သမ္မတကဖြုတ်လို့ မရတဲ့ အာဏာပိုင်

မတ်လ ၃ဝ ရက်က ပြည်ထောင်စုလွှတ်တော်မှာပြုလုပ်တဲ့ ကတိသစ္စာပြုပွဲအခမ်းအနားမှာ နိုင်ငံတော်သမ္မတဦးဝင်းမြင့် ပြောတဲ့မိန့်ခွန်းကိုနားထောင်လိုက်မိပါတယ်။

သူ့မိန့်ခွန်းထဲမှာ အဂတိတရားနဲ့ပတ်သက်လို့ နှစ်နေရာသုံးနေရာလောက် ကြား လိုက်မိပါတယ်။ ကိုယ်စိတ်ဝင်စားတဲ့အကြောင်းအရာ အချို့လည်းပါဝင်ပါတယ်။

ယိမ်းယိုင်နေတဲ့ တရားစီရင်ရေးကိုတည့်မတ်ရပါလိမ့်မယ်တဲ့။ အဂတိလိုက်စားမှုကိုပိုမိုတိုက်ဖျက်ရပါလိမ့်မယ်တဲ့။ ပြီး တော့လူ့အဖွဲ့အစည်းအတွင်းလှိုက်စားနေတဲ့အဂတိလိုက်စားမှုတွေတဲ့။ အဂတိတရားကင်းရှင်းစွာဖြင့် ကိုယ်စွမ်းဉာဏ်စွမ်းရှိသရွေ့ ကြိုးပမ်းဆောင်ရွက်သွားမှာဖြစ်ပါတယ်တဲ့။ အဲဒီအချက်တွေထည့်ပြောသွားတာအတော်လေး အားရကျေနပ်မိပါတယ်။ ဘာလို့လဲဆိုတော့ဒီနိုင်ငံကတရားစီရင်ရေးမဏ္ဍိုင် ယိမ်းယိုင်နေတာရယ်၊ အဂတိတရားတွေ ရှိနေ သေးတယ်ဆိုတာရယ်ကို အခုတက် လာတဲ့သမ္မတအသစ်ကိုယ်တိုင် ကောင်း  ကောင်းကြီးသိပြီးမိန့်ခွန်းထဲမှာတောင်ထည့် ပြောရတာမို့ အားရမိတာပါ။ ကျေနပ်မိတာ ကတော့ ဒီလိုတောင်ထည့်ပြောပြီဆိုမှတော့ ယိမ်းယိုင်နေတဲ့တရားစီရင်ရေးနဲ့ အဂတိ လိုက်စားမှုတွေကို ထိထိရောက်ရောက်ကိုင် တွယ်ဖို့ သေချာသလောက်ရှိတယ်ဆိုတာခန့် မှန်းမိလို့ပါ။

”ကျွန်တော်တို့အနေနဲ့ ဖွဲ့စည်းပုံအခြေ ခံဥပဒေအရအပ်နှင်းထားတဲ့ အခွင့်အာဏာ ကိုတတ်နိုင်သမျှ ပိုင်းခြားကျင့်သုံး နေကြတဲ့မဏ္ဍိုင်ကြီးသုံးရပ်အကြားမှာအပြန်အလှန်လေးစားမှု၊ အပြန်အလှန်နားလည်မှု၊ အပြန်အလှန်ယုံကြည်မှုတွေနဲ့ ပြည် သူတွေအကျိုးအတွက် ပူးပေါင်းဆောင်ရွက်သွားကြဖို့ တိုက်တွန်းပြောကြားလိုပါတယ်”လို့လည်းသမ္မတမိန့်ခွန်းထဲထည့်ပြော သွားပါတယ်။

အဲဒီလိုဆိုတော့ နိုင်ငံတော်အချုပ်အ ခြာအာဏာရဲ့ခက်မသုံးဖြာဖြစ်တဲ့ ဥပဒေပြု ရေးအာဏာ၊အုပ်ချုပ်ရေးအာဏာ၊ တ ရားစီရင်ရေးအာဏာတွေကိုတတ်နိုင်သမျှပိုင်းခြားသုံးစွဲတာနဲ့ အချင်းချင်းအပြန်အလှန် ထိန်းကျောင်းတယ်ဆိုတဲ့ ဖွဲ့စည်းပုံ အခြေခံ ဥပဒေပုဒ်မ၁၁(က)ရဲ့ ပြဋ္ဌာန်းချက်ကိုအလေး ထားကျင့်သုံးမယ်ဆိုတာလည်းပေါ်လွင်စေပါတယ်။

တိုက်ဆိုင်မှုရှိလို့ နောက်တစ်ခုသွားသတိရပါတယ်။ အဲဒါကသမ္မတမိန့်ခွန်းမ ပြောခင်လပိုင်းလောက်ကတည်းက ပြည်သူ အချို့အထင်မှားအမြင်မှားသုံးသပ်ပြောဆိုသံလေးတွေကို ပြန်ကြားယောင်မိလို့ပါ။သူ တို့ကဘာပြောလဲဆိုတော့ ဝန်ကြီးတွေ၊ ဒုဝန်ကြီးတွေအဂတိလိုက်စားရင်တောင် သမ္မတကဖြုတ်ပိုင်ခွင့်ရှိတာ အာဏာပိုင် တရားသူကြီးတွေ အဂတိလိုက်စားတာပေါ်  ပေါက်ရင်လည်းချက်ချင်းဖြုတ်လိုက်ပေါ့တဲ့။  ဥပမာအနေနဲ့ သူတို့ထင်သလိုအာဏာပိုင်တရားသူကြီးတွေ အဂတိလိုက်စား တာပေါ် ပေါက်ခဲ့မယ်ဆိုရင်တောင် သမ္မတကသူ့လုပ် ပိုင်ခွင့်အာဏာတစ်ခုတည်းနဲ့ သွားဖြုတ်လို့မရပါဘူး။

၂ဝဝ၈ ခုနှစ်ဖွဲ့စည်းပုံအခြေခံဥပဒေအရ ပြည်ထောင်စုဝန်ကြီးတွေ၊တိုင်းဒေသကြီးနဲ့ ပြည်နယ်အသီးသီးက ဝန်ကြီးချုပ်နဲ့ ဝန်ကြီးတွေ၊ ဒုတိယဝန်ကြီးတွေကို သမ္မတကရာထူးကနေဖြုတ်တာ၊ ခန့်တာလုပ်လို့ရပေမဲ့အာဏာပိုင်အဆင့် တရားသူကြီး တွေကို ရာထူးကနေဖြုတ်လို့မရပါဘူး။

ဒီနေရာမှာ အာဏာပိုင်တရားသူကြီးတွေကို သမ္မတက သူ့လုပ်ပိုင်ခွင့်အာဏာတစ်ခုတည်းနဲ့ ဖြုတ်လို့မရတာကိုမပြော ခင်မှာ နိုင်ငံတော်သမ္မတရဲ့ တာဝန်နဲ့လုပ်ပိုင်ခွင့်အချို့ကိုပြောပြချင်ပါတယ်။ ဖွဲ့စည်းပုံအခြေ ခံဥပဒေပုဒ်မ၂ဝ၂အရ နိုင်ငံ တော်သမ္မတက ပြည်ထောင်စုလွှတ်တော်ရဲ့ သဘောတူညီချက်နဲ့ ပြည်ထောင်စုအစိုးရဝန်ကြီးဌာနတွေ ကိုလိုအပ်သလို သတ်မှတ်တာ၊ ဝန်ကြီးဌာနတွေကိုပြင်ဆင်တာ၊ ဖြည့်စွက်တာ၊ ပြည် ထောင်စုဝန်ကြီးဦးရေကို လိုအပ်သလိုသတ်   မှတ်တာ တွေအပြင် သတ်မှတ်ဦးရေကိုအတိုးအလျှော့လည်းလုပ်နိုင်ပါတယ်။

ဒါတွေအပြင်နိုင်ငံတော်သမ္မတကဖွဲ့စည်းပုံအခြေခံဥပဒေပုဒ်မ ၂၃၂အရ သတ်မှတ်အရည်အချင်းတွေနဲ့ပြည့်စုံသူတွေကို လွှတ်တော်ကိုယ်စားလှယ်တွေထဲကဖြစ်ဖြစ်၊ လွှတ်တော်ကိုယ်စားလှယ်မဟုတ်သူ တွေထဲကဖြစ်ဖြစ် ပြည်ထောင်စုဝန်ကြီး တွေအဖြစ်ခန့်အပ်နိုင်ပါတယ်။ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာနနဲ့နယ် စပ်ရေးရာဝန်ကြီးဌာနတွေအတွက် တော့ တပ်မတော်ကာကွယ်ရေးဦးစီးချုပ်ဆီကနေသင့်လျော်တဲ့ တပ်မတော်သားတွေရဲ့ အ မည်စာရင်းကိုရယူရမှာဖြစ်ပါ တယ်။ အခြားဝန်ကြီးဌာနတွေမှာ တပ်မတော်သားတွေကိုပြည်ထောင်စုဝန်ကြီးတွေအဖြစ် ခန့်ချင်တယ်ဆိုရင်တော့ တပ်မ တော်ကာကွယ်ရေး ဦးစီးချုပ်နဲ့ညှိနှိုင်းဆောင်ရွက်ရမှာပါ။ ပြီးရင်တော့ နိုင်ငံတော်သမ္မတကသူရွေး ချယ်ထားတဲ့ ပုဂ္ဂိုလ်တွေ စာရင်းနဲ့တပ်မတော် ကာကွယ်ရေးဦးစီးချုပ်ဆီကရရှိတဲ့တပ်မတော်သားတွေရဲ့စာရင်းကို ပြည်ထောင်စု လွှတ်တော်ကိုတင် သွင်းပြီး သဘောတူညီချက်ရယူရမှာဖြစ်ပါတယ်။ ပြည်ထောင်စုဝန်ကြီးရဲ့ အရည်အချင်းမပြည့်စုံဘူးဆိုပြီး အထင်အရှား မပြနိုင်ရင် ပြည်ထောင်စုလွှတ်တော်က သမ္မတက စာရင်းတင်သွင်းသူကို  ပြည်ထောင်စုဝန်ကြီးအဖြစ်ခန့်အပ်ဖို့ ငြင်း ပယ်ခွင့် မရှိပါဘူး။ ပေးအပ်တဲ့တာဝန်ကို ကျေပွန်အောင်မထမ်းဆောင်နိုင်တဲ့ ပြည်ထောင်စုဝန်ကြီးနဲ့ ဒုတိယဝန်ကြီးတွေ ရာထူးက နုတ်ထွက်ဖို့ သမ္မတကညွှန်ကြားနိုင်ပြီး ညွှန်ကြားသလိုမလိုက်နာရင် တာဝန်ကရပ် စဲရမယ်လို့ ဖွဲ့စည်းပုံအခြေခံဥပဒေပုဒ်မ ၂၃၅မှာ ဆိုပါတယ်။ အလားတူပဲ ဖွဲ့စည်းပုံ အခြေခံဥပဒေပုဒ်မ၂၆၄အရ  တိုင်းဒေသကြီးနဲ့ပြည်နယ်ဝန်ကြီးချုပ်တွေ၊ ဝန်ကြီးတွေကိုတာဝန်ကရပ်စဲလို့ရပါတယ်။ ဒါပေမယ့် အာဏာပိုင်တရားသူကြီးတွေကို သမ္မတက သူ့လုပ်ပိုင်ခွင့်တစ်ခုတည်း နဲ့ ဘာကြောင့် ဖြုတ်လို့မရတာကိုရှင်းပြပါမယ်။

လက်ရှိတရားစီရင်ရေးစနစ်မှာ အာဏာပိုင်အဆင့်အနေနဲ့ ပြည်ထောင်စုတရား သူကြီးချုပ်နဲ့ ပြည်ထောင်စုတရားလွှတ် တော်ချုပ်တရားသူကြီးတွေရယ်၊တိုင်းဒေသကြီးနဲ့ပြည်နယ်တရားလွှတ်တော် တရားသူကြီးချုပ် ၁၄ ဦးရယ်၊ တိုင်းဒေသကြီး ပြည်နယ်တရားလွှတ်တော် တရားသူကြီးဦးရေ အနည်းဆုံး ၂၅ယောက်၊ အယောက် ၃ဝနဲ့ အထက်ရယ်ရှိပါတယ်။ အဲဒီတရားသူကြီး အားလုံးက အာဏာပိုင်အဆင့်တွေဖြစ်ပါတယ်။ တိုင်းဒေသကြီးပြည်နယ်တရားလွှတ် တော်တရားသူကြီး တွေထဲမှာ တရားဝင်လစာနဲ့ အခြားအကျိုးခံစားခွင့်အားဖြင့် ကာလတန်ကြေးအနေနဲ့ တစ်လကျပ် ၁ဝသိန်း အောက်ရတဲ့ သူတစ်ယောက်မှမပါပါဘူး။ ကျန်တဲ့ ပြည်ထောင်စုတရားသူကြီးချုပ်နဲ့ ပြည်ထောင်စုတရားလွှတ် တော်ချုပ်တရား သူကြီး တွေ၊ တိုင်းဒေသကြီးနဲ့ ပြည်နယ်တရားလွှတ်တော်တရားသူကြီးချုပ် ၁၄ ဦးစတဲ့ အာဏာပိုင်တွေကလည်း တရားဝင်လစာ နဲ့ အခြားအကျိုးခံစားခွင့်အားဖြင့် ကာလ တန်ကြေးအနေနဲ့ တစ်လကျပ်သိန်း၂ဝကနေကျပ်သိန်း၎ဝကြားရတဲ့သူတွေပါ။

ပြည်ထောင်စုတရားသူကြီးချုပ်နဲ့ ပြည်ထောင်စုတရားလွှတ်တော်ချုပ် တရားသူ ကြီးတွေကအသက် ၅ဝထက်မငယ် အသက် ၇ဝထက်မကြီးသူဖြစ်ရမှာ ဖြစ်ပါတယ်။ ရာထူးကနုတ်ထွက်တာ၊ ဖွဲ့စည်းပုံအခြေခံ ဥပဒေပါ ပြဋ္ဌာန်းချက်တွေနဲ့အညီ စွပ်စွဲပြစ်တင်ခြင်းခံရလို့ ရာထူးကရပ်စဲခံရတာ၊ သတ်မှတ်တဲ့ဆေးအဖွဲ့ရဲ့စစ်ဆေးချက် အရကိုယ်စိတ်နှစ်ပါးအနက် တစ်ပါးပါး ထာဝရချို့ယွင်းသွားတာမို့ တာဝန်ကိုဆက်လက် ထမ်းဆောင်နိုင်စွမ်းမရှိတာ၊ ကွယ်လွန်တာ အဲဒီအကြောင်းတစ်ရပ်ရပ် မပေါ်ပေါက်ရင် အသက် ၇ဝ ပြည့်တဲ့အထိတာဝန်ထမ်းဆောင်ခွင့်ရှိတာမို့ ပြည်ထောင်စုတရားသူကြီးချုပ်နဲ့ ပြည်ထောင်စု တရားလွှတ်တော်ချုပ် တရားသူကြီးတွေသက်တမ်းက နှစ်၂ဝဖြစ်ပါ တယ်။

တိုင်းဒေသကြီး၊ ပြည်နယ်တရားလွှတ် တော်တရားသူကြီးချုပ်တွေနဲ့ တိုင်းဒေသ ကြီး၊ ပြည်နယ်တရားလွှတ်တော် တရားသူကြီးတွေက အသက် ၄၅ နှစ်ထက်မငယ်၊ အသက် ၆၅ နှစ်ထက်မကြီးသူတွေဖြစ်ရပါ မယ်။ အဲဒီတရားသူကြီးတွေက အထက်က ပြောခဲ့တဲ့ အကြောင်းတစ်ရပ်ရပ်မပေါ်ပေါက်ရင် အသက် ၆၅ နှစ် ပြည့်တဲ့အထိတာ ဝန်ထမ်းဆောင်ခွင့်ရှိတာမို့ သူတို့သက်တမ်းကလည်း နှစ်၂ဝဖြစ်ပါတယ်။ အခုပြောခဲ့တဲ့ အာဏာပိုင်အဆင့် တရားသူကြီးအားလုံး ကိုသမ္မတက သူ့လုပ် ပိုင်ခွင့်အာဏာတစ်ခုတည်းနဲ့ ရာထူးကရပ်စဲခွင့်ဖြုတ်ချခွင့်ကိုဥပဒေကပေးမထားပေမဲ့ စွပ်စွဲပြစ်တင်ခွင့်တော့ရှိပါတယ်။

အဲဒီအာဏာပိုင်အဆင့်တရားသူကြီးတွေကိုစွပ်စွဲပြစ်တင်နိုင်တဲ့အချက် ငါး ချက်ရှိပါတယ်။

(၁) နိုင်ငံတော်ရဲ့ကျေးဇူးသစ္စာတော်ကိုဖောက်ဖျက်တာ၊

(၂) ဖွဲ့စည်းပုံအခြေခံဥပဒေပါ ပြဋ္ဌာန်း ချက်တစ်ရပ်ရပ်ကို ဖောက်ဖျက်ကျူးလွန်တာ၊

(၃) အကျင့်သိက္ခာပျက်ပြားတာ၊

(၄) ဖွဲ့စည်းပုံအခြေခံဥပဒေပါ သူတို့ရဲ့ အရည်အချင်းပျက်ယွင်းတာ၊

(၅) ဥပဒေအရပေးအပ်တဲ့တာဝန်တွေ ကိုကျေပွန်စွာမဆောင်ရွက်တာ။

အဲဒီ ငါးချက်နဲ့စွပ်စွဲပြစ်တင်လို့ရတာ ဖြစ်ပါတယ်။

နိုင်ငံတော်သမ္မတက ပြည်ထောင်စုတရားသူကြီးချုပ်နဲ့ ပြည်ထောင်စုတရားလွှတ်တော်ချုပ် တရားသူကြီးတွေကိုစွပ်စွဲပြစ် တင်ဖို့လိုရင် မိမိစွပ်စွဲချက်ကို ပြည်ထောင်စုလွှတ်တော်နာယကထံ တင်ပြရမှာဖြစ်ပါတယ်။ ပြည်သူ့လွှတ်တော်၊ အမျိုးသား လွှတ်တော်ကိုယ်စားလှယ်တွေက ပြည်ထောင်စုတရားသူကြီးချုပ်နဲ့ ပြည်ထောင်စုတရားလွှတ် တော်ချုပ်တရားသူကြီးတွေကို စွပ်စွဲပြစ်တင်ဖို့ လိုအပ်ရင်နိုင်ငံတော်သမ္မတ၊ ဒုတိယသမ္မတကိုစွပ်စွဲပြစ်တင်တာနဲ့ စပ်လျဉ်းတဲ့ပြဋ္ဌာန်း ချက်တွေနဲ့အညီဆောင် ရွက်ရမှာပါ။ နိုင်ငံတော်သမ္မတက တိုင်းဒေသကြီးပြည်နယ်တရားလွှတ်တော် တရားသူကြီးချုပ်ကိုဖြစ်ဖြစ်၊ တိုင်းဒေသကြီး ပြည်နယ်ဝန်ကြီးချုပ်က သက်ဆိုင်ရာတိုင်းဒေသကြီးပြည်နယ်တရား လွှတ်တော်တရားသူကြီးတစ်ဦးဦးကိုဖြစ်ဖြစ် စွပ်စွဲပြစ် တင်ဖို့လိုအပ်ရင် စွပ်စွဲချက်ကို တိုင်းဒေသကြီး ဒါမှမဟုတ် ပြည်နယ်လွှတ် တော် ဥက္ကဋ္ဌထံပေးပို့ရမှာဖြစ်ပါတယ်။

သက်ဆိုင်တဲ့လွှတ်တော်တွေကဥပဒေလုပ်ထုံးလုပ်နည်းတွေနဲ့ အညီစွပ်စွဲချက်မှန်တယ်ဆိုပြီးစစ်ဆေးဆုံးဖြတ်ပြီးတော့မှ အာဏာပိုင်အဆင့် တရားသူကြီးတွေကိုရာထူးကရပ်စဲနိုင်မှာဖြစ်ပါတယ်။ အဂတိလိုက်စားတဲ့ဘယ်တရားသူကြီးကိုမဆိုထိ ရောက်တဲ့အရေးယူမှုလုပ်နိုင်တဲ့ နောက်ထပ်အခွင့်အရေးတစ်ခုကတော့ အဂတိလိုက်စားမှုတိုက် ဖျက်ရေးဥပဒေပဲဖြစ်ပါ တယ်။ အဲဒီဥပဒေအရစွပ်စွဲပြစ်တင်စရာမလိုဘဲ ပြစ်မှုထင်ရှားရင် ထောင်ဒဏ်ချမှတ်အရေးယူလို့ရမှာဖြစ်ပါတယ်။ နိုင်ငံရေးရာ ထူးလက်ရှိဖြစ်သူကအဂတိလိုက်စားရင် ၁၅နှစ်အထိထောင်ဒဏ်ချ မှတ်ခံရနိုင်တဲ့အပြင် ငွေဒဏ်လည်းချမှတ်ခံရနိုင်ပါတယ်။ နိုင်ငံရေးရာထူးလက်ရှိဖြစ်သူမဟုတ်ဘဲ အခြားလုပ်ပိုင်ခွင့်အာဏာရှိသူ ကကျူးလွန်ရင် ၁ဝ နှစ်အထိထောင်ဒဏ်ချ မှတ်ခံရ နိုင်တဲ့အပြင် ငွေဒဏ်လည်းချမှတ်ခံရနိုင်ပါတယ်။

အဲဒီလိုလူတွေကလွဲပြီး တခြားဘယ်သူ ပဲဖြစ်ဖြစ် အဂတိလိုက်စားမှုကျူးလွန်ရင် ခု နစ်နှစ်အထိထောင်ဒဏ်ချမှတ်ခံရနိုင် တဲ့အပြင်ငွေဒဏ်လည်းချမှတ်ခံရနိုင်ပါတယ်။ အဲဒီဥပဒေကို အကောင်အထည်ဖော်ဆောင်ရွက်နေတာက အဂတိလိုက်စားမှု တိုက်ဖျက်ရေးကော်မရှင်နဲ့ ကော်မရှင်ဥက္ကဋ္ဌအပါအဝင်ကော်မရှင်အဖွဲ့ဝင်တွေဖြစ်ပါတယ်။ ကော်မရှင်ဥက္ကဋ္ဌက ပြည်ထောင်စု ဝန်ကြီးအဆင့်ဖြစ်ပြီး ကော်မရှင်အဖွဲ့ဝင်တွေကဒုတိယဝန်ကြီးအဆင့်တွေ ဖြစ်ပါတယ်။ တရားစီရင်ရေး ကဏ္ဍမှာအာဏာပိုင် အဆင့် တရားသူကြီးတွေအပါအဝင် တရားသူကြီးအားလုံးထဲမှာ အချို့သာ အဂတိတရားလိုက်စားမှုတွေရှိတာဖြစ်ပါတယ်။ ကိုယ်ကျင့်သိက္ခာနဲ့အညီအဂတိတရားကင်းရှင်းတဲ့ တရားသူကြီးတွေလည်းအများအပြားရှိပါတယ်။ ဒါပေမဲ့ ငါးခုံးမတစ်ကောင် ကြောင့် တစ်လှေလုံးပုပ် ဆိုတဲ့အဖြစ်မျိုးလို အဂတိလိုက်စားတဲ့ တရားသူကြီးအချုိ့ကြောင့် ကိုယ်ကျင့်သိက္ခာနဲ့ပြည့်စုံတဲ့ အခြားတရားသူကြီးတွေနဲ့ တရားစီရင်ရေးမဏ္ဍိုင်ကို ပြည်သူတွေ အထင်အမြင်လွဲနေတာလို့ ယူဆပါတယ်။

ဒါကြောင့် ကိုယ်ကျင့်သိက္ခာနဲ့ပြည့်စုံတဲ့ အခြားတရားသူကြီးတွေနဲ့ တရားစီရင်ရေး မဏ္ဍိုင်ကို ပြည်သူတွေ ပိုမိုယုံကြည် အားကိုးလာဖို့ဆိုရင် ပုပ်နေတဲ့ငါးခုံးမအချို့နဲ့တူတဲ့ အကျင့်ပျက်အဂတိလိုက်စားတဲ့ တရားသူကြီးတွေကို အမြန်ဆုံးဖော်ထုတ် အရေးယူနိုင်ဖို့လိုလာပါပြီ။ အဲဒီလိုငါးခုံးမတွေကိုအရေးယူဖို့ဆိုရင် သမ္မတ၊ ဝန်ကြီးချုပ်နဲ့ လွှတ်တော်ကိုယ်စားလှယ်တွေက တစ်ဆင့်သွားတဲ့ စွပ်စွဲပြစ်တင်ခြင်းဆိုတဲ့လမ်းကြောင်းထက် နစ်နာသူပြည်သူတွေကအဂတိလိုက် စားမှုတိုက်ဖျက်ရေး ကော် မရှင်ကိုတိုင်ကြားပြီး အရေးယူစေတဲ့လမ်းကြောင်းက ပြည်သူတွေအတွက် ပိုမိုလွယ်ကူအဆင်ပြေစေမှာပါ။ ဒါကြောင့်မို့ နစ်နာသူတွေကအဲဒီကော်မရှင်ကိုများများတိုင်ကြပါလို့ အပြုသဘောဆောင်အကြံပြုရင်း တရားစီရင်ရေးမဏ္ဍိုင် ယိမ်းယိုင်နေ ရာက အမြန်ဆုံးပြန်လည်တည့် မတ်လာပါစေကြောင်းဆုတောင်းလျက်။

 

သာဓက