ဒေါ်အောင်ဆန်းစုကြည်နှင့် ရင်ကြားစေ့ အလွဲများ

 

အခုဆိုရင်၂ဝ၁၅ ခုနှစ်မှာ အတိုက်အခံပါတီဘဝကနေ ဒေါ်အောင်ဆန်းစုကြည်ဦးဆောင်တဲ့ အင်န် အယ်လ်ဒီပါတီဟာအာဏာရပါတီဖြစ်ခဲ့ပါပြီ။ အင်န်အယ်လ်ဒီအစိုးရတက်ခဲ့တာ နှစ်နှစ်ကျော်သုံးနှစ်နီးပါး ရှိပါ တော့မယ်။ အင်န်အယ်လ်ဒီပါတီအာဏာမရခင်က ဒေါ်အောင်ဆန်းစုကြည်ရဲ့ မူဝါဒတွေမှန် ကောင်းမှန်ခဲ့ပါ လိမ့်မယ်။ သင်ပုန်းချေရေးမူအဖြစ်ကိုင်စွဲခဲ့ပါတယ်။ ပြောမယ်ဆိုရင် နိုင်ငံရေးပါတီတစ်ခုရဲ့ မဖြစ်မနေထားရမယ့် သဘောထားတစ်ခုပါပဲ။ အင်န်အယ်လ်ဒီပါတီရဲ့ ခေါင်းဆောင်မှုအပိုင်းမှာ သဘောထားကွဲလွဲမှုရှိခဲ့တာက ရွေး ကောက်ပွဲဝင်ရေးမဝင်ရေးနဲ့ပတ်သက်လို့ဖြစ်ပါတယ်။ ဒီပြဿနာကလည်း စစ်အာဏာရှင်စနစ်အဓွန့်ရှည်အောင် စစ်အာဏာရှင်တွေ အကြိုက်ရေးဆွဲပြီးအတည်ပြုပြဋ္ဌာန်းထားခဲ့တဲ့ ၂ဝဝ၈ဖွဲ့စည်းပုံအခြေခံဥပဒေကြောင့် ဖြစ် တယ်ဆိုတာအားလုံးသိနေပြီးဖြစ်ပါတယ်။ ဒီ၂ဝဝ၈ ဖွဲ့စည်းပုံအခြေခံ ဥပဒေအောက်မှာပြုလုပ်မယ့် အထွေထွေ ရွေးကောက်ပွဲကို ဝင်ရေးမဝင်ရေးပြဿနာတွေပါ။ ဒီ၂ဝဝ၈ဖွဲ့စည်းပုံ အခြေခံဥပဒေကိုပြင်ပြီးမှ အထွေထွေရွေး ကောက်ပွဲကို ဝင်သင့်တယ်ဆိုတဲ့သဘောထားနဲ့၊ လွှတ်တော်ထဲရောက်မှပြင်နိုင်မယ်၊ အထွေထွေရွေးကောက်ပွဲ ကိုဝင်ပြီးမှ အနိုင်ရရင်ပြင်နိုင်မယ်ဆိုတဲ့ သဘောထားတွေ ကွဲပြားခဲ့တာပါပဲ။

ဒါတွေက မြန်မာနိုင်ငံကိုစစ်အာဏာရှင်လက်အောက်ကနေဆွဲထုတ်ပြီး ဒီမိုကရေစီစနစ်နဲ့ ပြန်တည် ဆောက်မယ့်ရည်ရွယ်ချက်တွေပါပဲ။ ၂ဝဝ၈ ဖွဲ့စည်းပုံအခြေခံဥပဒေအောက်ကနေ အထွေထွေရွေးကောက်ပွဲ အနိုင်ရခဲ့တော့၊ မြန်မာနိုင်ငံကိုစစ်အာဏာရှင်စနစ်အောက်က ရုန်းထွက်နိုင်ခဲ့တယ်လို့ပြောလို့ရနိုင်ပါတယ်။ ဒါပေမယ့် ၂ဝဝ၈ ဖွဲ့စည်းပုံအခြေခံဥပဒေအရ စစ်အာဏာရှင်စနစ်အောက်က လွတ်လွတ်လပ်လပ် ကြီးရုန်းမ ထွက်နိုင်သေးပါဘူး။ ဒီစစ် အာဏာရှင်စနစ် သက်ဆိုးရှည်နိုင်သမျှသက်ဆိုးရှည်အောင် ရေးဆွဲပြဋ္ဌာန်းထား တဲ့ ၂ဝဝ၈ ဖွဲ့စည်းပုံအခြေခံဥပဒေကို ပြင်ဆင် (သို့မဟုတ်) ပယ်ဖျက်နိုင်မှ စစ်အာဏာ ရှင်စနစ်ရဲ့ လောင်းရိပ်တွေ ကင်းရှင်းနိုင်ပါလိမ့်မယ်။

ဒါတွေကတော့ ပြည်သူတွေသိနေကြပါပြီ။ ‘ဝင်ပြင်’ဆိုတာကိုကန့်ကွက်သူတွေရှိခဲ့ပေမဲ့ ဒေါ်အောင်ဆန်း စုကြည်အနေနဲ့ ‘ဝင်ပြင်’ဆိုတဲ့မူကိုကိုင်စွဲပြီး ၂ဝဝ၈ဖွဲ့စည်းပုံအခြေခံဥပဒေအောက်က အထွေထွေရွေးကောက်ပွဲ ကိုဝင်ခဲ့တာကြောင့် စစ်အာဏာ ရှင်စနစ်တစ်ပိုင်းတစ်စကို ဆွဲထုတ်လာနိုင်ခဲ့ပါတယ်။ ရွေးကောက်ပွဲဝင်ပြီးရင် ဘယ်လိုမူနဲ့သွားရမလဲဆိုတာကိုလည်း မူတစ်ခုချထားခဲ့တာတွေ့ရပါတယ်။ အဲဒီမူကအတိုက် အခံပါတီ အခြေ အနေကတည်းကချထားခဲ့တဲ့ သင်ပုန်းချေရေးနဲ့ရင်ကြားစေ့ရေးမူပါပဲ။ အဲဒီရင်ကြားစေ့ရေးနဲ့ သင်ပုန်းချေရေးမူ ကိုလက်ရှိတာဝန်ယူထားတဲ့ တပ်မတော်ခေါင်းဆောင်များနဲ့ မူဝါဒတစ်ရပ် ခိုင်ခိုင်မာမာချမှတ်ပြီး အမျိုးသားပြန် လည်သင့်မြတ်ရေးကို ဖော်ဆောင်ရမှာပါ။ ဒီလိုမဟုတ်ခဲ့တော့ အဲဒီသင်ပုန်းချေရေးမူနဲ့ ရင်ကြားစေ့ရေးမူမှာ ပြဿနာတွေရှိလာခဲ့ပါတယ်။ ဒါပေမဲ့ဒေါ်အောင်ဆန်းစုကြည် အနေနဲ့ဒီမူချပြီး စွမ်းဆောင်နိုင်လိမ့်မယ်လို့ အ တော်များများကထင်ခဲ့ကြပါတယ်။ သူ့ကို ယုံကြည်တဲ့ ပြည်သူတွေအများစုကလည်း မျှော်လင့်ခဲ့ကြပါတယ်။   ဒေါ်အောင်ဆန်းစုကြည်ရွေး ကောက်ပွဲအနိုင်ရခဲ့ရင် အစိုးရတစ်ရပ်ကိုဖွဲ့နိုင်မယ်။ သူဦးဆောင်တဲ့ အရပ် သားအစိုးရပေါ်ပေါက်လာခဲ့ရင် သာမန်ပြည်သူတွေက ကျပ်တည်းနေတဲ့လူမှုဘဝတွေက တဖြည်းဖြည်း လွတ်ကင်းလာမယ်လို့ မျှော်လင့်ခဲ့ကြတာပါ။ နိုင်ငံရေးပညာရှင်တွေနဲ့ စာနယ်ဇင်းမီဒီယာတွေကတော့ ၂ဝဝ၈ ဖွဲ့စည်းပုံအခြေခံဥပဒေကိုပြင်နိုင်ဖို့ မျှော်လင့်ခဲ့ကြတာပါ။

ဒီ ၂ဝဝ၈ ဖွဲ့စည်းပုံအခြေခံဥပဒေကို ပြင်ဆင်နိုင်ဖို့အတွက်ရော ပြည်တွင်းစစ်ပွဲတွေရပ်ပြီး ငြိမ်းချမ်းရေး အတွက်မှာပါ အရေးကြီးလိုအပ်နေတာက ‘ရင်ကြားစေ့ရေး’ပါပဲ။ ဒါပေမဲ့ ကျွန်တော်တို့မျှော်လင့်ခဲ့တာက ၂ဝဝ၈ ဖွဲ့စည်းပုံမှာပါတဲ့ တပ်မတော်သားကိုယ်စားလှယ်တွေနဲ့ အစိုးရမှာတာဝန်ယူနေရမယ့် ကာကွယ်ရေးဝန်ကြီး ဌာန၊ ပြည်ထဲရေးဝန်ကြီးဌာန၊ နယ်စပ်ရေးရာဝန်ကြီးဌာနတွေက တပ်မတော်သားတွေနဲ့ ရင်ကြားစေ့ရေး၊နောက် ပြည်တွင်းငြိမ်းချမ်းရေးအတွက် တိုင်းရင်းသားလက်နက်ကိုင်အဖွဲ့ခေါင်းဆောင်တွေရဲ့ ရင်ကြား စေ့ရေးတွေကိုပါ။ ပြောရရင်စစ်အာဏာရှင် စနစ်အောက်မှာ သွေးကွဲနေခဲ့ရတဲ့ ပြည်သူတွေနဲ့ တပ်မတော်ရင်ကြားစေ့ရေး၊ မြေပြန့် နေဗမာလူမျိုးတွေနဲ့ တောင်ပေါ်နေတိုင်းရင်းသားတွေရဲ့ ရင်ကြားစေ့ရေးတွေပါ။ ဒီကိစ္စတွေဆောင်ရွက်နိုင်မှ တပ်မတော်နဲ့ ပြည်သူကြည်ဖြူပြီး၊ ၂ဝဝ၈ဖွဲ့စည်းပုံအခြေ ခံဥပဒေကိုပြင်ဆင်နိုင်မယ်။ သွေးအခွဲခံခဲ့ရတဲ့ တိုင်းရင်းသားလူမျိုးပေါင်းစုံနဲ့ ရင်ကြားစေ့နိုင်မှ ပြည်တွင်းစစ်ကိုရပ်စဲပြီး ငြိမ်းချမ်းရေး ကိုဖော်ဆောင်နိုင်မယ်။ ဒီလိုသွေးကွဲနေခဲ့ကြရတာတွေ သွေးခွဲခံခဲ့ရတာတွေဟာ ကာလအရှည်ကြီးအုပ်စိုးခဲ့တဲ့ စစ်အာဏာရှင်တွေ ကြောင့်ဆိုတာ အားလုံးနားလည်ကြမှာပါ။ နားလည်အောင်လုပ်နိုင်မှ ရင်ကြားစေ့ရေးအောင်မြင်မှာပါ။ ဒီရင်ကြားစေ့ရေးကိုအောင်မြင်အောင် ဆောင်ရွက်နိုင်မှ စစ်အာဏာရှင်အရိပ်အောက်က ထွက်နိုင်ပြီး၊ ဒီမိုက ရေစီစစ်စစ်စနစ်ကို စတင်အကောင်အထည်ဖော်နိုင်မှာပါ။ ဒီမိုကရေစီစစ်စစ်စနစ်ကိုစတင် အကောင်အထည်မ ဖော်နိုင်သေးရင်၊ တိုင်းပြည်စီးပွားရေးတွေအလျင်အမြန်မဖြစ်ပေါ်နိုင်ပါဘူး။ ပြည်သူတွေရဲ့ လူနေမှုအဆင့် အ တန်းနိမ့်ကျနေမှုထဲကနေ ဆွဲမတင်နိုင်သေးပါဘူး။

အင်မတန်မှ ရင်ကြားစေ့ရေးဟာ အရေးကြီးပါတယ်။ အခုလက်ရှိအာဏာရပါတီခေါင်းဆောင်အနေနဲ့ ရော၊ အာဏာရအစိုးရခေါင်းဆောင်အနေနဲ့ရော၊ ဒေါ်အောင်ဆန်းစုကြည်အပေါ်မှာ မူတည်နေပါတယ်။ အာဏာ ရအင်န်အယ်လ်ဒီပါတီဝင်တွေရော အထွေထွေရွေးကောက်ပွဲမှာ ဒေါ်အောင်ဆန်းစုကြည်စကားတစ်ခွန်းကို ယုံ ကြည်ပြီးမဲပေးအနိုင်ရအောင်လုပ်ဆောင်ပေးခဲ့တဲ့ ပြည်သူတွေကပါ ဒေါ်အောင်ဆန်းစုကြည်ရဲ့ ဆုံးဖြတ်မှုကို စောင့်မျှော်နေကြပါတယ်။ ပြည်သူတွေနဲ့နိုင်ငံရေး ပညာရှင်တွေ၊ ဝေဖန်အကဲဖြတ်သူတွေ၊ မီဒီယာတွေအနေနဲ့ စစ်အာဏာရှင်စနစ်မှာ အတ္တကြီးပြီး လောဘအတောမသတ်နိုင် အောင်လုပ်စားခဲ့ကြတဲ့ စစ်အာဏာရှင်တွေ၊ စစ်အာဏာရှင်စနစ်ကို ဒေါက်ထောက်ပြီးကျားကန်ပေးခဲ့တဲ့လူတွေ၊ စစ်အာဏာရှင်စနစ်ရဲ့ အဆွယ်အပွားတွေ ကို မုန်းတီးရွံရှာနေခဲ့ကြပါတယ်။ ပြောရရင်စစ်အာာရှင် ခေတ်ကိုဦးဆောင်နေခဲ့ကြတဲ့ ဗိုလ်ချုပ်ကြီးတွေ၊ စစ်အာ ဏာရှင်အစိုးရမှာပါဝင်ခဲ့ကြတဲ့စစ်ဝန်ကြီးတွေ၊ စစ်အာဏာရှင်ခေတ် ရဲ့ယန္တရားတွေမှာ လည်ပတ်နိုင်အောင် ဆောင်ရွက်ခဲ့ကြတဲ့ ဌာနဆိုင်ရာအကြီးအကဲတွေ၊ ပတ်သက်ဆက်နွှယ်နေတဲ့ ခရိုနီတွေကို ပြည်သူတွေက မုန်းတီးခဲ့ကြပါတယ်။ ဒီစစ်အာဏာရှင်တွေရဲ့ အုပ်စုဝင်တွေက တိုင်းပြည်ကိုသူတို့အိတ်ထဲထည့်ထားပြီး လုပ်ချင် သလိုလုပ်ခဲ့ကြတာကို ပြည်သူတွေအခုထိမမေ့သေးပါဘူး။ ပြည်သူတွေကိုနှိပ်စက်ပြီး ခေါင်းမဖော်နိုင်အောင် စစ်ဖိနပ်နဲ့နင်းထားခဲ့တဲ့ဒဏ်ရာတွေ အခုထိအနာမကျက်သေးပါဘူး။ ပြည်သူတွေထဲမှာပါဝင်နေတဲ့ ကျောင်းသား တွေရဲ့ဘဝတွေကို ဖျက်ဆီးခဲ့တာတွေလည်း မမေ့ဖျောက်နိုင်ပါဘူး။ မြန်မာနိုင်ငံရဲ့ အထွတ်အမြတ်ထားရာ သံဃာတော်တွေကိုလည်း ရက်စက်စွာနှိမ်နင်းခဲ့တာ ပြန်တွေးမိရင်ရင်နာစရာကောင်းလှပါတယ်။ ဒီလိုစစ်အာ ဏာရှင်တွေနဲ့အဆွယ်အပွားတွေကို ရင်ကြားစေ့ရေးမှာမပါဝင်ဘူးလို့ ပြည်သူတွေသိနေခဲ့ကြတာပါ။ ပြည်သူတွေ ထင်ထားခဲ့ကြတာပါ။

ဒါပေမဲ့ အနိုင်ရအာဏာရပါတီခေါင်းဆောင်၊ အာဏာရအရပ်သားအစိုးရခေါင်းဆောင် ဒေါ်အောင်ဆန်း စုကြည်က ဒီစစ်အာဏာရှင်လက်ဟောင်းတွေနဲ့ ရင်ကြားစေ့ရေးကို ဆောင်ရွက်လိုက်တော့ အားလုံးအံ့သြသွား ခဲ့ရပါတယ်။ ဒီလို စစ်အာဏာရှင်ကြီးတွေနဲ့ ရင်ကြားစေ့ရေးဟာ ဒေါ်အောင်ဆန်းစုကြည်ရဲ့ နိုင်ငံရေးကစား ကွက်လားလို့ထင်ပြီး စောင့်ကြည့်သူတွေရှိသလို စိတ်ပျက်သွားသူတွေလည်း ရှိကုန်ကြပါတယ်။ ဒေါ်အောင် ဆန်းစုကြည် ဘာလုပ်လုပ် အကောင်းမြင်သူတွေကတော့ အခုအချိန်ထိရှိနေပါသေးတယ်။ အခုဆိုရင် ဒေါ် အောင်ဆန်းစုကြည်အာဏာရခဲ့တာ သုံးနှစ်နီးပါးရှိပါတော့မယ်။ သူဦးဆောင်တဲ့အစိုးရအဖွဲ့ထဲမှာ ပြည်သူတွေ မုန်းတီးခဲ့တဲ့ စစ်အာဏာရှင်လက်ထက်က စစ်အစိုးရဝန်ကြီးတွေ၊ ဌာနအကြီးအကဲကနေ ဝန်ကြီး ဖြစ်လာသူတွေ တစ်ဝက်ကျော်ရှိနေပြီလို့ ပြောလို့ရနိုင်ပါတယ်။

ကျွန်တော့်အနေနဲ့ ၂ဝ၁၆ခုနှစ်မှာပေါ် ပြူလာနယူးဂျာနယ်မှာ ‘ရင်ကြားစေ့အလွဲ’ဆိုတဲ့ ဆောင်းပါးတစ် ပုဒ်ရေးခဲ့ဖူးပါတယ်။ ‘အာဏာရှင်ဟောင်းတွေ၊ အာဏာရှင်ခေတ်မှာ ကြီးပွားခဲ့ကြတဲ့ စရိုက်ပျက်ဗျူရိုကရက် အရာရှိကြီးတွေကို စည်းထဲဝင်ခွင့်ရအောင်ဖွင့်ဟပေးတဲ့ ရင်ကြားစေ့ရေးတွေဟာ အလွန်မှားယွင်းနေပါလိမ့်မယ်။ ပြည်သူ့အစိုးရထဲမှာ သူတို့ပါဝင်နေတာကရင်ကြားစေ့ရေးအတွက် အထောက်အကူမရသလို၊ ပြည်သူတွေအမြင် မှာပါ အကျည်းတန်စေ လိမ့်မယ်’လို့ ရေးခဲ့ပါတယ်။

အခုတိုင်းပြည်ရဲ့ အခြေအနေတွေကို ပြန်ကြည့်မယ်ဆိုရင် အရပ်သားအစိုးရထဲမှာ နေရာယူလာကြတဲ့ စစ်အာဏာရှင်ဟောင်း တွေကိုရင်ကြားစေ့ရေးမှာ ပါဝင်လာအောင် ဒေါ်အောင်ဆန်းစုကြည် စည်းရုံးသိမ်းသွင်း ပြီးဆွဲခေါ်နိုင်ခဲ့သလား။ ဒေါ်အောင်ဆန်းစုကြည်ရဲ့ အရပ်သားအစိုးရအတွက် အထောက်အကူရခဲ့သလား။ ၂ဝဝ၈ ဖွဲ့စည်းပုံအခြေခံဥပဒေပြင်ဆင်နိုင်ဖို့ စတင်ဆောင်ရွက်နိုင်ခဲ့သလား။ ဒီမိုကရေစီစနစ်ကိုစတင် အကောင် အထည်ဖော်နိုင်ခဲ့ပြီလား။ နိုင်ငံရေးကစားကွက်တစ်ခုအနေနဲ့ ဗျူဟာချပြီးဆောင်ရွက်ခဲ့တဲ့ ဒေါ်အောင်ဆန်း စုကြည်ရဲ့ ရှေ့သွားမယ့်လမ်းတွေပိတ်ဆို့နေပြီလား ဆိုတာတွေကို ပြန်တွေးကြည့်ပြီး ဆန်းစစ်ဖို့ လိုလာပါပြီ။

ဒီလိုဖြစ်နေတဲ့ အခြေအနေတွေကိုပြန်ဆန်းစစ်ပြီးပြုပြင်ဖို့ လိုအပ်နေပါပြီ။ ဒါကိုပြန်ဆန်းစစ်ပြီး မလုပ် ဆောင်နိုင်ခဲ့ဘူးဆိုရင် စစ်အာဏာရှင်စနစ်ရဲ့ အရိပ်အောက်မှာ ဒေါ်အောင်ဆန်းစုကြည်ရဲ့ပုံရိပ်တွေ မှေးမှိန်သွား ခဲ့ပြီလားဆိုတာ စဉ်းစားစရာဖြစ်နေပါပြီ။ အခြေအနေအမှန်အတိုင်းကြည့်မယ်ဆိုရင် လူထုခေါင်းဆောင်ဆိုတဲ့ နိမိတ်ပုံက ပျောက်ကွယ်လုနီးပါးဖြစ်နေပါပြီ။ နိုင်ငံတကာမြင်ကွင်းကို အသာထားပါ။ ပြည်တွင်းအနေအထား မှာကိုပြည်သူ့အစိုးရခေါင်းဆောင်ဆိုတဲ့ ပုံရိပ်တောင်မှေးမှိန်လာနေပါပြီ။ ဒေါ်အောင်ဆန်းစုကြည်ကိုပြည်သူတွေ ရဲ့ထောက်ခံမှုအားကျဆင်းသွားတာ ကိုတော့မငြင်းနိုင်ပါဘူး။ ဒီလိုဖြစ်တာ ဘာကြောင့်လည်းဆိုတာ ပြန်ဆန်း စစ်ကြည့်မယ်ဆိုရင် ဒေါ်အောင်ဆန်းစုကြည်အနေနဲ့အောင်မြင်မယ်လို့ ယူဆခဲ့တဲ့ရင်ကြားစေ့ရေးလွဲနေတာ ကြောင့်ဖြစ်နေတာလို့ ထင်မြင်ယူဆနိုင်ပါတယ်။ အဓိက ပြဿနာက တော့ ဒေါ်အောင်ဆန်းစုကြည်ဟာလက်ရှိ တပ်မတော်ခေါင်းဆောင်များနဲ့ မူအရ ရင်ကြားစေ့တာမဟုတ်ပဲ စစ်ခေါင်းဆောင် ဟောင်းတွေကိုနေရာပေးပြီး ရင်ကြားစေ့နိုင်မယ်ဆိုတဲ့ မူဝါဒအလွဲကြောင့်ပါပဲ။

ဒီရင်ကြားစေ့အလွဲနဲ့ ရှေ့ဆက်နေဦးမယ်ဆိုရင် ဒေါ်အောင်ဆန်းစုကြည်ခေတ်မှာ ဒေါ်အောင်ဆန်းစု ကြည်မျှော်လင့်ခဲ့ တဲ့ဒီမိုကရေစီစနစ်ကို စတင်ဆောင်ရွက်နိုင်မယ်မထင်သေးပါဘူး။ သူမျှော်လင့်ခဲ့တဲ့ ပြည်တွင်း စစ်ရပ်စဲပြီး ငြိမ်းချမ်းရေးမျှော်လင့် ချက်ကလည်းဝေးနေဦးမှာပါပဲ။

ဒေါ်အောင်ဆန်းစုကြည်ဟာ အတိုက်အခံဘဝမှာ သူ့ရဲ့ကြိုးပမ်းမှုတွေအောင်မြင်ခဲ့သလောက် အာဏာ ရအရပ်သားအစိုးရကို ဦးဆောင်ကိုင်တွယ်တဲ့ အခြေအနေမှာသူ့ရဲ့ နိုင်ငံရေးကစားကွက်ဖြစ်တဲ့ ‘ရင်ကြားစေ့ ရေး’ကို မူအရကိုင်တွယ်နိုင်ခြင်းမရှိတာကြောင့် ရင်ကြားစေ့ရေးဆိုတဲ့စကားလုံးတွေထဲမှာ သူကိုယ်တိုင်ပိတ်မိ နေပါလိမ့်မယ်။ ကျွန်တော်အခုအချိန်မှာ ပြန်တွေးမိရင်းစိုးရိမ်နေမိတာကဒေါ်အောင်ဆန်းစုကြည်ရဲ့နိုင်ငံရေးက စားကွက်တွေဟာ ပရိယာယ်မပါပဲရိုးစင်းပါတယ်။ သူ့ရဲ့ပင်ကိုယ်စိတ်ထဲ ရှိတဲ့အတိုင်းဖြစ်ပါလိမ့်မယ်။ ဒါကို စစ် အာဏာရှင်ဟောင်းတွေက အခွင့်ကောင်းယူပြီး ပြန်ထောက်ချောက်ဆင်သွားလေသလားလို့ တွေးထင်နေမိပါ တယ်။

 

မြတ်လှိုင်း