အညိုတော်လှန်ရေး

စိုပြေကတော့ မခင်မာညိုဘက်ကဗျ။ အစကတည်းက ဝီစတန်းဝှစ်ညိုတွေ ဘာတွေလုပ်မလို့။ သိတဲ့အတိုင်း အဲ့ တုန်းက အညို့ကို ဒေါသတွေထွက်နေတော့ မစတန်းရဲဘူး။

ဝိုင်းဆဲကြမှာသိတယ်လေ။  အခုလို သွေးအေးသွားချိန်မှပဲ အညို့ဘက်က နေရဲတော့တယ်။ တကယ်တော့ အညိုဟာ အိမ်ဖော်လောကအတွက် သီဟတင်စိုးပဲ။

သဘောကတော့ သီဟတင်စိုးကလည်း တော်လှန်ရေး လုပ်တယ်လေ။ အညိုကလည်း အိမ်ဖော်လောကကိုတော် လှန်ပလိုက်တာပဲ။ စေ့စေ့တွေးရင် အိမ်ဖော်လောကအတွက်သူရဲကောင်းလို့တောင်ဆိုနိုင်တယ်။ လုပ်ကြံပြီးတိုင်လို့အဖမ်းခံရ တာတော့ တစ်ပိုင်းပေါ့လေ။

အချို့လည်း မှတ်မိချင်မှမှတ်မိမယ်။ အရင်လတုန်းက သီဟတင်စိုးက မုဒိန်းကျင့်ပါတယ်ဆိုပြီး တရားထစွဲတာလေ။ ဒါပေမဲ့ ရဲဘက်က သေချာစစ်လိုက်တော့ လုပ်ကြံပြီးတရားစွဲတာ ဖြစ်နေတယ်။

ပြီးတော့ သူတို့ဂိုဏ်းနဲ့ စနစ်တကျလုပ်တာဆိုပဲ။ သူတို့အဖွဲ့က တရားစွဲထားလို့ ထောင်ထဲရောက်နေသူ လျော် ကြေး ပေးလိုက်ရသူတွေလည်း တော်တော်များတယ်။ ဘာပဲဖြစ်ဖြစ် အညို အခုလိုလုပ်လိုက်တော့ အိမ်ဖော်တွေဟာ မျက်စိပွင့် နားပွင့် ဖြစ်ကုန်တယ်။

ငါတို့အိမ်ဖော်တွေလည်း အိမ်ရှင်တွေကိုဒုက္ခပေးလို့ရတာပါလားလို့ သိကုန်ကြတယ်။ စိုပြေ သူငယ်ချင်းတွေမှာလည်း အိမ်ဖော်တွေရှိကြပါတယ်။ ဇာတ်လမ်းတွေကအစုံပဲ။

တစ်ပတ်နဲ့ပြေးတာ။ လင်နောက်လိုက်တာ။ ရွှေငွေတွေ ခိုးပြေးတာ။ အမှိုက်ပစ်ခိုင်းရင်းနဲ့ ပြန်မလာတော့တာ။ ထမင်း ဟင်းခိုးစားတာ။ အိမ်ရှင့်သားသမီးကို ခေါင်းခေါက်တာ။ လစ်ရင်ကန်ထုတ်တာ။ ဟင်းအိုးထဲ တံတွေးထွေးထည့်တာ။ သော့ ခတ်ထားလို့ ဓာတ်တိုင် ဖက်ဆင်းပြီး ထွက်ပြေးတာတွေရောပေါ့။ များသောအားဖြင့်တော့ အိမ်ဖော်တွေဆိုးတာကိုပဲကြားရ    တယ်။ အိမ်ရှင်တွေကပြောကြတာပေါ့လေ။ အိမ်ရှင်တွေက ပိုက်ဆံရှိသူတွေ မဟုတ်လား။ အဲ့တော့ ဖေ့စ်ဘုတ်တွေ ဘာတွေ သုံးနိုင်တယ်။ လူရာဝင်ဝင်စကား ပြောနိုင်တယ်။ အတင်းတွေဘာတွေတုတ်နိုင်တာပေါ့။

အိမ်ဖော်တွေကတော့ အဲ့လိုမဟုတ်ဘူး။ အိမ်ရှင်နှိပ်စက်လည်း ဘယ်သူ့တိုင်ရမှန်းမသိဘူး။ ဖေစ့်ဘုတ်တွေဘာတွေ လည်း အိမ်ဖော်ပါဆိုပြီး ပေါ်တင်မသုံးရဲဘူး။ ရှက်ကြမှာပေါ့။ အိမ်ဖော်သမဂ္ဂဆို တာလည်း ရှိတာမဟုတ်။

အိမ်ရှင်တွေအကြောင်း ဘယ်မှာပြောရမှန်းလည်းမသိ။ အိမ်ဖော်အချင်းချင်း အတင်းတုတ်ရအောင်လည်း အိမ်ပြင် ထွက်ရတာမဟုတ်။ တကယ်တော့အိမ်ဖော်ဆိုတာကလည်း နာမည်လှလှလေး သုံးထားတဲ့ ခေတ်သစ်ကျွန်ဝါဒပဲမဟုတ်လား။

နယ်ဘက်တွေကနေ ကလေးမငယ်ငယ်လေးတွေခေါ်မယ်။ အိမ်မှာတောက်တိုမည်ရခိုင်းမယ်။ ထမင်းဟင်းချက်ခိုင်း မယ်။ အဝတ်လျှော်ခိုင်းမယ်။ ကလေးထိန်းခိုင်းမယ်။ ညကျတော့ ညဥ့်နက်မှအိပ်ရ။ မနက်ကျတော့ စောစောထရ။ ဘယ် တော့မှလန်းလန်းဆန်းဆန်းမရှိ။ လခကလည်း တူတူတန်တန်မရ။ အခုနောက်ပိုင်းမှ ပွဲစားနဲ့ဘာညာနဲ့မို့ တစ်သိန်းကျော်နှစ် သိန်းတွေရကြတာ။ ဒါတောင် လူနည်းစုပဲ။ လေးငါးသောင်းနဲ့ လုပ်နေရတဲ့ အိမ်ဖော်တွေ အများကြီးပဲ။

အိမ်နဲ့ရာနဲ့နေတဲ့လူက အိမ်ဖော်ထားရင်တော်သေးတယ်။ တိုက်ခန်းနဲ့နေတဲ့လူက အိမ်ဖော်ခေါ်ထားရင်ဘယ် လောက် စိတ်ညစ်ဖို့ကောင်းမလဲ။ နေစရာကကျဉ်းကျဉ်း။ အိပ်စရာကမရှိ။ တချို့များ ရေချိုးခန်းရှေ့အိပ်ရ။ ဝရန်တာအိပ်ရ။ နေ့ခင်းဘက်နေစရာမရှိ။ အမြဲတမ်း အိမ်ရှင်မျက်နှာကြည့်နေရတယ်။

အခြားအလုပ်တွေလို ပိတ်ရက်ကမရှိ။ နေ့တိုင်းအလုပ်လုပ်ရ။ ဘယ်လောက် ပင်ပန်းလိုက်မလဲ။ အစားစားတော့ လည်း သူများကျန် တာစားရတယ်။ အိမ်ရှင်ဆိုးရင် ထမင်းတောင်ဝအောင် မစားရဘူး။ အပြင်ထွက်ရင် ဘယ်ဟာက အိမ် ဖော်၊ ဘယ်ဟာက အိမ်ရှင်ဆိုတာ ခွဲလို့ရတယ်။

မြို့ကလူ တော်တော်များများလည်း ခွဲတတ်ပါတယ်။ အဝတ်အစားကြောင့်မဟုတ်။ မျက်နှာကိုကြည့်လိုက်တာနဲ့ ညှိုးငယ်နေမယ်၊ မျက်လုံးတွေက အရောင်ကင်း။ ရည်မှန်းချက်တွေ မရှိတဲ့မျက်နှာ။ သိပ်သိသာတယ်။ ဝါသနာပါလို့ အိမ် ဖော်လုပ်တယ်ဆိုတာ လည်းမရှိဘူး။

မလုပ်မဖြစ် အိမ်ကအတင်းပို့လို့ အိမ်ဖော်ဖြစ်။ စားစရာ မရှိတော့ အိမ်ဖော်ဖြစ်။ သူတို့ ဘဝဘယ်လောက်သနားဖို့ ကောင်း လဲ။ ဘဝမှာဘာဖြစ်ချင်လဲမေး။ အစပိုင်းကတော့ ရွာပြန်မယ်၊ ဝက်မွေးမယ်၊ စပါးစိုက်မယ်တွေ ပြောကြတာပဲ။ ဒါပေမဲ့ ရတာနဲ့ အိမ်ကသုံးတာနဲ့ မကာမိ။ ဘာမှလည်းမစုမိ။ ဒီတော့ လယ်လည်း မစိုက်ဖြစ်၊ ဝက်လည်းမမွေးဖြစ်။ ဘဝတစ်ခုလုံးဟာ အိမ်ဖော်လောကမှာပဲ နစ်မြုပ်သွားရော။

အိမ်ရှင်ကောင်းရင်တစ်သက်လုံးနေ။ မကောင်းတော့လည်း အခြားအိမ်ပြောင်း။ အဲ့လိုနဲ့ မာဆတ်ကေတီဗွီရောက် သွားသူတွေလည်း မနည်းဘူး။ ကလေးမလေးတွေဆို ရည်းစားထားချင်လည်းမထားရ။ အပြင်လည်း ကောင်းကောင်းမ ထွက်ရ။ အလှလည်းမပြင် ရ။ သတင်းတွေလည်းကြားမှာပါ။

အိမ်ရှင်က မီးပူနဲ့ကပ်တာတို့၊ ဆေးလိပ်မီးနဲ့ထိုးတာတို့။ တုတ် နဲ့ရိုက်တာတို့။ အဲ့လိုနဲ့ သေသွားသူတွေလည်းရှိတယ်။ စိုပြေတို့ ငယ်ငယ်ကလည်း စမ်းချောင်းမှာ အိမ်ရှင်ကရိုက်တာလက်လွန်ပြီး သေသွားဖူးတယ်။ အသုဘမြန်မြန်ချပေမဲ့ ရပ် ကွက်က သိသွားပြီး အဖမ်းခံလိုက်ရတယ်။

ဟိုတလောကလည်း ဗိုလ်မှူးအိမ်က တယောက်လည်းသေ သွားသေးတယ်။ ကြားထဲမှာလည်း အိမ်ဖော်တွေသေကြတာ မ နည်းပါဘူး။ မြန်မာ့နည်းမြန်မာ့ဟန်နဲ့ ဖြေရှင်းကြလို့ စာမျက်နှာ တွေပေါ်မရောက်တာပဲရှိတယ်။ အဆိုးဆုံးကတော့ ကလေးမလေး တွေ ဖြားယောင်းခံရတာပဲ။

အပျိုပေါက် အိမ်ဖော်မလေးတွေဟာ သဘာဝအရ ရည်းစားထားချင်မယ်။ ဆန့်ကျင်ဘက်ကို စမ်းကြည့်ချင်မယ်။ ဒါပေမဲ့ အပြင်ကလည်းမထွက်ရ။ အခြားလူနဲ့လည်း မတွေ့ရ။ ဒီတော့ အိမ်မှာရှိတဲ့ယောက်ျားတွေနဲ့ တွေ့တော့တာပဲ။ အိမ်ဖော် ကို တကယ်ချစ်ပြီး ယူတာ ဇာတ်ကားတွေထဲမှာတောင်မရှိဘူး။

တချို့ကလည်း နှစ်ဦးကြည်ကြည်ဖြူဖြူ။ တချို့ကလည်း မုဒိမ်းကျင့်။ အိမ်ရှင့်သားလူပျိုပေါက်ကနေ အဖိုးကြီးတွေအ ထိပဲ။ အခု လည်း အဲ့လိုအမှုတွေအများကြီး။

မုဒိမ်းကျင့်တာ လက်မခံဘဲ တိုက်ပေါ်ကတောင်ခုန်ချခဲ့ရတဲ့ အမျိုးသမီးလေး အမှုတောင်ဘာကြာသေးလို့လဲ။ အိမ် ရှင့်သားနှစ်ယောက်က အပြာကားတွေပြပြီး ကလေးမလေးကို မုဒိန်းကျင့်တာ တစ်နှစ်လောက်ပဲရှိသေးတယ်။ မြန်မာပြည်မှာ အိမ်ဖော်တွေများ နေတာလည်း မကောင်းဘူး။

စောစောက ပြောခဲ့သလို အိမ်ဖော်တွေဟာ ဘာမျှော်လင့်ချက်၊ ဘာရည်မှန်းချက်မှ ထားဖို့မဖြစ်နိုင်ဘူး။ နောက်ဆုံး ရွာပြန်။ ရရာယောက်ျားယူ။ မွေးလာတဲ့ကလေးအိမ်ဖော်ထပ်လုပ်ခိုင်း။ သံသရာ ပဲလည်နေကြရတယ်။ အိမ်ရှင်တွေဟာလည်း သူ့ဟာနဲ့သူတောင် အနိုင်နိုင်ဆိုတော့ အိမ်ဖော်တွေတိုးတက်ရေးကိုလည်း ဂရုစိုက်နိုင် တာမဟုတ်။ ကျောင်းထားပေး၊ ပညာ သင်ပေးတဲ့ အိမ်ရှင်ဆိုတာ တော်တော်ရှားရှား။

အဲ့လိုအချိန်မှာ အညိုရောက်လာတာပဲ။ အခု အညိုကလုပ်ပြ လိုက်တယ်။ အိမ်ရှင်ယောက်ျားလေးရှိရင် ဖျားယောင်း။ မုဒိမ်းကျင့် ခိုင်း။ ပြီးရင်တိုင်။ လျော်ကြေးတောင်း။ ဒါပေမဲ့ အညိုကသိပ်မလှ။ အသက်ကလေးဆယ်။ ဒီတော့ လူတွေကမယုံ။ မယုံတော့စပ်စု။ အခြားအမှုတွေပါပေါ်။ အဖမ်းခံရရော။ အညို့နေရာမှာသာ ငယ်ငယ်ချောချော ကလေးမလေးဆို လူတွေ ယုံ ချင်ယုံမှာ။ ဖြားယောင်းလို့လည်းရချင်ရမှာ။ ထားပါတော့လေ။ အခု အညိုကလမ်းပြပေးသွားပြီပဲ။ နောက်က လိုက်ဖို့ပဲ လိုတော့တယ်။

အိမ်ဖော်မလေးတွေအနေနဲ့ အိမ်ရှင်ထီးတွေကို ဖျားယောင်းပေတော့။ တစ်ခုခုဖြစ်ပြီဆိုတာနဲ့ တိုင်….။ မတိုင်ရင် လည်း လျော်ကြေးတော့သိန်းတစ်ရာရအောင်တောင်း။ တစ်ခါတလေ သိန်းတစ်ရာ့ငါးဆယ်လည်း ရနိုင်တယ်။ များများရလေ ကောင်းလေပဲ။ တစ်သက်လုံး အိမ်ဖော်လုပ်နေရင်လည်း အဲ့လောက်စုမိမှာ မဟုတ်ဘူး။ ဒီတော့ တစ်ခါတည်းနဲ့သာ အပွကြံ….။ ပြီးရင် ရွာပြန်ပြီး စီးပွားရေးသာ လုပ်တော့….။

အဲ့ဒါဆို တဖြည်းဖြည်းနဲ့ အိမ်ရှင်တွေလည်း လန့်လာမယ်။ အမျိုးသမီးအိမ်ဖော်ခေါ်ရဲမှာတောင် မဟုတ်တော့ဘူး။ ဒါဆိုပို ကောင်းသေးတယ်။ အမျိုးသမီးတွေပဲ အိမ်ဖော်လုပ်နေတာလည်းမတရားဘူး။ ယောက်ျားတွေလည်း အိမ်ဖော်တစ် လှည့်လုပ်သင့်တာပဲ။ ယောက်ျားအိမ်ဖော်ဈေးကွက်သစ်ဖြစ်လာမယ်။ ဒီအခါတော့ အိမ်ရှင်ယောက်ျားတွေပြန်ပြီး စိုးရိမ်ရ မယ့်အလှည့်ဖြစ်ပြီ။ အိမ်ရှင်မက အိမ်ဖော်ကောင်လေးတွေကို ဆွဲစားတာတို့ ဘာတို့လည်းကြား ချင်ကြားရမှာပေါ့။ ဒါမှမ ဟုတ်လည်း အိမ်ဖော်ကောင်လေးက အိမ်ရှင်မကို မုဒိမ်းကျင့်သွားတာတွေလည်း ဖြစ်ချင်ဖြစ်လာမှာ။

အဲ့လိုတွေလည်း မဖြစ်ချင်။ သူစိမ်းကို အိမ်မှာလည်းခေါ်မထားချင်တဲ့ အခါကျရင်တော့…. နိုင်ငံခြားတွေမှာလို အချိန် ပိုင်းအိမ်ဖော်တွေ ခေတ်စားလာမှာပေါ့။ အဲ့ဒါဆိုရင်တော့ အိမ်ဖော်တွေလည်း ကျွန်လိုဆက်ဆံမခံရတော့ဘဲ… အခြားတိုး တက်ရေးတွေကိုပါ လုပ်နိုင်တော့မှာ…။

အဲ့လိုတွေဖြစ်လာရင်တော့ အညို့ကျေးဇူးမကင်းဘူးလို့သာ မှတ်လိုက်ကြပေတော့….။

စိုပြေ