အမုန်းစကားတွေကို ထိန်းချုပ်နိ်ုင်ပြီလား

အမုန်းကားတွေကို ထိန်းချုပ်နိုင်ပြီလားဆိုတဲ့ခေါင်းစဉ်နဲ့ DVB Debate ပွဲတစ်ခုကို သူတို့ပေးထားတဲ့ခေါင်းစဉ်ကို စကြားလိုက်ကတည်းက သွားရောက်နားထောင် ဖြစ်ခဲ့ပါတယ်။ အမုန်းစကားတိုင်းဟာ ထိန်းချုပ်ဖို့ လိုသလားဆိုတာ စပြီးတွေးမိလာပါတယ်။ အမုန်းစကား တွေမှာလည်း တရားဝင်ခွင့်ပြုရမယ့် အဆင့်တွေရှိနေတဲ့အတွက် မုန်းစကားမှန်သမျှကို ထိန်းချုပ်လိုက်ရင် ပြည်သူတွေရဲ့ လွတ်လပ်စွာ ထုတ်ဖော်ပြောဆိုခွင့်ကိုပါ ထိခိုက်လာနိုင်ပါတယ်။ ကမ္ဘာပေါ်မှာ  အမုန်းစကားဆိုတဲ့ အသုံးအနှုန်းကို ယနေ့အချိန်အထိ တိကျတဲ့ အဓိပ္ပာယ်ရှင်းလင်းဖွင့်ဆိုမှုမျိုး မလုပ်နိုင်ကြသေးပါဘူး။ အမုန်းစကားလို့ ပြောလိုက်ရင် ကျယ်ပြန့်လွန်းတာကြောင့် နောက်ပိုင်းမှာ  Danger ous Hate Speech (အန္တရာယ်ရှိသော စကား)လို့ ခွဲခြားပြီးသုံးစွဲပြောဆိုလာကြပါတယ်။ အမုန်းစကားတိုင်းကို အရေးယူတာ မျိုး မလုပ်သင့်ပေမဲ့ အန္တရာယ်ရှိတဲ့စကားတွေကိုတော့ အရေးယူတားမြစ်ရပါမယ်။ အဲဒါကြောင့် ကျွန်တော်တို့တွေအနေနဲ့ အရေးမယူသင့်တဲ့ အမုန်းစကားနဲ့အရေးယူရမယ့် အန္တရာယ်ရှိတဲ့စကားဆိုတာကို ခွဲခြားနားလည်လို့လိုအပ်ပါတယ်။ တချို့လူ တွေက ဒီအပိုင်းမှာတင် ရှုပ်ထွေးနေတဲ့အတွက် အနည်းငယ်ရှင်းပြလိုပါတယ်။

အရေးမယူသင့်တဲ့ အမုန်းစကား

အပြည်ပြည်ဆိုင်ရာ ပြည်သူ့အရေးနှင့် နိုင်ငံရေးအခွင့်အရေးဆိုင်ရာ သဘောတူ စာချုပ် (ICCPR) ရဲ့ အပိုဒ် ၁၉(၂)အရ လူသားတိုင်းရဲ့ လွတ်လပ်စွာထုတ်ဖော်ပြော ဆိုရေးသားခွင့်၊ ထင်မြင်ယူဆခွင့်ကို တရား ဝင်ခွင့်ပြုပေးထား ရပါမယ်။ အဲဒီအခွင့်အရေးကို ကျင့်သုံးတဲ့နေရာမှာ ခွဲခြားဆက်ဆံတာတွေ၊ နှိမ့်ချစော်ကားမှုတွေ၊ အခြား တစ်ပါး သူတွေရဲ့ အမြင်၊ အယူအဆတွေကို လက်မခံနိုင်တာတွေ၊ ရုပ်ရင်းကြမ်းတမ်းတဲ့ စကားတွေ၊ အနှစ်မြို့ဖွယ်ရာကောင်း တဲ့စကားတွေ အထိပါဝင်နိုင်ပါတယ်။ အဲ့ဒီလို အမုန်းစကားတွေကိုတော့ အရေးမယူသင့်တဲ့ အမုန်းစကား (သို့မဟုတ်) တရားဝင်ခွင့်ပြုရမယ့် အမုန်းစကားလို့ သတ်မှတ်ထားကြပါတယ်။

အန္တရာယ်ရှိတဲ့စကားဆိုတာ ဘာလဲ

နိုင်ငံတကာ ဥပဒေတွေမှာ အောက်ပါအဆင့် (၂)ဆင့်ကို အန္တရာယ်ရှိတဲ့စကားလို့ သတ်မှတ်ပြီး အရေးယူတားမြစ် လေ့ရှိပါတယ်။

(၁) လူတစ်စုတစ်ဖွဲ့ကို ရည်ရွယ်ပြီး မုန်းတီးစေရန်၊ ရန်လိုတိုက်ခိုက်မှုများဖြစ်ပေါ်စေရန်လှုံ့ဆော်ခြင်း

မတူကွဲပြားတဲ့ လက္ခဏာရပ်တွေရှိတဲ့ လူမျိုးစုတွေအပေါ် လူအများကခွဲခြားဆက်ဆံလာအောင်၊ ရန်လိုမုန်းတီးလာအောင်၊ အကြမ်းဖက်မှုတွေ ကျူးလွန်လာအောင် လှုံ့ဆော်ဟောပြောခြင်းတွေကို မဖြစ်မနေ တားမြစ်ပိတ်ပင်ရပါမယ်။

(၂) လူမျိုးစုလိုက်ထွက်ပြေးမှုများ (သို့မဟုတ်) လူမျိုးတုံးသတ်ဖြတ်မှုများ ဖြစ်ပေါ်လာစေရန် လှုံ့ဆော်ခြင်း။

မျိုးနွယ်စုတစ်ခုကို ခွဲခြားဖိနှိပ်ဖို့၊ လူသားဖြစ်မှုကနေ လျောကျသွားအောင်၊ လူတွေမဟုတ်တဲ့အတွက် သတ်ပစ်တာဟာ မမှားဘူးလို့ အများကယုံကြည်ထင်မှတ်လာ အောင် လှုံ့ဆော်ပြောဆိုခြင်းနှင့် လူမျိုးစု လိုက်ထွက်ပြေးခြင်း၊ လူမျိုးတုံးသတ်ဖြတ် ခြင်းများဖြစ်ပေါ်လာအောင် လှုံ့ဆော်ဟော ပြောခြင်းတွေကို တိကျတဲ့ဥပဒေပြဋ္ဌာန်း ချက်များနဲ့ အရေးယူတားမြစ်ရပါမယ်။

အန္တရာယ်ရှိတဲ့စကား ပြန့်နှံ့မှုအခြေအနေ

ကျွန်တော်တို့နိုင်ငံမှာ ဖုန်းတွေကို ဈေးချိုချိုနဲ့ လူတိုင်းဝယ်ကိုင်နိုင်တဲ့အခြေအနေ ဖြစ်လာခဲ့တဲ့ ၂ဝ၁၂ နောက်ပိုင်း မှာ လူမှုကွန်ရက်မီဒီယာအသုံးပြုမှုဟာ တဟုန်ဒိုး တိုးတက်လာခဲ့ပါတယ်။ အထူးသဖြင့် Facebook သုံးစွဲသူ ဟာ ၁၈ သန်းကျောရှိလာခဲ့ပြီး အခြားလူမှုကွန်ရက်မီဒီယာတွေ သုံးစွဲမှုနဲ့ယှဉ်ရင် အဆမတန်များပြားလာတဲ့အတွက် ဘာသာရေး၊ လူမျိုးရေးပဋိပက္ခတွေဖန်တီးဖို့ ကြိုးစားတဲ့သူတွေဟာ Facebook ကို ပစ်မှတ်ထားလာကြပါတယ်။ အန္တရာယ်ရှိတဲ့စကားတွေကို ပြောဆိုနေတဲ့အကောင့်တွေကို လေ့လာကြည့်တဲ့အခါ အန္တရာယ်ရှိတဲ့ စကားမှန်းမသိဘဲ စိတ်ခံစားမှုအခြေခံ၊ ယုံကြည်မှုအခြေခံနဲ့ ဖြန့်ချိပြောဆိုနေတဲ့ အုပ်စုနဲ့ အန္တရာယ်ရှိတဲ့စကားမှန်းသိပြီး ပဋိပက္ခတွေ ဖြစ်လာအောင် ရည်ရွယ်ချက်ရှိရှိ ဖန်တီးလုပ်ဆောင်ပြောဆို ဖြန့်ချိနေတဲ့ အုပ်စုဆိုပြီး အုပ်စုနှစ်မျိုးကိုတွေ့ရပါတယ်။ ဒုတိယ အမျိုးစားထဲမှာဆိုရင် လစာပေးပြီး အုံနဲ့ကျင်းနဲ့ စနစ်တကျလုပ်ဆောင်နေတဲ့ ပုံစံတွေကိုပါ လေ့လာတွေ့ ရှိရ ပါတယ်။

အန္တရာယ်ရှိတဲ့စကားတွေကို တားမြစ် နိုင်ပြီလား

အသံ(လွတ်လပ်စွာထုတ်ဖော်ပြောဆို ခွင့်လှုပ်ရှားမှုအဖွဲ့)ရဲ့ သုတေသနမှတ်တမ်းတွေအရ ယနေ့အချိန်ထိ အန္တရာယ် ရှိတဲ့ စကားတွေပြောဆိုမှုကြောင့် အရေးယူဖမ်း ဆီးခံထားရတဲ့သူတွေ မရှိသေးပါဘူး။ ပဋိပက္ခတွေဖြစ်လာတဲ့အထိ တွန်းအား ဖြစ်စေနိုင်တဲ့ အန္တရာယ်ရှိတဲ့စကားတွေကို အရေးယူနိုင်တဲ့ ဥပဒေမရှိသေးတာကြောင့် အရေးမယူတာပါလို့ အစိုးရက ဆင်ခြေ ပေးနိုင်ပေမယ့် တစ်ကယ်ထိန်းချုပ်တားမြစ်ချင် တယ်ဆိုရင် ရာဇသတ်ကြီးဥပဒေမှာပါတဲ့ ပုဒ်မ ၅ဝ၅(ဂ)ကို အသုံးပြုလို့ ရနိုင်ပါ တယ်။

၅ဝ၅(ဂ)ဖော်ပြချက်

မည်သူမဆို ဖော်ပြချက်ကိုဖြစ်စေ၊ ကောလဟလကိုဖြစ်စေ၊ သတင်းကိုဖြစ်စေ ပြုရာတွင် သို့တည်းမဟုတ် ထုတ်ပြ ကြေညာရာတွင်၊ သို့တည်းမဟုတ် ဖြန့်ချိရာတွင်-

၅ဝ၅(ဂ)လူအမျိုးအစား အချင်းချင်း ဖြစ်စေ၊ လူမျိုးစုအချင်းချင်းဖြစ်စေ တစ်ဖက် နှင့်တစ်ဖက်ပြစ်မှုကျူးလွန်အောင် လှုံ့ဆော် ရန် အကြံရှိလျှင် သို့တည်းမဟုတ်အဆိုပါလှုံ့ ဆော်ခြင်းကိုဖြစ်စေ တန်ရာသည့် အကြောင်း ရှိလျှင်၊ ထိုသူကို နှစ်နှစ်ထိ ထောင်ဒဏ် တစ်မျိုးမျိုးကိုဖြစ်စေ၊ ငွေဒဏ် ဖြစ်စေ၊ ဒဏ် နှစ်ရပ်လုံးဖြစ်စေချမှတ်ရမည်။

အမုန်းစကားကာကွယ်တားဆီးရေး ဥပဒေ

အကောင်းဆုံးကတော့ မြန်မာပြည်မှာ အန္တရာယ်ရှိတဲ့စကားတွေကို တားမြစ်အရေးယူနိုင်တဲ့ အထူးဥပဒေ တစ်ရပ်ရေးဆွဲပြဋ္ဌာန်းဖို့ လိုအပ်ပါတယ်။ အစိုးရသစ်တက်လာပြီး နောက်ပိုင်း လူမျိုးရေး၊ ဘာသာရေးပဋိပက္ခများ၊ စိတ်ဝမ်းကွဲပြားမှုများဖြစ်ပွားအောင် အမုန်းစကားတစ်ရပ်ရပ်အား ပြောဆိုခြင်း၊ ထပ်ဆင့်ပြောဆိုခြင်း၊ စည်းရုံးသိမ်း သွင်းခြင်းနှင့် လူထုဆက်သွယ်ရေးနည်းလမ်းမှ တစ်ဆင့်ပြုလုပ်ဆောင်ရွက်မှုတွေကို အရေးယူမယ့် အမုန်းစကား ကာကွယ်တားဆီးရေး ဥပဒေကြမ်းကို ပြည်ထောင်စုအစိုးရအဖွဲ့ထံ တင်ပြထားတယ်လို့ သာသနာရေးနှင့်ယဉ် ကျေးမှု ဝန်ကြီးဌာန၊ ပြည်ထောင်စုဝန်ကြီး သူရဦးအောင်ကိုက ပြောဆိုခဲ့ဖူးပါတယ်။ အဲလိုပြောဆိုခဲ့ပြီး နှစ်နှစ်အကြာ၊ ပြီးခဲ့တဲ့ ၂ဝ၁၈ ခုနှစ်၊ မေလက အဲဒီဥပဒေအတွက် Focal Ministry ကိုရွေးချယ်လိုက်တဲ့ အခါမှာ ပြည်ထဲရေးဝန်ကြီးဌာနနဲ့ဆိုင် တာဖြစ်လို့ ဥပဒေကြမ်းရေးဆွဲတာကို ပြည်ထဲရေးဝန်ကြီးဌာနက ဆက်လက်ကိုင်တွယ်သွားမယ်ဆိုပြီးဖြစ်သွားပြန် ပါတယ်။

ပိုဆိုးတာက ယနေ့အချိန်ထိ အဲဒီဝန် ကြီးဌာနတွေက အမုန်းစကားကာကွယ်တာ ဆီးရေးဥပဒေ (မူကြမ်း)ရေးဆွဲတဲ့ အနေရာမှာ အရပ်ဖက်အဖွဲ့အစည်းတွေကို ပါဝင်ခွင့် မပေးဘဲ ၎င်းတို့စိတ်ကြိုက်ရေးဆွဲနေတာ ဖြစ်ပါတယ်။ ကြားသိထားရတဲ့ အချက်အလက်တွေအရဆိုရင် လက်ရှိအစိုးရဘက်က ရေးဆွဲနေတဲ့ ဥပဒေကြမ်းမှာ အမုန်းစကား ကို အဓိပ္ပာယ်ဖွင့်ဆိုထားတာ ကျယ်ပြန့်ရှုပ်ထွေးလွန်းနေတာကြောင့် ပြည်သူတွေရဲ့ အစိုးရအပေါ် ဝေဖန်ပြောဆိုမှုတွေကိုပါ အမုန်းစကားခေါင်းစဉ်တပ်ပြီး ထောင်နှစ်ရှည်ချထားနိုင်တဲ့ အနေအထားဖြစ်တယ်လို့ ဆိုပါတယ်။ ဒါတွေဟာ စိုးရိမ်ရမယ့်ကိစ္စတွေ ဖြစ်ပါတယ်။

တစ်ဖက်မှာလည်း အစိုးရနဲ့အပြိုင် အရပ်ဖက်အဖွဲ့အစည်းတချို့က အမုန်းစကားတွေကို ထိန်းချုပ်နိုင်ဖို့အတွက် သင့် မြတ်ချစ်ကြည်ရေး ဥပဒေကြမ်း (Harmony Bill) ကို ရေးဆွဲနေတယ်လို့ သိရပါတယ်။ အမုန်းစကားတွေကို ထိန်းချုပ်အရေးယူဖို့ ဥပဒေကြမ်းရေးဆွဲတဲ့နေရာမှာ ပြည်သူတွေရဲ့ လွတ်လပ်စွာထုတ်ဖော်ပြောဆိုခွင့်ကို မထိခိုက် အောင်သတိထားပြီး လုပ်ကိုင်ဆောင်ရွက်ဖို့ အလွန်အရေးကြီးပါတယ်။ လွတ်လပ်စွာထုတ်ဖော်ပြောဆိုခွင့်ကို အပြည့် အဝပေးလိုက်ရင် အမုန်းစကားပြော ဆိုမှုတွေလည်း အလိုလိုလျော့နည်းသွားပါလိမ့်မယ်။ လွတ်လပ်စွာထုတ်ဖော် ပြောဆိုခွင့်တွေ ချိုးဖောက်ခံနေရဆဲ အခြေအနေမှာ အမုန်းစကားတွေကို အရေးယူနိုင်မယ့် ဥပဒေတစ်ရပ်ဖော်ဆောင် တာဟာ အတော်သတိကြီးကြီးထားပြီး ကိုင်တွယ်ရမယ့်ကိစ္စ တစ်ခုဖြစ်တယ်ဆိုတာ မမေ့ဖို့လို အပ်ပါတယ်။

မောင်ဆောင်းခ