လက်ဦးမှုရယူရှင်းလင်းရမည့် မူးယစ်ဆေးဝါပြဿနာ

မြန်မာသည် ၁၉၆၂ မှ ၁၉၉၇ ထိတိုင် တံခါးပိတ်ဝါဒကျင့်သုံးခဲ့ပါသည်။ သို့ဖြင့် ၁၉၆၂ မှ ၁၉၉၇ ထိ ၃၅ နှစ်တိုင်တိုင် ကမ္ဘာ့အသိုင်းအဝိုင်းကြားတွင် မြန်မာသည် ထီးထီးရပ်တည်ခဲ့သည့်နိုင်ငံအဖြစ် ကျော်ကြားခဲ့ပါသည်။ နအဖ အစိုးရ လက်ထက် ၁၉၉၇ ခုနှစ်ရောက်မှ အရှေ့တောင်အာရှနိုင်ငံများအဖွဲ့ဝင် (အာဆီယံနိုင်ငံအဖွဲ့ဝင်) အဖြစ် ကမ္ဘာ့အသိုင်းအဝိုင်း ထဲ စတင်ဝင်ရောက်ခဲ့ပါသည်။ သို့ဖြင့် အရေးကိစ္စ အတော်များများကို ပြည်တွင်းရေးဖြစ်၍ မိမိတို့ စိတ်ကြိုက်လုပ်နိုင် သည်ဟူသည့် အမြင် အာဏာရှင်ခေတ်အဆက်ဆက်၌ ဦးဆောင်အုပ်ချုပ်ခဲ့သူများတွင်ရှိခဲ့ပါသည်။ သို့သော် နည်းပညာများ တိုးတက်လာသည်နှင့်အမျှ ကမ္ဘာ့အင်အားကြီးနိုင်ငံများ၏ အနေအထားပြောင်းလဲလာသည်နှင့်အမျှ တစ်နေ့ထက်တစ်နေ့ ကမ္ဘာကြီးသည် ရွာကြီးတစ်ရွာ ဖြစ်လာနေသည်ဆိုသော စကားကို အလေးမထား၍မရသည့်အခြေအနေ ဖြစ်လာပါသည်။

ထင်ရှားသည့်ဥပမာအနေဖြင့်  ရခိုင်ပြည်နယ် အင်းဒင်ရွာမှ ရွာသား ၁ဝ ဦး အသတ်ခံရမှုဖြစ်ရပ်ကို ရှုမြင်နိုင်ပါသည်။ ဘင်္ဂါလီအကြမ်းဖက်သမားများကို ရှင်းလင်းရာတွင် အင်းဒင်ရွာသားတချို့မှားယွင်း အသတ်ခံရမှုအား မြန်မာဘက်က ဖြစ် ဖြစ်ချင်းစိစစ်ပြီး ပါဝင်ဆောင်ရွက်ခဲ့သူ အရပ်သားများနှင့် တပ်မတော်သားတချို့ကို သက်ဆိုင်ရာဥပဒေအရ အရေးယူအပြစ် ပေးနိုင်ခဲ့ပါက၊ ရိုက်တာသတင်းထောက် နှစ်ဦးက ဒီကိစ္စကို ဖော်ထုတ်ပြီးမှ အဆိုပါဖြစ်ရပ်ကို ပြန်လည်စစ်ဆေးပြီး အရေး ယူအပြစ်ပေးရခြင်းမျိုး ရှိမည်မဟုတ်ပေ။ မြန်မာနိုင်ငံရှိ ဌာနဆိုင်ရာများသည် မိမိဝန်ထမ်းများ၏ တာဝန်ထမ်းဆောင်မှုအပေါ် မျက်ခြည်မပြတ်ဘဲ တရားဥပဒေနှင့်အညီ မဆောင်ရွက်သူများကို ဥပဒေအရ အရေးယူအပြစ်ပေးကြောင်း ကမ္ဘာကိုပြသနိုင်ခဲ့ မည်ဖြစ်ပါသည်။ သို့သော် ရိုက်တာသတင်းထောက်များက သတင်းဖော်ထုတ်ပေးမှ သက်ဆိုင်ရာတာဝန်ရှိသူများက ပြန်စစ် ဆေးပြီး ပါဝင်ကျူးလွန်သူများကို အရေးယူအပြစ်ပေးခဲ့ရပါသည်။

ယခုတစ်ဖန် မြန်မာနိုင်ငံမှ အရင်းခံလာသည့် ရာဇဝတ်မှုတစ်ခုကို မလေးရှားက ဖမ်းဆီးလိုက်သည့် အမှုတစ်ခုပေါ် လာပြန်ပါသည်။ မေ ၂၂ရက် က မလေးရှားမြို့ပြင်ရှိ ဆိပ်ကမ်းတစ်ခုတွင် ၁ ဒသမ ၂ တန်နီးပါးရှိ မူးယစ်ဆေးဝါးများ ဖမ်းဆီး ရမိသည်။ တန်ဖိုးအားဖြင့် အမေရိကန်ဒေါ်လာ ၁၈ သန်းခန့်တန်သည်။ ထိုမူးယစ်ဆေးဝါးများသည် ရန်ကုန်ဆိပ်ကမ်းမှ ထွက်လာသည့် သင်္ဘောနှင့် ပါလာခြင်းဖြစ်သည်ဟု မလေးရှားအကောက်ခွန် ညွှန်ကြားရေးမှူး ဆူဘရိုမင်နီယန်သိုလာစီက ပြောသည်ဟု မလေးရှားသတင်းမီဒီယာများက ဖော်ပြခဲ့ကြပါသည်။ မလေးရှားအကောက်ခွန် ညွှန်မှူးက ဆက်ပြောသည်မှာ ယခုဖမ်းဆီးရမိသည့် မက်သာဖက်တမင်းခေါ် ရာဘစိတ်ကြွဆေးပြားများသည် မလေးတွင်ဖမ်းဆီးရမိသမျှ မူးယစ်ဆေးများ အနက် အရေအတွက်အများဆုံးဖြစ်ပြီး တန်ဖိုးအားဖြင့်လည်း အမြင့်ဆုံးဖမ်းဆီးရမိမှုဖြစ်ပါသတဲ့။ မက်သာဖက်တမင်း၊ ရာဘ၊ စပိဒ်(Speed)၊ လျှာဘူ စသဖြင့် လေးမည်ရသည့် မူးယစ်ဆေးပြားများသည် သုံးစွဲသူကိုစွဲလမ်းစေသည့် အရာများဖြစ်ပါသည်။

မလေးရှားရဲများက အဆိုပါ ရာဘစိတ်ကြွဆေးများနှင့်အတူ မလေးရှား သုံးယောက်နှင့် မြန်မာသုံးယောက်ကို ဖမ်းဆီးရ မိထားသည်ဟု သတင်းထုတ် ပြန်ထားပါသည်။ မူးယစ်ဆေးများကို လက်ဖက်ခြောက်များနှင့်ရောနှောလျက် ထုပ်ပိုးထား သည့် အဝါရောင်အထုပ်များထဲတွင်ထည့်လာပြီး ကွာလာလမ်ပူရှိ မလေးရှားကုမ္ပဏီတစ်ခုက ဤအထုပ်များကို ပိုင်ဆိုင်သည် ဟု ဆိုပါသည်။ ဤတွင် ကုလသမဂ္ဂ မူးယစ်ဆေးဝါးနှင့် မှုခင်းဆိုင်ရာအဖွဲ့ (UNODC) မှ အရာရှိတစ်ဦးက မြန်မာအာဏာပိုင် များသည် မူးယစ်ဆေးဝါးများ မြန်မာနိုင်ငံမှထွက်ရှိနေကြောင်း ဝန်ခံသော်လည်း မည့်သည့်ကုမ္ပဏီ မည်သည့်လုပ်ငန်းရှင် များနှင့်ပတ်သက်နေကြောင်း မဖော်ထုတ်နိုင်ခြင်းက ဒေသတွင်းရှိ နိုင်ငံများကို ခြိမ်းခြောက်မှုတစ်ခုဖြစ်လာစေသည်။ ယခု မလေးရှားတွင်ဖမ်းမိသည့် မူးယစ်ဆေးဝါးများသည် ရှမ်းပြည်နယ်မြောက်ပိုင်းမှလာသည်ဟု ထင်မြင်ကြောင်းပြောဆိုလိုက်ပါ သည်။ ဤမူးယစ်ဆေးဝါးအမှုကို မလေးရှားဘက်က မြန်မာနှင့် ချိတ်ဆက်ဆောင်ရွက်နေပါသည်။ မူးယစ်ဆေးဝါးများသည် မြန်မာလုပ်ငန်းရှင်တစ်ဦးဦး (သို့မဟုတ်) ကုမ္ပဏီတစ်ခုခုနှင့်ပတ်သက် ဆက်စပ်နေသည်ဟု မလေးရှားဘက်က ယုံကြည် ကြောင်း ဖော်ထုတ်ပြောဆိုထားပါသည်။

မြန်မာဘက်က ဒီမူးယစ်ဆေးဖမ်းမိခြင်းနှင့်ပတ်သက်၍ မေ ၃ဝ ရက်နေ့တွင် တရားဝင်ထုတ်ဖော်ပြောဆိုခဲ့ပါသည်။ သို့သော် မြန်မာဆိပ်ကမ်းမှ ထွက်သွားသည့် ကွန်တင်နာတစ်ခုထဲတွင် ပါသွားသည့် မူးယစ်ဆေးများကို မလေးရှားဘက်တွင် ဖမ်းမိ၍ မြန်မာကလည်း စုံစမ်းစစ်ဆေးနေသည်ဟု ပြည်သူကို အစိုးရက သတင်းထုတ်ပြန်ပေးခြင်းမဟုတ်ပါ။ သတင်းမီဒီယာ များက မေးမြန်းမှ သမ္မတရုံးပြောရေးဆိုခွင့်ရှိသူ ဦးဇော်ဌေးက မူးယစ်ဆေးဝါးများကို မလေးရှားဘက်ကဖမ်းမိသည်မှာ မှန်ကန်ကြောင်း စစ်ဆေးလျက်ရှိကြောင်း ပြန်လည်ဖြေကြားခဲ့ခြင်းဖြစ်ပါသည်။ ပညာခေတ်ဟု တင်စားပြောဆိုနေကြသည့် နည်းပညာခေတ်တွင် မလေးရှားက အချိန်နှင့် တစ်ပြေးညီတင်ပေးသည့်သတင်းဖြစ်သော မြန်မာဘက်မှလာသော မူးယစ် ဆေးဖမ်းဆီးမိကြောင်း သတင်းကို အင်တာနက်မှတစ်ဆင့် တစ်ကမ္ဘာလုံးဖတ်ရှုနေပြီဖြစ်သော်လည်း မြန်မာ အာဏာပိုင်များ က  ပြည်သူကမေးမြန်းမှ ပြန်ဖြေခဲ့ပါသည်။ အချိန်နှင့်တစ်ပြေးညီ ဒီသတင်းကို ထုတ်ပြန်ပေးခြင်းမရှိခဲ့ပါ။ မလေးတွင် ဖမ်းမိ သည်က မေလ ၂၂ ရက်။ မြန်မာတို့စသိရသည်က မေ ၃ဝ ရက်။

ဦးဇော်ဌေးက မေ ၃ဝ ရက်နေ့တွင် သတင်းဟုတ်မှန်ကြောင်း ဖြေကြားခဲ့ပြီးနောက် ဇွန်လ ၅ ရက် ညနေပိုင်းတွင် မြန်မာ နိုင်ငံရဲတပ်ဖွဲ့က မလေးရှားတွင်ဖမ်းဆီးရမိသည့် မူးယစ်ဆေးဝါးများကိစ္စနှင့်ပတ်သက်၍ တရားခံတစ်ဦးကို ဖမ်းဆီးရ မိပြီဖြစ် သော်လည်း အဓိက တရားခံကား လွတ်မြောက်နေဆဲ ဖြစ်သည်ဟု သတင်းထုတ်ပြန်ပေးခဲ့ပါသည်။ နောက်တစ်နေ့ ( ၆.၆.၂ဝ၁၈) တွင်မူ ယမန်နေ့ ည ၁၁ နာရီခွဲတွင် (၅.၆.၂ဝ၁၈) မူးယစ်ဆေးဝါးအမှုမှ အဓိကတရားခံဟာ ဂျီရာရှင် ခေါ် မောင်မောင်ကို ပြင်ဦးလွင်-မန္တလေးလမ်း ၁၆ မိုင် စစ်ဆေးရေးစခန်းတွင် ဖမ်းဆီးရမိခဲ့သည်ဟု သတင်းထပ်မံထုတ်ပြန် ပါသည်။ ဒီတွင် ကုန်ပစ္စည်းများပေးပို့သည့် အေဂျင်စီအမည်နှင့် ကုန်သေတ္တာအမှတ်ကိုဖော်ပြပေးသော်လည်း မည်သူက (သို့မဟုတ်) မည်သည့် ကုမ္ပဏီက ပေးပို့ရန် လာရောက်အပ်နှံသည့် ကုန်ထုပ်များဖြစ်သည်ဟု ဖော်ပြပေးခြင်း မရှိပါ။ ထို့အတူ အလွန်ထူးဆန်းစွာပင် ဇွန်လ ၆ ရက် နေ့လယ်ပိုင်းတွင် ရန်ကုန်မြို့ဆိပ်ကမ်းမြို့ နယ်တရားရုံးတွင် မောင်မောင် ခေါ် ဟာဂျီ ရာစင်ကို ချုပ်ရမန်ယူပြီးနောက် ဒဂုံမြို့သစ်တောင်ပိုင်းရှိ စိတ်ရောဂါကုဆေးရုံကြီးသို့ ဆေးစစ်ရန်ခေါ်ဆောင်သွားသည်ဟု ဂျာနယ်တစ်စောင်က ဖော်ပြပါသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က မောင်မောင် ခေါ် ရာစင်ကို ဆိပ်ကမ်းမြို့မရဲစခန်းသို့ လွှဲပြောင်းပေးခဲ့သည် ဟု ဆိုပါသည်။ ရာစင်ကို စိတ်ရောဂါကုဆေးရုံသို့ ပို့ဆောင်ခြင်းမှာ လုပ်ထုံးလုပ်နည်းအရ ဆေးစစ်ရန် ပို့ဆောင်ခြင်းသာဖြစ် ပြီး  လူထုစိုးရိမ်နေသကဲ့သို့ အမှုကိုဖျောက်ဖျက်ရန် ရည်ရွယ်ချက်ဖြင့်လုပ်ဆောင်ခြင်းမဟုတ်ဟု တာဝန်ရှိသူတစ်ဦးက ရှင်းပြ ပါသည်။ မည်သို့ဆိုစေ ပထမသတင်းထုတ်ပြန်ချက်တွင် မိထားပြီဆိုသော တရားခံအမည်ကိုမဖော်ပြဘဲ လွတ်မြောက်နေဆဲ အဓိကတရားခံရာစင်နာမည်ကို ဖော်ပြခြင်း၊ ရာစင်ကိုဖမ်းမိပြီး နာရီပိုင်းအတွင်း စိတ်ရောဂါကုဆေးရုံသို့ ခေါ်ဆောင်သွား သည်ဆိုသော သတင်းများထွက်လာခြင်းတို့က ဤအမှုကို စောင့်ကြည့်လေ့လာနေကြသည့် မြန်မာလူထုကို စိတ်ပူ ပန်စေပါသည်။

မလေးရှားနိုင်ငံသည် မူးယစ်ဆေးမိသည့် မေ ၂၂ရက်တွင် သတင်းအားလုံးကို အချိန်နှင့်တစ်ပြေးညီ ထုတ်ပြန်ပေးခဲ့ပါ သည်။ မြန်မာဆိပ်ကမ်းမှ ထွက်ခွာလာသော သင်္ဘောဖြင့်ပါလာသည့် စားသောက်ကုန် လက်ဖက်ခြောက်ထုပ်များထဲတွင် မူးယစ်ဆေးများကို ရောထည့်ပေးလိုက်ခြင်းဖြစ်သည်။ ပစ္စည်းလက်ခံမည့် ပိုင်ရှင်သည် ကွာလာလမ်ပူရှိ မလေးရှား ကုမ္ပဏီတစ်ခုဖြစ်သည်။ အမှုနှင့်ပတ်သက်သည့် မလေးရှား သုံးယောက်၊ မြန်မာ သုံးယောက်ကို မိထားသည် စသဖြင့် သတင်းစုံလင်စွာထုတ်ပြန်ပေးပါသည်။

မြန်မာဘက်တွင်ကား သတင်းကို မီဒီယာက စမေးရခြင်းဖြစ်သည်။ ဒီနောက်မှ တရားခံတစ်ဦးမိထားသည်။ အဓိကတရား ခံ လွတ်မြောက်နေသည်။ စသဖြင့် သတင်းများ ဆက်ထုတ်ပြန်ပေးသော်လည်း ပထမမိ သည့်တရားခံအမည်ကို မပြော။ မည်သူပို့သည့် ကုန်များ (သို့မဟုတ်) မည်သည့် ကုမ္ပဏီက ပို့သည့်ကုန်များဟု မပြောပေ။ ကွန်တင်နာများဖြင့် မည်သည့် ပစ္စည်းပို့သည်ဖြစ်စေ အထပ်ထပ် စစ်ဆေးခြင်းခံရသဖြင့် ဤကဲ့သို့ မူးယစ်ဆေးဝါးများပါသွားခြင်းသည် အကောက်ခွန်၊ ဆိပ်ကမ်းစသည့် ဌာနတချို့မှ ဝန်ထမ်းများပါဝင်မ ပူးပေါင်းဘဲမဖြစ်နိုင်ဟု ပြည်ပသို့ ပို့ကုန်လုပ်ငန်းဆောင်ရွက်နေသူ လုပ်ငန်းရှင်တစ်ဦးက မှတ်ချက်ပေးပါသည်။ ထို့ပြင် ပေးပို့သည့် ကုမ္ပဏီအမည်၊ တာဝန်ခံပေးပို့သူ အမည်မပေးဘဲ မည်သည့် ပစ္စည်းမျှ ပေးပို့၍မရပါ။ ပေးပို့သူမည်သူဖြစ်ကြောင်း မြန်မာဘက်က အချိန်မတန်သေး၍ သတင်းမထုတ်ပြန်ခြင်းဖြစ်ပါလိမ့် မည်။ အဘယ်ကြောင့်ဆိုသော် မည်သည့် ကုမ္ပဏီမည်သူက ပေးပို့သည်ဆိုသည့် အထောက်အထား မလေးရှားဆိပ်ကမ်း အာဏာပိုင်တို့ လက်တွင်ရှိနေပြီးဖြစ်ပါသည်ဟု အဆိုပါကုန်သည်က ဖြည့်စွက်ပြောပြပါသည်။

မြန်မာသည် ကမ္ဘာတွင် အာဖဂန်နစ္စတန်ပြီးလျှင် ဒုတိယဘိန်းစိုက်ပျိုးမှု အများဆုံးနိုင်ငံအဖြစ် ကမ္ဘာတွင် နာမည်ကျော် ခဲ့သည်မှာ ကြာပါပြီ။ ဒီနောက် မြန်မာ၊ ထိုင်းနှင့် လာအို သုံးနိုင်ငံနယ်နိမိတ် ထိစပ်နေသည့် ရွှေတြိဂံနယ်မြေသည် မူးယစ် ဆေးထုတ်လုပ်ပြီး တစ်ကမ္ဘာလုံးသို့ ဖြန့်ဖြူးရာနေရာအဖြစ်အသိ အမှတ်ပြုထားခံရသည့် နေရာဖြစ်ပါသည်။ ဘင်္ဂလားဒေ့ရှ် ဘက်တွင်လည်း ရခိုင်နယ်စပ်မှ တစ်ဆင့်ဝင်ရောက်လာသည့် ရာဘဆေးများ ဘိန်းဖြူများကို မကြာခဏမိကြောင်း သတင်း ထုတ်ပြန်ခဲ့ပါသည်။ သို့သော် မူးယစ်ဆေးသာမိပြီး အမှုနှင့် ဆက်စပ်နေသည့် မြန်မာများကို ဘင်္ဂလားဒေ့ရ်ှဘက်က ဖမ်းဆီး ရမိခြင်းမရှိခဲ့ပေ။ ထိုင်းရဲတပ်ဖွဲ့ကလည်း မြန်မာဘက်မှလာသည့် မူးယစ်ဆေးဝါးများကို ဖမ်းဆီးရမိကြောင်း မကြာခဏ သတင်းဖော်ပြကြပါသည်။

ဒီတစ်ကြိမ် မလေးကဖမ်းမိသည့်အမှုတွင် မြန်မာဘက်မှပါဝင်ပတ်သက်သူသုံးဦးကို မလေးရှားက လက်ရဖမ်းဆီးထားပါ သည်။ ဤမူးယစ်ဆေးအမှုကို မြန်မာနိုင်ငံဘက်မှ ဖော်ထုတ်ရန်ကြိုးစားနေဆဲ၌ မလေးရှားဘက်က အထောက်အထား ခိုင်ခိုင်လုံလုံဖြင့် ဖော်ထုတ်နိုင်ခဲ့လျှင် မြန်မာသည် အင်းဒင်ကိစ္စကဲ့သို့ ကမ္ဘာကပါဝင် ဖော်ထုတ်ပေးပြီးမှ နောက်က လိုက်ဖော် ထုတ်ရသည့် အဖြစ်မျိုးကို ထပ်မံရင်ဆိုင်ရမည်ဖြစ်ပါသည်။ လက်ရှိ မြန်မာနိုင်ငံရင်ဆိုင်နေရသည့် စိန်ခေါ်မှုများထဲတွင် ရခိုင် ပြည်နယ်အရေးပြီးလျှင် မူးယစ်ဆေးဝါး ပြဿနာသည် ဒုတိယအရေးကြီးဆုံး ပြဿနာဖြစ်ပါသည်။ မြန်မာလူငယ်အများ အပြား မူးယစ်ဆေးစွဲနေကြသည်မှာ နိုင်ငံ့အနာဂတ်အတွက် အလွန်ရင်လေးနေရသည့် ပြဿနာဖြစ်ပါသည်။ တချို့မြန်မာ များသည် ငွေအရလွယ်သည့် မူးယစ်ဆေးဝါးထုတ် လုပ်ရောင်းချမှုနှင့်ပတ်သက်နေကြောင်းနေ့စဉ် ဖမ်းဆီးရမိနေသည့် မူးယစ်ဆေးသတင်းများက ဖော်ပြနေကြပါသည်။ မြန်မာပြည်သူများ လိုချင်လှသည့် ပြည်တွင်းငြိမ်းချမ်းရေး ဆွေးနွေးမှု မအောင်မြင်သေးခြင်းတွင် မူးယစ် ဆေးဝါးပြဿနာက တစ်ထောင့်တစ်နေရာမှ ပါဝင်နေပါသည်။

အင်န်အယ်လ်ဒီအစိုးရလက်ထက်တွင် နေ့စဉ်လိုလို မူးယစ်ဆေးဝါးများ ဖမ်းဆီးရမိနေသော်လည်း မူးယစ်ဆေးဝါး အမြောက်အမြား ဖမ်းဆီးရမိတိုင်း ပိုင်ရှင်မဲ့ဖြစ်နေခြင်းက မြန်မာနိုင်ငံရဲတပ်ဖွဲ့၏ စွမ်းဆောင်နိုင်ရည် အားနည်းနေသည်ကို ဖော်ပြနေပါသည်။ မူးယစ်ဆေးပြဿနာသည် မြန်မာတစ်နိုင်ငံတည်း၏ ပြဿနာမဟုတ်ဘဲ ခေါင်းခဲစရာ ကမ္ဘာ့ပြဿနာ တစ်ရပ်ဖြစ်ပါသည်။ ယခုအခါ အရှေ့တောင်အာရှဒေသကို မြန်မာနိုင်ငံမှ စီးဆင်းလာသည့် မူးယစ်ဆေးဝါးများက ခြိမ်း ခြောက်နေသည်ဟု မလေးရှားက ဆိုလိုက်ပါသည်။ ကုလသမဂ္ဂ မူးယစ်ဆေး ဝါးနှင့် မှုခင်းဆိုင်ရာအဖွဲ့ကလည်း ဝင်ရောက် မှတ်ချက်ပေးနေကြပြီဖြစ်ပါသည်။ ကမ္ဘာကြီးသည် ရွာတစ်ရွာဖြစ်လာပြီဟု တင်စားပြောဆိုနေကြသည့် ယခုကာလတွင် မြန်မာသည် မိမိနိုင်ငံမှ အစပျိုးလာသည့် ပြဿနာတစ်ရပ်အပေါ် တခြားနိုင်ငံများနည်းတူ အချိန်နှင့်တစ်ပြေးညီ တရားဥပဒေ အရ မှန်မှန်ကန်ကန် လက်ဦးမှုရှိရှိ ဖော်ထုတ်ဖြေရှင်းနိုင်သည့် နိုင်ငံဖြစ်ကြောင်း ပြသရန် အချိန်တန်လေပြီ။

ခင်နှင်းဦး