ဒေါ်အောင်ဆန်းစုကြည်ခေတ်အလွန် မြန်မာနိုင်ငံရဲ့ အနာဂတ်အလားအလာ

 မြတ်လှိုင်း

ကျွန်တော်တို့မြန်မာနိုင်ငံရဲ့ နိုင်ငံရေးအခြေအနေကိုပြန်ကြည့်မယ်ဆိုရင် ပုံမှန်လမ်းကြောင်းအတိုင်း ဆက်သွားနေ တယ်လို့ပြောမရနိုင်ပါဘူး။ စစ်အာဏာရှင် ခေတ်ကနေလွန်လာပြီးတဲ့အချိန်မှာ တိုင်းပြည်တစ်ခု ပြန်တည်ခဲ့ပုံကိုကမှားနေခဲ့ပါ တယ်။ ဒီမိုကရေစီစနစ်နဲ့တိုင်းပြည်တည်ဆောက်မယ်ဆိုပြီး ဒီမိုကရေစီနိုင်ငံအတွက် အခြေခံအုတ်မြစ်အဖြစ် ဖွဲ့စည်းပုံအခြေခံ ဥပဒေကိုရေးဆွဲခဲ့တာက စပြီးမှားနေခဲ့တာပါ။ ၂ဝဝ၈ဖွဲ့စည်းပုံအခြေခံဥပဒေက စစ်အာဏာရှင်တွေနောက်ကို ဆုတ်နိုင် အောင် အကာအကွယ်ပေးဖို့က အဓိကကျတယ်ဆိုတာ အားလုံးသိနေခဲ့ကြပါပြီ။ ဒီစစ်အာဏာရှင်တွေ နောက်ဆုတ်နိုင် အောင် ဆွဲထားတဲ့အခြေခံဥပဒေအောက်မှာ ဒီမိုကရေစီတိုင်းပြည်တည်ဆောက်နိုင်ပါ့မလားဆိုတာကိုလည်း မေးခွန်းထုတ် စရာမလိုတော့ပါဘူး။ စစ်အာဏာရှင်တွေကို ရဲရဲဝံ့ဝံ့နဲ့ ဇွဲရှိပြီး တော်လှန်ဖို့ အတွက်အတိုက်အခံခေါင်း ဆောင်ဒေါ်အောင် ဆန်းစုကြည်ပေါ်ပေါက်လာခဲ့တာလည်း မြန်မာပြည်သူတွေအတွက် ကံကောင်းခြင်းတစ်ခုလို့ ပြောရပါလိမ့်မယ်။ အတိုက်အခံ ဘဝမှာ ဒေါ်အောင်ဆန်းစုကြည်ရဲ့ ခေတ်တစ်ခုဖြစ်ခဲ့ပါတယ်။ အတိုက်အခံဘဝမှာ ဒေါ်အောင်ဆန်းစုကြည်ရဲ့ ရပ်တည်ချက် တွေကိုကြည့်မယ်ဆိုရင် စစ်အာဏာရှင်တွေဆွဲထားတဲ့ ၂ဝဝ၈ဖွဲ့စည်းပုံ အခြေခံဥပဒေကိုပြင်ရမယ်ဆိုတဲ့ဘက်မှာ အခိုင် အမာရပ်တည်နေခဲ့တာကိုတွေ့ရမှာပါ။ ၂ဝဝ၈ ဖွဲ့စည်းပုံ အခြေခံဥပဒေကိုမပြင်ဘဲ ဒီမိုကရေစီစနစ်ကို သွားလို့မရနိုင်တာကို လည်းသိနေခဲ့ပါတယ်။

၂ဝ၁၅ခုနှစ်မှာရွေးကောက်ပွဲနိုင်ပြီး အစိုးရခေါင်းဆောင်ဖြစ်လာတော့ အတိုက်အခံဘဝတုန်းက သူမပြောခဲ့တဲ့ ၂ဝဝ၈ ခြေဥကိုပြင်နိုင်ပါ့မလားဆိုတာ အားလုံးစောင့်ကြည့်နေခဲ့ကြပါတယ်။၂ဝဝ၈ခြေဥဟာ အင်မတန်မှ ပြင်ဆင်ရခက်တဲ့ ဖွဲ့စည်းပုံ အခြေခံဥပဒေတစ်ခုပါ။ ပြည်သူတွေအနေနဲ့လည်း အစိုးရခေါင်းဆောင် ဒေါ်အောင်ဆန်းစုကြည်အနေနဲ့ ပြင်နိုင်လိမ့်မယ်လို့ ယုံကြည်ချက်ထားခဲ့ပါတယ်။

အခုဆိုရင် ဒေါ်အောင်ဆန်းစုကြည် အစိုးရခေါင်းဆောင်တာဝန်ယူခဲ့တာ နှစ်နှစ်ကျော်လာပါပြီ။ သူ့ရဲ့ ပထမသက် တမ်းမှာ ၂ဝဝ၈ ဖွဲ့စည်းပုံအခြေခံဥပဒေကိုပြင်နိုင်ဖို့ နှစ်နှစ်ကျော်ကျန်ပါသေးတယ်။ ကျန်တဲ့နှစ်နှစ်ကျော်ကာလမှာ မပြင်နိုင်ခဲ့ ရင်ဆိုတဲ့ မေးခွန်းတွေရှိလာကြမှာပါ။ အခုအချိန်မှာ သူမကိုထောက်ခံခဲ့တဲ့သူတွေက လျော့နည်းလာပါပြီ။ သူမအတွက်လည်း သူမတာဝန်ယူထားတဲ့ အစိုးရပထမသက်တမ်းမှာ စိန်ခေါ်မှုတွေ ကြီးမားစွာရင်ဆိုင်ခဲ့ရပါတယ်။ အင်မတန်ခက်ခက်ခဲခဲရင် ဆိုင်ဖြေရှင်းနေရတာပါ။ သူမရဲ့အစိုးရပထမသက်တမ်းမှာ ၂ဝဝ၈ ခြေဥကိုပြင်နိုင်မယ် မထင်သေးပါဘူး။ ဒါကိုလည်းသူမ ကိုဆက်ထောက်ခံပေးမယ့်လူတွေရှိနေပါလိမ့်ဦးမယ်။ နောက်အစိုးရသက်တမ်းမှာ သူမအနေနဲ့အစိုးရကိုဆက် တာဝန်ယူ နိုင်မှာပါ။ တစ်ခုရှိတာက နောက်အစိုးရသက်တမ်းမှာ တာဝန်ပြီးဆုံးအောင်ယူပြီးရင် သူမအသက်ဟာ ၈ဝ ကျော်ဖြစ်နေပါပြီ။ နောက်သက်တမ်းအတွင်းမှာ ၂ဝဝ၈ ခြေဥကိုပြင်နိုင်မှ ဒီမိုကရေစီစနစ်နဲ့ တိုင်းပြည်ကိုတည်ဆောက်နိုင်ပါလိမ့်မယ်။ ၂ဝဝ၈ ခြေဥကိုမပြင်ဆင်နိုင်သေးသရွေ့ တိုင်းပြည်ကို ဒီမိုကရေစီစနစ်နဲ့ တည်ဆောက်လို့မရနိုင်သေးပါဘူး။

ဒါဆို ဒေါ်အောင်ဆန်းစုကြည်ရဲ့အစိုးရ ဒုတိယသက်တမ်းအတွင်းမှာ၂ဝဝ၈ ခြေဥကိုမပြင်နိုင်ခဲ့ရင်ရော ဆိုတဲ့မေးခွန်း ထွက်ပေါ်လာပါလိမ့်မယ်။ ဒေါ်အောင်ဆန်းစုကြည်ရဲ့ဒုတိယသက်တမ်းမှာ ၂ဝဝ၈ခြေဥကိုပြင်ဆင်နိုင် သလောက်တော့ ပြင်ဆင်နိုင်လိမ့်မယ်လို့မျှော်လင့်နိုင်ပါတယ်။

ဒေါ်အောင်ဆန်းစုကြည်ခေတ်အလွန်မှာ ဒီမိုကရေစီစနစ်နဲ့တိုင်းပြည်ကို ဘယ်သူဦးဆောင်တည်ဆောက်မလဲ ဆိုတာ ကို ဆက်ပြီးမေးခွန်းထုတ်ကြပါလိမ့်မယ်။ ကျွန်တော်ထင်တာကိုပြောရမယ်ဆိုရင် ဒေါ်အောင်ဆန်းစုကြည် ဆက်ယူနိုင်မယ် ဆိုတဲ့ နောက်သက်တမ်းအတွင်းမှာ ဒီမိုကရေစီစနစ်ကို အပြည့်အဝမရနိုင်သေးပါဘူး။ ဒီမိုကရေစီစစ် စစ်စနစ်ကိုရနိုင်ဖို့ အတွက် တိုင်းပြည်မှာပြည်တွင်းစစ်တွေကို အပြီးငြှိမ်းသတ်နိုင်ရပါလိမ့်မယ်။ နောက်အရေးအကြီးဆုံးက ၂ဝဝ၈ဖွဲ့စည်းပုံ အခြေခံဥပဒေမှာပါတဲ့၊ တပ်မတော်အနေနဲ့ အနာဂတ်မှာဦးဆောင် သူနေရာကပါဝင်နေရမယ်ဆိုတာပါပဲ။ ဒီအချက်ရှိနေရင် ဒီမိုကရေစီစနစ်အရရွေးကောက်ပွဲမှာနိုင်တဲ့ လွှတ်တော်တွေမှာ ရွေးကောက်ခံမဟုတ်ပဲ လွှတ်တော်တွေမှာ ကိုယ်စားပြုတပ်မ တော်ကိုယ်စားလှယ်၂၅ ရာခိုင်နှုန်း ပါဝင်နေတာတွေကလည်း ဒီမိုကရေစီစစ်စစ် နိုင်ငံအတွက် အဟန့်အတားတွေပါပဲ။

ဒီပြဿနာတွေကို ဒေါ်အောင်ဆန်းစုကြည်ရဲ့ အခုသက်တမ်းနဲ့ နောက်ငါးနှစ်သက်တမ်းကုန်တဲ့အထိ ဖြေရှင်းနိုင်မှာ မဟုတ်သေးပါဘူး။ အဓိကအရေးအကြီးဆုံးက ၂ဝဝ၈ခြေဥပါအချက်အတော်များများကိုပြင်နိုင်ဖို့အတွက် ဒေါ်အောင်ဆန်းစု ကြည်အစိုးရရဲ့ ဒုတိယသက်တမ်းမှာကြိုးစားရပါလိမ့်မယ်။ ၂ဝဝ၈ခြေဥကိုလည်းပြင်ဆင်သင့်သလောက်ပြင်ပြီး၊ တိုင်းပြည်မှာ ငြိမ်းချမ်းရေးရနေပြီ (အပြည့်အဝမရသေးတာတောင်အဆင့်တစ်ခုရောက်နေပြီ)၊ စီးပွားရေးကဏ္ဍတွေမှာလည်း လမ်းပွင့်နေပြီ ဆိုတဲ့ အပေါင်းလက္ခဏာတွေကို မြင်နေရမယ့်အသွင်သဏ္ဌာန်ကိုရောက်နေရပါလိမ့်မယ်။ တိုင်းပြည်ကိုအသစ်တည်ဆောက် ဖို့အတွက် ပြဿနာနည်းပါးစွာကျန်နေခဲ့မှာပါ။

ဒီပြဿနာတွေကို ဒေါ်အောင်ဆန်းစုကြည်ခေတ်အလွန်မှာ တာဝန်ယူရမယ့်ခေါင်းဆောင်တစ်ယောက် (သို့မဟုတ်) စုပေါင်းခေါင်းဆောင်မှုတွေအတွက်ဆက်ဖြေရှင်းဖို့ တာဝန်ယူရမှာပါ။ အဲဒီအချိန်မှာကာလအချိန်အကြာကြီးပြင် ဆင်ခဲ့ရတဲ့ တိုင်းပြည်ကို ပြန်လည်တည်ဆောက်ဖို့ဆိုတာလည်း အင်မတန်ခက်ခဲပါလိမ့်မယ်။

 

ဒေါ်အောင်ဆန်းစုကြည်ရဲ့ အင်န်အယ်လ်ဒီအလားအလာ

ဒေါ်အောင်ဆန်းစုကြည်ရဲ့ အစိုးရသက်တမ်းနှစ်ဆက်အလွန်မှာ၊ တိုင်းပြည်တည်ဆောက်ရေးတာဝန် ဘယ်သူယူ မှာလဲဆိုတာတွေးကြည့်လိုက်မိပါတယ်။ လက်ရှိ အင်န်အယ်လ်ဒီဗဟိုအလုပ်အမှုဆောင်တွေ ဟာဒေါ်အောင်ဆန်းစုကြည် လို အသက်ကြီးရင့်သူတွေများပါတယ်။ ဗဟိုအလုပ်အမှုဆောင်အသစ်တိုးလိုက်တဲ့ ဦးဖြိုးမင်းသိန်းတစ်ယောက်ပဲ ငယ်ပါတယ်။ ငယ်တယ်ဆိုပေမဲ့ ဒေါ်အောင်ဆန်းစုကြည်အလွန်ခေတ်ဆိုရင် သူလည်း အသက် ၆ဝ ဝန်းကျင်မှာရှိနေပါပြီ။ အဲဒီအသက် အရွယ်ဆိုတာကတော့ တိုင်းပြည်တာဝန်ထမ်းဆောင်ဖို့ အကောင်းဆုံးအချိန်ပါပဲ။ ဒါပေမဲ့ နိုင်ငံအကြီးအကဲတစ်ယောက် ဖြစ်မလာနိုင်ပါဘူး။ အခုအချိန်မှာတိုင်းဝန်ကြီးချုပ်ဖြစ်နေတာကလည်း ဒေါ်အောင်ဆန်းစုကြည်တင်ပေးလို့ဖြစ်နေတာပါ။ အခု တိုင်းဝန်ကြီးချုပ်တာဝန်ယူတဲ့နေရာမှာလည်း ပြဿနာတွေရှိနေပါတယ်။

အင်န်အယ်လ်ဒီပါတီစဖွဲ့စဉ်က ဒေါ်အောင်ဆန်းစုကြည်အနီးမှာရှိနေခဲ့တဲ့ လူငယ်တွေ (ဗဟိုလူငယ်၊သုံးရောင်ခြယ် လူငယ်/ ကျောင်းသားတွေ)ကတော့ ထောင်ထဲမှာနှစ်ရှည်နေရပြီးတော့ အခုအဝေးကို ရောက်ကုန်ကြပါပြီ။ သူတို့အင်အယ်ဒီ ကိုပြန်ရောက်လာပြီး ကျရာတာဝန်တွေကို ပြန်ယူကြမယ်ဆိုရင် ဒေါ်အောင်ဆန်းစုကြည်အလွန်ခေတ်မှာ အင်အားတစ်ရပ် အနေနဲ့ ပြန်ပေါ်ထွက်လာနိုင်ပါတယ်။ ဒါကလည်း သိပ်မဖြစ်နိုင်တဲ့အခြေအနေတစ်ခုပါ။

အခုနောက်ပိုင်းမှာ လူငယ်ညီလာခံတွေကျင်းပပြီး မျိုးဆက်သစ်လူငယ်တွေကိုဖော်ထုတ်နေပြီလို့ ပြောလို့ရပေမဲ့။ ပေမီဒေါက်မီ တန်းဝင်လူငယ်တွေဖြစ်မလာနိုင်သေးပါဘူး။ ဒေါ်အောင်ဆန်းစုကြည်အလွန်ခေတ်မှာတော့ သူမရဲ့ပါတီကို မျှော်လင့်လို့မရနိုင်သေးဘူးလို့သတ်မှတ်ထားချင်ပါတယ်။

 

၈၈မျိုးဆက်ကျောင်းသားဟောင်းတွေ ဖြစ်လာနိုင်မလား

ဒီမိုကရေစီ ပြည်သူ့အရေးတော်ပုံကြီးကို အောင်မြင်အောင်ဦးဆောင်ခဲ့ကြတဲ့ ကျောင်းသားခေါင်းဆောင်တွေ ပေါ် ထွက်လာခဲ့ပါတယ်။ ဗကသ၊ မကသ၊ ရကသ၊ အကသခေါင်းဆောင်တွေ ABSDF ကျောင်းသားခေါင်းဆောင်တွေ အများကြီး ပေါ်ထွက်ခဲ့တယ်။ ၈၈ကျောင်းသားခေါင်းဆောင်တွေကလည်း စစ်အာဏာရှင်ခေတ်တစ်ခေတ် လုံးထောင်ထဲမှာတင် လူကြီး တွေအဖြစ်ပြောင်းလဲခဲ့ရပါတယ်။ အခုအချိန်မှာဆိုရင် အသက် ၅ဝ ဝန်းကျင်တွေဖြစ်နေကြပါပြီ။ ဒေါ်အောင်ဆန်းစုကြည် အလွန်ကာလရောက်တဲ့အချိန်မှာ တော်တော်များများဟာ ၆ဝ အရွယ်တွေဖြစ်နေပါပြီ။ အဲဒီအရွယ်ဟာ တိုင်းပြည်တည် ဆောက်ရေးအတွက်ဦးဆောင်သူဖြစ်လာနိုင်ပါတယ်။ နာမည်ကြီး ကျောင်းသားခေါင်းဆောင်ဟောင်းတွေထဲမှာ မင်းကိုနိုင်၊ မိုးသီးဇွန်၊ မောင်မောင်ကျော်၊ မင်းဇေယျ၊ ကိုကိုကြီး၊ ဌေးကြွယ်၊ မင်းဇင်စတဲ့သူတွေပါဝင်ပါတယ်။

ဒါပေမဲ့ ပြောမယ်ဆိုရင်၈၈ကျောင်းသားဟောင်းတွေဟာ တကွဲတပြားစီဖြစ်နေကြပါတယ်။ ၈၈မျိုးဆက်ကျောင်းသား ဟောင်းတွေတည်ထောင်ထားတဲ့ ‘လူ့ဘောင်သစ်ပါတီဟာ’ဆိုရင် သုံးပါတီဖြစ်နေသလို၊ နိုင်ကျဉ်းအဖွဲ့တွေကလည်း အမျိုးမျိုး နာမည်ခံပြီး ပေါ်လာကြပါတယ်။ ABSDF အဖွဲ့ကလည်းတစ်နိုင်ငံလုံးအပစ်အခတ်ရပ်စဲရေး သဘောတူစာချုပ် (NCA)ကို လက်မှတ်ထိုးပြီး မြေပေါ်ရောက်လာပါပြီ။ ABSDF တွေရဲ့အနေအထားကို ခုအချိန်ထိမသိနိုင်သေးပါဘူး။ ၈၈မျိုးဆက် ကျောင်းသားခေါင်းဆောင်ဟောင်းတွေထဲကအခုဆိုရင် ‘ရှစ်လေးလုံးပါတီ’ အမည်နဲ့ပေါ်ထွက်လာတော့မှာပါ။ ဒါပေမဲ့ ရှစ်လေး လုံးပါတီရဲ့ အနေအထားကိုကြည့်မယ်ဆိုရင် သာမန်ပါတီတစ်ခုအဖြစ်ပဲရှိနေပါလိမ့်မယ်။ ၈၈မျိုးဆက်ကျောင်းသားခေါင်း ဆောင်တွေက နိုင်ငံရေး၊ လူမှုရေးအဖွဲ့အမျိုးမျိုးထူထောင်ပြီးတကွဲစီ ရပ်တည်နေကြပါတယ်။ အဖွဲ့အစည်းအမျိုးမျိုးတည် ထောင်ပြီး ရပ်တည်နေကြပေမဲ့ တစ်ဖွဲ့၊ တစ်ပါတီချင်းအနေနဲ့ထူးထူးခြားခြားပြည်သူတွေရဲ့ အသိအမှတ်ပြုလက်ခံအား ပေးတာကိုမတွေ့ရပါဘူး။ ဒီအထဲမှာပြည်သူအများစု ထောက်ခံအားပေးနေကြတဲ့ ၈၈ ကျောင်းသားခေါင်းဆောင်ကတော့ ကိုမင်းကိုနိုင်တစ်ယောက်တည်းပါ။ ကိုမင်းကိုနိုင်ဟာ ၈၈မျိုးဆက်ငြိမ်း/ပွင့် လူမှုရေးအဖွဲ့ကို ဦးဆောင်နေပါတယ်။ အခု အချိန်မှာတော့ ပါတီနိုင်ငံရေးကိုရှောင်နေပါတယ်။ အများစု အနေနဲ့ထင်မြင်နေတာကတော့၊ ဒေါ်အောင်ဆန်းစုကြည်အပေါ် မှာ လေးစားမှုအပြည့်အဝရှိနေတဲ့အတွက် ဒေါ်အောင်ဆန်းစုကြည်နဲ့ အတိုက်အခံပါတီအဖြစ်ရှိမနေချင်တဲ့သဘောထားကို ခိုင်ခိုင်မာမာကိုင်စွဲထားတယ်လို့ သတ်မှတ်မှုတွေရှိနေပါတယ်။

ပြည်သူတွေလက်ခံအားပေးနေတဲ့ ကိုမင်းကိုနိုင်ကို ဒေါ်အောင်ဆန်းစုကြည်ခေတ် အလွန်မှာတိုင်းပြည်ကို ဦးဆောင် တည်ဆောက်နိုင်မယ့်သူအဖြစ် မျှော်လင့်လို့ရနိုင်ပါတယ်။ ဒါပေမဲ့ ကိုမင်းကိုနိုင်ရဲ့ အခုရပ်တည်နေတာက ကလေးလူငယ် တွေအတွက် ပြုစုပျိုးထောင်ပေးဖို့ကိုအဓိကထားနေတာဖြစ်ပါတယ်။ နောက်ပြီး အနုပညာနဲ့ဘဝကိုရှင်သန်ပြီးဆုံးသွားမလား ဆိုတာလည်းရှိနေပါတယ်။ ဒေါ်အောင်ဆန်းစုကြည်ခေတ်အလွန်မှာ သူ့ရဲ့ရပ်တည်ချက်ကို ပြောင်းလာနိုင်ဖို့လိုပါတယ်။ တိုင်းပြည်တည်ဆောက်ရေးအတွက် သူ့ရဲ့ဘဝကို ပြန်ပေးဆပ်နိုင်ရပါလိမ့်မယ်။ ပြည်သူတွေကတော့ သူသာတိုင်းပြည်တည် ဆောက်ရေးကို ဦးဆောင်မယ်ဆိုရင် ထောက်ခံအားပေးကြမှာပါ။\

၂ဝ၁၅မတိုင်ခင်က သူ့ကိုအိမ်ရှေ့စံလို့တောင်သတ်မှတ်ခေါ်ဝေါ်ခဲ့ကြပါသေးတယ်။ နောက်ပိုင်းမှာ ဒေါ်အောင်ဆန်းစု ကြည်ဦးဆောင်ပြီး အစိုးရဖွဲ့လိုက်ချိန်ကတည်းက သူ့ရဲ့ရပ်တည်ချက်ဟာပါတီနိုင်ငံရေးကိုစိတ်မဝင်စားတော့တဲ့ အနေ အထားကိုပြသသွားပါတယ်။ အကယ်၍ ဒေါ်အောင်ဆန်းစုကြည်ခေတ်အလွန်မှာလည်း ပါတီနိုင်ငံရေးကို စိတ်မပါခဲ့ဘူးဆိုရင် တော့ အခုအင်န်အယ်လ်ဒီပါတီကလူငယ်တွေနဲ့ ကျောင်းသားသမဂ္ဂကကျောင်းသားတွေထဲက အနာဂတ်တိုင်းပြည်ကို ဦးဆောင်နိုင်မယ့်သူတစ်ဦးထွက်ပေါ်လာပါစေလို့ပဲ ဆုတောင်းနေရတော့မလိုဖြစ်နေပါလိမ့်မယ်။

မြတ်လှိုင်း