အမှန်တရားက ကချင်အမျိုးသမီးနှစ်ဦးကိုမျက်ကွယ်ပြုနေဆဲ

 

­ကချင်အမျိုးသမီးနှစ်ဦး ကာမကျေးကျွန်ပြုခံခဲ့ရပြီး သူတို့နှစ်ဦး၏နေအိမ်တွင် သွေးအိုင်များဖြင့်ဖုံးလွမ်းကာ ရက် စက်စွာသတ်ဖြတ်အသက်သေဆုံးခဲ့ရသည်မှာ ၄နှစ်ရှိသွားပြီဖြစ်ပါသည်။ သူတို့နှစ်ဦးအတွက် ယခုချိန်ထိ တရားမျှတမှုဆို တာမရသေးပါဘူး။ ရှမ်းပြည်နယ်မြောက်ပိုင်း မူဆယ်ခရိုင်၊ ပန်ဆိုင်းမြို့  ကောင်းခါးကျေးရွာတွင် ခရစ်ယာန်ဘုရားကျောင်း ဝင်းရှိ နေအိမ်တွင် ရက်စက်စွာသတ်ဖြတ်ခံခဲ့ရခြင်းဖြစ်သည်။ ဤအဖြစ်အပျက်သည် တရားခံမမိပဲရှိနေတာ ၄နှစ်ဆိုတဲ့ ကာလကို ရောက်လာနေပြီဖြစ်သည်။ ထိုအမျိုးသမီးနှစ်ဦးသည် ၂ဝ၁၅ ဇန်နဝါရီလ ၂ဝရက်နေ့ ညသန်းခေါင်ယံအချိန်တွင် မုဒိမ်းကျင့်ပြီး သတ်ဖြတ်ခံခဲ့ရခြင်း ဖြစ်သည်။

ကောင်းခါးကျေးရွာတွင် အသတ်ခံခဲ့ရသည့် ကချင်အမျိုးသမီးနှစ်ဦးမှာ တန်ဘောင်ခေါန်နန်စင်နှင့် မရန်လုရာတို့ ဖြစ်သည်။ ထိုအမျိုးသမီးနှစ်ဦးသည် ကချင်နှစ်ခြင်းခရစ်ယာန်အဖွဲ့ချုပ် KBC မှစေလွတ်ထားသော စေ့တနာဝန်ထမ်းအမျိုး သမီးနှစ်ဦးဖြစ်သည်။ ကောင်းခါးဒေသရှိ ကလေးငယ်များကို ကျောင်းပညာသင်ကြားရန် ပညာသင်ပေးရန်အတွက် KBC မှ စေလွှတ်ထားသောဆရာမနှစ်ဦး ဖြစ်လေသည်။ ပညာရေးအတွက် အထောက်အကူပြုနေသော ဝန်ထမ်းနှစ်ဦး မုဒိမ်းကျင့် ပြီး ရက်စက်စွာ သတ်ဖြတ်ခံရခြင်း ဖြစ်သည်။

အစိုးရကို အထောက်အကူပြုနေသော ပညာရေးကဏ္ဍအတွက် ထိခိုက်နစ်နာစရာဖြစ်နေသည်။ ဝေးလံခေါင်းပါး သော တောင်ပေါ်ဒေသများတွင် အစိုးရမှ လက်လှမ်းမမီနိုင်သော ထိုဒေသများအတွက် KBC သည် စေတနာ့ဝန်ထမ်းများ ကိုစေလွှတ်ပြီး ကလေးများစွာ၏ ပညာဖွံ့ဖြိုးတိုးတက်ရေးအတွက် ကြိုးပမ်းဆောင် ရွက်ပေးနေသော အဖွဲ့အစည်းဖြစ် သည်။ ယခုလို အဖြစ်အပျက်မျိုးသည် ပညာရေးအတွက် အလွန်ကို ဆုံးရှုံးစရာဖြစ်နေသည်။

မြန်မာနိုင်ငံအတွင်း ၂ဝ၁၅ခုနှစ်က ကောင်ခါးကျေးရွာတွင် ဖြစ်ပွားသော မိန်းကလေးအကြမ်းဖက်မှုကို နိုင်ငံ တော်က တာဝန်ယူဆောင်ရွက်မှု အခြေအနေအား နည်းနေသေးသည်။ ပြည်သူတွေ၏ ဘဝလုံခြုံရေး မိန်းကလေးများကို ဥပဒေဖြင့် ကာကွယ်မှုကို ပြုပြင်ပြောင်းလဲ ပြင်ဆင်ရပါမည်။ တိုင်းရင်းသားမိန်းကလေးများ၏လုံခြုံရေးသည် စိုးရိမ်စရာ ဖြစ်နေသည်မှာ ကောင်းခါးမှဆရာမနှစ်ဦး အဖြစ်အပျက်သည် မီးမောင်းထိုးပြနေပါသည်။ တရားခံမပေါ်မှု တရားခံပျောက် နေလျှက်ရှိနေသော အမှုဖြစ်လာသည်မှာ ၄နှစ်ဆိုသည့် ကာလကို ရောက်ရှိလာနေပါပြီ။ ဘယ်သူဖြစ်နိုင် မလဲဆို သည့်အတွေးသာ တွေးနေဆဲ။

၎နှစ်ထဲရောက်ရှိလာသည့် ဆရာမနှစ်ဦး၏အမှုသည် အမှန်တရားပေါ်ပေါက်ဖို့ရန်အတွက် ဝေဝါးနေဆဲဖြစ်နေပါ သည်။ ဤကိစ္စသည် လေးနက်သော၊ အဖြေခက်သော စာမေးပွဲထဲရောက်နေသလိုဖြစ်နေပါသည်။ တပ်မတော်နှင့်ဆိုင် သော၊ ထိတွေ့နေသောအမှုဖြစ်သောကြောင့် အမှုမှာ အမှန်တရားပျောက်ကွယ်နေသည်ဟု မြင်ပါသည်။ ရွာသားများအ နေဖြင့်လည်း စေတနာ့ဝန်ထမ်းနှစ်ဦးကို ယခုလိုအဖြစ်ဆိုး မျိုးကြမ်းတမ်းသည့် လုပ်ရပ်မျိုး၊ လုပ်ဆောင်နိုင်ရန်လည်း ခက်ခဲ နေပါသည်။ ဘုရားကျောင်းဝင်းထဲတွင် ဆရာမနှစ်ဦးနေထိုင်နေသောကြောင့် ဘာသာရေး ရှုထောင့်ကနေ ကြည့်ခြင်းအား ဖြင့် သိနိုင်ပါသည်။

တပ်မတော်နှင့်ပတ်သက်၍များ အမှန်တရားက ကြောက်နေသည်လား၊ ဥပဒေကို သေနတ်ကိုင်ထားသူက ငွေပေး နေသည့်ကာလကို အရှုံးပေးတော့မည်ကို ထိန့်လန့်နေပါသည်။ ကျေးရွာအနီးအနားတွင် တပ်မတော် စစ်ကြောင်းရှိခဲ့ ကြောင်း ထုတ် ပြန်ထားသည်။

ကောင်းခါးတွင်ဖြစ်ခဲ့သည့် အမှုသည် ၂ဝ၁၅ကြံ့ခိုင်ရေးပါတီကအနိုင်ရပြီး တက်လာသည့် ဦးသိန်းစိန်အစိုးရတွင် ဖြစ်ပွားခဲ့သောအမှုဖြစ်လေသည်။ ထိုလက်ထက်တွင် ဆိုးရွာစွာဖြစ်ပေါ်ခဲ့သည့်အမှုများမှာ အမှန်တရား ပေါ်ပေါက်နိုင်ခဲ့ခြင်း မရှိချေ။ အများဆုံးမှာ မျက်ကွယ်ပြုခံနေရဆဲ ဖြစ်နေသည် သုံးသပ်မြင်နေမိပါသည်။ ကချင်အမျိုးသမီးနှစ်ဦးအမှုမှာလည်း ထိုကဲ့သို့အမှန်တရားက ရှာတွေ့မှုကို ကြောက်ရွံ့နေဆဲဖြစ်နေသည်။ ဒီမိုကရေစီအစိုးရဟု ကြွေးကြော်ပြီး တက်လာသည့် အန်အယ်ဒီ အစိုးရသစ်လက်ထက်တွင်လည်း ယခုအမှုမှာ တရားမျှတမှု အမှန်တရားကိုချပြဖို့ လမ်းစပျောက်နေသည်မှာ စိုးရိမ်စရာ ကောင်းလှပါသည်။ အစိုးရသစ်သက်တမ်း မကုန်ခင်အမှန်တရားကို ချပြရပေတော့မည်။ ဒီမိုကရေစီ အစိုးရ ရုပ်လုံးဖြစ်လာအောင် ကချင်ပြည်သူများကို ချပြရပေတော့မည်။

”မြန်မာပြည်မှာ အမှန်တရားဟာ တကယ်ရှိသေးသလား၊ အမှန်တရား ပျောက်သွားပြီလား၊ ကျွန်တော်တို့အားလုံး အတွက် စဉ်းစားစရာအချက်တွေ ဖြစ်ပါတယ်။ ဒါကြောင့်မို့ ဒီဆရာမနှစ်ဦးအမှုနဲ့ ပတ်သက်ပြီး ကျွန်တော်တို့ကချင်နှစ်ခြင်း အဖွဲ့ချုပ်တော့ ဆက်လက်ပြီးမှ အမှန်တရားပေါ်ပေါက်တဲ့အထိ ဆက်လက်ရင်ဆိုင်သွားမှာ ဖြစ်ပါတယ်”ဟု လွန်ခဲ့သည့်နှစ် တွေက ဆရာမနှစ်ဦးသတိရ အောက်မေ့ဆုတောင်း မည့်နေအိမ်တွင်ပြောကြားထားသည်။

ဒီမိုကရေစီ နိုင်ငံရေးလမ်းကြောင်းတွင် သွားနေသည့် ပြည်ထောင်စု မြန်မာနိုင်ငံသည် အမျိုးသမီးများအပေါ် လူ့ အခွင့်အရေး ချိုးဖောက်မှုညွန်းကိန်းသည် အလီလီဖြစ်ပေါ်လာနေသည်ကို တွေ့ရသည်။ တက်လာသည်ကို မြင်နေရသည်။ မိန်းကလေးများအတွက် စိုးရိမ်စရာဖြစ်ပေါ်နေသည်။ တပ်မတော်နှင့်အစိုးရသည် လူ့အခွင့်အရေးကို ကာကွယ်စောင့် ရှောက်ရန် အထူးလိုအပ်နေပါသည်။ တပ်မတော်သည် တိုင်းရင်းသားဒေသတွင် လူ့အခွင့်အရေးကို ကာကွယ်စောင့်ရှောက် ရန် လိုအပ်နေပါသည်။ ၂ဝဝ၈ ဖွဲ့စည်းပုံအခြေခံဥပဒေတွင်ပါရှိသည့် အမျိုးသမီးနှင့်ကလေးငယ် ဥပဒေနှင့် ကွဲလွဲနေပါ သည်။ ဆန့်ကျင်ဘက်ကို သွားနေပါသည်။

ရှမ်းပြည်နယ် မြောက်ပိုင်းတွင် ဖြစ်ပွားခဲ့သည့် အမျိုးသမီးအကြမ်းဖက်မှု တရားမျှတမှုမရရှိသေးခြင်းမှာ ရှမ်းပြည် နယ်လွှတ်တော်တွင် အသံတိတ်ဆိတ်နေသောကြောင့် လွှတ်တော်က တရားဥပဒေစိုးမိုးမှုကို ထိန်းကျောင်းနိုင်မှု၊ ရှမ်းပြည် နယ်အစိုးရကို ထိန်းကျောင်းနိုင်မှု အားနည်းနေသေးသည်ဟု မြင်မိပါသည်။ အမှန်တရားရရှိအောင် လွှတ်တော်နှင့် ပြည် နယ်အစိုးရတို့က အဖြစ်မှန်ပေါ်ပေါက်အောင် ဖိအားပေးလုပ်ဆောင်သင့်ပါသည်။ လွှတ်တော်ကိုယ်စားလှယ်များ၏ အသံ ကိုင်တွယ်ဆောင်ရွက်မှု၊ မြေပြင်ကွင်းဆင်းလေ့လာမှုသည် အားရကျေနပ်စရာ အားနည်းနေသေးသည်။ ပြည်ထောင်စု လွှတ်တော်တွင်လည်း အသံထွက်မှု အားနည်းနေသေးသည်။

ကချင်အမျိုးသမီးအရေး အမှန်တရားပေါ်ပေါက်လာရေးသည် မြန်မာနိုင်ငံ၏ ဒီမိုကရေစီအရေးနှင့် ထပ်တူကျနေ သည်။ ပြည်သူအားလုံးနှင့် ဆက်နွှယ်နေပါသည်။ အာဏာရှင်စနစ်သာ သက်ဝင်ဖြစ်တည်နေလျှင် အနာဂတ်သည် ရင်လေး ဖွယ် ဖြစ်လာနိုင်သည်။ ကချင်အမျိုးသမီးနှစ်ဦးကိစ္စ အဖြစ်အပျက်ကို မေ့ပစ်လိုက်တော့မည်လား၊ အမှန်တရားကို ပြည်သူ တွေမျက်ကွယ်ပြုနေဦးမည်လား။ သူတို့နှစ်ဦး၏မိသားစုအတွက် တရားမျှတမှု ကချငပြည်သူလူထုအတွက် အမှန်တရားရ ရှိဖို့ မျော်လင့်ချက်မဲ့နေဆဲဖြစ်သည်။ အမှန်တရားက မျက်ကွယ်ပြုနေသည်မှာ ဇန်နဝါရီလ ၁၉ရက်နေ့တွင် ၄နှစ်ပြည့်သွားပြီ ဖြစ်သည်။

 

ဆိုင်းဗျူ