုင်းရင်း သားများလော၊ မွတ်ဆလင်များလောပင် တိတိကျကျ သိသူများမဟုတ် ကြပေ။ သို့သော် ရခိုင်ဒေသမိုးမီးလောင်နေသည့် သတင်းများအား ကမ္ဘာသို့ ဆွဲဆောင်တင်ပြ နိုင်ရေးမှာ အဓိက မက်လုံးဖြစ်သည်။ အခြား အလှူရှင်ဝင်ငွေဖြင့် ရပ်တည်ရသော နိုင်ငံခြားအဖွဲ့အစည်းအချို့၏ ရပ်တည်ချက်မှာ လည်း ထိုနည်းလည်းကောင်းပင်။ ရန်ပုံငွေ၊ အလှူငွေ များများရရှိရေးသာ အဓိကဖြစ်ပြီး မြန်မာပြည် မျက်ဖြူဆိုက် လေ၊ ယင်းတို့ အလုပ် ပိုတွင်ကျယ်လေသာ ဖြစ်သည်။ အဖွဲ့အစည်းအားလုံးကိုတော့ ဝါးလုံးရှည်ဖြင့် သိမ်းကြုံး မဆိုလိုပါ။
အမှန်စင်စစ်၌ ရခိုင်ပဋိပက္ခအားရေးသားမည့်သတင်းထောက်များ၊ လူ့အခွင့်အရေး အခြေအနေများအား လေ့လာမည့်သူများအနေဖြင့် စစ်တွေမြို့လောက်အထိသာသွားရောက်ကာ ရေးသားရုံဖြင့် အခြေအနေမှန် မသိနိုင်ပါ။ ဘူးသီးတောင်၊ မောင်တောအထိသွားရောက်နိုင်ပါမှ အခြေအနေမှန်များအား အကဲခတ်သိရှိလာနိုင် မည်ဖြစ်သည်။ သို့ဖြစ်ရာ ရန်ကုန်မြို့မှသော်လည်းကောင်း၊ ပြည်ပနိုင်ငံတစ်ခုခုမှသော်လည်းကောင်း ရှုပ်ထွေးလှ သော ရခိုင်ပြည်နယ် ပြဿနာများအား ချည်းကပ်ရေးသားမည် ဆိုပါက ဖြစ်ရပ်မှန်များနှင့် ပို၍တက်တက် စင် အလှမ်းဝေးသွားမည်သာဖြစ်သည်။ သို့ကြောင့် သတင်းမီဒီယာများအား မြေပြင် အခြေအနေများအား သွားရောက် လေ့လာ နိုင်စေရန် တွင်တွင်ကျယ်ကျယ် လမ်းဖွင့်ပေး ခြင်းအားဖြင့် ဖြစ်ရပ်မှန်၊ အခြေအနေမှန်များ အားအစိုးရ ကိုယ်တိုင်၊ တပ်မတော်ကိုယ်တိုင် ဝင်ရောက်ရှင်းပြနေရန် မလိုအပ်တော့ပေ။ နိုင်ငံတကာအမြင်၌ အစိုးရနှင့် အစိုးရ ကိုယ်စားပြုအဖွဲ့အစည်းများ၏ သတင်း ထုတ်ပြန်ရှင်းလင်းချက်များအား သဘာဝ အားဖြင့် ဝါဒဖြန့်ချိရေး (Propaganda) ဟု သာသဘောထားပြီး ယုံကြည်မှုနည်းပါးလေ့ ရှိကြသောကြောင့် အစိုးရအနေဖြင့် မီဒီယာ ဒီပလို မေစီအားနားလည်စွာဖြင့် ပုဂ္ဂလိက မီဒီယာများအား လမ်းဖွင့်ကျင့်သုံးခြင်းအားဖြင့် များစွာထိရောက်အကျိုးရှိနိုင် သည်။ သေချာသည်မှာ ရခိုင်ပဋိပက္ခအား တပ်မတော် (သို့) အစိုးရ၏ ကြိုးပမ်းမှုသက်သက်ဖြင့် နိုင်ငံတကာ နားလည်ကျေနပ်အောင် ဖြေရှင်း၍ မရနိုင်ဆိုသည်ကို နားလည်သဘောပေါက်ရန်ဖြစ်သည်။
၂ဝ၁၂ ခုနှစ် ရခိုင်ပဋိပက္ခဖြစ်စဉ်များအတွင်း ဘူးသီးတောင်၊ မောင်တော၊ စစ်တွေ၊ ကျောက်တော်၊ မြောက်ဦးစ သည့် ရခိုင်ပြည်နယ်တစ်နံတစ်လျားသို့ အကြိမ်ကြိမ် လှည့်လည်သွားရောက် လေ့လာခွင့်ကြုံခဲ့သည်။ မှတ်မှတ်ရရ ဖြစ်ရပ်တစ်ခုမှာ စစ်တွေမြို့ပြင်တစ်နေရာရှိ စစ်တွေတက္ကသိုလ်အနီး ဘုမေရပ်ကွက်နှင့် မဝေးကွာလှသော ရခိုင်ကျေးရွာလေးနှင့် မွတ်ဆလင်ကျေးရွာ လေးအကြောင်းဖြစ်သည်။ ထိုရွာလေးနှစ် ရွာမှာ နှစ်ပေါင်းများစွာ တစ်ရွာနှင့်တစ်ရွာအမှီသဟဲပြုနေထိုင်ခဲ့ရသည်။ ရခိုင်ကျေးရွာ၌ သောက်ရေတွင်းရှိသောကြောင့် မွတ် ဆလင် ရွာလေးမှ နေထိုင်သူများက ရခိုင် ကျေးရွာ၌ ရေသွားငင်လေ့ရှိကြသည်။ မွတ်ဆလင်ကျေးရွာ၌ ဈေးရှိသောကြောင့် ရခိုင်ရွာ၌ နေထိုင်သူများက ဈေးသွားဝယ် လေ့ရှိကြသည်။ ပဋိပက္ခများ ဖြစ်ပွားသော အခါ တစ်ဖက်နှင့်တစ်ဖက် သံသယများကြောင့် မွတ်ဆလင်ရွာလည်း ရေငတ်ရ သလို၊ ရခိုင်ရွာလည်း ဈေးမဝယ်နိုင်ကာ စားစရာမရှိ အခက် ကြုံရလေတော့သည်။ စစ်တွေမြို့ဈေးကြီးထဲ၌လည်း အလားတူ ပင်။ ပဋိပက္ခများကြောင့် မွတ်ဆလင် ဆိုင် ခန်း များပိတ်ထားသည်။ ဈေးကြီးထဲ၌ ရခိုင်ဈေးသည်အမျိုးသမီး၏နံဘေး၌ နှစ် ပေါင်းများစွာအတူရှိသော မွတ်ဆလင် ဈေးသည်အမျိုးသမီးမှာ ဆိုင်လာ မထွက် နိုင်တော့။ သူတို့ကြားမှာ တစ်နည်းနည်း ဖြင့် သံယောဇဉ်ငြိတွယ်မှု ရှိနေခဲ့ကြသည်။ လူမျိုးမတူ၊ ဘာသာမတူညီသော်လည်း တစ်နည်းနည်းဖြင့် အတူယှဉ်တွဲနေထိုင်ခဲ့ကြ သည်။ ပဋိပက္ခများဖြစ်ပြီးနောက် စစ်တွေမြို့၌ အောက်ခြေသိမ်းအလုပ်လုပ်သောမွတ် ဆလင်များထွက်ပြေးသွားသဖြင့် ဆိုက်ကား နင်းသူ၊ ငါးရွေးသူများပင် မရှိတော့သောကြောင့် အခက်ကြုံရသူများမှ ရခိုင်များသာ ဖြစ်သည်။ ယင်းကဲ့သို့ ရခိုင်ပြည်နယ်၌ မတူညီသော လူမှုအသိုင်းအဝိုင်းနှစ်အခုအကြား နှစ်ပေါင်းများစွာ အပြန်အလှန် အမှီသဟဲ ပြုနေခဲ့ကြသည့် ဖြစ်ရပ်များမှာ ပြည်နယ်တစ်နံတစ်လျားတွင် အခိုင်အမာရှိခဲ့သည်။ ယနေ့ ရခိုင်ခေါင်း ဆောင်အချို့ပင် ငယ်ရွယ်စဉ်က ကျောင်းနေဖက် မွတ်ဆလင်မိတ်ဆွေ ငယ်သူငယ်ချင်းများနှင့် လည်ပင်းဖက်ကာ အတူတကွ ကြီးပြင်းလာခဲ့ကြသူများဖြစ်သည်။
ပြီးခဲ့သည့် သီတင်းပတ်အတွင်း မောင်တောမှ မွတ်ဆလင်အကြမ်းဖက်သမားများ ကို မွတ်ဆလင်ကျေးရွာသားများ ကိုယ်တိုင်ဖမ်းဆီးပေးသည့်သတင်းမှာ မင်္ဂလာရှိလှသည်။ ဒေသခံရွာသားများကိုယ်တိုင် အကြမ်းဖက် မှုအား ဆန့်ကျင်ကြောင်းလက် တွေ့ပြသလိုက်သည့် လုပ်ရပ်ဖြစ်သည်။ ပြည်မမှ မွတ်ဆလင်အများစုသည်လည်း ချီးကျူးဖို့ကောင်းသည်။ အနေအထိုင်တတ် ကြသည်။ ရခိုင်ပြဿနာ ပြည်မသို့ ယနေ့အထိ ကူးစက်မလာအောင် ပြည်မရှိ မွတ် ဆလင်များ အထူးသတိထား ဆင်ခြင်နေထိုင်သည်မှာ အသိအမှတ်ပြုစရာဖြစ်သည်။
အမှန်စင်စစ် ရခိုင်ပဋိပက္ခမှာ သွေးရိုးသားရိုးဆိုပါက ယခုလောက်အထိ ကမ္ဘာသိ ကျယ်ပြန့်သွားစရာမရှိ။ ခြေထိုးသူများကြောင့်သာ အပြစ်မဲ့ ဒေသခံမွတ်ဆလင်များရော၊ ရခိုင်နှင့် အခြားတိုင်းရင်းသားများပါ ကိုယ်ကျိုး နည်းနေကြရသည်။ ယုံကြည်မှု ပျက်ပြားသွားခဲ့ရသည်။ ယင်းခြေထိုးလုပ်ကြံမှုများအား ရခိုင်ခေါင်းဆောင်အချို့က ပြည်ပမှ လှုပ်ရှားလာသော Islamization (အစ္စလာမ္မာစ်နိုင်ငံတော်ထူထောင်ရန် ရည်ရွယ်လှုပ်ရှားမှု) ဟုခေါင်း စဉ်တပ်ကြသည်။ ရိုဟင်ဂျာအမည်သုံးကာ ရခိုင်နယ်မြေအား သိမ်းပိုက်မည်ကို စိုးရိမ်နေကြသည်။ မည်သို့ ပင်ဆို စေသေချာသည်မှာ အပြစ်မဲ့ဒေသခံ မွတ်ဆလင်အများစုမှာ ပညာမတတ်ကြပေ၊ ဆင်ခြင်တုံတရား နည်းပါးလွန်း ကြသည်။ ဆင်းရဲကျပ်တည်းလွန်းသဖြင့် အားကိုးထွက်ပေါက်ရှာနေကြသည်။ သူတို့အားစည်းရုံးသိမ်းသွင်းရ လွယ်ကူသည်။ မက်လုံးအမျိုးမျိုးတို့ကြောင့် သူတို့ကိုယ်သူတို့ ဘင်္ဂါလီဟု သိထားကြသူများသည်ပင် ရိုဟင်ဂျာ ဇာတ်သွင်းလာသောအခါ မသိနားမလည်မှုများစွာတို့ကြောင့်ပင် လက်ခံလိုက်ကြသည်။ အများစုမှာ နောက်ကွယ် က အာဂျန်ဒါ အစီအစဉ်များအား ဂဃနဏနားလည်သိရှိ သူများမဟုတ်ကြ။ အသုံးချခံများသက်သက်သာဖြစ် သည်။ အစိုးရ၏ နောက်ထပ်အား နည်းချက်တစ်ခုမှာ အာဏာပိုင်များနှင့် နီးစပ်သော မွတ်ဆလင်ကျေးရွာခေါင်း ဆောင် ဆယ်အိမ်မှူး၊ ရာအိမ်မှူးများ တဖြုတ်ဖြုတ် သတ်ဖြတ်ခံနေရမှုများအား အကာအကွယ် မပေးနိုင်ခဲ့ခြင်း ဖြစ်ပြီး၊ ယင်းအခြေအနေများကြောင့် ပြင်ပအကြမ်းဖက်သမားများအနေဖြင့် အကြောက်တရားလွှမ်းမိုးနေသော ဒေသခံများအား အလွယ်တကူစည်းရုံးထိုး ဖောက်လာနိုင်ခဲ့ခြင်းဖြစ်သည်။
ထိုအချက်များအား နားလည်သဘောပေါက်ပါက ရခိုင်များအပါအဝင် မြန်မာအများစုအနေဖြင့် ကမ္ဘာ့မီဒီယာ များ၊ အဖွဲ့အစည်းများအား အမုန်းဖြင့်၊ စိတ်ခံစားမှုဖြင့် တုံ့ပြန်မှုနည်းပါးလာမည်ဖြစ်ပြီး ဒီပလိုမေစီနည်းဖြင့် မည်သို့ကျော်လွှားအနိုင်ယူမည်ဆိုသည်ကို ပရော်ဖက်ရှင်နယ်ကျကျ ဆင်ခြင်စဉ်းစားတုံ့ပြန်လာနိုင်ပေမည်။ အနိမ့် ဆုံးအဆင့် တွစ်တာ၊ ဖေ့စ်ဘုတ်မှ မဟုတ်မမှန်လုပ်ကြံ သတင်းဓာတ်ပုံဖြန့်ဝေနေသူများအား ကမ္ဘာကနားလည် သော ဘာသာရပ်ဖြင့် ဖြစ်စဉ်အမှန်များအား တုံ့ပြန်ရှင်းပြလာနိုင်မည်ဖြစ်သည်။ ထိုမှတစ်ဆင့် နိုင်ငံတကာ အဆင့်ဆွေးနွေးပွဲများသို့ တက်ရောက်ရှင်းပြသည့် နည်းများ၊ သြဇာရှိနိုင်ငံတကာ စာစောင်များတွင် ရေးသားခြင်း၊ ဖြစ်ရပ်မှန် သတင်းများအား ကမ္ဘာကသိရန် ကမ္ဘာသိဘာသာစကားဖြင့် စဉ်ဆက်မပြတ် ဖြန့်ဝေခြင်းစသည့် မီဒီယာ ဒီပလိုမေစီနည်းနာများ ရွေးချယ်ကျင့်သုံး တုံ့ပြန်ရန်ဖြစ်သည်။ တစ်ဖက်မှလည်း ဒေသခံများအကြား ယုံကြည်မှု ပြန်လည် တည်ဆောက်နိုင်ဖို့ အရေးကြီးသည်။ ဒေသခံ လူ့အဖွဲ့အစည်း များအကြား နားလည်မှုနှင့်ညီညွတ်မှုရှိလာ ပါက ပြည်ပအမှောင့်ပယောဂများဝင် ရောက်ဖို့ မလွယ်ကူတော့ပေ။ ပညာမတတ် သူများအား ပညာသင်ပေးခြင်း၊ ဘဝရပ် တည်ရ ခက်ခဲသူများအား တည့်မတ်ပေးခြင်းဖြင့် ပြဿနာအားကုစားနိုင်သည်။ လဲနေသူအားထူပေးခြင်း ဖြင့် မိမိဘက်သို့ပါအောင် စည်းရုံးဆွဲဆောင်နိုင်မည်ဖြစ်သည်။ သို့မဟုတ်ဘဲ အမုန်းတရားဒေါသ၊ အာဃာတ နည်းလမ်းများ ကျင့်သုံးမိပါက အဆုံးမရှိသော ကြေကွဲစရာ ဖြစ်ရပ်များဖြင့်သာ နိဂုံးချုပ်ရပေလိမ့်မည်။
အချုပ်အားဖြင့်ဆိုရသော် ရခိုင်ဒေသ ငြိမ်းချမ်းရေးသည် ဒေသ၌နေထိုင်သော ရခိုင်နှင့် မွတ်ဆလင်များသင့် တင့်စွာ ပြန်လည်နေထိုင်နိုင်မှသာ ကမ္ဘာကကျေနပ် လက်ခံနိုင်မည်ဖြစ်သည်။ ယင်းအခြေအနေ သို့ အမြန်ဆုံး ရောက်နိုင်လေ၊ နိုင်ငံအတွက် အကျိုးရှိလေဖြစ်သည်။ ကမ္ဘာက မကျေနပ် သေးသရွေ့ မြန်မာနိုင်ငံ၏ကိစ္စသည် ရခိုင် အရေးနှင့်ပင် တစ်ချိန်လုံးနပန်းလုံးနေရဖွယ် ရှိပြီး၊ တန်ဖိုးရှိသော နိုင်ငံတည်ဆောက်ရေး ဘက်သို့ ဦးလှည့် နိုင်ဖို့ မလွယ်ကူတော့သည့် အခြေအနေတစ်ခုသို့ ဆိုက်ရောက်သွားနိုင် သည်။ အရေးကြီးဆုံးမှာ ပူလောင်မှုဒေါသ၊ အမုန်းတရားတို့ဖြင့် အဆင်အခြင်မဲ့စွာမတုံ့ ပြန်မိစေရေးဖြစ်သည်။ ကမ္ဘာမှ ကြည့်ပါက ရခိုင်အရေးသည် မြန်မာ နိုင်ငံအရေးဖြစ်သလို၊ နိုင်ငံ၏ပုံရိပ် ဗုဒ္ဓဘာသာ၏ပုံရိပ်လည်း ဖြစ်နေသည်။ ဗုဒ္ဓ၏ ငြိမ်းချမ်းအေးမြသော မေတ္တာ တရားအောက်၌ နေထိုင်ကြသည့် မြန်မာအများစုအနေဖြင့် လိမ္မာပါးနပ်သော ဒီပလိုမေစီနည်းဖြင့် အမြော်အမြင် ရှိရှိ တုံ့ပြန်ဆောင်ရွက်နိုင်မှသာ လက်ရှိကြုံတွေ့နေရသောပဋိပက္ခများ၊ အခက်အခဲများအား ကျော်လွန် လွတ် မြောက်စေနိုင်လိမ့်မည်ဟု ယုံကြည်မိပါသည်။