အင်စတီကျူးရှင်းအားတည်ဆောက်ခြင်း

လူအဖွဲ့အစည်းအတွင်း နိုင်ငံရေး၊ လူမှုရေး၊ စီးပွားရေးစသည့် အများနှင့်သက်ဆိုင်သည့် လုပ်ငန်းတစ်ခု ကို အကောင်အထည်ဖော်မည်ဆိုပါက အင်စတီကျူးရှင်းတစ်ခုအား တည်ဆောက်ရန် လိုအပ်သည်ဟု အများ အသိမှတ်ပြုထား ကြပေသည်။ မည်သည့်ရည်မှန်းချက်ကို အကောင်အထည်ဖော်သည်ဖြစ်စေ ထိုရည်မှန်းချက် ပေါက်မြောက်အောင်မြင်ရန် လိုအပ်သည့် အားကောင်းမောင်းသန်ရှိသည့် အင်စတီကျူးရှင်းတစ်ရပ် တည်ရှိရန် လိုအပ်သည်။ သို့ဖြစ်ရာ အားကောင်းမောင်းသန်ရှိသော အင်စတီကျူးရှင်း မည်သို့တည်ဆောက်မည်နည်း ဆို သည်ကို ပိုင်းခြားသုံးသပ်ရန် လိုအပ်ပါသည်။

 

ခေါင်းဆောင်မှု

အင်စတီကျူးရှင်းတစ်ခုအား ဖွဲ့စည်းရန်အစပြုကြသည်မှာ လူတစ်ဦး၊ တစ်ယောက်သို့မဟုတ် တက်ကြွ သူအချို့ကရှေ့ဆောင်ရှေ့ရွက်ပြု၍  ဖွဲ့စည်းကြသည်ကများပါသည်။ စီးပွားရေးလုပ်ငန်းတစ်ခု သို့မဟုတ် လူမှု ရေးလုပ်ငန်းတစ်ခု အတွက်ရည်ရွယ်သည့် အင်စတီကျူးရှင်းတစ်ခုအတွက် လူတစ်ဦးတစ်ယောက်တည်းက စတင်ခြင်းမျိုး ရှိနိုင်သကဲ့သို့အဆိုပါ အင်စတီကျူးရှင်း၏ မူဝါဒမှသည် တစုံလုံးအား အဆိုပါပုဂ္ဂိုလ်ကပင် ချမှတ် လေ့ရှိခြင်း ရှိနိုင်ပါသည်။ သို့သော် တိုင်းပြည်နှင့်ဆိုင်သော နိုင်ငံရေးအင်စတီကျူးရှင်း တစ်ရပ်အတွက် ဖွဲ့စည်း ရာတွင် လူတစ်ဦးတစ်ယောက်နှင့် စတင်၍မဖြစ်နိုင်ပေ။ တက်ကြွ ရှေ့ဆောင်လိုသူအချို့ စုစည်းဖွဲ့စည်းရန် လို အပ်သည်။

ထို့အတူ နိုင်ငံရေးအင်စတီကျူးရှင်း၏  မူဝါဒများရွေးချယ်ရာတွင် လည်းကောင်း၊ လုပ်ငန်းစဉ်များ ချ မှတ်ရေးဆွဲရာတွင်လည်းကောင်း၊ ပေါ်လစီများပြုစုရာတွင်လည်းကောင်း၊ စည်းကမ်းများသတ်မှတ်ရာတွင်လည်း ကောင်း တစ်ဦးတစ်ယောက်ကောင်း ချမှတ်ရန်မဖြစ်နိုင်ပေ။ လူစွမ်းကောင်း ဝါဒထွန်းကားသည့် ခေတ်ကာလ ကားလွန်ခဲ့ပြီဖြစ်သည်။ လူအဖွဲ့အစည်းအတွင်း စုပေါင်းခေါင်းဆောင်သည့်၊ စုပေါင်းတာဝန်ခွဲဝေယူသည့် အလေ့ အထထွန်းကားနေပြီဖြစ်ရာ နိုင်ငံရေးအင်စတီကျူးရှင်းကို စုပေါင်းခေါင်းဆောင်မှုဖြင့်တည်ဆောက်ရပေမည်။

ဤနေရာတွင် ခေါင်းဆောင်မှုအတွင်း ထူးချွန်သာလွန်သူတစ်ဦး အများထက်ခေါင်းတစ်လုံး ပိုမြင့်သူ တစ်ဦးပေါ်ထွက်နိုင်ပါသည်။ ထိုသို့သော အခြေအနေရှိသည်ကို အသိမှတ်ပြုသည်နှင့်အတူ စုပေါင်းခေါင်း ဆောင်သည့် အလေ့အထ၊ အနည်းစုက အများစုကိုနာခံသည့် အလေ့အထကို ထူထောင်ရန် လိုအပ်သည်။ နိုင်ငံရေးအင်စတီကျူးရှင်းတစ်ခုကို စတင်သည်နှင့် စုပေါင်းခေါင်းဆောင်သည့် အခြေခံပေါ်မှ အစပြုရန် လို အပ်ပါသည်။

မူဝါဒ၊ လုပ်ငန်းစဉ်၊ ပေါ်လစီ

ဦးစွာအားဖြင့် အင်စတီကျူးရှင်းတစ်ခုကို တက်ကြွလှုပ်ရှားသူများ၊ ရှေ့ဆောင်သူများ (ပိုင်အိုးနီယား များ)က ဦးဆောင်ဖွဲ့စည်းကြသည်။ ထိုသူတို့သည် ယေဘုယျအားဖြင့် အင်စတီကျူးရှင်းများကို တည်ဆောက် ပါက မူဝါဒများ၊ လုပ်ငန်းစဉ်များ၊ ပေါ်လစီများနှင့်စည်းကမ်းသတ်မှတ်ချက်များဖြင့် တည်ဆောက်ကြသည်ဟု ဆိုနိုင်ပါသည်။ သာမန်အင်စတီကျူးရှင်း များတွင်ပင်မူဝါဒများ၊ လုပ်ငန်းစဉ်၊ ပေါ်လစီများ လိုအပ်သည်ဖြစ်ပေရာ တိုင်းပြည်နှင့်ချီသည့်  ရည်မှန်းချက်ကြီးမားသော နိုင်ငံရေးအင်စတီကျူးရှင်းတစ်ခု တည်ဆောက်မည်ဆိုလျှင် အထက်ဖော်ပြပါ အချက်များ၏ အရေးပါမှုကို ဦးစွာဂရုပြုရန် လိုအပ်ပေသည်။

မူဝါဒသည် အဆိုပါအင်စတီကျူးရှင်း၏ အခြေခံရပ်တည်ချက်ကို ဖော်ပြသည်။ လုပ်ငန်းစဉ်၊ လမ်းစဉ်ဆို သည်ကတော့ အဆိုပါမူဝါဒများ အခြေခံပေါ်မှနေ၍ လက်တွေ့အခြေအနေနှင့်ပေါင်းစပ်ပြီးချမှတ်ခြင်း ဖြစ်သည်။ ပေါ်လစီဆိုသည်က အဆိုပါလုပ်ငန်းစဉ်များကို အကောင်အထည်ဖော်သည့် နည်းပရိယာယ်ပိုင်းဖြစ်သည်။ ထို ကိုင်စွဲသည့် မူဝါဒခိုင်မာခြင်း၊ တိုင်းပြည်လက်တွေ့အခြေအနေနှင့် ကိုက်ညီသည့်လုပ်ငန်းစဉ်၊ လမ်းစဉ်များချ မှတ်နိုင်ခြင်းနှင့်အတူပျော့ပျောင်းသည့် ပေါ်လစီများချမှတ်ဆောင်ရွက်နိုင်မှသာ လူထုကိုလည်းကောင်း၊ထောက် ခံသူများကိုလည်းကောင်း စည်းရုံးသိမ်းသွင်းနိုင်ပေလိမ့်မည်။

အင်စတီကျူးရှင်း တစ်ရပ်သည် အဆိုပါအချက်များ အခြေခံပေါ်မှ တည်ဆောက်မှသာလျှင် ပီပြင်သော အင်စတီကျူးရှင်းတစ်ရပ်အဖြစ် ပေါ်ထွက်လာပြီး အားကောင်းမောင်းသန် ဖြစ်လာပေလိမ့်မည်။

 

စည်းမျဉ်းစည်းကမ်းများ

အင်စတီကျူးရှင်းတစ်ရပ်ကို တည်ဆောက်ရာတွင် လိုအပ်သည်မှာ အင်စတီကျူးရှင်းအနေနှင့်လည်း ကောင်း  အင်စတီကျူးရှင်းဝင်များအနေဖြင့်လည်းကောင်း လိုက်နာရမည့် စည်းမျဉ်းစည်းကမ်းများကို ရေးဆွဲပြ ဋ္ဌာန်းထားရန်လိုသည်။ အဆိုပါစည်းမျဉ်းစည်းကမ်းများကို အင်စတီကျူးရှင်း၏ အဖွဲ့ဝင်များလိုက်နာကြရန် လို သကဲ့သို့ လိုက်နာအောင် ကြပ်မတ်ထိမ်းကျောင်းရန်လည်း လိုအပ်ပေသည်။ မည်မျှကောင်းမွန်ခိုင်မာသည့် မူဝါဒလုပ်ငန်းစဉ်များ၊ ပေါ်လစီများရေးဆွဲပြဋ္ဌာန်းထားသည်ဖြစ်စေအဆိုပါ မူဝါဒများကို အ ကောင်ထည်ဖော်ရေး ကိုရှေးရှု၍ ရေးဆွဲထားသည့် စည်းမျဉ်းစည်းကမ်းများ လိုအပ်သည်။ ထို့ပြင်အင်စတီကျူးရှင်း၏ နေ့စဉ်ဘဝတွင် စည်းမျဉ်းစည်းကမ်းများဖြင့် ထိမ်းကျောင်းခြင်းက အရေးပါပေသည်။

အမာခံကျောရိုး (ဝါ) ကေဒါ

နိုင်ငံရေး အင်စတီကျူးရှင်းတစ်ခုအား စုပေါင်းခေါင်းဆောင်မှုဖြင့် မူဝါဒ၊ လုပ်ငန်းစဉ်၊ ပေါ်လစီနှင့် စည်း မျဉ်းစည်းကမ်း သတ်မှတ်ချက်များ ချမှတ်ပြီးပါက အဆိုပါမူဝါဒများကို အာမခံမည့်အမာခံကျောရိုး အဆင့်ဆင့် ကို မွေးထုတ်ပေးရန် လိုအပ်ပါသည်။ တစ်ပြည်လုံးအတိုင်းအတာဆောင်သည့် အင်စတီကျူးရှင်းတစ်ခု အတွက် မူဝါဒများကို အာမခံအကောင် အထည်ဖော်မည့် အမာခံကျောရိုးများစွာလိုအပ်မည်။ ထိုသူများကား အလိုလို ပေါ်လာမည် မဟုတ်ပေရာ လေ့ကျင့်မွေးမြူ ပေးရန် လိုအပ်သည်။

ယနေ့ခေတ်ကာလတွင် ခေါင်းဆောင်မှုသင်တန်းဆိုသည်များကို ဖွင့်လှစ်လျက်ရှိရာ ခေါင်းဆောင်လုပ် မည့်သူပဲရှိပြီး နောက်လိုက်လုပ်မည့်သူရော မရှိဘူးလားဟူသည့် မေးခွန်းများပေါ်ထွက်လျက် ရှိသည်။ တကယ် တမ်းအားဖြင့်ဆိုလျှင် လူငယ်ခေါင်းဆောင်မှုသင်တန်းဆိုသည်မှာ မူဝါဒတစ်ခုကို အကောင်အထည်ဖော်မည့် အ မာခံကျောရိုးများ မွေးထုတ်ခြင်းဖြစ်သည်။ အမာခံကျောရိုး မွေးထုတ်ခြင်းဆိုသည်မှာ မိမိအင်စတီကျူးရှင်း၏ မူဝါဒများကို တစ်ပြည်လုံးအနှံ့တွင် ကြံ့ကြံ့ခံ၍ အကောင်အထည်ဖော်မည့်သူ၊ ရှေ့ဆောင်ရှေ့ရွက်ပြုမည့်သူ၊ တက်ကြွလှုပ်ရှားသူများကို မွေးထုတ်ခြင်းဖြစ်သည်။ ထိုသူများကို လက်ဝဲယိမ်းပါတီများတွင်မှု ကေဒါဟု ခေါ်ကြ သည်။ ယနေ့ကာလတွင် ထိုကေဒါဆိုသည့် အသုံးအနှုန်းကို လက်ဝဲဆန်သည်ဟု ယူဆကြပြီး သုံးစွဲခြင်းမရှိကြ ပေ။ သို့သော်လည်း ထိုကေဒါခေါ် အမာခံ ကျောရိုးများသည် သက်ဆိုင်ရာနိုင်ငံရေး အင်စတီကျူးရှင်း၏ မူဝါဒ၊ လုပ်ငန်းစဉ်၊ ပေါ်လစီနှင့် စည်းမျဉ်းစည်းကမ်းများကို အာမခံ၍ အကောင်အထည်ဖော်ရာတွင် လည်းကောင်း၊ လူထုအားစည်းရုံးသိမ်းသွင်း ရာတွင်လည်းကောင်း အရေးပါသည့် အမာခံကျောရိုးများ ဖြစ်ကြသည်ဆို သည် ကတော့ နိုင်ငံရေး အင်စတီကျူးရှင်း တိုင်းအတွက် အမှန်တရားဖြစ်နေဆဲဖြစ်သည်။ ထို့ပြင် အတိုင်းအတာကြီး မားသည့် တစ်နိုင်ငံလုံး လက္ခဏာဆောင်သည့် အင်စတီကျူး ရှင်းတစ်ရပ်အတွက်ဆိုလျှင် အဆင့်ဆင့် ကျောရိုး ကေဒါများ ပိုမိုလိုအပ်သည်။

နိုင်ငံရေး အင်စတီကျူးရှင်းတစ်ရပ်တွင် ပါဝင်နေသည့် အဆင့်ဆင့် အမာခံကျောရိုးများသည် မိမိနိုင် ငံရေးအင်စတီကျူးရှင်း၏ မူဝါဒ၊ လုပ်ငန်းစဉ်၊ ပေါ်လစီ၊ စည်းမျဉ်းစည်းကမ်းများကို ကျေညက်၍ လူထုကြားသို့ သယ်ဆောင်နိုင်မှသာလျှင် အဆိုပါ နိုင်ငံရေးအင်စတီကျူးရှင်းသည် တက်ကြွ သက်ဝင်၍နေပေလိမ့်မည်။

မိမိပါဝင်သော အင်စတီကျူးရှင်း၏မူဝါဒကိုမသိဘဲ အင်စတီကျူးရှင်းကို ဦးဆောင်သူအား ပုဂ္ဂိုလ်ရေး လေးစားမှုဖြင့်လည်းကောင်း၊ အင်စတီကျူးရှင်း၏ မူဝါဒများကို ဂဃနဏ မသိသော်လည်း အခြားနိုင်ငံရေး အင်စတီကျူးရှင်းများထက်သာလွန်သည်ဟုယူဆ၍လည်းကောင်း၊ အခြားအကြောင်းကြောင်းများကြောင့်လည်း ကောင်းပါဝင်နေသော အင်စတီကျူးရှင်းဝင်များလည်း ရှိနေနိုင်သည်သာဖြစ်သည်။ ရှောင်လွှဲ၍မရနိုင်ပေ။ သို့ သော် ထိုသူများသည် အင်စတီကျူးရှင်းကို ထောက်ခံသည့်အင်အားများ ဖြစ်ကောင်း ဖြစ်နိုင်သော်လည်း အင် စတီကျူးရှင်း၏ အမာခံကျောရိုးများတော့ မဖြစ်နိုင်ပေ။ ထိုကဲ့သို့သောသူများသည် မလွှဲမရှောင်သာဟု ဆိုနိုင် သော်လည်း အင်စတီကျူးရှင်း တစ်ခုတောင့်တင်းခိုင်မာရေး၊ ရှင်သန်သက်ဝင်ရေးအတွက် အင်စတီကျူးရှင်း၏ မူဝါဒ၊ လုပ်ငန်းစဉ်၊ ပေါ်လစီ၊ စည်းမျဉ်းစည်းကမ်းများကို အာမခံနိုင်သည့် အမာခံကျောရိုးများ မွေးမြူ လေ့ကျင့် ထားရန် လိုအပ်သည်။

 

ဘဏ္ဍာရေး ရန်ပုံငွေ

အင်စတီကျူးရှင်းတစ်ရပ် တောင့်တင်းခိုင်မာစွာ ရပ်တည်နိုင်ရေးအတွက် ဘဏ္ဏာရေးရန်ပုံငွေ ရရှိသုံးစွဲ နိုင်မှုသည် အရေးကြီးသည်။ အင်စတီကျူးရှင်းကို ခေါင်းဆောင် စီမံနေသူများအနေနှင့် မိမိတို့အင်စတီကျူးရှင်း ပုံမှန်လည်ပတ်နေရန်အတွက် ဘဏ္ဍာရန်ပုံငွေရရှိနိုင်မည့်နည်းလမ်းများကို ရှာဖွေအသုံးပြုရန်လိုအပ်သည်။ နိုင်ငံ ရေးအင်စတီကျူးရှင်းဆိုသည်၌ပင် အင်စတီကျူးရှင်းတွင် ပါဝင်သူများ၏ စားဝတ်နေရေးအား ရေရှည်ပစ်ပယ် ထား၍မရပေ။ အမြဲတမ်းကိုယ်ကျိုးစွန့်ခိုင်းနေ၍မရပေ။ ပုံမှန်အင်စတီကျူးရှင်းတစ်ရပ်တွင် အဖွဲ့ဝင်များ၏ နေ ထိုင်စားသောက်မှုကိုတာဝန်ယူမှုရှိစွာဖြေရှင်းပေးပြီး အဖွဲ့ဝင်တို့၏ အင်စတီကျူးရှင်းအပေါ် ယုံကြည်ကိုးစားမှုကို ပြန်လည်ရယူလေ့ရှိကြသည်။

မတူသော အင်စတီကျူးရှင်းများ

အထက်တွင် ဖော်ပြထားသကဲ့သို့ အင်စတီကျူးရှင်းများကို တည်ဆောက်ရာတွင်-

၁။ ခေါင်းဆောင်မှု၊

၂။ မူဝါဒ၊ လုပ်ငန်းစဉ်၊ ပေါ်လစီ၊

၃။ စည်းမျဉ်း စည်းကမ်း၊

၎။ ကျောရိုးကေဒါ၊

၅။ ဘဏ္ဍာရေးရန်ပုံငွေတို့ဖြင့်ဟန် ချက်ညီတည်ဆောက်ကြသည် ဆိုသော်လည်း အင်စတီကျူးရှင်း တစ်ခုချင်း တည်ဆောက်ပုံများ မတူကြပေ။

အချို့က ခေါင်းဆောင်မှုတွင် စုပေါင်းခေါင်ဆောင်မှုထက် တစ်ဦးတစ်ယောက်ကောင်း ခေါင်းဆောင်မှု ကိုအလေးတင်းသည်။ အချို့က မူဝါဒကိုသာမန်မျှသာထားပြီး စည်းမျဉ်းစည်းကမ်း၊ ကျောရိုးကေဒါ၊ဘဏ္ဍာရေး ကို အလေးထားလည်ပတ်သည့် အင်စတီကျူးရှင်းများလည်းရှိသည်။ ဤသည်မှာ အင်စတီကျူးရှင်း တစ်ခုချင်း စီအားတည်ဆောက်သည့်ရည်ရွယ်ချက်နှင့် ခေါင်းဆောင်ပဲ့ကိုင်သူများ၏ သဘောထားပေါ်တွင် မူတည်သည်။

မည်သို့ပင်ဖြစ်စေ အင်စတီကျူးရှင်းတစ်ရပ်ကို တည်ဆောက်ရာတွင် အထက်ပါအချက် ၅ချက်သည် အခြေခံအချက်များဖြစ်ပြီး မည်သည့်အချက်ကို အလေးတင်း၍ တည်ဆောက်သည်ဆိုသည်ကတော့ အင်စတီ ကျူးရှင်း၏ ရည်ရွယ်ချက်နှင့် အင်စတီကျူးရှင်းကို ခေါင်းဆောင်တည် ဆောက်သူတို့၏ သဘောထားပေါ်တွင် မူတည်သည်။ အင်စတီကျူးရှင်းတစ်ခုကို ကောင်းမွန်စွာတည်ဆောက်နိုင်ပါက အင်စတီကျူးရှင်း တည်ဆောက် သည့် ရည်ရွယ်ချက်ကို အောင်မြင်အောင် ဆောင်ရွက်နိုင်မည်ဖြစ်သည်။

အလားတူပင် မည်သို့ပင်ကောင်းမွန်သည့် ရည်ရွယ်ချက်၊ ရည်မှန်းချက်များ ရှိသည်ဆိုသော်ငြားလည်း အင်စတီကျူး အားမကောင်းပါက၊ အင်စတီကျူးရှင်း တစ်ရပ်ကို မတည်ဆောက်နိုင်ပါက အကောင်အထည် ဖော်နိုင်လိမ့်မည် မဟုတ်ပေ။

မောင်မောင်စိုး