ဒေါ်အောင်ဆန်းစုကြည်အား စိန်ခေါ်လိုက်သည့် မြစ်ဆုံပြဿနာ

 

မြစ်ဆုံလျှပ်စစ်စီမံကိန်းကြီးကို အရင် မြန်မာပြည်ကို စိုးမိုးချယ်လှယ်ခွင့်တွေရခဲ့ပြီး၊ ပြည်သူ့ဘဏ္ဍာတွေကို ကိုယ့်အကျိုးစီးပွားအတွက် ကြိုက်သလိုဖန်တီးယူခဲ့တဲ့ စစ်အစိုးရလက်ထက်မှာ စတင်ခဲ့တာဖြစ်ပါတယ်။ အဲဒီ မြစ်ဆုံစီမံကိန်းစတင်ကတည်းက ပြည်သူတွေ ကန့်ကွက်ခဲ့ကြပါတယ်။ အခုအချိန်မှာလည်း ပြည်သူတွေရဲ့သဘောထား ဆန္ဒကို တန်ဖိုးထားပြီး မြစ်ဆုံစီမံကိန်းကို အပြီးသတ်ဖျက်သိမ်းပေးဖို့ တိုင်းရင်းသား ပြည်သူတွေနဲ့အတူ အရပ်ဖက် အဖွဲ့အစည်း ၄ဝဝကျော်က တောင်းဆိုလိုက်ပါပြီ။ တိုင်းဒေသကြီးနဲ့ ပြည်နယ်အသီးသီးအရပ်ဘက် အဖွဲ့အစည်းတွေ စုစည်းဖွဲ့စည်းထားတဲ့ ”ပြည်ထောင်စုအဆင့် အရပ်ဘက်အဖွဲ့အစည်းများ ငြိမ်းချမ်းရေးဖိုရမ်ကော်မတီ” က ဦးဆောင်ပြီး ကချင်ပြည်နယ်မှာ၂ဝ၁၉ခုနှစ် မတ်လ ၁၈ရက်ကနေ ၂ဝရက်နေ့အထိ ပြုလုပ်ခဲ့တဲ့ ဖိုရမ်ကနေ ပထမတောင်းဆိုလိုက်တာ ဖြစ်ပါတယ်။

မြစ်ဆုံရေကာတာကြီးကို အကောင်အထည်ဖော်ဖို့အတွက် တရုတ်စွမ်းအင်ရင်းနှီး မြှုပ်နှံမှုကော်ပိုရေးရှင်း China Power Investment (CPI) နဲ့ မြန်မာစစ်အစိုးရတို့သ ဘောတူလက်မှတ်ထိုးထားခဲ့တာပါ။ ကချင် ပြည်နယ်အတွင်းမှာ ရှိတဲ့ မေခမလိခ (ဧရာဝတီမြစ်ဖျား) မြစ်တွေအပေါ်မှာ ဆည်ကြီး ခုနစ်ဆည်တည်ဆောက်ဖို့ သဘောတူစာ ချုပ်ဖြစ်ပါတယ်။ မြစ်ဆုံစီမံကိန်းကိုစတင်အကောင်အထည်ဖော်ဆောင်ဖို့ လုပ်ဆောင်တဲ့အချိန်မှာ ကချင်ဒေသခံတွေအပါအဝင်၊ မြန်မာနိုင်ငံ အဖွဲ့အစည်းအသီးသီးက ကန့်ကွက်ခဲ့ကြတာ အားလုံးအသိပဲဖြစ်ပါတယ်။ ၂ဝဝ၉ ခုနှစ်လောက်မှာ သဘာဝပတ်ဝန်း ကျင်ဆိုင်ရာ အကျိုးသက်ရောက်မှုများအပေါ်လေ့လာချက် (EIA)အရ မြစ်ဆုံစီမံကိန်းကို လုံးဝမလုပ်ဆောင်သင့်ကြောင်း ထုတ်ဖော်ခဲ့ပါတယ်။ ရေကာတာကြောင့်ဖြစ် ပေါ်လာမယ့်စီးပွားရေး၊ လူမှုရေးနဲ့ သဘာဝ ပတ်ဝန်းကျင်ဆိုးကျိုးများသာ ဖြစ်ပေါ်လာနိုင်တယ်လို့ ပြောခဲ့ပါတယ်။ အဲဒီအပြင်မြန် မာလူမျိုးတို့ အဓိကအားထားနေရတဲ့ ဧရာဝတီမြစ်ကြီးကို ကာ ကွယ်ကြဖို့ကိုလည်း လူမှုရေးအဖွဲ့အစည်းအသီးသီးက လှုံ့ဆော်ခဲ့ကြပါတယ်။ ပညာရှင်တွေအနေနဲ့လည်း မြစ်ဆုံစီမံကိန်းကို အကြောင်းအရာ၊ အချက်အလက် တွေကိုးကားပြီး ကောင်းကျိုးထက် ဆိုးကျိုးပိုများမယ်ဆိုတာ ဖော်ပြရေး သားခဲ့ကြပါ တယ်။ အတိုက်အခံ အန်အယ် ဒီပါတီအနေနဲ့လည်း ”ဧရာဝတီအတွက် ပန်ကြားချက်” တစ်စောင်ကို ထုတ်ပြန်ခဲ့ပါတယ်။ အဲဒီပန်ကြားချက်ထဲမှာ ”ဧရာဝတီမြစ်ကြီးသည် အန္တရာယ်နှင့် ရင်ဆိုင်နေရပါပြီ၊ စနစ်ကျသောစီမံကိန်းများ ကင်းမဲ့မှု၊ ထန်းသိမ်းမှု ဆိုင်ရာဥပဒေများကိုလိုက်နာရန်ပျက်ကွက်မှုနှင့် သဘာဝပတ်ဝန်းကျင်ဆိုင်ရာ အသိပညာနှင့် ဗဟုသုတအား နည်းခြင်းတို့သည် ပြဿနာပေါင်းစုံကို ဖြစ်ပေါ်စေခဲ့ပါသည်။ အတားအဆီးမရှိ တရားမဝင်သစ်ခုတ်လှဲမှုနှင့် မီးသွေးဖုတ်မှု များကြောင့် မြစ်ကမ်းဝဲယာရှိ သစ်တောများသည် အလျင်အမြန် ပြုန်းတီးပျောက်ကွယ်နေပါ သည်လို့ပါဝင်သလို၊ ပြည် ထောင်စုမြန်မာနိုင်ငံနှင့် တရုတ်ပြည်သူ့ သမ္မတနိုင်ငံတို့သည် အိမ်နီးချင်းကောင်းပီသစွာဖြင့် နှစ်ဦးနှစ်ဘက် လေးစားချစ် ရေးကိုအခြေခံသော ဓလေ့ထုံးတမ်းကို တည်ထောင်ထားခဲပြီးဖြစ်ပါသည်။ နှစ်ဘက်အစိုးရများသည် နှစ်နိုင် ငံ၏အကျိုးကို မျှော်မြင်လျှက် အသက်အိုး အိမ်များကိုအန္တရာယ်ပြုနိုင်မည့် နောက်ဆက်တွဲပြဿနာများကို ရှောင်ရှားလိုကြမည်ဟု ကျွန်ုပ်တို့အလေးအနက်ယုံကြည်ပါသည်။ မြစ်ဆုံရေအားလျှပ်စစ်စီမံကိန်း အစပျိုးစဉ်ကပင် မြန်မာအစိုးရအဆက် ဆက် သည် မိမိတို့၏အကျိုးစီးပွားကို ကာကွယ်မြှင့်တင်ရန် ပျက်ကွက်ခဲ့သည်ဟူသော ကချင်အမျိုးသားတို့၏ ခံယူချက်များ ပိုမို နက်ရှိုင်းလာခဲ့ပါသည်။ ”ဤစီမံကိန်းကို စတင်အကောင်အထည် ဖော်ရန်အတွက်ငွေကြေးအမြောက်အမြား စိုက်ထုတ်သုံးစွဲ ပြီးဖြစ်သည်ကို ကျွန်ုပ်တို့ သတိပြုမိပါသော်လည်း အမျိုးသားရေးနှင့် နိုင်ငံတကာ သဟဇာတဖြစ်ရေးကို ရှေ့ရှုလျှက် သက် ဆိုင်သူအားလုံးတို့က ဤမြစ်ဆုံစီမံချက်အား ပြန်လည်သုံးသပ်ကာ မလိုလားအပ်သော အကျိုးဆက်များကို ရှောင်ရှား လျက် ဧရာဝတီမြစ်ကိုကာကွယ်လိုသူအားလုံး၏ စိုးရိမ်စိတ်များ ဖြေဖျောက်နိုင်မည့် အဖြေတစ်ရပ်ကို ပူးပေါင်းရှာဖွေကြပါ ရန် တိုက်တွန်းပါသည်” ဆိုပြီးတော့ ပန်ကြားခဲ့ပါတယ်။ အဲဒီအချိန်တုန်းက အတိုက်အခံ အန်အယ် ဒီပါတီခေါင်းဆောင် ဒေါ်အောင်ဆန်းစု ကြည်ကလည်း ”ကျွန်မတို့အမျိုးသား ဒီမိုကရေစီအဖွဲ့ချုပ်ကအစိုးရဖြစ်ခဲ့ရင် ပထမဦးဆုံး လုပ်ရမယ့်ကိစ္စ က ရေကာတာနဲ့ ပတ်သက်လို့ အစိုးရဟာသက်ဆိုင်ရာ ကုမ္ပဏီတွေနဲ့ ဘယ်လို သဘောတူညီချက်တွေ ယူထားလဲဆိုတာ ပြည်သူကိုချပြဖို့ ကျွန်မတို့လုပ်ပါမယ်” ဆိုပြီးမြစ်ဆုံစီမံကိန်း နဲ့ပတ်သက်ပြီး မြစ်ကြီးနားမြို့မှာပြောခဲ့ပါ တယ်။ ၂ဝဝ၉ခုနှစ်မှာ စအကော်အထည် ဖော်ခဲ့တဲ့မြစ်ဆုံစီမံကိန်းအပေါ် မြန်မာပြည်သူတစ်ရပ်လုံးက ကန့်ကွက်မှုတွေပေါ် ပေါက်လာပြီး၊ ၂ဝ၁ဝခုနှစ်မှာ အရပ်သား အစိုးရအနေနဲ့ ဦးသိန်းစိန်သမ္မတအဖြစ် တက်လာတဲ့အချိန်မှာ မြစ်ဆုံစီမံကိန်းကို ဆိုင်းငံ့အမိန့်ကို ထုတ်ပြန်ခဲ့ပါတယ်။

မြစ်ဆုံစီမံကိန်းကို ဆိုင်းငံ့မိန့်ထုတ်လိုက်ပြီးတဲ့အချိန်မှာ မြစ်ဆုံပြဿနာဟာခေတ္တခဏ ငြိမ်သက်သွားတယ်လို့ ပြောရမှာပါပဲ။ ဒေါ်အောင်ဆန်းစုကြည်ကတော့ အန်အယ်ဒီပါတီအစိုးရဖြစ်လာရင် မြစ်ဆုံစီမံကိန်းစာချုပ်ကို ပြည်သူကို ချပြပြီး လူထုအဆုံးအဖြတ် ရယူသွားမယ်လို့ ပြည်သူကို ဂတိပေးထားခဲ့ပါတယ်။

ဒေါ်အောင်ဆန်းစုကြည်အနေနဲ့ အနိုင်ရပါတီခေါင်းဆောင် ဖြစ်လာပြီးတဲ့ နောက်ပိုင်းမှာ မြစ်ဆုံစီမံကိန်းစာချုပ်ကို ပြည်သူတွေကို ချမပြနိုင်ခဲ့ပါဘူး။ လူထုအ ဆုံးအဖြတ်ကိုလည်း ယူဖို့အတွက် အသံတိတ်နေခဲ့ရပါတယ်။ အန်အယ်ဒီပါတီ အာဏာရအစိုးရရဲ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ နိုင်ငံခြားရေးဝန်ကြီးအဖြစ်နဲ့ ၂ဝ၁၆ခုနှစ် ဧပြီလမှာ တရုတ်နိုင်ငံကို သွားရောက်ခဲ့ပြီး၊ တရုတ်နိုင်ငံခြားရေးဝန်ကြီးနဲ့တွေ့ဆုံပြီး သတင်းစာရှင်းလင်းပွဲလုပ်တဲ့အချိန်မှာ ဒေါ်အောင်ဆန်းစုကြည် ဟာ ညှိုးနွမ်းတဲ့အသွင် ဖြစ်နေတာကို တွေ့ခဲ့ရတယ်လို့ဆိုပါတယ်။ ဒေါ်အောင်ဆန်းစုကြည်ပြန် လာပြီးနောက်မှာ ပြည်သူ ပိုင်သတင်းစာ အယ်ဒီတာ့အာဘော်မှ ”မြစ်ဆုံနှင့်ပက်သတ် ပြီးရွေးချယ်စရာ နည်းသုံးခုကိုဖော်ပြခဲ့ပါတယ်။ မြစ်ဆုံစီမံကိန်း ကိုအပြီးဖျက်သိမ်းပြီး သက်ဆိုင်ရာကုမ္ပဏီကို ဒေါ်လာသန်း ၈ဝဝ လျော်ဖို့ (သို့မဟုတ်)မြစ်ဆုံစီမံကိန်းကိုပြန် ပြုလုပ် ခွင့်ပြုပြီး တစ်နှစ်ကို မြန်မာအစိုးရအ တွက်ဒေါ်လာသန်းချီဝင်နိုင်ရန် (သို့မဟုတ်) မြစ်ဆုံစီမံကိန်းကို ဦးသိန်းစိန် လက်ထက် ကလိုဆိုင်းငံ့ထားလိုက်ပြီး၊ တစ်ခုခုမဆုံးဖြတ်နိုင်သေးခင် သက်ဆိုင်ရာကုမ္ပဏီကို တစ်နှစ်ဒေါ်လာသန်း ၅ဝပေးဆောင် သွားဖို့အတွက် ပြည်သူတွေကို နှပ်ကြောင်းပေးသလိုရေးသားခဲ့ပါတယ်။ ဒီနည်းလမ်းတွေကို သုံးသပ်မယ်ဆိုရင် ဘယ်နည်း လမ်းကိုမှ ပြည်သူတွေအတွက်အကျိုးမရှိနိုင်ပါဘူး။ ဒီမြစ်ဆုံစီမံကိန်းကို တရုတ်အစိုးရအနေနဲ့ ကိုင်ထားပြီး နိုင်ငံရေး အရမြန်မာနိုင်ငံကို အကြဉ်းအကျပ်ထဲရောက်စေခဲ့တာပါ။ အန်အယ်ဒီအစိုးရ လက်ထက်မှာ မြန်မာနိုင်ငံဆိုင်ရာ တရုတ်သံ အမတ်ကြီးရဲ့ ကချင်ပြည်နယ် ခရီးစဉ်နောက်ပိုင်း ပြန်အစပျိုးလာခဲ့တာပါ။ ကချင်ခရစ်ယာန် ခေါင်းဆောင်တွေက မြစ်ဆုံ စီမံကိန်းပြန်အကောင်အထည်ဖော်ဖို့ သဘောတူ လက်ခံပါတယ်လို့ တရုတ်သံအမတ်ကြီးရဲ့ စကားကို ပြန်တုန့်ပြန်ပြီး ကချင်လူမျိုး ပြည်သူတွေက လက်မခံတဲ့အကြောင်းကို ဆန္ဒထုတ်ဖော် ပြသခဲ့ကြပါတယ်။

အခုနှစ်ပိုင်းအတွင်း နိုင်ငံတော်အတိုင် ပင်ခံပုဂ္ဂိုလ် ဒေါ်အောင်ဆန်းစုကြည်က လေးမြို့မှာပြောခဲ့တဲ့ မိန့်ခွန်းမှာ အရင်အစိုး ရအနေနဲ့ချုပ်ဆိုခဲ့တဲ့ စာချုပ်တွေကို ပြန် ဖျက်မယ်ဆိုရင် မဖြစ်နိုင်ဘူးလို့ ပြောခဲ့ပါ တယ်။ နောက် ၂ဝ၁၉ခုနှစ် အစောပိုင်းမှာ နေပြည်တော်မှာကျင်းပတဲ့ စီးပွားရေးဖိုရမ်မှာ ပြည်ထောင်စုဝန်ကြီး ဦးသောင်းထွန်းကလည်း မြစ်ဆုံ စီမံကိန်းကို အရွယ်အစား (သို့မဟုတ်) နေရာပြောင်းလဲနိုင်ရေးအတွက် ညှိနှိုင်းဆောင် ရွက်နေပါတယ်လို့ ပြောခဲ့ပါတယ်။ ဒီလို နိုင်ငံတော်ခေါင်းဆောင်တွေရဲ့ ပြောခဲ့တာတွေကိုကြည့်ရင် မြစ်ဆုံစီမံကိန်း ကိုပြန်စဖို့ အရိပ်အယောင်တွေ မြင်လိုက်ရ ပါတယ်။ လူမှုရေး အဖွဲ့အစည်းအသီးသီးနဲ့ ပြည်သူတွေရဲ့ ကန့်ကွက်မှုတွေ ပိုကျယ်လောင်လာခဲ့ပါတယ်။

အန်အယ်ဒီပါတီ အစိုးရခေါင်းဆောင်များအပြင် အန်အယ်ဒီပါတီကလည်း အ ရင်အတိုက်အခံပါတီအခြေအနေ မှာ”ဧရာဝတီသို့ပန်ကြားချက်”နဲ့ လွဲချော်နေပြီလို့ ပြောရမလိုဖြစ်နေပါပြီ။ အခုလက်ရှိအချိန်မှာ မြစ်ဆုံစီမံကိန်းနဲ့ ပတ်သက် ပြီး တိုင်းရင်းသားတွေ၊ နိုင်ငံရေးအဖွဲ့တွေရဲ့ ပြင်း ပြင်းထန်ထန် ဝေဖန်မှုတွေကို အန်အယ်ဒီပါတီရော၊ အန်အယ်ဒီအစိုးရပါ ခံနေရတဲ့ အ ကြပ်အတည်းထဲကို ရောက်နေတဲ့အချိန်လို့ ပြောရပါလိမ့်မယ်။

မြစ်ဆုံစီမံကိန်းစာချုပ်ကို ပြည်သူတွေ ကိုချမပြနိုင်တဲ့ အခြေအနေတစ်ခု ရှိနေတာကိုလည်း သိနိုင်ပါတယ်။ ဘယ်လို အခြေအနေမှာ လက်မှတ်ထိုးခဲ့သလဲဆိုတာကို ပြန် ကြည့်မယ်ဆိုရင်၊ တရုတ်စွမ်းအင်ရင်းနှီး မြှုပ်နှံမှုကော်ပိုရေးရှင်း China Power In- vestment (CPI) ကမေခနဲ့ မလိခမြစ်နှစ် သွယ်စီးဆင်းတဲ့အိုင်ကြီးဟာ အလွန်တန်ဖိုး ကြီးမားတဲ့ ရွှေနဲ့အခြား ဓာတ်သတ္ထုပစ္စည်းများ ရရှိရန်သေချာကြောင်း၊ ရွှေနဲ့တန်ဖိုးကြီးဓာတ် သတ္ထုခန့်မှန်းခြေ တန်ပေါင်း ၅ဝဝဝ နဲ့ ၁ဝဝဝဝ ကြားတူးဖော်၍ ရနိုင်ကြောင်း၊ ဒေသတွင်း ဖယ်ရှားရှင်းလင်းသည့်အတွက် သစ်တန်ချိန် ၃သန်းအထိရရှိနိုင်ကြောင်းကို ယူနန်အစိုးရဆီ တင်ပြလိုက်ပါတယ်။ ယူနန်ဒေသ အာဏာပိုင်တွေတင်မက တရုတ်ပြည်မအစိုးရကပါ အထူးစိတ်ဝင်စား ပြီး၊ တရုတ်စီးပွားရေးဝန်ကြီးကို မြန်မာနိုင်ငံကိုလွှတ်ပြီး ဗိုလ်ချုပ်မှူးကြီးသန်းရွှေနဲ့ တွေ့ဆုံခိုင်းလိုက်ပါတယ်။ နောက်၂ဝဝ၉ခု နှစ်မှာဗိုလ်ချုပ်မှူးကြီးသန်းရွှေတို့က တရုတ်ပြည်ကိုသွားပြီး မြစ်ဆုံအပါအဝင် လက်မှတ်ပေါင်း (၄၃)ခုထိုးပြီး သဘောတူညီ ပေးခဲ့ပါတယ်။ (CPI)အနေနဲ့ မြစ်ဆုံဒေသတွင်း ရှင်းလင်းရာတွင် ဖယ်ထုတ်ပစ်ရမယ့် မြေသားများနဲ့ သစ်ပင်များကို တရုတ်ပြည် ကိုသယ်ယူခွင့်ကိုပါ ပြုလိုက်ရတဲ့ အဓိကအချက်ကိုရသွားပါတယ်။ ဒီစာချုပ်ပါအချက် အလက်တွေကို စီမံ ဆောင်ရွက်ပေးနိုင်ဖို့ ဒုတိယဗိုလ်ချုပ်မှူးကြီး မောင်အေးနဲ့ဗိုလ်ချုပ်ကြီး တင်အောင်မြင့်ဦးတို့ဟာလောစစ် ဟန်ပိုင်တဲ့ အေရှဝေါလ်ကုမ္ပဏီကိုခေါ်ပြီးတရုတ်ပြည်ကို ထပ်မံသွားခဲ့ရပါတယ်။ အရင်စစ်အစိုးရအနေနဲ့ (CPI)တို့သဘောတူ ထားခဲ့တဲ့ စာချုပ်ပါအချက်တွေကို အခုလက်ရှိ အန်အယ်ဒီအစိုးရအနေနဲ့ ပြည်သူတွေကို ချမပြရဲလောက်အောင်ဖြစ်နေတယ် ဆိုတာ ခန့်မှန်းမိကြပါတယ်။

အခုပြည်သူတွေ မြစ်ဆုံစီမံကိန်းကိုအပြီးရပ်စဲပစ်ဖို့ တောင်းဆိုနေတဲ့ မြန်မာနိုင်ငံရေးအခြေအနေ၊ အန်အယ်ဒီအစိုးရ အနေနဲ့  ရင်ကြားစေ့ရေးကို ကိုင်စွဲထားတဲ့အခြေအနေနဲ့ တရုတ်နိုင်ငံရဲ့ မစွန့်ပစ်ရက်အောင်ဖြစ်နေတဲ့ မြစ်ဆုံစီမံကိန်းဖော် ဆောင်ရန် ဖိအားပေးနေတဲ့ အခြေအနေသုံးရပ်ကြားမှာ အတော်ကြပ်တည်းနေရတယ်လို့ ထင်ပါတယ်။ ၂ဝ၂ဝရွေးကောက် ပွဲကာလ နီးလာလေ၊ တရုတ်အစိုးရကပိုပြီး ဖိအားပေးလေ ဖြစ်နေပါတယ်။ မကြာသေးခင်က နေပြည်တော်မှာပြုလုပ်ခဲ့တဲ့ အန်အယ်ဒီ ဗဟိုအလုပ်အမှုဆောင် အစည်းအဝေးအပြီးမှာ ပါတီဒုဥက္ကဋ္ဌ ဒေါက်တာဇော်မြင့်မောင်ကမီဒီယာတွေ မြစ်ဆုံစီမံ ကိန်းကိစ္စကိုမေးတဲ့ အပေါ်မှာ ”ပြည်သူတွေမနှစ်သက်ဘူးဆိုရင်ကတော့၊ ဒါကျွန်တော်တို့ဘက်က နိုင်ငံရေး အရစဉ်းစားရ မယ့်လုပ်ငန်းပါ။ ဘက်ပေါင်း စုံသုံးသပ်ပြီးမှလုပ်မှာပါ၊ ဒါကျွန်တော်တို့အရေးပါပဲ”လို့ ပြန်ဖြေသွားပါတယ်။ ဒီအဖြေ ကိုစဉ်းစားသုံးသပ်ကြည့်လိုက်ရင် တိတိကျ ကျမပြောနိုင်သေးပဲ ဝေဝါးနေတာကို တွေ့ရပါတယ်။ ဒါကလည်းအင်မတန်မှ အခြေအနေကြပ်တည်းနေတာကို တွေ့ရပါတယ်။နောက်ဆုံးပြောချင်တာက မြစ်ဆုံအရေးကို အာဏာရ အင်အယ်ဒီအစိုးရ အနေနဲ့ အလေးအနက်ထားပြီး ပြတ်ပြတ်သားသား ဆုံးဖြတ်နိုင်ဖို့ လိုနေပါပြီ။

 

မြတ်လှိုင်း