အထွေထွေရွေးကောက်ပွဲ အချိန်မီကျင်းပနိုင်ပါ့မလား

photo: EPA

 

Election

Opinion

ကိုဗစ်-၁၉ ကပ်ရောဂါဘေးနှင့်နပန်းလုံးနေရဆဲကာလတွင် အထွေထွေရွေးကောက်ပွဲများကျင်းပနိုင်ပါ့မလား ဆိုသည့်မေး ခွန်းသည် မြန်မာ့နိုင်ငံရေးပတ်ဝန်းကျင်မှာ ကျယ်လောင်နေဆဲဖြစ်သည်။ ကပ်ရောဂါဘေးကြောင့် ရွေးကောက်ပွဲရွေ့ဆိုင်းရ မည်၊ လွှတ်တော်သက်တမ်းကုန်ဆုံးသည်အထိဖြစ်မည်ဆိုလျှင် ပို၍ရှုပ်ထွေးလာမည်လား စဉ်းစားစရာပင်ဖြစ်သည်။ ဒီမိုက ရေစီစနစ်၏ကျောရိုးသည် လွတ်လပ်၍တရားမျှတသောရွေးကောက်ပွဲစနစ်ဖြစ်ပြီး၊ ရွေးကောက်ပွဲများကို လွတ်လပ်၍တရား မျှစွာ အချိန်နှင့်တစ်ပြေးညီကျင်းပနိုင်ရေးသည် လက်ငင်းစိန်ခေါ်မှုကြီးဖြစ်နေသည့်အလျောက် ၂၀၂၀ ပြည့်နှစ်ရွေးကောက် ပွဲ အချိန်မှီကျင်းပနိုင်ပါ့မလားဟု မေးခွန်းထုတ်ရမည်ဖြစ်သည်။

ပြည်ထောင်စုရွေးကောက်ပွဲကော်မရှင်သည် ၂၀၁၀ ပြည့်နှစ် သြဂုတ်လ ၁၃ ရက်နေ့စွဲပါကြေညာချက်ဖြင့် ၂၀၁၀ ပြည့်နှစ် နိုဝင်ဘာလ ၇ ရက်နေ့တွင် လွှတ်တော်အသီးသီးအတွက် ပါတီစုံဒီမိုကရေစီအထွေထွေရွေးကောက်ပွဲများ ကျင်းပ ပြုလုပ်မည်ဖြစ်ကြောင်း ထုတ်ပြန်ခဲ့သည်။ ရွေးကောက်ပွဲကျင်းပမည့်ရက်ကို ရွေးကောက်ပွဲရက်မတိုင်မီ ၈၅ ရက်ကြိုတင်၍ ထုတ်ပြန်ကြေညာခဲ့သည်။ ၂၀၁၅ ခုနှစ် ဇူလိုင်လ ၈ ရက်နေ့စွဲပါကြေညာချက်ဖြင့် ပြည်ထောင်စုရွေးကောက်ပွဲကော်မရှင် သည် ၂၀၁၅ ခုနှစ် နိုဝင်ဘာလ ၈ ရက်နေ့တွင် လွှတ်တော်အသီးသီးအတွက် ပါတီစုံဒီမိုကရေစီအထွေထွေရွေးကောက်ပွဲ များ ကျင်းပမည်ဖြစ်ကြောင်း သတ်မှတ်ကြေညာခဲ့သည်။ ၂၀၁၅ ခုနှစ်တွင် ရွေးကောက်ပွဲကျင်းပမည့်ရက်ကို ရွေးကောက် ပွဲမတိုင်မီ ၁၂၂ ရက်ကြိုတင်၍ ကြေညာခဲ့သည်။

ပြည်သူ့လွှတ်တော်ရွေးကောက်ပွဲဥပဒေ၊ အမျိုးသားလွှတ်တော်ရွေးကောက်ပွဲဥပဒေ နှင့် တိုင်းဒေသကြီးသို့မဟုတ် ပြည်နယ်လွှတ်တော်ရွေးကောက်ပွဲဥပဒေတို့၏ ပုဒ်မ ၃၄ ပုဒ်မခွဲ (ဂ)တွင် ကော်မရှင်သည် ရွေးကောက်ပွဲကျင်းပမည့်နေ့ရက် ကို ကြိုတင်၍ သတ်မှတ်ကြေညာရမည် ဟု ပြဋ္ဌာန်းထားသော်လည်း ရက်ပေါင်းမည်မျှကြိုတင်၍ကြေညာရမည်ဟု အတိအ ကျပြဋ္ဌာန်းထားခြင်းမရှိပေ။ လွှတ်တော်ရွေးကောက်ပွဲနည်းဥပဒေများ၏ ပုဒ်မ ၁၆ ပုဒ်မခွဲ(က)တွင်လည်း ကော်မရှင်သည် ရွေးကောက်ပွဲစတင်ကျင်းပမည့်နေ့ရက်ကို သတ်မှတ်ကြေညာရမည် ဟုသာ ဖော်ပြထားသည်။ သို့ဖြစ်၍ ကော်မရှင်အနေ ဖြင့် အထွေထွေရွေးကောက်ပွဲများကျင်းပမည့်ရက်ကို ကြိုတင်ပြင်ဆင်ရန်လိုအပ်သည့်ကာလနှင့်ချိန်ထိုးပြီး ထုတ်ပြန်ကြေ ညာခွင့်ရှိနေသည်။

၂၀၁၀ ပြည့်နှစ် နှင့် ၂၀၁၅ ခုနှစ်တွင်ကျင်းပခဲ့သော ပါတီစုံဒီမိုကရေစီအထွေထွေရွေးကောက်ပွဲများကိုလေ့လာ၍ ဆန်းစစ်သုံးသပ်မည်ဆိုလျှင် ရွေးကောက်ပွဲကျင်းပမည့်ရက်ကို ရွေးကောက်ပွဲရက်မတိုင်မီ ၈၅ ရက် သို့မဟုတ် ကြိုတင်ပြင် ဆင်မှုများဆောင်ရွက်ရန်အချိန်လုံလောက်မည်ဆိုပါက ၈၅ ရက်ထက်လျှော့နည်းသောကာလတွင် သတ်မှတ်ကြေညာနိုင် ခွင့်ရှိနေသည်။ ပြည်ထောင်စုရွေးကောက်ပွဲကော်မရှင်သည် ၂၀၁၈ ခုနှစ် နိုဝင်ဘာလ ၃ ရက်နေ့ ကျင်းပခဲ့သော ကြားဖြတ် ရွေးကောက်ပွဲတွင် မဲဆွယ်စည်းရုံးခွင့်ကာလကို ရက်ပေါင်း ၆၀ သတ်မှတ်ခွင့်ပြုခဲ့သဖြင့် ရွေးကောက်ပွဲကျင်းပမည့်ရက်ကို ၈၅ ရက်ထက်လျော့နည်းသောကာလမှာ ထုတ်ပြန်ကြေညာနိုင်ရန် ခဲယဉ်းနိုင်ဖွယ်ရှိသည်။ လွှတ်တော်ကိုယ်စားလှယ် လောင်းအမည်စာရင်းတင်သွင်းသည့်ကာလကို ၂၀၁၀ ပြည့်နှစ် ရွေးကောက်ပွဲတွင် ၁၅ ရက်၊ ၂၀၁၅ ခုနှစ် ရွေးကောက်ပွဲ တွင် ၂၀ ရက် သတ်မှတ်ခဲ့သည်။ အမည်စာရင်းတင်သွင်းပြီးနောက် လွှတ်တော်ကိုယ်စားလှယ်လောင်းအမည်စာရင်းတင် သွင်းလွှာများစိစစ်ပြီးသည်အထိကာလသည် ၂၀၁၀ ပြည့်နှစ် ရွေးကောက်ပွဲတွင် ၁၁ ရက်၊ ၂၀၁၅ ခုနှစ် ရွေးကောက်ပွဲတွင် ၁၃ ရက်ဖြစ်သည်။ ထို့နောက် ကော်မရှင်သည် လွှတ်တော်ကိုယ်စားလှယ်လောင်းအမည်စာရင်းကို အတည်ပြုထုတ်ပြန်ရ မည်ဖြစ်သည်။

လွှတ်တော်ကိုယ်စားလှယ်လောင်းအမည်စာရင်းတင်သွင်းမည့်ကာလကို ၁၅ ရက်၊ စိစစ်ပြီးသည်မှ အမည်စာရင်း အတည်ပြုထုတ်ပြန်သည်အထိကာလကို ၁၂ ရက်ဟု အကြမ်းဖျင်းတွက်ချက်မည်ဆိုပါက စုစုပေါင်း ၂၇ ရက်လိုအပ်မည် ဖြစ်ပြီး၊ မဲဆွယ်စည်းရုံးခွင့်ကာလ ရက်ပေါင်း ၆၀ နှင့်ပေါင်းလျှင် ၈၇ ရက်လိုအပ်မည်ဖြစ်သဖြင့် ရွေးကောက်ပွဲကျင်းပမည့် ရက်ကို အနည်းဆုံး ရက်ပေါင်း ၉၀ ကြိုတင်၍ ထုတ်ပြန်ကြေညာရန်လိုအပ်လိမ့်မည်ဟု ယေဘုယျသုံးသပ်နိုင်သည်။ သို့ဖြစ် ၍ ၂၀၂၀ ပြည့်နှစ် ပါတီစုံဒီမိုကရေစီအထွေထွေရွေးကောက်ပွဲကို နိုဝင်ဘာလ ၇ ရက် သို့မဟုတ် ၈ ရက်တွင်ကျင်းပမည်ဆို ပါက နောက်အကျဆုံး သြဂုတ်လ ၈ ရက် သို့မဟုတ် ၉ ရက်နေ့တွင် ထုတ်ပြန်ကြေညာရမည်ဖြစ်သည်။ ပြည်ထောင်စုရွေး ကောက်ပွဲကော်မရှင်အနေဖြင့် လိုအပ်သောပြင်ဆင်ဆောင်ရွက်မှုများ၊ ညှိနှိုင်းဆွေးနွေးမှုများကိုဖော်ဆောင်လျက် ကိုဗစ်-၁၉ ကပ်ရောဂါအခြေအနေကို သြဂုတ်လဆန်းပိုင်းအထိ စောင့်ကြည့်နိုင်မည်ဖြစ်သည်။ ကိုဗစ်-၁၉ ကပ်ရောဂါအခြေအနေ သည် သြဂုတ်လဆန်းပိုင်းတွင် ကောင်းမွန်စွာကာကွယ်၊ ထိန်းချုပ်နိုင်ပြီး၊ လွတ်လပ်၍တရားမျှတသော ရွေးကောက်ပွဲများ ကျင်းပရန် ဘေးကင်းစိတ်ချရသည့်အခင်းအကျင်းရရှိမည်ဆိုပါက နိုဝင်ဘာလဆန်းမှာ ရွေးကောက်ပွဲများပုံမှန်ကျင်းပနိုင်ဖို့ ရာနှုန်းပြည့်နီးပါးသေချာမည်ဖြစ်သည်။

ပြည်ထောင်စုရွေးကောက်ပွဲကော်မရှင်အနေဖြင့် ကိုဗစ်-၁၉ ကပ်ရောဂါကာလနှင့်ဆက်စပ်၍ ပါတီစုံဒီမိုကရေစီအ ထွေထွေရွေးကောက်ပွဲများကျင်းပနိုင်ရေးအပေါ် နိုင်ငံရေးပါတီခေါင်းဆောင်များနှင့် အွန်လိုင်းမှတစ်ဆင့် ဗီဒီယိုအစည်းအ ဝေးကျင်းပနိုင်ရေး စောလျင်စွာဖော်ဆောင်သင့်သည်။ ကပ်ရောဂါဘေးကာလတွင် ကော်မရှင်အနေဖြင့် နိုင်ငံရေးပါတီများ နှင့် ညှိနှိုင်းဆွေးနွေး၊ အမြင်ဖလှယ်၍ ရွေးကောက်ပွဲကျင်းပမည့်ရက်ကို သတ်မှတ်၊ ထုတ်ပြန်နိုင်မည်ဆိုလျှင် ပိုမိုကြောင်း ကျိုးဆီလျော်လိမ့်မည်ဟုသုံးသပ်နိုင်သည်။ ပြည်ထောင်စုသမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ(၂၀၀၈ ခုနှစ်)ပုဒ် မ ၃၉၉ ပုဒ်မခွဲ က နှင့် ပြည်ထောင်စုရွေးကောက်ပွဲကော်မရှင်ဥပဒေ ပုဒ်မ ၁၀ ပုဒ်မခွဲ က တို့အရ လွှတ်တော်ရွေး ကောက်ပွဲများကျင်းပခြင်းသည် ပြည်ထောင်စုရွေးကောက်ပွဲကော်မရှင်၏တာဝန်ဖြစ်သည်။ ထို့အပြင် ပြည်ထောင်စုရွေး ကောက်ပွဲကော်မရှင်သည် ရွေးကောက်ပွဲကျင်းပမည့်ရက်ကို ကြိုတင်၍သတ်မှတ်ကြေညာရမည် ဖြစ်လင့်ကစား ကပ်ရော ဂါဘေးကာလတွင် တည်ဆဲနိုင်ငံရေးပါတီများ၏ခေါင်းဆောင်များနှင့် ကြိုတင်အမြင်ဖလှယ်ဆွေးနွေးပြီးမှ ကော်မရှင်အနေ ဖြင့် သတ်မှတ်ကြေညာသင့်ကြောင်း တိုက်တွန်းအကြံပြုလိုပါသည်။ ပြည်ထောင်စုရွေးကောက်ပွဲကော်မရှင်အနေဖြင့် ရွေး ကောက်ပွဲဆိုင်ရာ ပြည်တွင်းပြည်ပအရပ်ဖက်အဖွဲ့အစည်းများ၊ သုတေသနအဖွဲ့များ၏ အကြံပြုချက်များ၊ လေ့လာဆန်းစစ် မှုများကိုလည်း အလေးထားရယူနိုင်မည်ဆိုလျှင် ပိုမိုထိရောက်အလုပ်ဖြစ်လိမ့်မည်ဟု ထင်မြင်မိသည်။

အကယ်၍ ၂၀၂၀ ပြည့်နှစ် သြဂုတ်လဆန်းပိုင်းအထိ ကိုဗစ်-၁၉ ကပ်ရောဂါကို နိုင်နိုင်နင်းနင်းထိန်းချုပ်နိုင်ခြင်းမရှိ သေးပါက ပြည်ထောင်စုရွေးကောက်ပွဲကော်မရှင်အနေဖြင့် ပါတီစုံဒီမိုကရေစီအထွေထွေရွေးကောက်ပွဲများကို နိုဝင်ဘာလ နောက်ပိုင်းကျင်းပနိုင်မည့် အသေးစိတ်အစီအစဉ်များကို ကြိုတင် ဆန်းစစ်သုံးသပ်၊ ရေးဆွဲပြင်ဆင်ထားရန် လိုအပ်မည်ဖြစ် သည်။ ပါတီစုံဒီမိုကရေစီအထွေထွေရွေးကောက်ပွဲများကို ၂၀၂၀ ပြည့်နှစ် ဒီဇင်ဘာလတွင် ကျင်းပမည်ဆိုပါက ၂၀၂၀ ပြည့် နှစ် စက်တင်ဘာလတွင် ကော်မရှင်အနေဖြင့် ရွေးကောက်ပွဲကျင်းပမည့်နေ့နှင့်အစီအစဉ်များကို ထုတ်ပြန်ကြေညာရမည် ဖြစ်သည်။ ဒုတိယအကြိမ်လွှတ်တော်သက်တမ်းသည် ၂၀၂၁ ခုနှစ် ဇန်နဝါရီလ ၃၁ ရက်မှာ ကုန်ဆုံးမည်ဖြစ်သဖြင့် ၂၀၂၁ ခုနှစ် ဇန်နဝါရီလဆန်း (ဇန်နဝါရီ ၂ ရက် သို့မဟုတ် ၃ ရက် သို့မဟုတ် ၄ ရက်) တွင် ရွေးကောက်ပွဲများကို ကျင်းပနိုင်မည် ဆိုလျှင် ဒုတိယအကြိမ်လွှတ်တော်သက်တမ်းကုန်ဆုံးမှုနှင့်ဆက်စပ်သည့်အကျပ်အတည်းကို ကျော်လွှားနိုင်မည်ဖြစ်သည်။

၂၀၂၁ ခုနှစ် ဇန်နဝါရီလဆန်းပိုင်း ရွေးကောက်ပွဲများကျင်းပနိုင်ရန် ပြည်ထောင်စုရွေးကောက်ပွဲကော်မရှင်အနေ ဖြင့် ၂၀၂၀ ပြည့်နှစ် အောက်တိုဘာလဆန်းပိုင်းတွင် ရွေးကောက်ပွဲကျင်းပမည့်နေ့နှင့်အသေးစိတ်အစီအစဉ်များကို ထုတ် ပြန်ကြေညာရမည်ဖြစ်သည်။ ကိုဗစ်-၁၉ ကပ်ရောဂါဘေးကို ၂၀၂၀ ပြည့်နှစ် စက်တင်ဘာလကုန်တွင် ထိထိရောက်ရောက် ထိန်းချုပ်နိုင်မည်ဆိုလျှင် ဒုတိယအကြိမ်လွှတ်တော်သက်တမ်းကုန်ဆုံးပြီးလျှင်ပြီးချင်း တတိယအကြိမ်လွှတ်တော်အစည်း အဝေးများကို အစောတလျင်ခေါ်ယူကျင်းပနိုင်ခြေရှိမည်ဖြစ်သည်။ ၂၀၂၀ ပြည့်နှစ် အထွေထွေရွေးကောက်ပွဲအလားအလာ သည် ကိုဗစ်-၁၉ ကပ်ရောဂါဘေးနှင့် တိုက်ရိုက်ဆက်စပ်၊ ပတ်သက်နေသည်မှာ ငြင်းမရသောအချက်ပင်ဖြစ်သည်။ ကိုဗစ်-၁၉ ကပ်ရောဂါဘေး ကာကွယ်၊ ထိန်းချုပ်၊ ကုသရေးကို တစ်ဖက်က အားသွန်ခွန်စိုက်၊ ပြည်သူလူထုကိုဗဟိုပြုရုန်းကန်ရင် ဆိုင်နေသည့်တပြိုင်နက် ပါတီစုံဒီမိုကရေစီအထွေထွေရွေးကောက်ပွဲများ အောင်အောင်မြင်မြင် အချိန်မီ ကျင်းပနိုင်ရေးကို လည်း ကြိုတင်ညှိနှိုင်းဆွေးနွေး၊ အမြင်ဖလှယ်၊ စီမံချက်ချ၊ ပြင်ဆင်နိုင်ရေး စိုင်းပြင်းကြရမည်ဖြစ်သည်။

အချုပ်အားဖြင့်ဆိုသော် လွတ်လပ်၍တရားမျှတသောရွေးကောက်ပွဲများသည် ဒီမိုကရေစီပြုရေး၏ရေသောက်မြစ် ဖြစ်သကဲ့သို့ အသက်သွေးကြောလည်းဖြစ်သည်။ ဒီမိုကရေစီနိုင်ငံရေးတွင် အချုပ်အခြာအာဏာ၏မူလပိုင်ရှင်သည် ပြည်သူ ဖြစ်ပြီး၊ ပြည်သူသာအမိ၊ ပြည်သူသာအဖဖြစ်သည့်အားလျော်စွာ ပြည်သူ့ဆန္ဒကိုအများစုထင်ဟပ်မည့် ရွေးကောက်ပွဲများပုံ မှန်ကျင်းပနိုင်ရေးကို ဦးစားပေး၊ မျက်မှောက်ပြုကြရမည်ဖြစ်သည်။ ကိုဗစ်-၁၉ ကပ်ရောဂါဘေးနှင့် နဖူးတွေ့ဒူးတွေ့ရင်ဆိုင် နေရဆဲခေတ်ကာလကြီးတွင် အစိုးရများ၊ လွှတ်တော်များ၊ နိုင်ငံရေးပါတီများ၊ တပ်မတော်၊ သတင်းမီဒီယာများ နှင့် အရပ် ဖက်အဖွဲ့အစည်းများအနေဖြင့် ကိုဗစ်-၁၉ ကာကွယ်၊ ထိန်းချုပ်၊ ကုသ၊ တုန့်ပြန်ရေးလုပ်ငန်းစဉ်များ နှင့် ပါတီစုံဒီမိုကရေစီ အထွေထွေရွေးကောက်ပွဲများအချိန်မီကျင်းပရေးလုပ်ငန်းစဉ်များကို တိုင်းရင်းသားပြည်သူလူထုအများစုကြီး၏ အုံနှင့်ကျင်း နှင့်ထောက်ခံဝန်းရံမှုဖြင့် ပြိုင်တူတွန်း၊ ဖော်ဆောင်နိုင်ရေး ရှေးရှုသင့်ပါကြောင်း တိုက်တွန်းဆော်သြလိုက်ရပါသည်။

ဒေါက်တာရန်မျိုးသိမ်း