ငြင်းပယ်ခံနေရတဲ့ လူ့အခွင့်အရေး

ဒေါ်အောင်ဆန်းစုကြည် ဦးဆောင်တဲ့ အရပ်သားအစိုးရအာဏာရပြီးနောက်ပိုင်း လူ့အခွင့်အရေး ကာကွယ်မြှင့် တင်မှုကဏ္ဍ တိုးတက်လာမယ်လို့ မျှော်လင့်ခဲ့ပေမဲ့ ‘အစိုးရသက်တမ်း သုံးနှစ်အတွင်း မြန်မာနိုင်ငံတွင်း လူ့အခွင့်အရေး

အ ခြေအနေဟာ သိ သာထင်ရှားတဲ့ ပြောင်းလဲမှုမရှိဘူးလို့ ဆိုရမှာပါ။

ကုလသမဂ္ဂအပါအဝင် ကမ္ဘာ့လူ့အခွင့် အရေးစောင့်ကြည့်ရေးအဖွဲ့တွေက ၂ဝ၁၄ ခုနှစ်နောက်ပိုင်း မြန်မာနိုင်ငံရဲ့ လူ့အခွင့်အရေးညွှန်းကိန်းဟာ တိုးတက်လာခဲ့တယ် လို့ဆိုပေမဲ့ တိုင်းပြည်တွင်းလက်တွေ့အခြေအနေမှာတော့ လူ့အခွင့်အ ရေးပြဿနာက အတွင်းကျိတ်အနာအဖြစ် ကျန်ရှိနေဆဲပါပဲ။

စစ်အစိုးရလက်ထက် အမှောင်ခေတ် ဆိုးရွားလှတဲ့ လူ့အခွင့်အရေးချိုးဖောက်ခံရမှုတွေနဲ့နှိုင်းယှဉ်ရင်တော့ အရပ် သားအစိုးရဖြစ်လာခဲ့ပြီးနောက်ပိုင်း မြန်မာနိုင်ငံတွင်း လူ့အခွင့်အရေးအခြေအနေဟာ တိုးတက်မှုရှိလာခဲ့တယ်လို့ ယေဘုယျ ဆိုနိုင်ပါတယ်။

အမျိုးသမီးအခွင့်အရေး၊ လိင်တူအခွင့် အရေး၊ အဂတိလိုက်စားမှု၊ (အကန့် အသတ်နှင့်) ဆန္ဒထုတ်ဖော်ခွင့်တွေကို ယခင်နှစ်များစွာကထက် ပိုမိုကျယ်လောင်စွာပြောဆိုခွင့်ရရှိလာခဲ့ပေမဲ့ တကယ်တမ်းအခြေခံအကျဆုံး လူ့အခွင့်အရေးချိုး ဖောက်ခံရမှု ပြဿနာရင်းမြစ်တွေကတော့ စစ်အစိုးရလက်ထက်က အခြေအနေနဲ့ ထူးခြား ကွာဟမှု မရှိလှပါဘူး။

၂ဝ၁၄ ခုနှစ်နောက်ပိုင်း လူ့အခွင့် အရေးစောင့်ကြည့်တဲ့ အဖွဲ့အစည်းတွေရဲ့ ထုတ်ပြန်ချက်တွေအရလည်း မြန်မာ နိုင်ငံရဲ့ လူ့အခွင့်အရေးအခြေအနေဟာ အဆင့်တစ်ဆင့်မြင့်တက်လာပေမဲ့  လွတ်လပ်ခွင့်အလျှင်းမရှိသေးဘဲ စစ်အစိုးရ အုပ်ချုပ်စဉ် ကာလကဲ့သို့ ဆိုးရွားဆဲအခြေအနေမှာရှိ နေတယ်လို့ဆိုပါတယ်။

အထူးသဖြင့် ဘင်္ဂါလီ ဒုက္ခသည်များ ပြဿနာ၊ တိုင်းရင်းသားလက်နက်ကိုင်အဖွဲ့အစည်းတွေနဲ့ဆွေးနွေးမှု အဆုံးမ သတ်နိုင်တာ၊ အခြေခံဥပဒေပြင်ဆင်မှု၊ လယ်ယာမြေသိမ်းဆည်းခြင်း၊ ရင်းနှီးမြှုပ်နှံမှုအကျိုးဆက် သဘာဝပတ်ဝန်းကျင် ထိခိုက်နစ်နာမှု၊ စစ်ဘေးဒဏ်သင့် ဒုက္ခသည်တွေအရေး၊ တိုင်းရင်းသားဒေသတွေမှာ ဆက်လက် ဖြစ်ပွားနေဆဲတိုက်ပွဲများ၊ သဘာဝဘေး အန္တရာယ်စီမံခန့်ခွဲမှု၊ သတင်းထောက်နဲ့ တောင်သူလယ်သမားတွေအပါအဝင် တက်ကြွလှုပ်ရှားသူတွေကို ဖမ်းဆီးထိန်း သိမ်းမှုစတာတွေဟာ အမျိုးသားဒီမိုကရေစီအဖွဲ့ချုပ်အစိုးရလက်ထက် လူ့အခွင့်အရေးပြဿနာအတွက် အရေးကြီးတဲ့မေးခွန်းတွေအဖြစ် ရှိနေခဲ့တာပါ။

ဒါ့အပြင် အဓမ္မစေခိုင်းခံရမှု၊ နေရပ်ပြောင်းရွှေ့ခံရမှု၊ ညှဉ်းပန်းနှိပ်စက်ခံရမှု၊ လိင်ပိုင်းဆိုင်ရာအကြမ်းဖက်မှု၊အကျဉ်း ထောင်တွေနဲ့ တိုင်းရင်းသားဒေသတွေက လူ့အခွင့်အရေး ချိုးဖောက်မှုတွေအတွက် လည်း မေးခွန်းထုတ်ခံနေရဆဲပါပဲ။

ဦးသိန်းစိန်အစိုးရလက်ထက်မှာ မြန်မာနိုင်ငံတွင်း လူ့အခွင့်အရေးကာကွယ် မြှင့်တင်မှုနဲ့ပတ်သက်ပြီး သုံးနှစ်တာ ၂ဝ၁၄ -၁၆ ခုနှစ်အတွက် လူ့အခွင့်အရေးမြှင့်တင် ကာကွယ်ခြင်းဆိုင်ရာ မဟာဗျူဟာ တစ်ရပ်ကို ရေးဆွဲချမှတ်ခဲ့ပါတယ်။ ထိုမဟာဗျူဟာအရ လူ့အခွင့်အရေးကာကွယ်မြှင့်တင်မှုကို နိုင်ငံအဆင့်၊ ဒေသအဆင့်နဲ့ နိုင်ငံတကာအဆင့် ဆောင်ရွက် သွားဖို့ရှိပြီး တည်ဆဲဥပဒေတွေနဲ့ ပြဋ္ဌာန်းချက်တွေအနက် ဒီမိုကရေစီတည်ဆောက်ရေးအတွက် အဟန့်အတားဖြစ်တဲ့ ဥပဒေနဲ့ ပြဋ္ဌာန်းချက်တွေကို လိုအပ်သလို ပြင်ဆင်၊ ပယ်ဖျက်၊ ဖြည့်စွက်၊ အသစ်ရေးဆွဲခြင်းတွေ အလေးထား စဉ်းစား လုပ်ဆောင်မယ်လို့ ဆိုထားခဲ့ပါတယ်။ ဦးသိန်းစိန်အစိုးရလက်ထက်မှာ ထိုအခြေအနေတွေအပေါ် သိသာထင်ရှားတဲ့ လက် တွေ့အကောင်အထည်ဖော်မှု မရှိခဲ့ပါဘူး။

မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂအထူးကိုယ်စားလှယ် သောမတ်အိုနေးကွန်တာနားလက်ထက် မြန်မာနိုင်ငံလူ့အခွင့်အရေးဆိုင်ရာ သုံးသပ်ထုတ်ပြန်ချက်တွေအပေါ် မြန်မာအစိုးရရဲ့ ငြင်းဆိုတုံ့ပြန်မှု၊ သတင်းထောက်ကို ပါကြီးနဲ့ လက်ပံတောင်းတောင်ဒေသ တောင်သူ ဒေါ်ခင်ဝင်း သတ်ဖြတ်ခံရမှု၊ နိုင်ငံတော် လျှို့ဝှက်အက်ဥပဒေချိုးဖောက်မှု စွပ်စွဲချက် ဖြင့် ယူနတီဂျာနယ်အယ်ဒီတာအဖွဲ့ကို ထောင်ဒဏ်ချမှတ်မှုစတာတွေကိုကြည့်ရင် ထိရောက်တဲ့ အကောင်အ ထည်ဖော်မှု မရှိခဲ့တာကို သိနိုင်ပါတယ်။

ဒီမိုကရေစီ၊ လူ့အခွင့်အရေးနဲ့ တရားဥပဒေစိုးမိုးရေး ထာဝရကြွေးကြော်ခဲ့တဲ့ ဒေါ်အောင်ဆန်းစုကြည်ဦးဆောင်တဲ့ အမျိုး သားဒီမိုကရေစီအဖွဲ့ချုပ် အသိုင်းအဝိုင်းဟာ အတိုက်အခံဘဝတစ်လျှောက်လုံးမှာ နိုင်ငံတွင်း လူ့အခွင့်အရေးချိုး ဖောက်ခံရမှု အခြေအနေတွေအပေါ် တက်တက်ကြွကြွဖော်ထုတ်တောင်းဆိုခဲ့ပါတယ်။ ဦးသိန်းစိန် အစိုးရလက်ထက်မှာ လည်း လူ့အခွင့်အရေး ချိုးဖောက်မှုတွေကို တာဝန်ယူဖြေရှင်းဖို့ ဆက်လက်ဟစ်ကြွေးခဲ့ပါတယ်။

ထိုသို့ တစ်လျှောက်လုံးတောင်းဆိုမှု တွေနဲ့အတူ နိုင်ငံတွင်း အတွင်းကျိတ်ကုသ နေဆဲဖြစ်တဲ့ လူ့အခွင့်အရေး ပြဿနာကိုကုစားဖို့ ဦးဆောင်ခွင့်ကို ဒေါ်အောင်ဆန်းစု ကြည်ဦးဆောင်တဲ့ ဒီချုပ်အစိုးရဟာ  ၂ဝ၁၆ ခုနှစ်မှာ ရရှိခဲ့ပါတယ်။

ဒါပေမဲ့ လူ့အခွင့်အရေးစောင့်ကြည့်တွေရဲ့ သုတေသနပြုချက်တွေအရ အမျိုးသားဒီမိုကရေစီအဖွဲ့ချုပ် အစိုးရ သက်တမ်းသုံးနှစ်အတွင်း လူ့အခွင့်အရေးချိုးဖောက်ခံရမှုဖြစ်စဉ်တွေ ပိုမိုများပြားခဲ့ပြီး အခြေခံအကျဆုံး လွတ်လပ်စွာ ဆန္ဒ ထုတ်ဖော်ခွင့် အပေါ်မှာတောင် ကြီးမားတဲ့ ကန့်သတ်ဟန့် တားမှုတွေရှိလာခဲ့တယ်ဆိုပါတယ်။

လူ့အခွင့်အရေး ချိုးဖောက်ခံရမှုရဲ့ အခြေခံအကျဆုံးဖြစ်တဲ့ တရားဥပဒေစိုးမိုး မှုမရှိခြင်းကို ကိုင်တွယ်ဖြေရှင်းဖို့ မှန် ကန်တဲ့ ရပ်တည်မှုကို အစိုးရသုံးနှစ်သက်တမ်းအတွင်း မဆောင်ရွက်နိုင်ဘူးဖြစ်ပါတယ်။

လေ့လာစောင့်ကြည့်ရေးအဖွဲ့အစည်းတွေရဲ့ စစ်တမ်းတွေအရ အမျိုးသားဒီမိုကရေစီအဖွဲ့ချုပ် အစိုးရတာဝန်ရယူ ခဲ့တဲ့ ၂ဝ၁၆ ခုနှစ်ကနေ လက်ရှိကာလအတွင်း သတင်းရယူခွင့်နဲ့ မီဒီယာလွတ်လပ်ခွင့်ဟာ ဦးသိန်းစိန်အစိုးရလက်ထက် နဲ့ယှဉ်ရင် ပိုမိုတင်းကျပ်လာခဲ့ပါတယ်။

လွတ်လပ်စွာထုတ်ဖော်ရေးသားမှုနဲ့ ဆက်စပ်ပြီး အငြင်းပွားဖွယ်ရှိနေဆဲဖြစ်တဲ့ ဆက်သွယ်ရေးဥပဒေပုဒ်မ ၆၆ဃနဲ့ တရားစွဲဆိုခံရသူ အရေအတွက်ဟာ ဦးသိန်းစိန် အစိုးရလက်ထက်မှာ ၁၁ ဦးသာရှိခဲ့ပါတယ်။ အမျိုးသားဒီမိုကရေစီအဖွဲ့ချုပ် အစိုးရလက်ထက် သုံးနှစ်သက်တမ်းမှာတော့ ထိုပုဒ်မနဲ့ တရားစွဲဆိုခံရသူ ၆၆ ဦးထိရှိခဲ့တာကိုကြည့်ရင် ဒေါ်အောင်ဆန်း စုကြည်ဦးဆောင်တဲ့ အစိုးရရဲ့ လူ့အခွင့်အရေးအပေါ်အလေး ထားမှုကို အကဲဖြတ်နိုင်မှာဖြစ်ပါတယ်။

ထို့ပြင် တိုင်းရင်းသားဒေသတွင်း သွားရောက်သတင်းယူခဲ့တဲ့ သတင်းထောက်တွေ ဖမ်းဆီးထိန်းသိမ်းခံရမှု၊ လွှတ် တော်အဆောက်အအုံဓာတ်ပုံရိုက်ကူးမှုနဲ့ နိုင်ငံခြားသတင်းထောက်တချို့ဖမ်းဆီးခံရမှု၊ လွတ်လပ်စွာဆန္ဒထုတ်ဖော်သူတ ချို့ကို အမှုဖွင့်တရားစွဲဆိုမှု စတဲ့အချက်တွေကိုကြည့်ရင် တရားဥပဒေစိုးမိုးရေးလို့ ကြွေးကြော်ခဲ့တဲ့ ဒီချုပ်အစိုးရရဲ့ ကျ ဆုံးနေတဲ့ လူ့အခွင့်အရေး ကာကွယ်နိုင်မှုကို မြင်တွေ့ရတာပါပဲ။

ရိုက်တာသတင်းထောက်နှစ်ယောက် ဖမ်းဆီးထိန်းသိမ်းခံထားရမှုအပေါ် ဂျပန်သတင်းဌာနနဲ့တွေ့ဆုံခန်းမှာ ဒေါ် အောင်ဆန်းစုကြည်ကိုယ်တိုင်ရဲ့ နှုတ်ထွက်ဖြေ ကြားချက် သဘောထားဟာ ဒီချုပ်အစိုးရရဲ့ ကျဆုံးနေတဲ့ လူ့အခွင့်အရေး ကာကွယ်နိုင်မှုကို ပိုမိုထင်ဟပ်စေခဲ့တာပါပဲ။

အဆိုးရွားဆုံးကတော့ စစ်အစိုးရခေတ် တစ်လျှောက်လုံး မြန်မာနိုင်ငံက လူ့အခွင့်အရေးချိုးဖောက်ခံရမှုတွေနဲ့ ပတ်သက်ပြီး ဖော်ထုတ်သုံးသပ်ခဲ့သလို ထိုသို့သုံးသပ်မှုတွေအပေါ် ပြန်လည်ငြင်းဆိုတုံ့ပြန်ခဲ့တဲ့ စစ်အစိုးရရဲ့ တုံ့ပြန်ချက် တွေဟာ မှားယွင်းကြောင်း အတိုက်အခံအင်အားစုအဖြစ် ပြောဆိုရပ်တည်ခဲ့တဲ့ ဒေါ်အောင်ဆန်းစုကြည်ဦးဆောင်တဲ့ အမျိုး သားဒီမိုကရေစီ အဖွဲ့ချုပ်အစိုးရလက်ထက်မှာ  မြန်မာနိုင်ငံ လူ့အခွင့်အရေးဆိုင်ရာ ကုလသမဂ္ဂအထူး ကိုယ်စားလှယ်ဟာ မြန်မာနိုင်ငံကိုလာ ရောက်ဖို့ ငြင်းဆိုခံခဲ့ရတာပါပဲ။

ရခိုင်ပြည်နယ်မြောက်ပိုင်းက လူ့အခွင့်အရေးချိုးဖောက်ခံရမှု၊ ရှမ်းပြည်နယ်၊ ကချင်ပြည်နယ်စတဲ့ တိုင်းရင်းသား ဒေသတွင်းက လက်နက်ကိုင်တိုက်ပွဲဖြစ်ပွားမှုနဲ့ လူ့အခွင့်အရေးချိုးဖောက်ခံရမှု၊ သတင်း ထောင်တွေဖမ်းဆီးထိန်းသိမ်းခံ ရမှု၊ လိင်အကြမ်းဖက်ခံရမှုနဲ့ လွတ်လပ်စွာထုတ်ဖော်ခွင့်စတဲ့ မြန်မာနိုင်ငံတွင်း ပိုမိုဆိုးရွားလာတဲ့ အခြေအနေတွေနဲ့ပတ် သက်ပြီး အစိုးရရဲ့ ပျက်ကွက်မှုတွေအပေါ် ပြင်းပြင်းထန်ထန် ဝေဖန်ခဲ့တဲ့ ကုလလူ့အခွင့်အရေးကိုယ်စား လှယ်ဟာ အစိုးရနဲ့ မပူးပေါင်းမှု၊ ပေးထားချက်တာဝန်ပျက်ကွက်မှု အကြောင်းပြချက်တွေနဲ့ မြန်မာနိုင်ငံကိုလာရောက်ပြီး လူ့အခွင့်အရေးချိုး ဖောက်မှုတွေကို စုံစမ်း သုံးသပ်ဖို့ ငြင်းဆိုခံခဲ့ရတာဖြစ်ပါတယ်။

ဒီအချက်တွေဟာ ဒေါ်အောင်ဆန်းစုကြည်ဦးဆောင်တဲ့ ဒီချုပ်အစိုးရအဖွဲ့ဟာ ဖွဲ့စည်းပုံအခြေခံဥပဒေရဲ့ ပေးထား ချက်နဲ့ လွှတ်တော်တွင်း တပ်မတော်သားကိုယ်စား လှယ် ၂၅ ရာခိုင်နှုန်းရှိနေဆဲမို့ အကြောင်း ပြချက်တွေအောက်မှာပဲ အစိုးရသက်တမ်း သုံးနှစ်ကျော်တိုင်တဲ့အထိ ဒီမိုကရေစီနဲ့ လူ့အခွင့်အရေးကို အမှန်တကယ်အလေးထားကြောင်း သက် သေမထူနိုင်သေးဘူးဆိုတဲ့ သက်သေပါပဲ။

ထို့ပြင် ဦးသိန်းစိန်အစိုးရလက်ထက် ရေးဆွဲအကောင်အထည်ဖော်ခဲ့တဲ့ လူ့အခွင့်အရေး မြှင့်တင်ကာကွယ်ခြင်း ဆိုင်ရာမဟာ ဗျူဟာကို ဆက်လက်အကောင်အထည်ဖော် နိုင်ဖို့ လွှတ်တော်တွင်း ကြိုးပမ်းမှုမရှိခဲ့ပါဘူး။

”မတရားတဲ့ အမိန့်အာဏာဟူသမျှ ဖီဆန်ကြ’ လို့ ဆိုထားပြီး ထိုကြွေးကြော်မှုကို လက်ကိုင်ထားခဲ့ကြတဲ့ အမျိုးသားဒီမိုက ရေစီအဖွဲ့ချုပ်ပါတီဝင်တွေဟာ ဥပဒေပြုခွင့်ရ အမတ်တွေဖြစ်လာချိန်မှာ မတရားတဲ့ ဥပဒေအမိန့်အာဏာ တွေကို ပြင်ဆင်နိုင်ဖို့ မစွမ်းဆောင်နိုင်ခဲ့ပါဘူး။

လူ့အခွင့်အရေး မြှင့်တင်ကာကွယ်ခြင်း ဆိုင်ရာမဟာဗျူဟာရဲ့ အဓိကအချက်က တည်ဆဲဥပဒေနဲ့ ပြဋ္ဌာန်းချက် တွေအနက် ဒီမိုကရေစီအတွက် အဟန့်အတားဖြစ်တဲ့ ဥပဒေပြဋ္ဌာန်းချက်တွေကို လိုအပ်သလို ပြင်ဆင်ရေးဆွဲမယ်လို့ ဆို ထားခြင်းဖြစ်ပါတယ်။

ဒါပေမဲ့  ငြိမ်းချမ်းစွာစီတန်းလှည့်လည် ခွင့်ဆိုင်ရာ ပြဋ္ဌာန်းချက်ပါ အချက်တွေကိုတောင် အငြင်းပွားဖွယ်က ကင်း လွတ်ပြီး လွတ်လပ်တဲ့ ဆန္ဒထုတ်ဖော်မှုကို ရဲရဲဝံ့ဝံ့ လုပ်နိုင်တဲ့ အခြေအနေတစ်ရပ်ကို ဒေါ်အောင်ဆန်းစုကြည်ဦးဆောင်တဲ့ အမျိုး သားဒီမိုကရေစီအဖွဲ့ချုပ်ပါတီ ကိုယ်စားပြု လွှတ်တော်ကိုယ်စားလှယ်တွေ လက်ရှိအချိန်ထိ မဖန်တီးနိုင်ပါဘူး။

ထို့ပြင် လူ့အခွင့်အရေးကာကွယ်မြှင့်တင်မှုဆိုင်ရာမဟာဗျူဟာအလွန် စီမံချက်အသစ်တစ်ရပ်ကိုလည်း ဖန်တီး ဖော်ဆောင်နိုင်ခြင်းမရှိသေးပါဘူး။  ဒါက ”ဒီမိုကရေစီနဲ့လူ့အခွင့်အရေး” လို့ ဆုပ်ကိုင်ထားသူတွေရဲ့ လုပ်ပိုင်ခွင့်ဘောင်အ တွင်း ရှိနေချိန်မှာ ဒီမိုကရေစီနဲ့ လူ့အခွင့်အရေးကို ဘယ်လောက်နားလည်တန်ဖိုးထားလဲဆိုတာ မေးခွန်းထုတ်ရမယ့် အ ချက်ပဲဖြစ်ပါတယ်။

လွှတ်တော်မှတ်တမ်းတွေအရ အမျိုးသားဒီမိုကရေစီအဖွဲ့ချုပ်အစိုးရ သက်တမ်းသုံးနှစ်အတွင်း အသစ်ရေးဆွဲ အတည်ပြုနိုင်ခဲ့တဲ့ လူ့အခွင့်အရေးကာကွယ်မြှင့်တင်မှုကို အထောက်အပံ့ဖြစ်စေတဲ့ ဥပဒေပြဋ္ဌာန်း ချက်မရှိဘူးလို့ဆိုရမှာပါ။ ထို့အတူ ဒီမိုကရေစီနဲ့ လူ့အခွင့်အရေးကို အဟန့်အတားဖြစ်နေတဲ့ တည်ရှိဆဲဥပဒေတွေကို ပြင်ဆင်ဖြည့် စွက်နိုင်ဖို့ လွှတ်တော်တွင်းတင်သွင်းဆွေး နွေးမှုတွေ မလုပ်ဆောင်နိုင်သေးပါဘူး။

မြင်သာတဲ့ဥပမာတစ်ခုထုတ်ပြရရင် အတိုက်အခံကာလ အကျဉ်းထောင်တွေထဲမှာ အကျဉ်းချခံ၊ ညှဉ်းပန်းနှိပ် စက်ခံခဲ့ရတဲ့ဘဝကို ဖြတ်သန်းခဲ့ဖူးသူ လက်ရှိလွှတ်တော်ထဲရောက်ရှိနေကြတဲ့ ဒီချုပ်အမတ်တွေဟာ လူ့အခွင့်အရေးချိုး ဖောက်မှုအများဆုံးဖြစ်တဲ့ အကျဉ်းထောင်ထဲကဘဝတွေရဲ့ အခြေခံအကျဆုံးအကာအကွယ်ဖြစ်တဲ့ ‘အကျဉ်းထောင်လက် စွဲ’  ပြဋ္ဌာန်းချက်ကို ပြင်ဆင်နိုင်ဖို့ လွှတ်တော်ထဲရောက်အောင် ခုထိအားမထုတ်နိုင်သေးပါဘူး။ ဖွဲ့စည်းထားတဲ့ လူ့အခွင့် အရေးကော်မရှင်ရဲ့ လုပ်ပိုင်ခွင့်နဲ့ ပတ်သက်ပြီး လွှတ်တော်ထဲ မေးခွန်းမထုတ် နိုင်သေးပါဘူး။

ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ် အစိုးရလက်ထက်မှာ လူ့အခွင့်အရေးကာ ကွယ်မြှင့်တင်မှုနဲ့ပတ်သက်ပြီး လုပ်ဆောင်နိုင်ခဲ့တယ်လို့ ပြောလို့ရနိုင်တာတစ်ချက်ပဲရှိပါတယ်။ ဒါက စစ်အစိုးရလက် ထက်ကပြဋ္ဌာန်းထားတဲ့ ‘နိုင်ငံတော်အားနှောင့်ယှက်ဖျက်ဆီးလို  သူများ၏ ဘေးအန္တရာယ်မှ ကာကွယ်စောင့်ရှောက်သည့် ဥပဒေ’ကို နိုင်ငံတော်သမ္မတအမိန့်နဲ့ ရုပ်သိမ်းခဲ့တာပါ။ ထို့ပြင်မရှိပါဘူး။

ဒီမိုကရေစီ၊ လူ့အခွင့်အရေးနဲ့ တရားဥပဒေစိုးမိုးရေးလို့ ထာဝရကြွေးကြော်ခဲ့တဲ့ ဒေါ်အောင်ဆန်းစုကြည်ဦးဆောင် တဲ့ အမျိုးသားဒီမိုကရေစီအဖွဲ့ချုပ်အစိုးရရဲ့ ကျန်သက်တမ်းမှာ နိုင်ငံတွင်းလူ့အခွင့်အရေး စံနှုန်းတိုးတက်လာနိုင်မလား၊ ဆက်လက်ငြင်းပယ်ခံရဦးမှာလားဆိုရင်တော့ ဖြစ်ပေါ်နေတဲ့ လက်ရှိအခင်းအကျင်းတွေရဲ့ အခြေခံရလဒ်အရ ငြင်းပယ်ခံနေ ရဦးမယ့် သဘောပါပဲ။

ဒီလိုငြင်းပယ်ခံရမှုရဲ့ အကျိုးဆက်က ဒေါ်အောင်ဆန်းစုကြည်အပါအဝင် အမျိုးသားဒီမိုကရေစီအဖွဲ့ချုပ် တစ်ခုလုံး ဟာ ပြည်သူတစ်ရပ်လုံးရဲ့ ထောက်ခံမှုကနေ တဖြည်းဖြည်းဝေးကွာသွားပြီဆိုတဲ့ ရလဒ်ပါပဲ။

ဒေါ်အောင်ဆန်းစုကြည်အပါအဝင် အမျိုးသားဒီမိုကရေစီအဖွဲ့ချုပ်တစ်ခုလုံးအနေနဲ့ စိန်ခေါ်မှုကြီးစွာရှိနေတဲ့ ၂ဝ၂ဝ ပြည့်ခုနှစ်အထွေထွေရွေးကောက်ပွဲကာလကို စိတ်အေးလက်အေးဖြတ်သန်းနိုင်ဖို့နဲ့ ပြည်သူတစ်ရပ်လုံးရဲ့ တစ်ခဲနက် ထောက်ခံမှုကို ပြန်လည်ရရှိနိုင်ဖို့အတွက်ဆိုရင်တော့ လက်ရှိလျစ်လျူရှုထားတဲ့ အခြေခံအကျဆုံး လူ့အခွင့်အရေး အတွင်း ကျိတ်အနာကို လွှတ်တော်တွင်းကတစ်ဆင့်ကုသနိုင်ပါမှ၊ ပွင့်လင်းမြင်သာတဲ့ အစိုးရပုံစံသစ်ကိုပြောင်းလဲပြီး သတင်းစာ လွတ်လပ်ခွင့်၊ လွတ်လပ်စွာထုတ်ဖော်ပြောဆိုခွင့်တွေအပေါ် လက်ရှိအစိုးရယန္တရားရဲ့ အကောင်အထည်ဖော်မှုကို ပြန် လည်သုံးသပ်နိုင်မှသာ ‘ရင် လောက်တင်လို့ ဒူးလောက်ကျ’ရုံ ဖြစ်မှာ အသေအချာပါပဲ။

ဉာဏ်ဘုန်းပြည့်