အန်အယ်လ်ဒီပါတီမိမိကိုယ်မိမိဝေဖန်ရေးနှင့် အနာဂတ်မဲ မျှော်မှန်းချက်

၁၉၈၈ အရေးတော်ပုံကြောင့် မြန်မာနိုင်ငံတွင် အမျိုးသားဒီမိုကရေစီအဖွဲ့ချုပ် ပေါ်ပေါက်လာခဲ့ပါသည်။ အန်အယ်လ်ဒီပါတီနှင့်အတူ မွေးဖွားလာသည့် နိုင်ငံရေးသမားများအနက် အထင်ရှားဆုံးကား ဒေါ်အောင်ဆန်းစု ကြည်။

မမျှော်လင့်ဘဲ မြန်မာ့နိုင်ငံရေးခရီးလမ်းပေါ် ဒေါ်အောင်ဆန်းစုကြည်ပါဝင် လျှောက်လှမ်းခဲ့ရသည်မှာ ၁၉၈၈ မှ စရေတွက်သော် နှစ် ၃ဝ အတွင်းဝင်ခဲ့ပြီဖြစ်ပါသည်။ အခက်အခဲမျိုးစုံကို အန်တုရင်ဆိုင်ခဲ့ရသည့် ဒီချုပ်ကို လူထုကသည်းသည်းလှုပ်ဝန်းရံခဲ့သည်မှာ ဒေါ်အောင်ဆန်းစုကြည်အရှိန်ကြောင့်ဖြစ်ကြောင်း မည်သူမျှ မငြင်းနိုင်ပါ။ ထို့အတူ ဒီချုပ်ကို တပ်ကမည်သို့ ဖြိုခွဲစေကာမူ ဒီချုပ်ဆက်လက်ရှင်သန်ခဲ့သည်မှာလည်း ဒေါ် အောင်ဆန်းစုကြည်ပေါ် မှီတည် ခဲ့ပါသည်။

ဒီချုပ်ပါတီစတည်ထောင်ချိန်မှစ၍ နှစ်ပေါင်းများစွာထိတိုင် လူထုဘက်ကရော ပါတီဝင်များဘက်ကပါ သွေး၊ ချွေး၊ အသက်မြောက်မြားစွာပေးဆပ်ခဲ့ကြရပါသည်။ ပါတီဝင်များ အုတ်အရောရောကျောက်အရောရော ပါဝင်ခဲ့ရာ ပါတီတို့၏ထုံးစံအတိုင်း အကွဲအပြဲများလည်းရှိခဲ့ကြပါသည်။ ၂ဝ၁ဝ ပြည့်ရွေးကောက်ပွဲကျင်းပချိန် တွင် ဒေါ်အောင်ဆန်းစုကြည်နေအိမ်အကျယ်ချုပ်ဖြင့် ဆက်ရှိနေစေရန် ဂျွန်ယက်တောပေါ်လာသည်။ ဒေါ် အောင်ဆန်းစုကြည်ကို အလုပ်နှင့် ပြစ်ဒဏ်ချမှတ်ခဲ့သည်။ သို့သော် ချက်ချင်းပင် ဗိုလ်ချုပ်မှူးကြီးသန်းရွှေ၏ အ ထူးအမိန့်အရ နေအိမ်အကျယ်ချုပ်ဖြင့်ပြန်နေထိုင်ခဲ့ရသည်။ ၂ဝ၁ဝ ရွေးကောက်ပွဲ ဥပဒေအရ အန်အယ်လ်ဒီ  သည် ရွေးကောက်ပွဲဝင်မည်ဆိုပါက ဒေါ်အောင်ဆန်းစုကြည်ကို ပါတီမှထုတ်ပယ်ရမည်ဖြစ်သည်။ ၂ဝ၁ဝ ပြည့် နှစ်ရွေးကောက်ပွဲသည် အန်အယ်လ်ဒီကို ဘေးကျပ်နံကျပ်ဖြစ်စေရန် ဘက်ပေါင်းစုံမှထောင့်စေ့စေ့ တိုက်ကွက်ချ ထားသည်။ လူပြိန်းများပင် ၂ဝ၁ဝ ပြည့်နှစ်ရွေးကောက်ပွဲ၌အန်အယ်လ်ဒီပါတီဝင်ရောက်မယှဉ်ပြိုင်နိုင်စေခြင်းငှာ လုပ်ဆောင်ထားသည်ကို သိနားလည်ကြပါသည်။

နိုင်ငံရေးသည် ပင်ကိုအားဖြင့် သန့်ရှင်းမွန်မြတ်သော်လည်း အာဏာရရေးနိုင်ငံရေးကား မည်းညစ်လှ သည်။ သိက္ခာကျင့်ဝတ်ဟူသည် အာဏာရရေး နိုင်ငံရေးအတွက် ဧရာမဟာသတစ်ခုသာဖြစ်ပေသည်။ အရှက် အကြောက်နှင့် ကိုယ်ကျင့်တရားကို မျက်နှာပြောင်ပြောင် ခွာချကာ အာဏာရရေးကိုလုပ်ရသည့် လမ်းစဉ်သာ ဖြစ်ပါသည်။ အန်အယ်လ်ဒီအကျပ်ရိုက်ခဲ့သည်။ ၂ဝ၁ဝ ပြည့်နှစ် ရွေးကောက်ပွဲဝင်မည်လား၊ ဒေါ်အောင်ဆန်းစု ကြည်ကိုစွန့်လွှတ်မည်လားဟူသော လမ်းဆုံလမ်းခွတွင်ရပ်လျက် ဒီချုပ်သည် ဒေါ်အောင်ဆန်းစုကြည်ကို ရွေးချယ်ခဲ့သည်။ ၂ဝ၁ဝ ပြည့်နှစ် ရွေးကောက်ပွဲကိုစွန့်လွှတ်ခဲ့သည်။ သည်တွင် တချို့သောဒီချုပ် အဖွဲ့ဝင် များက ဒီချုပ်မှခွဲထွက်ကာ ပါတီတစ်ခုထူထောင်ပြီး ရွေးကောက်ပွဲဝင်ခဲ့ကြသည်။ ခွဲထွက်သူတို့ အကြောင်းပြ ချက်က ဒီချုပ်အတွက် ကိုယ်စားပြုဝင်ရောက်ပေးခြင်း ဖြစ်သည်ဟု ဆိုကြသည်။ လူထုက ခွဲထွက်လာသည့် ခမောက်အုပ်စုကို ဒီချုပ်ကိုယ်စားအလွမ်းပြေမဲပေးခဲ့ကြသည်။ ခွဲထွက် ခမောက်သည်မကြာမီနှစ် စုထပ်ကွဲခဲ့ သည်။ ခွဲထွက်ခမောက်အုပ်စု နှစ်စုစလုံး ဒီချုပ်မှထွက်လာကြစေကာမူ သူတို့သည် ဒီချုပ်၏ ပါတီဝင်ကောင်းများ မဟုတ် ကြောင်း နောင်အခါ သူတို့လုပ်ရပ်အသီးသီးဖြင့် ဖော်ပြခဲ့ကြသည်။

လူထုကား သစ္စာတရားကြီးမားလှသည်။ ၂ဝ၁၅ ရွေးကောက်ပွဲတွင် ဒေါ်အောင်ဆန်းစုကြည်၏ နှုတ် ထွက်စကားတစ်လုံးသည် ပြည်သူလိုက်နာရမည့် ရွေးကောက်ပွဲဥပဒေသဖြစ်လာခဲ့သည်။ လူထုက ပြည်ခိုင်ဖြိုး ကိုသာမက ခွဲထွက်ခမောက်နှစ်အုပ်စုလုံးကို ကြက်ခြေခတ်ပေးခဲ့ကြသည်။ ဒီချုပ်အပေါ် ဤမျှသစ္စာကြီးမား သော လူထုအပေါ် ဒီချုပ်ဘက်ကပြန်သစ္စာရှိကြပါ၏လော။ ထိုက်တန်သည့်တာဝန်ကျေခဲ့ကြပါ၏လော။ သည် မေးခွန်းနှစ်ခုကို ဒီချုပ်အဖွဲ့ဝင်အားလုံး မိမိကိုယ်မိမိပြန်မေးရမည့် အချိန်ရောက်လာပါပြီ။ ထိုဒီချုပ်အဖွဲ့ဝင်ဆိုသူ များထဲတွင် ပါတီဝင်များအားလုံး၊ လွှတ်တော်ကိုယ်စားလှယ်များအားလုံးနှင့် အစိုးရအဖွဲ့ဝင်များအားလုံး အကျုံး ဝင်ပါသည်။

ကောလာဟလ သတင်းအရ ပြည်ခိုင်ဖြိုးတွင် စီမံကိန်း ၁,၂,၃ ရှိခဲ့သည်။ အင်္ဂလိပ် ဘာသာဖြင့် Plan A, B & C ဟူ၏။ ပလန် အေ အရ ပြည်ခိုင်ဖြိုးသည် ၂၆ (သို့မဟုတ်) ၂၆ အထက်မဲ အနိုင်ရလျက် တပ်မတော်သား ၂၅ ရာခိုင်နှုန်းနှင့်ပေါင်းကာ အစိုးရပြန်ဖွဲ့မည်။ သမ္မတကားဦးသိန်းစိန်။ ပလန်ဘီအရ ပြည်ခိုင်ဖြိုးသည် ဒီချုပ်နှင့်တွဲ၍ အစိုးရဖွဲ့ရသည်ရှိသော် လွှတ်တော်ထဲတွင် ပြည်ခိုင်ဖြိုးဘက်မှ တစ် မတ်သားများကအားဖြည့် ပေးပြီး ဒီချုပ်ကိုထိန်းချုပ်မည်။ အကယ်၍ ပါတီစုံညွန့်ပေါင်းအစိုးရ ဖြစ်လာခဲ့သော် ပြည်ခိုင်ဖြိုးဘက်တွင် တမတ်သားကဆက်ကျားကန်ပေးမည်။ ၂ဝဝ၈ ဖွဲ့စည်းပုံအရ သမ္မတ၊ ဒု သမ္မတ (၁)၊ ဒုသမ္မတ (၂) သုံးနေရာတွင် ပြည်ခိုင်ဖြိုးနှင့် တပ်မတော်စိတ်ကြိုက် ၂ ဦးရ စေရန်ဆောင် ရွက်မည်ဟူ၏။ သို့သော် ၂ဝ၁၅ ရွေးကောက်ပွဲရလဒ်က တပ်မတော်ကျောထောက်နောက်ခံပြု ပြည်ခိုင် ဖြိုးပါတီထည့်သွင်းစဉ်းစားမထားသည့် ဒီချုပ်ပြတ်ပြတ်သားသားမဲအနိုင်ရခြင်းဆိုသည့် ရလဒ်ပေါ်ထွက်လာခဲ့သည်။ ဦးသိန်းစိန်အစိုးရပျာသွားသည်။ ညတွင်းချင်း ပြည်ခိုင်ဖြိုးကိုယ်စားလှယ်လောင်းများကို နေပြည်တော်သို့ပြန်ခေါ်သည်။ ညတွင်းချင်း အရေးပေါ် အစည်း အဝေးလုပ်ရသည်ဟူသည့် ကောလာဟလများ ပေါ်ထွက်ခဲ့ပါသည်။

လာခြင်းကောင်းခဲ့သော ဒီချုပ်ကို လူထုကသောင်းသောင်းဖြဖြမဲပေးခဲ့သည်။ ယခုအခါ အာဏာကို ဒီချုပ် လက်တွေ့ဆုပ် ကိုတိုင်အုပ်ချုပ်လာရချိန်တွင် တိုင်းပြည်နှင့်လူမျိုးကို အခြေလှလှအနေလှလှဘဝသို့ ပို့ဆောင်မ ပေးနိုင်သေးပေ။ အထူးသဖြင့် ၂ဝ၁၈ သည်ဒီချုပ်အတွက် ပိုမိုခက်ခဲကြမ်းတမ်းလာသည့် ခရီးကို ရင်ဆိုင်ကျော် ဖြတ်နေရချိန်ဟုဆိုနိုင်ပါသည်။ အစိုးရတစ်ရပ်အတွက် ၅နှစ်ဟူသည် ဖြုတ်ခနဲ ကုန်ဆုံးသွားမည့် ကာလသာဖြစ် ပါသည်။ အာဏာရခဲ့သည့် ကာလတစ်ဝက်ကျိုးလာချိန်တွင်အစိုးရယန္တရားများ ပိုသွက်မလာဘဲ နှေးကွေးသွား သဖြင့် အစိုးရဌာနများအတွင်း ပါတီတွင်းပြုပြင်ပြောင်းလဲရေးလုပ်မည်ဟု လူထု ယုံကြည်စောင့်ကြည့်ခဲ့သော် လည်း ပါတီတွင်းပြောင်းလဲမှု အနည်းငယ်ရှိခဲ့သည်မှအပ အစိုးရအဖွဲ့အတွင်း ပြောင်းလဲမှုမရှိသလောက် နည်း ပါးခဲ့ပါသည်။

နိုင်ငံရေးလောကထဲသို့ ခြေစုံပစ်ဝင်လာချိန်မှစ၍ သြဘာလက်ခုပ်သံ တဖြောင်းဖြောင်းရခဲ့သော ဒေါ်အောင် ဆန်းစုကြည်သည် နိုင်ငံတော်၏အတိုင်ပင်ခံဘဝတွင် ပြည်တွင်းပြည်ပမှ အပြစ်တင်ဝေဖန်မှုမျိုးစုံကို ရင်ဆိုင် လာရပေသည်။ ၂ဝ၁၈ နှစ်ဝက် မှစ၍ မြန်မာသည် ပိုမိုစီးပွားရေးကျပ်တည်းလာခဲ့ပါသည်။ သည့်မတိုင်မီကပင် စီးပွားရေးကို ပြန်ဂရုပြုရန်လိုကြောင်း၊ စီးပွားရေးကျဆင်းလာတော့မည်ဖြစ်ကြောင်း ပညာရှင်တချို့က သတိပေး ခဲ့သည်။ အစိုးရကား တုံဏှိဘာဝေ။ သို့ဖြင့် ဒေါ်လာဈေးများ တရိပ်ရိပ်တက်လာသည်။ မြန်မာငွေတန်ဖိုး ဇောက်ထိုးကျလာသည်။ သည်အချိန်တွင် ဒီချုပ်ပါတီမှ ပြောရေးဆိုခွင့်ရှိသူတစ်ဦးက အစိုးရသည် ပြည်တွင်း ပြည်ပမှပေးသော စိန်ခေါ်မှုနှင့် ဖိအားများစွာကို ရင်ဆိုင်နေရကြောင်း ထုတ်ပြောလာသည်။

အဆိုပါ ပြည်တွင်း ပြည်ပစိန်ခေါ်မှုနှင့် ဖိအားပေးမှုများကို တန်ပြန်တွန်းလှန်ရန် ဒီချုပ် ပါတီလက်ထဲသို့ ပြည်သူကယုံကြည်စွာ အာဏာအပ်နှင်းမဲပေးထားသည်မဟုတ်ပါလား။ ပြည်ပက မည်သို့ဖိအားပေးနေသည်၊ ပြည်တွင်းက မည်သို့ ဖိအားပေးနေသည်၊ မည်သို့ စိန်ခေါ်နေ သည် အစရှိသည်များအား ပြည်သူကို ပွင့်လင်း မြင်သာချပြလျက် ပြည်သူနှင့်အတူဆိုသော စကားနှင့်အညီ ဖြေရှင်းမည်၊ ဖြေရှင်းရန်ကြိုးစားနေသည်ကို ပြသ မည်ဆိုလျှင် ပြည်သူဘက်က ပါဝင်လာမည်သာဖြစ်ပါသည်။ ဒေါ်လာဈေးတက်လည်း အစိုးရဘက်ကအသံမ ထွက်။ ကုန်ဈေးနှုန်းများတက်လည်း အစိုးရဘက်က အသံမထွက်။ နေ့စဉ်လုယက်၊ ခိုးဆိုးတိုက်ခိုက်၊ မုဒိမ်းကျင့်၊ လူသတ်မှုထူပြောလာသော်လည်း အစိုးရဘက်မှအသံမထွက်။ အစိုးရအသံမထွက်ဆိုခြင်းသည် အစိုးရအလုပ်မ လုပ်ဘူးဟု ဆိုလိုခြင်းမဟုတ်ပါ။ အစိုးရအလုပ်လုပ်နေကြောင်းသိပါသည်။ သို့သော် ပွင့်လင်းမြင်သာ ပြည်သူကို ချပြအုပ်ချုပ်ရမည့် ဒီမိုကရေစီခေတ်တွင် အဘယ်ကြောင့် ရေငုံနှုတ်ပိတ်ကျိတ်ဖြေရှင်းနေပါသနည်း။ ပွင့်လင်း မြင်သာပြောသင့်သည့် အချိန်နှောင်းမှသာ ပြောရေးဆိုခွင့်ရှိသူ ဦးဇော်ဌေးထွက်လာလိုက်၊ ဗဟိုဘဏ် ဒုတိယ ဥက္ကဋ္ဌထွက်လာလိုက်နှင့် မျက်နှာပြအသံကြားရတော့သည်။ အဘယ်ကြောင့် အချိန်နှင့်တစ်ပြေးညီ ပြည်သူကို မချပြပါသနည်း။

ပြဿနာပေါင်းစုံဝန်းရံခလာသည့် ၂ဝ၁၈ တွင် အစိုးရဘက်ကလည်းကောင်း၊ လွှတ်တော် ကိုယ်စားလှယ် များဘက်က လည်းကောင်းခံစား ခွင့်အတွက် သခွပ်ပင်က မီးတကျည်ကျည် ပြောဆိုမှုများ ပေါ်ထွက်လာပြန်၏။ ရန်ကုန် အစိုးရအဖွဲ့ကား သိန်းတစ်ထောင်တန်ဖို့၌ ကားဝယ်ယူရေး၊ လွှတ်တော်ကိုယ်စားလှယ်တချို့ကား လွှတ်တော်တက်ရသည့်ကာလတွင် နေထိုင်စားသောက်ရမှုကို ကျေနပ်မှုမရှိခြင်း၊ တချို့ကားရသည့်လခ ၁ဝ သိန်းမှ ပါတီရန်ပုံငွေထည့်ဝင်ရခြင်းအပေါ် မကျေနပ်၍ ပါတီဝင်အဖြစ်မှ နုတ်ထွက်ခြင်း စသည်တို့ကို အခြေ တည်၍ အစိုးရအဖွဲ့ဝင်တချို့ရော၊ လွှတ်တော်ကိုယ်စားလှယ် တချို့ပါအဆောင်အယောင်ဆိုသော စကားများ ထွက်လာကြသည်။ အတိုချုပ်ဆိုသော် သူတို့ ရာထူး၊ သူတို့တက်ရသည့် လွှတ်တော်နှင့် အညီထိုက်တန်သည့် အဆောင်အယောင် ခံစားခွင့် များကို ပေးသင့်ကြောင်း ဖွင့်ပြောလာကြခြင်း ဖြစ်ပါသည်။

ကိုယ့်ထမင်းကိုယ်စား အမေစုသား ဆိုက်ကားသမားများခမျာ ကန်စွန်းရွက် ဝယ်စားရန် စဉ်းစားလာရချိန်၊ ဘေးပေါက် ဝင်ငွေမရှိသော ဝန်ထမ်းများ ပုံမှန်ရနေသည့်လခနှင့် တက်ပြီး ရင်းတက်နေသည့် ကုန်ဈေးနှုန်းကြား လူးလဲနေ ကြရချိန်၊ စက်ရုံ, အလုပ်ရုံ အလုပ်သမားများ အစိုးရက တရားဝင်သတ်မှတ်ပေးသည့် တစ်နေ့ လုပ်အားခမရ၍ လမ်းပေါ်ထွက်လာချိန်တွင် ဝန်ကြီးချုပ်တချို့၊ ဝန်ကြီးတချို့နှင့် ၁ဝ သိန်းစား တချို့က အ ဆောင်အယောင်နှင့် ခံစားခွင့်အတွက် အသံမြည်လာကြသည်။ ပြည်သူသက်သာရာ သက်သာကြောင်းထက် ငါသက်သာရာ ငါသက်သာကြောင်းသာ ခေါင်းထဲရှိနေသည့် ဒီချုပ်အမတ်၊ ဒီချုပ် အစိုးရဝန်ကြီး,ဝန်လေးများ ရှိနေသည်ဟု လူထုကို မျက်နှာဖုံးချွတ်ပြလိုက် ခြင်းပါပေ။ ”ဥပဒအရ ခံစားခွင့် အဆောင် အယောင်ဆိုတဲ့ စကား ကို သူတို့မို့ပြောထွက်တယ်ဗျာ။ အဲဒီ ဥပဒေဟာ စစ်အစိုးရဆွဲပေးခဲ့တာဗျ”ဟု မချိတင်ကဲ ပြောသူများပင်ထွက် လာပါသည်။

ဒေါ်အောင်ဆန်းစုကြည်က ကျွန်မတို့ ပြည်သူ မနာအောင်လုပ် နေသည်ပြောနေရုံနှင့် မလုံလောက်တော့ပါ။ တိုင်းပြည်ဘာတွေ ရင်ဆိုင်နေရသည်။ မည်သို့ ဖြေရှင်းမည်ဆိုသော အကြောင်းနှင့် အကျိုးအား ပြည်သူကို အသိပေးနေသင့်ပါသည်။ ပြည်သူနှင့် အစိုးရကြား၊ ပြည်သူနှင့် လွှတ်တော်ကိုယ်စားလှယ်များကြား တိုင်း ရေးပြည်ရာများစဉ်ဆက်မပြတ်စီးဆင်းနေမှသာ မည်သို့သောအခက်အခဲကြုံနေပါစေ၊ ပြည်သူက ပါဝင်ပေးနိုင် မည်ဖြစ်ပါသည်။ အစိုးရဘက်မှပွင့်လင်းမြင်သာမရှိစေကာမူ ပြည်သူကမနေနိုင်ပါ။ မန္တလေးတွင်အရပ်ဘက်အဖွဲ့ များဖွဲ့ပြီး ကင်းလှည့်ကြသည်။ ရန် ကုန်တွင်လည်း ထိုနည်းတူ အရပ်ဘက် အဖွဲ့များဖွဲ့ ကင်းလှည့်ကြသည်။ အင်းစိန်မြို့နယ်မှ ဖြစ်ရပ်တစ်ခုဆိုလျှင် ဖုန်းသူခိုးတစ်ယောက်ကို ရပ်ကွက်ကဝိုင်းဖမ်းပေးသည်။ နယ်ထိန်းလက် ထဲ အပ်လိုက်ပြီးခါမှ ဖုန်းသူခိုးက နယ်ထိန်းထံမှရသည့် လက်ထိတ်သော့ဖြင့် လက်ထိပ်ကိုဖြုတ်ပြီး နယ်ထိန်း၏ လက်ကိုင်ဖုန်းနှင့် တာဝန်အရကိုင်ဆောင်ရသည့် စကားပြောစက်ကိုပါယူပြီး လွတ်မြောက်သွားသည်။ တစ်နေ့ တစ်နေ့ကြားရသမျှသတင်းများတွင် ကူညီပါရစေဆိုသော ရဲတပ်ဖွဲ့၏ ပျော့ကွက်ဟာကွက် တာဝန်မယူ တာဝန် မကျေမှုများက အများစုဖြစ်နေပါသည်။

သို့သော် အစိုးရအနေဖြင့် ပြည်ထဲရေးဝန်ကြီးဌာနနှင့် ညှိနှိုင်းလျက် ပြည်သူ့ဘဝ လုံခြုံရေး မည်သို့စီမံမည်၊ ရဲများကို မည်သို့အဆင့်မြှင့်သင်တန်းများပို့ချမည်၊ ရဲအင်အားထပ်ဖြည့်မည် စသဖြင့်တုံ့ပြန်သံကို မကြားသိရပေ။ စီးပွားရေးမတည်ငြိမ်စေရန်၊ ဒေါ်လာဈေးမတည်ငြိမ်စေရန် လုပ်ဆောင်သူများကို ခေါ်ယူစစ် ဆေးနေပြီဆို၏။ ခေါ်ယူသင့်သည့်အချိန်ထက်ပင် အနည်းငယ် နောက်ကျနေပြီဖြစ်ပါသည်။ အရှိန်အဟုန်ဖြင့် ပြည်သူ၏ အကျိုး စီးပွား၊ နိုင်ငံ၏အကျိုးစီးပွားကိုထိခိုက်စေရန် မည်သို့မည်သူမည်ဝါတို့က လုပ်ဆောင်နေ၍ သင်းတို့ကို အချိန်နှင့် တစ်ပြေးညီ မည်သို့အရေးယူနေပြီဆိုသော သတင်းမျိုးကို ပြည်သူ့များနေ့စဉ်သိခွင့်ရနေသည့် ကာလဖြစ်ရန် လိုပါသည်။ ဦးသိန်းစိန်အစိုးရ လက်ထက်မှ ဒုတိယ ဝန်ကြီးဟောင်းတစ်ဦးက လက်မည်းများရှိနေသည်ဟု ယူဆရသည်ဟု ဆိုပြန်ပါသည်။ အကယ်၍ရှိခဲ့ပါက လက်မည်းများ ကိုဖော်ထုတ်ရန် လက်ရှိအစိုးရတာဝန်သာ ဖြစ်ပါသည်။

လူထုကြားမှ ပေါက်ဖွားလာသည့် ဒီချုပ်ပါတီဝင်တချို့သည် အာဏာရလာချိန်၊ လွှတ်တော်ကုလားထိုင်ပေါ် ထိုင်လာရချိန်တွင် စီးရသည့်ကားကဟောင်းနွမ်းကာ လုံခြုံရေးစိတ်မအေးရ၍ ဖြစ်လာသူနှင့် နေထိုင်၊ ချက်ပြုတ် စားသောက်ရသည်မှာ အဆင်မပြေသူနှင့်  ခံစားခွင့်အတွက်စကားပြောလာကြသည်။ သည်အခြေနေ မျိုး ရောက်လာစေရန် တစ်ချိန်က အသက်, သွေး, ချွေးပေးခဲ့ရသူများ၊ ဘဝပျက်ခဲ့ရသူများကို မငဲ့ညှာနိုင်ပြန်ပြောင်း သတိမရနိုင်စေကာ မူ မိမိက ၁ဝ သိန်းစားနေချိန်တွင် ကန်စွန်းရွက် တစ်စည်းပင်မှန်မှန် စားရန် ခက်ခဲလာသည့် ပြည်သူကိုတော့ ငဲ့ကြည့်သင့်ပါသည်။ ည ၇  နာရီကျော်လာလျှင် မည်သည့်ဝိုင်ဘီအက်စ်လိုင်းများ ကြက် ပျောက်ငှက်ပျောက် ပျောက်ကုန်ပြီး  ကြားကားစီးလျက်ပြည်သူတို့ခမျာ မည်သို့အိမ်ပြန်နေရကြောင်း မသိ စေကာမူ လက်ရှိစီးနေသည့် မတ်တူးကားစုတ်နေ၍ ဥပဒေနှင့်အညီ ခံစားခွင့်ရထိုက်သည့် အဆောင်အ ယောင်ဆိုသော စကားမျိုးထွက်လာဝံ့သည့် ဒီချုပ်ပါတီဝင်လို ပါတီဝင်များ လက်ကျန် ၂ နှစ်အတွင်း မည်မျှပေါ် ထွက်လာဦးမည် မသိပေ။

ဒီချုပ်အတွက် သေချာသည်ကား ၂ဝ၂ဝ ပြည့်နှစ် ရွေးကောက်ပွဲတွင် လူထုသည် ဒီချုပ်ပါတီအလံကို ကြည့်လျက် မဲပုံပေးကြတော့မည်မဟုတ်ပေ။ အလွန်နီး ကပ်နေသော ၂ဝ၁၈ ကြားဖြတ်ရွေးကောက်ပွဲကို အသာထား၍ ၂ဝ၂ဝ ပြည့်နှစ် ရွေးကောက် ပွဲအတွက် တစ်ချိန်က ပြည်ခိုင်ဖြိုးပါတီ နည်းတူ ဒီချုပ်ပါတီသည် ပလန် အေ၊ ဘီ၊ စီ ချမှတ်ထားပြီ လား။ ၂ဝ၁၅ တုန်းက ပြည်ခိုင်ဖြိုးသည် သူတို့ ရေးဆွဲထားသည်ဟု ကောလာဟလထွက်ခဲ့ သည့် ပလန် အေ၊ ဘီ၊ စီ တွင် ပြည်ခိုင်ဖြိုး လုံးလုံးလျားလျား မဲရှုံးခဲ့သော် ဆိုသည့် ပလန်မပါခဲ့ချေ။ ဒီချုပ်သည် ၂ဝ၂ဝ ပြည့်နှစ် မဲရရေးအတွက် စိတ် အေးချင်ပါသလား။ အလွန်လွယ်ကူ ရိုးရှင်း သောနည်းရှိနေပါသည်။ ယင်းကား ဘဝမမေ့ကြ ပါနှင့်။ မိမိတို့ ခံစားနေ ရသည့် ရာထူး၊ လခ၊ ရိက္ခာနှင့် ကုလားထိုင် အတွက် လမ်းခင်းပေးခဲ့ သည့် ဒီချုပ်အလွှာအသီး သီးမှ ပါတီဝင်များ၊ ယုံ ကြည်မဲပေးခဲ့သည့် ပြည်သူများ လက်ရှိ အ ချိန်တွင် မည်သို့နေထိုင်ရုန်းကန်နေကြရ သနည်းကိုငဲ့ကြည့်လျက် မိမိကိုယ်မိမိဝေဖန် ဆန်းစစ်ပြုပြင်ကြမည်။ ပြည်သူနှင့်အတူ အေး အတူပူအမျှ ဝေငှစာနာ ခံစားမည်ဆိုလျှင်တော့ ဒီချုပ်အတွက် ၂ဝ၂ဝ အနာဂတ်မဲသည် အဟောသိကံ မဖြစ်တန်ရာဟု ယူဆရပါသည်။

­

ခင်နှင်းဦး