ငြိမ်းချမ်းရေးအရွေ့ သုညအနုတ် စီးပွားရေးဂရပ်မျဉ်း အောက်စိုက်

မြတ်လှိုင်း
၂၀၁၇ ခုနှစ် ဇူလိုင်လ ၅ ရက်နေ့ထုတ်မှ

၂၀၁၆ ခုနှစ်မှာတက်လာတဲ့ အရပ်ဖက်အစိုးရရဲ့ ပထမဦးစားပေးအနေနဲ့ ပြည်တွင်းငြိမ်းချမ်းရေးကို ဖော်ဆောင်နိုင်ရေးလို့အရပ်ဖက်အစိုးရကိုဦးဆောင်ဖွဲ့စည်းခဲ့တဲ့ဒေါ်အောင်ဆန်းစုကြည်

ကပြောခဲ့ပါတယ်။သူမပြောခဲ့တဲ့အတိုင်းပဲငြိမ်းချမ်းရေးကိုဖော်ဆောင်နိုင်ဖို့အရေးတကြီးလိုအပ်နေတဲ့အမျိုးသားပြန်လည်သင့်မြတ်ရေးမူချပြီး ရင်ကြားစေ့ရေးကို စတင်လုပ်ဆောင်ခဲ့ပါတယ်။ကျွန်တော်တို့နိုင်ငံမှာ ရင်ကြား စေ့ရေးဆိုတာကလည်း အမျိုးမျိုးသောရင်ကြားကွဲနေတာတွေကို အကုန်စေ့နိုင်မှဖြစ်မှာပါ။ တပ်မတော် နဲ့ပြည်သူတွေရဲ့ရင်ကြားအကွဲ၊တပ်မတော်နဲ့တိုင်းရင်းသားလက်နက်ကိုင်အဖွဲ့အစည်းတွေရဲ့ရင်ကြားအကွဲတွေကအရေးကြီးပါတယ်။တိုင်းရင်းသားလက်နက်ကိုင်အဖွဲ့အစည်းတွေကလည်းနည်းအမျိုးမျိုးနဲ့ကွဲနေကြပါတယ်။ လူမျိုးစု,ကိုးကွယ်မှုဘာသာမတူတာတွေ၊ ဒေသမတူတာတွေအပြင် ရပ်တည်ခံယူ ချက်မတူတာတွေကိုလည်းရင်ကြားစေ့နိုင်ရပါလ်ိမ့်မယ်။

ဒီရင်ကြားစေ့ရေးကအင်မတန်မှခက်ခဲနေလိမ့်မယ်ဆိုတာကို မြန်မာပြည်ထဲမှာနေထိုင်သူတွေသိပါလိမ့် မယ်။ တပ်မတော်နဲ့ပြည်သူတွေရဲ့ရင်ကြားအကွဲဆိုရင်စစ်အာဏာရှင်စနစ်ရဲ့ဖိနှိပ်မှုကိုပြည်သူတွေခံခဲ့ ရတာဆယ်စုနှစ်များစွာကြာခဲ့သလို တပ်မတော်နဲ့တိုင်းရင်းသားလူမျိုးစုလက်နက်ကိုင်အဖွဲ့တွေ စစ်မီး တောက်ခဲ့တာကလည်းပိုပြီးကြာခဲ့ပါတယ်။ နှစ်ပေါင်းများစွာခံစားခဲ့ရတဲ့ခံစားချက်တွေကို အလွယ်တကူ ပြေပျောက်ကျေအေးနိုင်ဖို့ခက်ခဲပါလိမ့်မယ်။ပြည်သူတွေက သင်ပုန်းချေမူချမှတ်ပြီး နောက်ပြန်အရေး မယူရ ဥပဒေသတ်မှတ်လိုက်ရင်လိုက်နာကြမှာပါပဲ။ ငြိမ်းချမ်းရေးအတွက်ကြတော့ လက်နက်ကိုင် သူတွေ အလွယ်တကူလက်နက်ချဖို့အတွက်ခက်နေမှာပါ။ အရင်အစိုးရဖြစ်တဲ့ ဦးသိန်းစိန်လက်ထက် မှာတပ်မတော်နဲ့ အတူရေးဆွဲခဲ့တဲ့ တစ်ပြည်လုံးအပစ်ရပ်စဲရေးသဘောတူစာချုပ်(NCA)ကို တိုင်းရင်း သားလက်နက်ကိုင် အဖွဲ့အစည်းပေါင်းစုံလက်မှတ်ထိုးဖို့လုပ်ခဲ့ပေမယ့် တစ်ဝက်သာလက်မှတ်ထိုးခဲ့ ကြတယ်။ ဒီတိုင်းရင်းသားလက်နက်ကိုင်အဖွဲ့အစည်းတစ်ဝက်လောက်နဲ့ ပြည်ထောင်စုငြိမ်းချမ်းရေး ညီလာခံခေါ်ယူပြီးကျင်းပခဲ့တာလည်း ငြိမ်းချမ်းရေးညီလာခံအတုသာဖြစ်ခဲ့ပါတယ်။

၂၀၁၅ရွေးကောက်ပွဲမှာ ဒေါ်အောင်ဆန်းစုကြည်ဦးဆောင်တဲ့ အင်အယ်ဒီပါတီအနိုင်ရပြီး အရပ်သား တစ်ခြမ်းအစိုးရတက်လာပါတယ်။ ဒေါ်အောင်ဆန်းစုကြည်ဦးစီးဖွဲ့စည်းလိုက်တဲ့ အရပ်သားအစိုးရ ကလည်းပြည်တွင်းစစ်ရပ်စဲနိုင်ဖို့အရင်အစိုးရရဲ့ပြည်ထောင်စုငြိမ်းချမ်းရေးညီလာခံကိုဆက်ခံယူခဲ့ပါတယ်။အဲဒီအရင်အစိုးရကခေါ်ယူကျင်းပခဲ့တဲ့တစ်ခြမ်းပဲ့ပြည်ထောင်စုငြိမ်းချမ်းရေးညီလာခံမှာကတည်းကNCAလက်မှတ်မထိုးခဲ့တဲ့တိုင်းရင်းသားလက်နက်ကိုင်အဖွဲ့အစည်းတွေတက်ခွင့်မရခဲ့ပါဘူး။NCAလက်မှတ်မထိုးရသေးတဲ့တိုင်းရင်းသားလက်နက်ကိုင်အဖွဲ့အစည်းများလက်မှတ်ထိုးလာစေရန်အရင်ဦးသိန်းစိန်အစိုးရကတည်ထောင်ခဲ့တဲ့မြန်မာငြိမ်းချမ်းရေးစင်တာ(MPC)ကို နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကဥက္ကဋ္ဌအဖြစ်ဆောင်ရွက်သူအဖြစ်ပါဝင်ပြီးအမျိုးသားပြန်လည်သင့်မြတ်ရေး နှင့်ငြိမ်းချမ်းရေးဗဟိုဋ္ဌာန အဖြစ်ပြောင်းလဲဖွဲ့စည်းခဲ့ပါတယ်။ငြိမ်းချမ်းရေးကော်မရှင် ဥက္ကဋ္ဌအဖြစ် ဒေါက်တာတင်မျိုးဝင်းကိုတာဝန်ပေးပြီးဆောင်ရွက်စေခဲ့ပါတယ်။

အရင်အစိုးရလက်ထက်ပြည်ထောင်စုငြိမ်းချမ်းရေးညီလာခံထက်ထူးခြားစွာ၂၁ရာစုပင်လုံညီလာခံအ ဖြစ်လည်းပုံဖော်ခဲ့ပါတယ်။၂၁ရာစုပင်လုံညီလာခံကို ၂၀ရာစုပင်လုံညီလာခံစိတ်ဓါတ်ကို အခြေခံခဲ့ပါ တယ်။ဒီနေရာမှာ ၂၀ရာစုပင်လုံညီလာခံကိုဦးဆောင်ခဲ့တဲ့ အမျိုးသားခေါင်းဆောင်(သို့မဟုတ်) လူထု ခေါင်းဆောင်ဗိုလ်ချုပ်အောင်ဆန်းနဲ့၂၁ရာစုပင်လုံညီလာခံကိုဦးဆောင်နေတဲ့ဒေါ်အောင်ဆန်းစုကြည်တို့ရဲ့အနေအထားချင်း၊အခြေအနေချင်းကွာနေပါတယ်။၂၀ရာစုပင်လုံညီလာခံကိုဦးဆောင်တဲ့ဗိုလ်ချုပ်အောင်ဆန်းကပြည်တွင်းမှာရှိနေတဲ့လက်နက်ကိုင်အဖွဲ့အစည်းပေါင်းစုံကိုအာဏာသက်ရောက်နေခဲ့ပါတယ်။၂၁ရာစုပင်လုံညီလာခံကိုဦးဆောင်တဲ့ဒေါ်အောင်ဆန်းစုကြည်ကတော့ပြည်တွင်းမှာရှိတဲ့လက်နက်ကိုင်အဖွဲ့တွေအပေါ်အာဏာမသက်ရောက်ပါဘူး။ဒီကွာခြားတစ်ခုကပဲ အတော်အရေးပါနေပါတယ်။

ငြိမ်းချမ်းရေးအရွေ့ သုညအနုတ်

ဒေါ်အောင်ဆန်းစုကြည်ရဲ့အရပ်သားအစိုးရအနေနဲ့ ၂၁ရာစုပင်လုံညီလာခံကိုကျင်းပခဲ့တာ နှစ်ကြိမ်ရှိ ပါပြီ။ အခုကျင်းပပြီးတဲ့အချိန်အထိတိုင်းရင်းသားလက်နက်ကိုင်အဖွဲ့အစည်းပေါင်းစုံ မပါဝင်နိုင်ခဲ့ သေးပါဘူး။ ဒေါ်အောင်ဆန်းစုကြည်ဦးဆောင်တဲ့ ၂၁ရာစုပင်လုံညီလာခံကလည်း အရင်အစိုးရ လက် ထက်ကရေးဆွဲခဲ့တဲ့ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ကို ကိုင်စွဲနေခဲ့ တာကလည်းအခက်အခဲတစ်ခုဖြစ်နေပါတယ်။ တိုင်းရင်းသားလက်နက်ကိုင်အဖွဲ့တွေဟာ NCA ကို ကိုင်စွဲထားတဲ့၂၁ရာစုပင်လုံဆွဲခေါ်ရာနောက် မလိုက်ချင်ပဲလိုက်ရမယ့်ပုံစံမျိုးဖြစ်နေပါလိမ့်မယ်။ ၂၁ပင်လုံဆွဲခေါ်ရာနောက်ကို လိုက်နိုင်သူတွေရှိကြသလို၊ မလိုက်နိုင်တဲ့သူတွေလည်းရှိနေမှာပါ။     ရပ်တည်မှုချင်းကွာခြားနေတာလည်း တွေ့ရမှာပါ။ တကယ်တမ်းဆိုရင်၂၁ရာစုပင်လုံငြိမ်းချမ်းရေး ညီလာခံအဖြစ် ရည်ရွယ်ကျင်းပမယ်ဆိုကတည်းက အရေးကြီးတဲ့ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ်(NCA)ကို နှစ်ဖက်သဘောတူအောင် ညှိနှိုင်းပေးခဲ့ရမှာပါ။ အခုနောက်ဆုံး အခြေအနေကိုကြည့်မယ်ဆိုရင် NCA ကအတားအဆီးကြီးတစ်ခုဖြစ်နေတဲ့အပြင် တစ်နိုင်ငံလုံးပစ်ခတ် တိုက်ခိုက်မှုရပ်စဲရေးသဘောတူစာချုပ်(NCA) ပြင်ပမြေမျက်နှာပြင်အခြေအနေမှာစစ်ပွဲတွေဖြစ်နေပါ တယ်။ခေါင်းဆောင်တွေကငြိမ်းချမ်းရေးဆောင်ရွက်ချက်တွေတိုးတက်တယ်ဆိုပေမယ့်အရွေ့ကိုမပြနိုင်သေးပါဘူး။ပြည်တွင်းစစ်တွေဖြစ်နေတာကြောင့်တိုင်းရင်းသားပြည်သူတွေနေရပ်ကိုစွန့်ခွာထွက်ပြေးနေကြရပါတယ်။ဒုက္ခသည်စခန်းတွေပိုများလာတာလည်းတွေ့နေရမှာပါ။အခုနောက်ဆုံးအခြေအနေကိုကြည့်မယ်ဆိုရင်NCAနဲ့ပတ်သက်ပြီးတော့ညီညွတ်သောတိုင်းရင်းသားများဖက်ဒရယ်ကောင်စီ(UNFC)နဲ့ငြိမ်းချမ်းရေးကော်မရှင်တို့တွေ့ဆုံဆွေးနွေးမှုရလဒ်ကိုကြည့်ရင်သိနိုင်ပါလိမ့်မယ်။ ခန်းမထဲမှာယုံကြည်မှု တည်ဆောက်နေလို့မလုံလောက်ဘူးဆိုတာပြနေပါတယ်။ ဒါဆိုရင်ကျွန်တော်တို့မြန်မာနိုင်ငံအတွက် ငြိမ်း ချမ်းရေးဖော်ဆောင်နိုင်မှုအရွေ့ဟာသုညအနုတ်အဆင့်ကိုပြနေတာပဲဖြစ်ပါတယ်။

စီးပွားရေးဂရပ်မျဉ်း အောက်စိုက်

ဒါဆိုရင်ပြည်တွင်းငြိမ်းချမ်းရေးကအနုတ်လက္ခဏာပြနေမယ်ဆိုရင်၊ဒေါ်အောင်ဆန်းစုကြည်ဦးဆောင်တဲ့အရပ်ဘက်အစိုးရတက်လာပြီးနောက်ပိုင်းမှာတိုင်းပြည်စီးပွားရေးဖွံ့ဖြိုးတိုးတက်လာသလားဆိုရင်လည်းဂရပ်မျဉ်းအောက်စိုက်နေတာကိုတွေ့ရမှာပါ။ဒေါ်အောင်ဆန်းစုကြည်ဦးဆောင်တဲ့အရပ်ဘက်(တိုင်းပြည်အစိုးရတခြမ်း)အစိုးရမှာ၂၀၀၈ဖွဲ့စည်းပုံအခြေခံဥပဒေကပြဋ္ဌာန်းပေးထားတဲ့လုပ်ပိုင်ခွင့်ရဝန်ကြီးဋ္ဌာနတွေရှိနေပါတယ်။စီးပွားရေး၊ပညာရေး၊ကျန်းမာရေး၊လမ်းပန်းဆက်သွယ်ရေးတွေအပြင်ပြည်သူလူထုသိအောင်အစိုးရအဖွဲ့တွေရဲ့လုပ်ဆောင်မှုတွေကိုပြန်ကြားပေးရမယ်ဝန်ကြီးဋ္ဌာနတွေပါဝင်နေပါတယ်။ဒီဝန်ကြီးဋ္ဌာနတွေထက်မြက်သွက်လက်စွာအစွမ်းရှိရှိလုပ်ဆောင်နိုင်မယ်ဆိုရင် ပြည်သူတွေလိုအပ်နေတဲ့ အလိုဆန္ဒတချို့ကိုဖြည့်ဆည်းနိုင်ပြီးဖြစ်နေပါလိမ့်မယ်။

အခုလက်ရှိအချိန်မှာ ဒေါ်အောင်ဆန်းစုကြည်ဦးဆောင်တဲ့ အရပ်ဘက်အစိုးရအနေနဲ့ ဘယ်နေမှာမှ အပေါင်းလက္ခဏာမပြနိုင်သေးပါဘူး။ တစ်နှစ်ကျော်ကာလမှာ ပြည်သူတွေအတွက် အကျိုးပြုလုပ် ဆောင်မှုတွေကို အပေါင်းလက္ခဏာ မပြနိုင်သေးရင်တောင်မှ ငြိမ်သက်တဲ့တည်ငြိမ်မှုကို စပြီးတည် ဆောက်နိုင်ရမှာပါ။အထွေထွေကဏ္ဍတွေမှာအခက်အခဲပေါင်းများစွာကိုရင်ဆိုင်နေရပါတယ်။ဒီအခက်အခဲတွေဟာပြည်သူတွေရဲ့ဘဝနေထိုင်မှုကိုများစွာကြပ်တည်းစေပါတယ်။ဒါကလည်းဦးဆောင်နေကြတဲ့လူပုဂ္ဂိုလ်တွေအပေါ်မှာအများကြီးမူတည်နေပါတယ်။အရပ်ဘက်အစိုးရခေါင်းဆောင်ဒေါ်အောင်ဆန်းစုကြည်က၂၀၁၅ရွေးကောက်ပွဲမတိုင်ခင်မှာ”ကျွန်မတို့ဟာအခုရွေးကောက်ပွဲမှာလူပုဂ္ဂိုလ်ကိုရွေးချယ်မှာမဟုတ်ပါဘူး၊တိုင်းပြည်ကိုအပြောင်းအလဲလုပ်နိုင်မယ့်ပါတီကိုရွေးချယ်ရမှာဖြစ်ပါတယ်”လို့ပြောခဲ့တဲ့စကားကိုပြန်ကြည့်မယ်ဆိုရင်၊ရွေးကောက်ပွဲမှာပြည်သူတွေအနေနဲ့လူကိုမရွေးခဲ့တဲ့အမှားကြောင့်လားဆိုတာပြန်စဉ်းစားရပါလိမ့်မယ်။ပြည်သူတွေကိုထားလိုက်ပါတော့။ဒေါ်အောင်ဆန်းစုကြည်ကိုယ်တိုင်အစိုးရဖွဲ့နိုင်ရင်ပြီးရောဆိုပြီးလူတွေကိုမရွေးချယ်ခဲ့တာကြောင့်လားဆိုတာပိုစဉ်းစားရပါတော့မယ်။လူနဲ့မူရွေးချယ်မှုမှာလက်ရှိဖြစ်ပေါ်နေတဲ့နိုင်ငံရေးအခြေအနေပေါ်မူတည်နေပါလိမ့်မယ်။လက်ရှိဖြစ်ပေါ်လာတဲ့အခြေအနေအရ ပြောင်းလဲပြီးမူချမှတ် လုပ်ကောင်းလုပ်ဆောင်နိုင်ရပါလိမ့်မယ်။ မူဆိုတာကိုအသေစွဲကိုင် ထားလို့မရပါဘူး။

အရပ်ဘက်အစိုးရခေါင်းဆောင်ဒေါ်အောင်ဆန်းစုကြည်ကိုယ်တိုင်လည်းမူအသေဆုပ်ကိုင်ထားမှုတွေကိုတွေ့နေရပါတယ်။၂၀၁၇သြဂတ်လအတွင်းမှာကျင်းပခဲ့တဲ့မြန်မာ့ဒီမိုကရေစီကူးပြောင်းမှုဖြစ်စဉ်သုံးသပ်ဆွေးနွေးပွဲမှာ”ငြိမ်းချမ်းရေးနဲ့ဖွံ့ဖြိုးရေးဟာခွဲကြည့်လို့မရနိုင်ပါဘူး။ငြိမ်းချမ်းရေးမရလို့ရှိရင်ဖွံ့ဖြိုးတိုးတက်ရေးဆိုတာတည်တံ့ခိုင်မြဲနိုင်မှာမဟုတ်ပါဘူး။ဖွံ့ဖြိုးရေးမရှိလို့ရှိရင်လည်းငြိမ်းချမ်းရေးဟာလည်းတည်တံ့ခိုင်မြဲနိုင်မှာမဟုတ်ပါဘူး။ဒီနှစ်ခုစလုံးအတွက်ကျွန်မတို့ကြိုးစားဖို့လိုပါတယ်။ဒါကြောင့်ကျွန်မတို့ကဒီနိုင်ငံမှာပြည်တွင်းစစ်ငြိမ်းသွားဖို့ဦးစားပေးဆောင်ရွက်နေတာပါ”လို့ပြောခဲ့ပါတယ်။

ဆက်ဆွဲရဦးမယ့်မျဉ်းပြိုင်နှစ်ကြောင်း

ကျွန်တော်တို့နိုင်ငံမှာဒီမိုကရေစီကူးပြောင်းရေးကိုစတင်နိုင်ဖို့လိုအပ်ချက်တွေများပါလိမ့်မယ်။ဒီလိုအပ်ချက်တွေထဲကငြိမ်းချမ်းရေးနဲ့ဖွံ့ဖြိုးတိုးတက်ရေးဟာအရေးအကြီးဆုံးအဖြစ်သတ်မှတ်နိုင်ပါတယ်။ဒါပေမယ့်ပြည်သူတွေအတွက်အဓိကျတာကိုဦးစားပေးလုပ်ဆောင်ရမှာပါ။ပြည်သူတွေကရွေးချယ်တင်မြှောက်ထားတဲ့အရပ်ဘက်အစိုးအနေနဲ့ပြည်သူတွေအများစုကြီးရဲ့ဆန္ဒကိုပြန်ပြီးအလေးအနက်ထားရပါလိမ့်မယ်။မိမိဆန္ဒအရဘယ်ဟာကိုဦးစားပေးဆောင်ရွက်မယ်ဆိုတာထက်၊ပြည်သူတွေအားလုံးအဆင်ပြေပြေနေထိုင်နိုင်ရေးကိုပဲအဓိကထားရမှာပါ။ဒီနှစ်ခုကမျဉ်းပြိုင်လိုဖြစ်နေပါတယ်။ဦးစားပေးအဆင့်က”တစ်”နှစ်ခုမဖြစ်နိုင်ပါဘူး။မျဉ်းပြိုင်အပေါ်မှာလူအများယုံကြည်မှုကိုရထားသူကတပြိုင်နက်ထဲမလျှောက်နိုင်ပါဘူး။ပြိုင်နေတဲ့မျဉ်းနှစ်ကြောင်းကုိဘယ်မျဉ်းကိုဦးစားပေးလျှောက်မယ်၊ကျန်မျဉ်းတစ်ကြောင်းကိုဘယ်သူတွေကိုတာဝန်ယူလျှောက်ခိုင်းမယ်ဆိုတာအရေးကြီးပါတယ်။တာဝန်ခွဲဝေပေးမယ့်သူတွေဟာလည်းဦးဆောင်သူလုပ်နိုင်စွမ်းရှိသလောက်မစွမ်းဆောင်နိုင်ဘူးဆိုတာလည်းသိထားနိုင်ရပါလိမ့်မယ်။

ဒီလိုဆိုရင်ဘယ်ဟာကိုဦးစားပေးမယ်ဆိုတဲ့မူတစ်ခုကိုအသေဆိုပ်ကိုင်မထားသင့်ပါဘူး။ငြိမ်းချမ်းရေးကလည်းအခုအခြေအနေမှာသုညကနေအနုတ်ပြနေပါတယ်။ဖွံ့ဖြိုးတိုးတက်ရေး(စီးပွားရေး)ကလည်းဂရပ်မျဉ်းအောက်စိုက်ကျနေပါတယ်။ဒီမျဉ်းပြိုင်နှစ်ကြောင်းကိုဘယ်မျဉ်းကြောင်းကိုဦးစားပေးဆောင်ရွက်မလဲဆိုတာကိုတော့၊ရွေးချယ်သူအပေါ်မှာမူတည်နေပါတယ်။