ပြည်သူကြားက ငွေအတုဂယက်

 

 

နှစ်ဟောင်းကုန်လို့ နှစ်သစ်ကူးတော့မယ့် နောက်ဆုံးလဖြစ်တဲ့ဒီဇင်ဘာလထဲ အကြားရဆုံး သတင်းစကားက ငွေစက္ကူ အတုကိစ္စ။

ဈေးထဲသွားလည်း ငွေအတု။ ဆိုက်ကား ဂိတ်မှာလည်း ငွေအတု။ ဘတ်စ်ကားဂိတ်မှာလည်း ငွေအတု၊ လက်ဖက် ရည်ဆိုင်ထိုင်လည်း ဒီငွေအတုအကြောင်းပဲ။ နေရာတိုင်းက လူတိုင်းရဲ့ပါးစပ်ဖျားမှာ ငွေစက္ကူအတုဆိုတဲ့ အကြောင်းက ရောက်နေတတ်တယ်။ အဲဒီလောက်အထိအောင် ငွေစက္ကူအတုက မြန်မာပြည်သူတွေထံကို လွှမ်းမိုးထားခဲ့တယ်။

ဒီလို ဖြစ်ရလောက်အောင်လည်း ငွေစက္ကူအတုကိစ္စက ပြည်သူလူထုကြား ထိုးထိုးဖောက်ဖောက် ရောက်ရှိစေ ခဲ့တဲ့ သက်ရောက်မှုဖြစ်စဉ်တွေ ရှိခဲ့တယ်။

အစပိုင်းတုန်းက ဘဏ်တွေဆီ ပိုက်ဆံလာအပ်သူ၊ လွှဲပြောင်းသူတွေထံက ကျပ်တစ်သောင်းတန်အတု တစ်ရွက် စ၊ နှစ်ရွက်စတွေ့တယ်။ အဲဒီ တစ်ရွက်စ၊ နှစ်ရွက်စတစ်သောင်းတန် အတုတွေကို ရှင်းလင်းတဲ့အနေနဲ့ ဘဏ်တွေဘက်က ပိုက်ဆံအပေါ်အပေါက်တွေ ဖောက်လွှတ်လိုက်တယ်။ ဒီအခါငွေစက္ကူပိုင်ရှင်ဖြစ်သူနဲ့ ဘဏ်တို့အကြား မကျေမလည်တွေ ဖြစ်ကြ၊ အသံတွေထွက်ကြဖြစ်လာခဲ့တယ်။ လူမှုကွန်ရက်ပေါ်မှာ အကျယ်အကျယ်မငြိမ်းဖွယ် အခြေအနေတွေထိ ဖြစ်ခဲ့ တယ်။

အဲဒီထက် ပိုတဲ့သက်ရောက်မှုတစ်ခုကိုတော့ စင်ကာပူနိုင်ငံကပြန်လာတဲ့ အိမ်အကူ အမျိုးသမီးငယ်လေးက ယူ ဆောင်လာခဲ့တယ်။ မနော်သော့သွဲ့ထူးလို့ခေါ်တဲ့ အဲဒီအမျိုးသမီးငယ်ဟာစင်ကာပူကနေ မြန်မာကိုပြန်လာတဲ့အခါ လုပ်အားခငွေတွေကို အိမ်ရှင်အမျိုးသမီးထံကနေတောင်းလာတယ်။ အိမ်ရှင်အမျိုးသမီးကလည်း စင်ကာပူ ငွေလဲလှယ်ဌာ နကနေ သွားလဲပေးခဲ့တယ်။ အဲဒီလဲပေးလိုက်တဲ့ ကျပ် သိန်း ၃ဝခန့်ဟာ အတုတွေ ဖြစ်နေခဲ့တယ်။

ဒီလိုပါလာတဲ့ငွေတွေဟာ အတုတွေ ဖြစ်ကြောင်း မြန်မာပြည်ပြန်ရောက်၊ တချို့ တစ်ပိုင်းသုံးစွဲပြီးချိန်မှ သိရတယ်၊ တစ် သောင်းတန်အတုတွေကြောင့် မနော်သော့သွဲ့ထူးအဖမ်းခံလိုက်ရတယ်။ ဒီဇင်ဘာ ၆ ရက်မှာ ရဲတပ်ဖွဲ့က ဖမ်းဆီး လိုက်တာဖြစ်ပြီး အခုဆောင်းပါးရေးနေချိန်အထိ သူဟာအချုပ်ထဲမှာပဲ ဖမ်းဆီးချုပ်နှောင်ခံနေရဆဲ ဖြစ်တယ်။ အာမခံရဖို့၊ လွတ်မြောက်ဖို့ကြိုး စားကြပေမယ့် အချည်းနှီးပဲဖြစ်ခဲ့ရတယ်။

မနော်သော့သွဲ့ထူးကို ကနဦးမှာ ဗဟိုဘဏ်ဥပဒေပုဒ်မ ၁ဝ၅၊ ၁ဝ၆တို့နဲ့ အမှုဖွင့်ခဲ့တယ်။ သူ့ကို အရေးယူခဲ့တဲ့ ပုဒ်မနှစ်ခု ဖြစ်တဲ့ မြန်မာနိုင်ငံတော်ဗဟိုဘဏ် ဥပဒေ ပုဒ်မ ၁ဝ၅နဲ့ ၁ဝ၆ကို အခုလို အဓိပ္ပာယ် ဖွင့်ဆို ပြဋ္ဌာန်းထားတယ်။

ပုဒ်မ ၁ဝ၅- မည်သူမဆို ပုဒ်မ ၁ဝ၁ ပါ တားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို ငွေဒဏ်ဖြစ်စေ၊ သုံးနှစ်ထက်မပိုသော ထောင်ဒဏ်ဖြစ်စေ၊ ဒဏ်နှစ်ရပ်လုံး ဖြစ်စေချမှတ်ရမည်။

ပုဒ်မ ၁ဝ၆- မည်သူမဆို ပုဒ်မ ၁ဝ၂ ပါ တားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်း ခံရလျှင် ထိုသူကို အနည်းဆုံးထောင်ဒဏ် ၁ဝနှစ်မှ အများဆုံးထောင်ဒဏ် နှစ်၂ဝအထိ ချမှတ်ရမည်။ ထို့အပြင် ပြစ်မှုနှင့် သက်ဆိုင်သည့် သက်သေခံပစ္စည်းများကိုလည်း ပြည်ထောင်စု ဘဏ္ဍာအဖြစ် သိမ်းဆည်းရမည်။

အဲဒီပုဒ်မတွေထဲမှာ ညွှန်းဆိုထားတဲ့ ပုဒ်မ ၁ဝ၁နဲ့ ၁ဝ၂ ကိုလည်း အခုလိုပြဋ္ဌာန်း ထားတယ်။

ပုဒ်မ ၁ဝ၁ – မည်သူမျှ ဗဟိုဘဏ်က ထုတ်ဝေသောငွေစက္ကူ၊ ဒင်္ဂါးနှင့် လွှဲပြောင်းနိုင်သော စာချုပ်စာတမ်း တစ်မျိုး မျိုးကို အတုမှန်းသိလျက်နှင့် သုံးစွဲခြင်းမပြုလုပ်ရ။

ပုဒ်မ ၁ဝ၂- မည်သူမျှ ဗဟိုဘဏ်က ထုတ်ဝေသောငွေစက္ကူ၊ ဒင်္ဂါးနှင့် လွှဲပြောင်းနိုင်သော စာချုပ်စာတမ်း တစ်မျိုး မျိုးကို အတုပြုလုပ်ခြင်း၊ အတုကို ပြည်ပမှ တင်သွင်းခြင်း (သို့မဟုတ်) ပြည်ပသို့ တင်ပို့ခြင်း မပြုလုပ်ရ။

မနော်သော့သွဲ့ထူးကိုစွဲဆိုထားတဲ့ အဲဒီပုဒ်မနှစ်ခုတည်းက ထောင်ဒဏ်အနည်းဆုံး ၁ဝနှစ်ကနေ အများဆုံး နှစ်၂ဝ ကျခံရနိုင်တဲ့ ပုဒ်မ ၁ဝ၆ကိုတော့ ပဲခူးခရိုင်တရားရုံးက ဒီဇင်ဘာ ၂ဝရက်မှာ ပယ်ဖျက်ပေးလိုက်ပါတယ်။ ငွေဒဏ် သို့မဟုတ် ထောင်ဒဏ် အများဆုံးသုံးနှစ်ကျခံရနိုင်တဲ့ ပုဒ်မ ၁ဝ၅ နဲ့ လက်ရှိမှာ ဖမ်းဆီးထားဆဲဖြစ်ပါတယ်။ ဇန်နဝါရီ ၃ရက်မှာတော့ အာမခံရရှိဖို့အတွက်ကိုလည်း ဆက်လက်ကြိုးပမ်းသွားမယ်လို့ မိသားစုနဲ့အတူ လိုက်ပါကူညီသူတို့ကလည်း ဆိုထားပါ တယ်။

ပုဒ်မ ၁ဝ၁အရ ငွေစက္ကူအတုမှန်းသိလျက် သုံးတဲ့သူကို ပုဒ်မ ၁ဝ၅အရ အရေး ယူဖို့ ဥပဒေကပြဋ္ဌာန်းထားပေမယ့် အခု မနော်သော့သွဲ့ထူးကိစ္စလိုပဲ ငွေစက္ကူအတုလက်ဝယ်တွေ့တာနဲ့ ဖမ်းဆီးခံနေရတဲ့ ဖြစ်စဉ်တွေ မြန်မာပြည်ထဲမှာရှိ နေတယ်။

မနော်သော့သွဲ့ထူးကိုဖမ်းဆီးထားတာနဲ့ပတ်သက်ပြီး လူ့အခွင့်အရေးအရ ထိခိုက်နစ်နာမှုတွေ ကြုံတွေ့နေရတယ် လို့ မြန်မာနိုင်ငံအမျိုးသား လူ့အခွင့်အရေးကော်မရှင်အဖွဲ့ဝင် ဦးယုလွင်အောင်က ဧရာဝတီသတင်းဌာနနဲ့ တွေ့ဆုံမေးမြန်း ချက်မှာ ဖြေဆိုထားပါတယ်။

 

”သူက တကယ် ရိုးသားတဲ့မိန်းကလေး ဖြစ်နေတာကိုး။ ငွေတုကို သိသိနဲ့ သယ်လာပြီး လုပ်တဲ့သူမဟုတ်ဘူး။ မသိဘဲနဲ့ ငွေတုကို ရိုးရိုးသားသား သုံးမိတဲ့သဘောပဲဖြစ်တာ။ သိသိချင်းအပ်ဖို့ ကြိုးစားတဲ့အချိန်မှာပဲ အဖမ်းခံရတော့ လူ့ အခွင့်အရေးဘက်ကကြည့်ရင် သနားစရာဖြစ်နေတာပေါ့”လို့လည်း ဦးယုလွင်အောင်က အဲဒီသတင်းမှာပဲ ထည့်သွင်း ပြော ဆိုထားပါသေးတယ်။ ဒီအမှုနဲ့ပတ်သက်ပြီး နှစ်သစ်ကူးချိန် တစ်ခုခုထူးခြားမှု ရှိဖို့လည်းကြိုးစားရမယ်လို့ ဦးယုလွင်အောင် က ဆိုပါတယ်။

မနော်သော့သွဲ့ထူးဖြစ်စဉ်နောက်မှာ ကပ်ပါလာတဲ့သူတစ်ဦးလည်းရှိနေပါသေးတယ်။ သူကတော့  မြိတ်မြို့ ဆိပ် ငယ်ရပ်ကွက် ဧရာဝတီဘဏ်ခွဲ(၁)မှာ ငွေလာလွှဲရင်း ဖမ်းဆီးခံရတဲ့ အသက် ၆၃နှစ် အရွယ် ဦးစောဝင်းနိုဆိုသူဖြစ်ပါတယ်။ ကားတစ်စီးဝယ်ယူခဲ့ရာကနေ ပေးချေပို့ကျန်ရှိနေတဲ့ ငွေကျပ် ၁ဝသိန်းကို ဘဏ်အကောင့်ကနေ လာရောက်လွှဲပို့စဉ်မှာ အဲဒီထဲက ကျပ်တစ်သောင်းတန်ငွေစက္ကူအတု အရွက်၅ဝ ရွက် တွေ့ရှိပြီး အရေးယူခံရတာ ဖြစ်ပါတယ်။ ဒီဇင်ဘာ ၁၈ရက် နံနက်ပိုင်းက ဖြစ်ခဲ့တာပါ။ သူ့ကိုလည်း မြန်မာနိုင်ငံတော်ဗဟိုဘဏ် ဥပဒေပုဒ်မ ၁ဝ၅၊ ၁ဝ၆တို့နဲ့ အရေးယူတာ ဖြစ်ပါတယ်။

ကျပ်တစ်သောင်းတန် ငွေစက္ကူအတုမှန်းမသိရှိလို့ သုံးစွဲသူတွေကို အပြစ်ယူဖို့မရှိဘဲ ရည်ရွယ်ချက်ရှိရှိ သုံးစွဲသူ တွေကိုသာ အရေးယူမယ်လို့ သမ္မတရုံးညွှန်ကြားရေးမှူးချုပ် ဦးဇော်ဌေးက ဒီဇင်ဘာ ၂၁ ရက်က သမ္မတရုံး သတင်းစာ ရှင်းလင်းပွဲမှာ ထည့်သွင်း ပြောကြားခဲ့သလို ငွေစက္ကူအတုမှန်း မသိဘဲ သုံးစွဲပါက မြန်မာနိုင်ငံတော် ဗဟိုဘဏ် ဥပဒေအရ အပြစ်ယူဖို့မရှိဘဲ တရားစီရင်ရေးကဏ္ဍက သက်ဆိုင်ရာ တရားသူကြီးရဲ့ ဆင်ခြင်တုံတရားပေါ်မှာသာ မူတည်တယ်လို့ ဗဟို ဘဏ်တာဝန်ရှိသူတွေကလည်း အမျိုးသားလွှတ်တော် ပြည်သူ့ငွေစာ ရင်းကော်မတီနဲ့ တွေ့ဆုံစဉ်ပြောခဲ့ပါတယ်။

ကျပ်တစ်သောင်းတန် အတုနဲ့ပတ်သက်ပြီး စိုးရိမ်ကြောင့်ကြစိတ်တွေများနေရတဲ့ ပြည်သူလူထုအတွက်တော့ သက်သာရာရစေပေမယ့် ပြောဆိုချက်တွေဖြစ်ပေမယ့် လက်တွေ့မှာတော့ မနော်သော့သွဲ့ထူးနဲ့ ဦးစောဝင်းနိုတို့ကတော့ ဖမ်းဆီးခံထားရဆဲ၊ အရေးယူခံထားရဆဲဖြစ်ပါတယ်။

အခုလို မနော်သော့သွဲ့ထူးဖြစ်စဉ်မဖြစ်ပေါ်မီ ရှေ့ရက်ပိုင်း၊ လပိုင်းအတွင်းကပဲ ငွေအတု လက်ဝယ်တွေ့ရှိခဲ့တဲ့ စင်ကာပူနိုင်ငံသား ဇနီးမောင်နှံနဲ့ ထိုင်းအမျိုးသမီး တစ်ဦးတို့ကိုလည်း မြန်မာနိုင်ငံရဲတပ်ဖွဲ့က ဖမ်းဆီးအရေးယူခဲ့တဲ့ ဖြစ် စဉ်ပေါ် ထွက်ခဲ့တယ်။

ရွှေတိဂုံစေတီတော်ကို လာရောက်ဖူးမြော်တဲ့ စင်ကာပူနိုင်ငံသား ဇနီးမောင်နှံထံက ကျပ်တစ်သောင်းတန် ငွေ စက္ကူအတု ၄၅ရွက်တွေ့ခဲ့လို့ နိုဝင်ဘာလကုန်ပိုင်းတုန်းက ဖမ်းဆီးခဲ့တဲ့ဖြစ်စဉ်ဖြစ်ပေါ်ခဲ့သလို အလားတူ ရွှေတိဂုံစေတီ တော်ကိုလာရောက်ဖူးမြော်တဲ့ ထိုင်းနိုင်ငံသူ တစ်ဦးထံကနေ ကျပ်တစ်သောင်းတန် ငွေစက္ကူ ၄၁ ရွက်တွေ့ရှိခဲ့လို့ ဒီဇင် ဘာလအတွင်းက အရေးယူခဲ့တဲ့ဖြစ်စဉ်တို့ ဖြစ်ပေါ်ခဲ့ပါတယ်။

ကျပ်တစ်သောင်းတန် အတုဂယက်က မြန်မာပြည်သူတွေကိုသာမက ပြည်ပနိုင်ငံ သားတွေအထိပါ သက်ရောက် နေစေတာ ဖြစ်ပါတယ်။ ဒီလိုဖမ်းဆီးအရေးယူခဲ့ရခြင်းရဲ့ နောက်ဆက်တွဲ သက်ရောက်မှုကတော့ ပြည်ပခရီးသွား ဝင် ရောက်မှုအပေါ်ဖြစ်ပါတယ်။

စိစစ်ကြပ်မတ်ထိန်းကျောင်းအရေးယူတဲ့ အဖွဲ့အစည်းရဲ့ အားနည်းချက်၊ တည်ဆဲဥပဒေရဲ့ လစ်ဟာချက်၊ အား နည်းချက်တွေကနေ ဒီကနေ့မနော်သော့သွဲ့ထူးလို ရိုးသားတဲ့ပြည်သူတွေ နစ်နာမှုတွေနဲ့ကြုံနေရပါတယ်။ လက်ထဲကငွေ ဟာအတုဖြစ်တဲ့အခါ လက်ထဲကငွေဆုံးရှုံးရုံတင်မက အရေးယူမှုတွေနဲ့ပါ ရင်ဆိုင်ကြရပါတယ်။ မိအေးနှစ်ခါနာစေတဲ့အဖြစ် တွေနဲ့ ကြုံကြ ရပါတယ်။

ကျပ်တစ်သောင်းတန်အတုနဲ့ပတ်သက်ပြီး ဒီဇင်ဘာ ၂၄ရက်က သတင်းတစ် ရပ်ထွက်လာပြန်ပါတယ်။ အဲဒီသ တင်းကတော့ ငွေအတုထုတ်လုပ်သူတွေကို ဖမ်းမိတဲ့သတင်းပါ။ မဲဆောက်ကနေ ငွေစက္ကူအတုတွေ သွားရောက်ဝယ်ယူခဲ့ ပြီး မြဝတီကနေ ရန်ကုန်ကိုသယ်ဆောင် သုံးစွဲနေသူနှစ်ဦးကို ရန်ကုန်မှာ ဖမ်းမိတာပါ။ ဒီသတင်းကိုတော့ ရဲဇာနည်ဆိုတဲ့ ဖေ့စ်ဘုတ်စာမျက်နှာက ဒီဇင်ဘာ ၂၅ရက်မှာဖော်ပြခဲ့တာဖြစ်ပြီး ဖမ်းမိသူတွေကို မြန်မာနိုင်ငံတော် ဗဟိုဘဏ် ဥပဒေပုဒ်မ ဘယ်လောက်နဲ့ အရေးယူထားတယ် ဆိုတာကိုတော့ ဖော်ပြမထားပါဘူး။

ဒီလူနှစ်ဦး ဖြစ်စဉ်က မနော်သော့သွဲ့ထူးနဲ့ ဦးစောဝင်းနိုတို့ဖြစ်စဉ်နဲ့ ကွာခြားပါတယ်။ ငွေအတုမှန်းသိသိနဲ့ သုံးစွဲခဲ့ တာဖြစ်သလို အဲဒီလိုသုံးစွဲဖို့အတွက် ရည်ရွယ်ချက်ရှိရှိနဲ့ ပြည်ပကနေ သွားရောက်ဝယ် ယူခဲ့တာ ဖြစ်ပါတယ်။ ဒီလို ဖြစ်စဉ် မျိုးမှာတော့ ဥပဒေအတိုင်း ထိရောက်စွာအပြစ်ပေးအရေးယူသွားဖို့ကို တွန်းအားပေးရမှာဖြစ်ပါတယ်။ သို့သော် မနော်သော့ သွဲထူးလို၊ ဦးစောဝင်းနိုတို့လို ငွေစက္ကူအတုမှန်းမသိဘဲ လက်ဝယ်ထားရှိသူတွေကို ဖမ်းဆီးအရေးယူတဲ့အပေါ်မှာတော့ တရားဥပဒေစိုးမိုးရေး အပိုင်းကနေ မေးခွန်းထုတ်ရမှာဖြစ်ပါတယ်။

ငွေစက္ကူအတု လက်ဝယ်ထားရှိမှုနဲ့ပတ်သက်ပြီး မနော်သော့သွဲ့ထူးက မြန်မာပြည်သူတစ်ရပ်လုံးကို တပ်လှန့်ပေး လိုက်ပါတယ်။ ငွေကျပ်တစ်သောင်းတန် လက်ဝယ်ရှိနေရင် အဖမ်းခံရမလားဆိုတဲ့ စိုးရိမ်စိတ်တွေကို သွတ်သွင်းပေးလိုက်ပါ တယ်။ ကျပ်တစ်သောင်းတန်အတုဟာ မြန်မာလူထုတစ်ရပ်လုံးအတွက် ကြောက်မက်ဖွယ်ရာ အရာဝတ္ထုတစ်ခုအဖြစ် မနော်သော့သွဲ့ထူး ဖြစ်စဉ်ကနေ ပေါ်ထွက်လာခဲ့ပါတယ်။

ဒီလိုဖြစ်စေခဲ့တဲ့ အဓိကအကြောင်းရင်းခံကတော့ ငွေစက္ကူအတုနဲ့ပတ်သက်တဲ့ ဥပဒေပြဋ္ဌာန်းချက်ရဲ့ အားနည်း ချက်၊ စိစစ်ကြပ်မတ် အရေးယူရမယ့်အဖွဲ့အစည်း၊ တရားစွဲအဖွဲ့အစည်းတို့ရဲ့ အားနည်းချက်တို့ကြောင့် ဖြစ်ပါတယ်။

ဒီအားနည်းချက်တွေအပေါ် အာဏာရအဖွဲ့အစည်းဖြစ်တဲ့ အစိုးရနဲ့ လွှတ်တော်တို့အပိုင်းက အချိန်မီပြုပြင်ခြင်း၊ ပြင်ဆင်ခြင်း၊ ပြောင်းလဲခြင်းတို့ အလေးထားဖော်ဆောင်သွားဖို့ လိုမှာဖြစ်ပါတယ်။ သို့မှသာဒီကနေ့ကာလ ပြည်သူလူထု ကြား စိုးရိမ်ကြောင့်ကြစိတ်တွေ မြင့်တက်နေတဲ့ ငွေအတုဂယက်ကို ကုစားပေးရာရောက်မှာ ဖြစ်ပါတယ်။

ဂျေငြိမ်း