အပစ်ရပ်စဲရေး၊ တွေ့ဆုံဆွေးနွေးရေး နှင့် ငြိမ်းချမ်းရေး

အပစ်အခတ်ရပ်စဲရေး၊ နိုင်ငံရေးတွေ့ဆုံဆွေးနွေးရေး နှင့် ပြည်တွင်းငြိမ်းချမ်းရေးတို့သည် ငြိမ်းချမ်းရေး ခရီးရှည်၏ လှေကား ထစ်သုံးထစ်၊ ခြေလှမ်းသုံးလှမ်း၊ ရေးသုံးရေးပင်ဖြစ်သည်။ ပစ်ရင်းခတ်ရင်း တိုက် ရင်းခိုက်ရင်း တွေ့ဆုံဆွေးနွေးရေးသည် ဟန်ပြသက်သက်၊ အာသာဖြေရုံသက်သက်ထက် ပိုပိုသာသာ ဖြစ်ဖို့ခဲယဉ်းလိမ့်မည်။ အပစ်အခတ်လည်းရပ်နိုင်၊ မျက်နှာစုံညီလည်း တွေ့ဆုံဆွေးနွေးနိုင်မှသာ ယုံကြည်မှု တည်ဆောက်ရေးသည် ရုပ်လုံးပေါ်လာနိုင်မည်ဖြစ်ပြီး၊ ငြိမ်းချမ်းရေး ခရီးရှည်သည်လည်း ထိရောက်အလုပ်ဖြစ်လာမည်ဖြစ်သည်။

တပ်မတော်သည် ၂၀၁၉ ခုနှစ် သြဂုတ်လ(၃၁)ရက်တွင် စစ်ရေးလှုပ်ရှားမှုများရပ်ဆိုင်းသည့်ကာလကို ထပ်တိုးမြှင့် ခဲ့သည်။ လက်ရှိအခြေအနေတွင် တပ်မတော်အနေဖြင့် ဒေသခံ တိုင်းရင်းသားပြည်သူ များ၏  ငြိမ်းချမ်းရေးအပေါ် မျှော်လင့်ချက်၊ ငြိမ်းချမ်းရေးလုပ်ငန်းစဉ်များတွင် ပါဝင်ပတ်သက်နေသည့် အဖွဲ့အစည်းအားလုံး ငြိမ်းချမ်းရေးလုပ်ငန်းစဉ်များအား ယုံကြည်မှုအပြည့်ဖြင့် ဆက်လက် ဆောင်ရွက် နိုင်ရေး၊ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန(NRPC)တို့နှင့် လက်ရှိ ဆွေးနွေးဆဲ အခြေအနေများ ဆက်လက်ဆောင်ရွက်နိုင်ရေးတို့အတွက် တိုင်းစစ်ဌာနချုပ် ငါးခု၏ နယ်မြေများ၌ စစ်ရေးဆိုင်ရာ လှုပ်ရှားမှုများအား ၂၀၁၉ ခုနှစ်၊ စက်တင်ဘာလ ၂၁ ရက်နေ့အထိ တိုးမြှင့် ရပ်ဆိုင်း ပေးသွားမည်ဖြစ်ကြောင်း တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ကြေညာခဲ့သည်။

စစ်ရေးလှုပ်ရှားမှုများ ရပ်ဆိုင်းမည့် ထုတ်ပြန်ကြေညာချက်ကို ထောက်ခံကြိုဆိုပါသည်။ အဆိုပါ စစ်တိုင်းကြီးငါးခု၏ နယ်မြေများတွင် စစ်ရေးလှုပ်ရှားမှုများ အလုပ်နှင့်သက်သေပြ၊ ရပ်ဆိုင်းနိုင်ဖို့ မျက်ခြေမပြတ်သင့်ပေ။ စစ်ရေးလှုပ်ရှားမှုများ ရပ်ဆိုင်းမည့်စစ်တိုင်းများတွင် အနောက်ပိုင်းတိုင်း စစ်ဌာနချုပ် (ရခိုင်ပြည်နယ်) ပါဝင်မှုမရှိသေးသည်မှာ မေးခွန်းထုတ်ဖွယ်ရာ ပင်ဖြစ်သည်။ ပြည်တွင်း ငြိမ်းချမ်းရေး တည်ဆောက်ဖို့ လုံးလုံးလျားလျား စိတ်ပိုင်းဖြတ်ထားပြီဆိုလျှင် တိုက်ပွဲများ၊ စစ်ရေး လှုပ်ရှားမှုများကို တတ်နိုင်သရွေ့ လျော့ချကြရမည်ဖြစ်ပြီး၊ နိုင်ငံရေးပြဿနာများ၊ နိုင်ငံရေး အကျပ် အတည်းများနှင့် စိန်ခေါ်မှုများကို ကျယ်ကျယ်ပြန့်ပြန့် ညှိနှိုင်းဆွေးနွေးအဖြေရှာနိုင်ဖို့ အားလုံးပါဝင်၍ ဟန်ချက်ညီညီပြိုင်တူတွန်းကြရမည်ဖြစ်သည်။

ရန်ကိုရန်ချင်း မတုံ့လျှင်းနှင့် ဆိုသည့် မြန်မာဆိုရိုးစကားသည် ပြည်တွင်းငြိမ်းချမ်းရေး လုပ်ငန်းစဉ်၏ ဆောင်ပုဒ် ဖြစ်ဖို့ကောင်းသည်။ လူမှုကွန်ယက်စာမျက်နှာတွင် ပရိုဖိုင်းအစစ်အမှန်များဖြင့် ရန်ကိုရန် ချင်း တုံ့လျှင်းဖို့ တိုက်တွန်းရေးသားနေကြသည်မှာ ပြည်တွင်းငြိမ်းချမ်းရေးနှင့် ပြဒါးတစ်လမ်း၊ သံတစ် လမ်းပင်ဖြစ်သည်။ ဒီမိုကရေစီ ဖက်ဒရယ်ပြည်ထောင်စု တည်ဆောက်ရေးနှင့် ပြည်ထောင်စု ငြိမ်းချမ်း ရေး လုပ်ငန်းစဉ်တို့သည် အပြန်အလှန် အမှီသဟဲပြုနေပြီး၊ ဟန်ချက်ညီနိုင်ဖို့ အရေးကြီးမည်ဖြစ်သည်။ အပစ်အခတ်ရပ်စဲရေးသည် ပြည်တွင်းငြိမ်းချမ်းရေး၏ အခြေခံအုတ်မြစ်ကြီးပင်ဖြစ်သည်။ အုတ်မြစ် မခိုင်ခန့်လျှင် ယုံကြည်မှုတည်ဆောက်ရေးသည် လျော့တိလျော့ရဲဖြစ်လာနိုင်ပြီး၊ ငြိမ်းချမ်းရေး လုပ်ငန်း စဉ်သည်လည်း ရှေ့တိုးဖို့ ခက်ခဲသည်အထိ ချောင်ပိတ်မိသွားနိုင်ခြေရှိနေသည်ကို အလေးဂရု ပြုသင့် သည်။

ညီနောင်မဟာမိတ်သုံးဖွဲ့ (ULA/AA၊ PSLF/TNLA၊ MNTJP/MNDAA) တို့သည် ပြည်တွင်းစစ်ပွဲ ရပ် တန့်ပြီး၊ တွေ့ဆုံ ဆွေးနွေးညှိနှိုင်းရေးလုပ်ငန်းများ လက်တွေ့ကျကျဆောင်ရွက်နိုင်ရန်အတွက် ၂၀၁၉ ခုနှစ် စက်တင်ဘာလ (၉) ရက်မှ အောက်တိုဘာလ (၈) ရက်နေ့အထိ တစ်လတာ တစ်ဖက်သတ် အပစ်အခတ်ရပ်စဲကြောင်း စက်တင်ဘာလ (၉) ရက်နေ့စွဲပါ ကြေညာချက်ဖြင့် ထုတ်ပြန်ခဲ့သည်။ တွေ့ ဆုံဆွေးနွေးရေးနှင့် ပြည်တွင်းငြိမ်းချမ်းရေးအတွက် ၀မ်းမြောက်ဝမ်းသာကြိုဆိုရမည့် ခြေလှမ်းပင်ဖြစ် သည်။ KIO/KIA နှင့် တိုက်ပွဲများရပ်ကာ အပစ်အခတ်ရပ်နေဆဲကာလတွင် ညီနောင်မဟာမိတ်သုံးဖွဲ့ ကပါ တစ်ဖက်သတ် အပစ်ရပ်လိုက်သည့်အလျောက် မြောက်ပိုင်းတစ်ခွင်သေနတ်သံ၊ အမြောက်သံ များ ဆိတ်သုန်း၍ ဒေသခံပြည်သူများ နေရပ်ရင်းဆီ ပြန်အခြေချနိုင်ဖို့ အလားအလာကောင်းများ ထင်ရှားလာဖွယ်ရှိသည်ဟု သုံးသပ်နိုင်သည်။

ရှမ်းပြည်နယ်မြောက်ပိုင်းနှင့် ရခိုင်ပြည်နယ်တွင် စစ်ရှိန်လျော့ချလာနိုင်ပြီး၊ ပြည်ထောင်စုလမ်းမကြီးနှင့် နယ်စပ်ကုန်သွယ်ရေးသည် ပိုနေမြဲကျားနေမြဲ ပြန်ဖြစ်လာနေပြီဟု ကောက်ချက်ပြုနိုင်သည်။ အပစ် အခတ် ရပ်စဲကာလတွင် နှစ်ဖက် အလုပ်ပိုလုပ်ကြရမည်ဖြစ်ပြီး၊ အမှားအယွင်း၊ အလွဲအချော်တို့ကို ကျယ်ကျယ်ပြန့်ပြန့် ဆန်းစစ်၊ သုံးသပ်၍ ပြုပြင်ရမည် ဖြစ်သည်။ တပ်မတော်နှင့် မြောက်ပိုင်းမဟာ မိတ်အကြား ယုံကြည်မှုပိုမိုတည်ဆောက်လာနိုင်ရေး မဖြစ်မနေ ဦးတည်ရမည် ဖြစ်သည်။ အပြန်အ လှန် ယုံကြည်မှုမြင့်တက်လာမှသာ တွေ့ဆုံဆွေးနွေးရေးက ထိရောက်အလုပ်ဖြစ်မည်ဖြစ်သည်။ အပစ် အခတ်ရပ်စဲရေး အနာအဆာကင်းဖို့ဆိုလျှင် တပ်မတော်ရော၊ မြောက်ပိုင်းလေးဖွဲ့ပါ ၀ိုင်းနိုင်၊ ၀န်းနိုင်၊ ထိန်းသိမ်းနိုင်ဖို့ မလွဲမသွေလိုအပ်မည်ဖြစ်သည်။ အပစ်ရပ်ထားလင့်ကစား အချိန်အခါမရွေး ပြန်ပစ်နိုင်၊ ခတ်နိုင်သည်ကို ဆင်ခြင်၍ အရေးပေါ်လုပ်ထုံးလုပ်နည်းများနှင့်အတူ စောင့်ကြည့်ထိန်းကျောင်းနိုင်ရေး ရည်မှန်းချက်ထားသင့်သည်။ ပစ်သံခတ်သံများပြန်ဆူ ညံလာမည်ဆိုလျှင် မည်သို့မည်ပုံ ချဉ်းကပ် အဖြေရှာမည်နှင့်စပ်လျဉ်း၍ ကြိုတင်ဇာတ်တိုက်၊ လေ့ကျင့်ထားနိုင်လေကောင်း လေပင်ဖြစ်သည်။ သို့မှသာ အပစ်အခတ်ရပ်စဲရေးသည် ရေရှည်အမြင်ရှိရှိ အသက်ဝင်၊ ရုပ်လုံးပေါ်လာမည်ဖြစ်ပြီး၊ သားစဉ် မြေးဆက် လက်ဆင့်ကမ်း ထိန်းကျောင်းရမည့်အခင်းအကျင်းကြီးပင်ဖြစ်သည်။

တပ်မတော်နှင့် မြောက်ပိုင်းမဟာမိတ်လေးဖွဲ့အနေဖြင့် နှစ်ဖက်သဘောတူညီချက် လက်မှတ်ရေးထိုး သည်ဖြစ်စေ၊ မထိုးနိုင်သေးသည်ဖြစ်စေ၊ မြောက်ပိုင်းမဟာမိတ်လေးဖွဲ့အနေဖြင့် တစ်နိုင်ငံလုံး ပစ်ခတ် တိုက်ခိုက်မှု ရပ်စဲရေးသဘောတူစာချုပ် (အန်စီအေစာချုပ်) ကို လက်မှတ်ထိုးသည်ဖြစ်စေ၊ မထိုးနိုင် သေးသည်ဖြစ်စေ အပစ်အခတ်ရပ်စဲရေးကို ဆွဲဆန့်နိုင်သရွေ့ဆွဲဆန့်ရမည်ဖြစ်သည်။မည်သို့ပင်ဖြစ်စေ အပစ်အခတ်ရပ်စဲရေးကို တစ်နည်းနည်းဖြင့် တစ်နိုင်ငံလုံးလွှမ်းခြုံနိုင်ရေး ထိန်းကျောင်းကြ၊ ညှိနှိုင်းကြ ရမည်မှာ မြေကြီးလက်ခတ်မလွဲပင်ဖြစ်သည်။ အပစ်ရပ်နောက်ခံအခင်းအကျင်းတွင် မျက်နှာစုံ ညီတွေ့ ဆုံဆွေးနွေးပွဲများ ဆောလျင်စွာ ဖော်ဆောင်နိုင်ရေး တိုက်တွန်းကြရမည်ဖြစ်သည်။ အမြော်အမြင်ရှိရှိ နိုင်ငံရေးဆွေး နွေးပွဲသည် အပစ်အခတ်ရပ်စဲရေး နှင့် ယုံကြည်မှုတည်ဆောက်ရေးအတွက် နိုင်ငံရေး ဗီတာမင်ပင်ဖြစ်သည်။

နိုင်ငံရေးအရ တွေ့ဆုံဆွေးနွေးကြပြီဆိုလျှင် ရှဥ့်လည်းလျှောက်သာပျားလည်းစွဲသာ၊ သူမနာကိုယ် မနာ၊ အားလုံးပါဝင်ရေး၊ ဒီမိုကရေစီဖက်ဒရယ်ပြည်ထောင်စု၊ ကိုယ်ပိုင်အုပ်ချုပ်ခွင့်၊ ကိုယ်ပိုင်ပြဋ္ဌာန်းခွင့်၊ လုံခြုံရေးကဏ္ဍဆိုင်ရာ စိန်ခေါ်ချက်များ စသည့်စသည့်ရေးရာကိစ္စများသည် ရှေ့တန်းရောက်လာမည် မှာ ဧကန်မုချဖြစ်သည်။ ထိုထိုစိန်ခေါ်မှုကြီးများနှင့် နဖူးတွေ့ ဒူးတွေ့တွေ့ရမည့် ဆွေးနွေးပွဲများကို ရေရှည်အမြင်ရှိရှိ ချဉ်းကပ်နိုင်ရန် သော့ချက်ကျမည်ဖြစ်သည်။ နှစ်ဖက်ညှိနှိုင်း၍ သင့်တော်သည့် အချိန်ဇယား သတ်မှတ်နိုင်ဖို့ ဆန်းစစ်သင့်သည်။ မတင်းလွန်းမလျော့လွန်းရန်အရေးကြီးသကဲ့သို့ စဉ်ဆက်မပြတ်တွေ့ဆုံဆွေးနွေးနိုင်ရန်လည်း သော့ချက်ကျမည်ဖြစ်သည်။ အလုပ်သဘောထက် အလွတ်သဘောတွေ့ဆုံဆွေးနွေးမှု များမှတစ်ဆင့် ယုံကြည်မှုနှင့်နားလည်မှုကို ထူထောင်နိုင်ဖို့ စဉ်းစားသင့်သည်။ ကြားဝင်စေ့စပ်ညှိနှိုင်းသူ စစ်စစ်များ၏ အခန်း ကဏ္ဍကိုလည်း ချဲ့ထွင်ပေးနိုင်ဖို့ အားထုတ်သင့်သည်။

တွေ့ဆုံဆွေးနွေးမှုသည် အသွင်သဏ္ဍာန်အားဖြင့် အထက်မှအောက်ပုံစံဖြစ်နိုင်ရေး ရှေးရှုသင့်သည်။ လွတ်လပ်ပြီး ခေတ်မြန်မာနိုင်ငံသမိုင်းတွင် ပြည်တွင်းငြိမ်းချမ်းရေးရရှိရေးဦးတည်လျက် အကြီးအကဲ များ၊ ခေါင်းဆောင်များအကြား ထိပ်သီးအစည်းအဝေးပုံစံကျင်းပခဲ့သည်မှာ မတွေ့ရသလောက်ပင်ဖြစ် သည်။ မြန်မာနိုင်ငံ၏ ပြည်တွင်းငြိမ်းချမ်းရေးပြဿနာသည် ခေါင်းဆောင်များအကြား တွေ့ဆုံဆွေးနွေး အဖြေရှာနိုင်၊ သဘောတူညီချက်များရယူနိုင်မှသာ လမ်းမှန်ပေါ်ရောက်နိုင်ဖွယ်ရှိသည်။ ခေါင်းဆောင် များအကြား ညှိနှိုင်းဆွေးနွေး၍ သဘောတူညီချက်များရယူနိုင်ခြင်းမရှိလျှင် ငြိမ်းချမ်းရေးလုပ် ငန်းစဉ် ကြီး လမ်းပျောက်သွားနိုင်သည်အထိ စိုးရိမ်ပူပန်စရာပင်ဖြစ်သည်။

မည်သို့ပင်ဆိုစေကာမူ အစကောင်းမှအနှောင်းသေချာမည်ဖြစ်သည်။ အခြေခံအုတ်မြစ်ကောင်းမှသာ အစကောင်း မည်ဖြစ်သည်။ အပစ်အခတ်ရပ်စဲ၍ ယုံကြည်မှုတည်ဆောက်နိုင်မှသာ အုတ်မြစ်လည်း ကောင်း၊ အစလည်းကောင်းမည်ဖြစ် သည်။ အပစ်အခတ်ရပ်စဲရေးနောက်ခံတွင် နိုင်ငံရေးစားပွဲဝိုင်း ဆွေးနွေးပွဲလမ်းကြောင်းမှ သွေဖြီမသွားရန် တည့်မတ်ထိန်း ကျောင်းကြရမည်ဖြစ်သည်။ နိုင်ငံရေး စားပွဲဝိုင်းဆွေးနွေးပွဲများ အောင်မြင်အထမြောက်ဖို့၊ ထိရောက်တွင်ကျယ်ဖို့ ပြိုင်တူ တွန်းကြရမည်ဖြစ် သည်။ ပြည်တွင်းငြိမ်းချမ်းရေးသည် တိုက်ယူ၊ တောင်းယူရမည့်ကိစ္စရပ်မဟုတ်ပေ။ စားပွဲဝိုင်းတွင် ၀ိုင်းဖွဲ့ ထိုင်၍ ခေါင်းဆောင်များအကြား အလွတ်သဘော၊ အလုပ်သဘော ဆွေးနွေး၊ အမြင်ဖလှယ်၊ ငြင်းခုံပြီး ဘုံသဘောတူညီ ချက်များရရှိနိုင်ရေး၊ ဘုံလုပ်ငန်းစဉ်များချမှတ်နိုင်ရေး၊ ဘုံလမ်းပြမြေပုံ တစ်ရပ် ရေးဆွဲနိုင်ရေး စသည်တို့အကျူံးဝင်သည့် ဘုံလမ်းကြောင်းကြီးတစ်ခုကို ပြိုင်တူတွန်း ဖော်ဆောင်နိုင်ရေး မျက်မှောက်ပြုသင့်ပါကြောင်း သုံးသပ်တင်ပြလိုက်ရပါသည်။

ဒေါက်တာရန်မျိုးသိမ်း