ပြည်တွင်းငြိမ်းချမ်းရေးနှင့် ဒေါ်အောင်ဆန်းစုကြည်၏ နေရာ

သက်ဇင်
ယနေ့ခေတ် မဂ္ဂ္ဂဇင်း ၊ ဇွန်လ ၊ ၂၀၁၇ ထုတ်မှ

နှစ်ပေါင်း ၇ဝ နီးပါးဖြစ်ပွားနေခဲ့သည့် မြန်မာနိုင်ငံပြည်တွင်းစစ်၏ အဓိကအကြောင်း အရင်းမှာ ဒီမိုကရေစီရေးနှင့် တိုင်းရင်းသားလူနည်းစုများ လိုလားချက်ဖြစ်သည့် ဖက်ဒရယ် ပြည်ထောင်စု

တည်ထောင်ရေးပင်ဖြစ်သည်။ သို့ရာတွင် မြန်မာ့တပ်မတော်အဆက်ဆက်သည် ဖက်ဒရယ်ပြည်ထောင်စုဆိုသည်မှာ တိုင်းပြည်မှခွဲထွက်ရေးသာဖြစ်ပြီး ပြည်ထောင်စုပြိုကွဲမည့် လုပ်ဆောင်ချက်အဖြစ် အစဉ်တစိုက်ဆန့်ကျင်နေခဲ့သည်။
ထိုကဲ့သို့ တိုင်းရင်းသားလူနည်းစုတို့၏ဆန္ဒနှင့် တပ်မတော်၏ သဘောထားကြား တင်းမာမှုနှင့် မယုံကြည်မှုများကို ကြားဝင်စေ့စပ်ပေးနိုင်မည့် နိုင်ငံ့ခေါင်းဆောင်အဖြစ် တိုင်းရင်းသားလူနည်းစုတို့ အစဉ်တစိုက်ယုံကြည်ခဲ့သူမှာ ဗိုလ်ချုပ်အောင်ဆန်းနှင့်သမီး ဖြစ်သူ ဒေါ်အောင်ဆန်းစုကြည်သာလျှင်ဖြစ်သည်။ သို့ရာတွင် ၂ဝ၁၅ ရွေးကောက်ပွဲများ နောက်ပိုင်း တိုင်းရင်းသားလူနည်းစုများနှင့် ဒေါ်အောင်ဆန်းစုကြည်အကြား ယုံကြည်မှု များကျဆင်းနေခဲ့သည်။ ဆိုရလျှင် ဒေါ်အောင်ဆန်းစုကြည်အနေဖြင့် တိုင်းရင်းသားများ၏ ယုံကြည်မှုကို ပြန်လည်ရယူကာ ကာလရှည်ကြာတည်ရှိနေခဲ့သည့် တိုင်းရင်းသားလူနည်းစုများ နှင့် မြန်မာ့တပ်မတော်ကြား အပြန်အလှန် မယုံကြည်မှုနှင့် သဘောကွဲလွဲမှုများကိုဦးဆောင် စေ့စပ်ညှိနှိုင်းပေးခြင်းဖြင့် အဘက်ဘက်မှ ဆုံးရှုံးနေသည့် ယုံကြည်မှုကို ပြန်လည်ရယူကာ တိုင်းပြည်ငြိမ်းချမ်းရေးကို ဆောင်ြကဉ်းပေးနိုင်ရမည် ဖြစ်သည်။
လွတ်လပ်ရေးခေါင်းဆောင်ဗိုလ်ချုပ်အောင်ဆန်းသည် တောင်တန်းဒေသနေ တိုင်းရင်း သားလူနည်းစုများနှင့် တွေ့ဆုံညှိနှိုင်းကာ ဖက်ဒရယ်ပြည်ထောင်စုတည်ထောင်မည်ဟူ သည့် ကတိကဝတ်ဖြင့် အင်္ဂလိပ်လက်အောက်မှ လွတ်လပ်ရေးကို အရယူခဲ့သည်။ သို့ရာ တွင် လွတ်လပ်ရေးရပြီးနောက်ပိုင်း တိုင်းပြည်ကိုအုပ်ချုပ်သည့် အစိုးရအဆက်ဆက်သည် ဗိုလ်ချုပ်အောင်ဆန်းနှင့် တိုင်းရင်းသားလူနည်းစုတို့ထားရှိခဲ့သည့် ကတိကဝတ်ကိုမျက်ကွယ် ပြုခဲ့ခြင်းကြောင့် လွတ်လပ်ရေးရပြီး မကြာမီအချိန်အတွင်းမှာပင် ပြည်တွင်းစစ်မီးတောက် လောင်ခဲ့ရသည်။ နောက်ပိုင်းကာလများတွင် မြန်မာ့နိုင်ငံရေးခေါင်းဆောင်အဆက်ဆက် နှင့် စစ်ခေါင်းဆောင်အဆက်ဆက်တို့ကို တိုင်းရင်းသားလူနည်းစုများက ¤င်းတို့၏အခွင့် အရေးကို ဖော်ဆောင်ပေးနိုင်မည့် ခေါင်းဆောင်များအဖြစ် ယုံကြည်ချက်မထားရှိနိုင်ခြင်း ကြောင့် ပြည်တွင်းငြိမ်းချမ်းရေးမှာ အလှမ်းဝေးခဲ့ရသည်။
၁၉၈၈ ခုနှစ်တွင် ကျောင်းသားများဦးဆောင်သည့် ပြည်လုံးကျွတ်ဒီမိုကရေစီရေး လှုပ်ရှားမှုနောက်ပိုင်းတွင် တိုင်းရင်းသားလူနည်းစုများအပါအဝင် ပြည်သူတစ်ရပ်လုံးက ကာလရှည်ဖြစ်ပေါ်နေခဲ့သည့် ပြည်တွင်းစစ်နှင့် တိုင်းပြည်၏နိုင်ငံရေးအကျပ်အတည်းကို ဒေါ်အောင်ဆန်းစုကြည်ခေါင်းဆောင်မှုဖြင့် ဖြေရှင်းဆောင်ရွက်သွားနိုင်မည်ဟု ယုံကြည် ကိုးစားခဲ့ကြသည်။ ထို့ကြောင့် တိုင်းရင်းသားပြည်သူတစ်ရပ်လုံးက ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ်ကို အားတက်သရော ပူးပေါင်းပါဝင်ဝန်းရံ ခဲ့ကြသည်။ ၁၉၉ဝ ပြည့်အထွေထွေရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ကို တစ်စိတ်တစ်ဝမ်းတည်း မဲပေးရွေးချယ်ခဲ့ကြသည်။
သို့ရာတွင် နိုင်ငံတကာနှင့် ပြည်တွင်းနိုင်ငံရေးအခြေအနေများကြောင့် တပ်မတော်နှင့် စေ့စပ်သဘောတူညီပြီးအပြောင်းအလဲကို ဖော်ဆောင်နိုင်ခြင်းမရှိဘဲ အနိုင်ရအမျိုးသား ဒီမိုကရေစီအဖွဲ့ချုပ်ကို အာဏာလွှဲပြောင်းပေးရန် ငြင်းပယ်ခံခဲ့ရသည်။ သို့သော်လည်း တိုင်းရင်းသားပြည်သူတစ်ရပ်လုံးက တပ်မတော်နှင့် နိုင်ငံရေးတွေ့ဆုံညှိနှိုင်းမှုများမှ တစ် ဆင့် နိုင်ငံရေးအပြောင်းအလဲတစ်ရပ်ရယူနိုင်ရေး ကြိုးပမ်းခဲ့ကြသည်။ အဆိုပါအခြေအနေ တွင် နိုင်ငံရေးအင်အားစုအသီးသီ၏ နိုင်ငံရေးမျှော်မှန်းချက်နှင့်ြေ<ွကးကြော်သံမှာ နိုင်ငံရေး အရ တွေ့ဆုံဆွေးနွေးရေးပင်ဖြစ်သည်။
တပ်မတော်နှင့် နိုင်ငံရေးအရတွေ့ဆုံဆွေးနွေးမှုများမှတစ်ဆင့် နိုင်ငံရေးပဋိÓဉ် တစ်ခုဖြင့် လွတ်လပ်သောရွေးကောက်ပွဲများကျင်းပကာ နိုင်ငံရေးပြုပြင်ပြောင်းလဲမှုအဆင့် ဆင့် ဖော်ဆောင်သွားရေးပင်ဖြစ်သည်။ ထိုအခြေအနေများအထိ ဒေါ်အောင်ဆန်းစုကြည် သည် တိုင်းရင်းသားလူနည်းစုများအပါအဝင် ပြည်သူတစ်ရပ်လုံး၏ ယုံကြည်ကိုးစားမှုကို အပြည့် အဝရယူထားနိုင်ခဲ့သည်။ ဒေါ်အောင်ဆန်းစုကြည်သည် တိုင်းပြည်တွင်းဖြစ်ပွားနေ သည့် ပဋိပက္ခအရပ်ရပ်ကို ကြားဝင်စေ့စပ်ဦးဆောင်ဦးရွက်ပြုနိုင်မည့် ခေါင်းဆောင်အဖြစ် လက်ခံ ယုံကြည်ခဲ့ကြသည်။
၂ဝ၁ဝ ရွေးကောက်ပွဲအပြီးတွင် စစ်ခေါင်းဆောင်ဟောင်းတစ်ဦးဖြစ်သည့် ဦးသိန်းစိန် ဦးဆောင်သည့် အရပ်သားတစ်ပိုင်းအစိုးရက ဖက်ဒရယ်ပြည်ထောင်စုကိုမူ အားဖြင့်လက်ခံ သည့် ပြည်တွင်းငြိမ်းချမ်းရေးလှုပ်ရှားမှုကို ဦးဆောင်အကောင်အထည်ဖော်ခဲ့သည်။ တိုင်း ရင်းသားလူနည်းစုလက်နက်ကိုင်များနှင့် အကြိမ်ကြိမ်တွေ့ဆုံပြီး တပ်မတော်နှင့် သဘော ထားကွဲလွဲမှုများကို တတ်နိုင်သမျှ ဖြေရှင်းရန်ကြိုးပမ်းခဲ့သည်။ ဒေါ်အောင်ဆန်းစုကြည်၏နေရာနှင့်တာဝန်ကို ဦးသိန်းစိန်က တစ်ဖက်လှည့်ဖြင့်ရယူခဲ့ခြင်း ဖြစ်သည်။
သို့ရာတွင် တိုင်းရင်းသားပြည်သူတစ်ရပ်လုံးက ဦးသိန်းစိန်ဦးဆောင်သည့် ပြည်တွင်း ငြိမ်းချမ်းရေးလှုပ်ရှားမှုကို အားတက်သရောထောက်ခံမှုမပြုဘဲ သတိကြီးကြီးထားကာ စောင့်ကြည့်နေခဲ့သည်။ ဦးသိန်းစိန်ဦးဆောင်သည့်အစိုးရသည် ငြိမ်းချမ်းရေး၏ပထမဆုံး ခြေလှမ်းဖြစ်သည့် အပစ်အခတ်ရပ်စဲရေးအတွက် အစိုးရသက်တမ်း ၅နှစ်တာကာလအတွင်း ကြိုးပမ်းမှုအဖြစ် နိုင်ငံလုံးဆိုင်ရာ အပစ်အခတ်ရပ်စဲရေးစာချုပ်ကို တိုင်းရင်းသားလက်နက် ကိုင်များနှင့် သဘောတူလက်မှတ်ရေးထိုးနိုင်ရန် မူဝါဒချမှတ်ဆောင်ရွက်ခဲ့သော်လည်း အင်အားအတန်အသင့်ရှိသည့် တိုင်းရင်းသားလက်နက်ကိုင်အဖွဲ့ ၈ဖွဲ့ဖြင့်သာ လက်မှတ် ရေးထိုးနိုင်ခဲ့သည်။ ကျန်ရှိနေသည့် တိုင်းရင်းသားလက်နက်ကိုင်အင်အားစုများနှင့် ပြည်သူ တစ်ရပ်လုံးက နောက်တစ်ကြိမ်ကျင်းပမည့် ရွေးကောက်ပွဲမှတစ်ဆင့် ဒေါ်အောင်ဆန်းစုကြည် ဦးဆောင်သည့် အစိုးရကိုတင်မြှောက်ပြီး ကျန်ရှိနေသည့် အငြင်းပွားဖွယ်ရာအချက်များကို ဆက်လက်လုပ်ကိုင်လို စိတ်ရှိနေခဲ့ကြသည်ဟု နိုင်ငံရေးကျွမ်းကျင်သူများနှင့် မီဒီယာများ က သုံးသပ်ရေးသားကြသည်။
သို့ရာတွင် ဒေါ်အောင်ဆန်းစုကြည်နှင့် တိုင်းရင်းသားလူနည်း စုများသည် ၂ဝ၁၅ ရွေးကောက်ပွဲများ မကျင်းပမီအချိန်များမှ စတင်ကာ အစိုးရဖွဲ့စည်းပြီးသည့် အချိန်အထိ မယုံကြည်မှုများ တစ်စတစ်စတိုးပွားလာခဲ့သည်။ ဒေါ်အောင်ဆန်းစုကြည်၏ ရွေး ကောက်ပွဲဝင်ရောက်မည့် ပေါ်လစီတွင် အစဉ်အလာလက်တွဲခဲ့ သည့် ဒီမိုကရေစီမဟာမိတ်များနှင့် တိုင်းရင်းသားလူနည်းစု ပါတီ များကို လက်တွဲဖြုတ်ခဲ့ခြင်းသည်လည်း အပါအဝင်ဖြစ်သည်။
ရွေးကောက်ပွဲအောင်နိုင်ပြီးနောက် ဒေါ်အောင်ဆန်းစုကြည် ဦးဆောင်သည့်အစိုးရသည် ယခင်အစိုးရဟောင်း၏ဦးစားပေး အစီအစဉ်အတိုင်း ငြိမ်းချမ်းရေးနှင့်ဖက်ဒရယ်ပြည်ထောင်စု တည်ဆောက်ရေးကို အဓိကရည်မှန်းချက်အဖြစ် ဆက်လက် အကောင်အထည်ဖော်ရန် ရည်မှန်းချက်ထားခဲ့သော်လည်း တိုင်း ရင်းသားလူနည်းစုပါတီများ၊ တိုင်းရင်းသားလက်နက်ကိုင်အင်အားစုများနှင့် ဆက်ဆံရေး ကောင်းများကို ပြန်လည်တည်ဆောက်နိုင်ခြင်းမရှိခြင်းကြောင့် တိုင်းရင်းသားလူနည်းစုများနှင့် တပ်တော်ကြား စေ့စပ်ညှိနှိုင်းခြင်းဖြင့် ပြည်တွင်းငြိမ်းချမ်း ရေးရယူကာ ဖက်ဒရယ်ပြည်ထောင်စုဖော်ဆောင်ရေးလမ်းစမှာ ဝေဝါးလျှက်ရှိနေပေ သည်။
တိုင်းပြည်၏ ပကတိပြဿနာသည် ပြည်တွင်းငြိမ်းချမ်းရေးသာဖြစ်ပြီး တိုင်းပြည် ငြိမ်းချမ်းမှ ကျန်ရှိနေသည့်အရာများကို ဆက်လက်ဆောင်ရွက်သွားနိုင်မည်ဟု လက်ရှိ အစိုးရတာဝန်ရှိသူများနှင့် လွှတ်တော်ခေါင်းဆောင်များက အကြိမ်ကြိမ်ပြောကြားနေသည်။ သို့သော်အဓိကကျသည့် အင်အားစုနှစ်ခုကို စေ့စပ်ညှိနှိုင်းပေးနိုင်ရန်အတွက် ဒေါ်အောင် ဆန်းစုကြည်အနေဖြင့် ယုံကြည်မှုများပြန်လည် မတည်ဆောက်နိုင်ပါက မြန်မာ့ငြိမ်းချမ်း ရေးမှာ အလှမ်းဝေးနေမည်ဖြစ်သည်။ ထို့အပြင် ရွေးကောက်ပွဲကတိကဝတ်များကိုလည်း လက်လွှတ်ရမည်ဖြစ်ကာ အနာဂတ်ရွေးကောက်ပွဲအောင်နိုင်ရေးရည်မှန်းချက်များပါ ဆုံးရှုံး သွားနိုင်ခြေ ရှိနေပေသည်။

သက်ဇင်