မြန်မာ့ အချုပ်အခြာ မြန်မာပိုင်ရဲ့လား

 

၁၉၈၈အရေးအခင်းနောက်ပိုင်း တက်လာသည့် နဝတ၊ နအဖအစိုးရလက်ထက်တစ်လျှောက်လုံး မည်သည့်စာ အုပ်ထုတ်ဝေသည်ဖြစ်စေ ဒို့တာဝန်အရေးသုံးပါးကို စာအုပ်၏ရှေ့ဘက်တစ်နေရာရာတွင် မဖော်ပြမနေရ ဖော်ပြပေးရပါ သည်။ ယင်းတို့ မှာအားလုံးသိကြသည့် –

၁။ ပြည်ထောင်စုမပြိုကွဲရေး- ဒို့အရေး

၂။ တိုင်းရင်းသားစည်းလုံးညီညွှတ်မှု မပြိုကွဲရေး- ဒို့အရေး

၃။ အချုပ်အခြာအာဏာတည်တံ့ခိုင် မြဲရေး- ဒို့အရေးဟူသော အချက် ၃ချက်ဖြစ်ပါသည်။

၂ဝ၁ဝ ပြည့်နှစ်ရွေးကောက်ပွဲအပြီးအရပ်သားတစ်ပိုင်း ဦးသိန်းစိန်အစိုးရတက် လာပြီးနောက် ၂ဝ၁၂ သြဂုတ်လ တွင် စာပေစိစစ်ရေးကို ဖျက်သိမ်းပေးခဲ့ပါသည်။ သည့်နောက်ပိုင်းတချို့က ဒို့တာဝန်အရေးသုံးပါးကို ထုတ်ဝေသည့် စာ အုပ်တွင်ဖော်ပြကြသော်လည်း အများစုကမဖော်ပြကြတော့ပါ။ ဒို့တာဝန်အရေး သုံးချက်စလုံးသည်  အမှန်တကယ်ကောင်း မွန်ပြီး တိုင်းပြည်နှင့်လူမျိုးအတွက်  မဖြစ်မနေရှိနေရမည့် တည်ဆောက်ရမည့် အချက်သုံးချက်ဖြစ်ပါသည်။ ပထမအချက် နှင့် ဒုတိယအချက်ကို ခေတ္တဖယ်၍ တတိယအချက် အချုပ်အခြာအာဏာတည်မြဲရေးဆိုသည့် အချက်ကိုစဉ်းစား ကြည့်ကြ ပါစို့။

အချုပ်အခြာအာဏာ ဆိုသည်ကိုဘယ် သို့သတ်မှတ်မည်နည်း။ အချုပ်အခြာအာဏာတည်မြဲမှုဟူသည် အဘယ် နည်း၊ မြန်မာတွေ မြန်မာ့အချုပ်အခြာအာဏာကို တကယ်ပိုင်ရဲ့လားဆိုသော မေးခွန်းသုံးချက်ကို ကြိုးစားဖြေကြည့်မိပါ သည်။ ပထမအချက် အချုပ်အခြာအာဏာဆိုသည်မှာဘာလဲ။ မြန်မာနိုင်ငံသည် ၁၉၄၈တွင် အင်္ဂလိပ်ကိုလိုနီ လက်အောက် ခံဘဝမှလွတ်မြောက်လာပြီး ယနေ့ထိတိုင် မြန်မာနိုင်ငံကို မြန်မာအစိုးရအဆက်ဆက်က အုပ်ချုပ်နေသဖြင့် မြန်မာနိုင်ငံနှင့် မြန်မာ လူမျိုးလက်ဝယ် အချုပ်အခြာအာဏာ ရှိနေပြီဟု ဆိုနိုင်ပြီလား။

အချုပ်အခြာအာဏာဆိုသောစကားစပ်တွင်အချုပ်အခြာနှင့် အာဏာဟူ၍ နှစ်ပိုင်းပါဝင်နေပါသည်။ အင်္ဂလိပ်ဝေါ ဟာရ အချုပ်အခြာအာဏာပိုင်နိုင်ငံ (Sovereign State) ၏ အဓိပ္ပာယ်ကို- ပထဝီနယ်မြေ ဒေသတစ်ခုပေါ်တွင် အချုပ်အခြာ အာဏာပိုင်စိုး၍ ဗဟိုချုပ်ကိုင်မှုရှိသည့် အစိုးရတစ်ရပ်က ကိုယ်စားပြုသော အုပ်ချုပ်ရေးဆိုင်ရာ အဝန်းအဝိုင်းကို ဆိုလို သည်။ နိုင်ငံတကာဥပဒေအရ တည်ငြိမ်သောလူဦးရေ၊ သတ်မှတ်ထားသည့် နယ်မြေဒေသနှင့် အစိုးရတစ်ရပ်ရှိပြီး တခြား အချုပ်အခြာ အာဏာပိုင်သည့်နိုင်ငံများနှင့် ပေါင်းသင်းဆက်ဆံနိုင်သည့် အရည်အချင်းရှိရပြီး တခြားသောအင်အား (သို့မ ဟုတ်) နိုင်ငံကို မှီခိုခြင်း၊ လက်အောက်ခံ ဖြစ်ခြင်းမရှိသည့် နိုင်ငံဟု ယေဘုယျအားဖြင့်  သတ်မှတ်နိုင်သည်ဟု ဆိုပါသည်။

အဆိုပါ အဓိပ္ပာယ်ဖွင့်ဆိုချက်နှင့် ချိန်ထိုးကြည့်သော်၊ မြန်မာ့လူဦးရေသည် တည်ငြိမ်မှုမရှိပါ။ မြန်မာနိုင်ငံ၏ လူဦးရေကို နှစ်အတန်ကြာသည်ထိ သန်း ၆ဝဟု အုပ်ချုပ်သည့် အစိုးရများကိုယ်တိုင် ပြောဆိုသုံးစွဲခဲ့ကြပါသည်။ သို့သော် ၂ဝဝ၈ ခုနှစ်ဖွဲ့စည်းပုံအခြေခံဥပဒေကို အတည်ပြုသည့်အခါ  မြန်မာလူဦးရေကို ၅၇၅ဝ၄၃၆၈ ဟုဖော်ပြခဲ့သည်။ ၂ဝ၁၄ သန်းခေါင် စာရင်း ကောက်သောအခါ ၅၁သန်းသာရှိနေပေရာ ၇ သန်းနီးပါးကွာဟနေပါသည်။ ယခု ၂ဝ၁၉ တွင် သန်းခေါင်စာရင်းပြန် ကောက်နေပြန်ရာမည်သို့ အဖြေထွက်လာမည် မသိရသေးပေ။ မြန်မာနိုင်ငံသည် အရေးကြုံလာတိုင်း အထူးသဖြင့်  မြန်မာ နိုင်ငံတွင် လူ့အခွင့်အရေးချိုးဖောက်မှုများရှိနေသည်၊ လူမျိုးတုံးသတ် ဖြတ်နေသည်စသည့် စွပ်စွဲမှုများကြုံလာတိုင်း နိုင်ငံ့အ လယ်တွင် မြန်မာသည် ရင်ကော့ခေါင်းမော့ပြီး မိမိဘာသာမဖြေရှင်းနိုင်ဘဲ တရုတ်နှင့် ရုရှားထံမှ ဗီတိုအာဏာဖြင့် ကာ ကွယ်ပေးသည်ကို ယူခဲ့ရသည်မှာ  နှစ်အတန်ကြာခဲ့ပါပြီ။

အချုပ်အခြာ အာဏာတည်မြဲသည်ဆိုသည်မှာ အဘယ်နည်း။  အစိုးရတစ်ဖွဲ့သည် တိုင်းပြည်၏ အန္တရာယ်ကို ကာကွယ်ပေးရန်၊ တိုင်းပြည်နှင့်လူမျိုး ဒုက္ခတွေ့မည့်အရေးမြင်၍ ‘တိုင်းပြည်ပြိုကွဲမည့်အရေးမြင်၍ မဖြစ်မနေ အာဏာကို ယူလိုက်ပါသည်ဆိုသော  အစိုးရများသည် မြန်မာပြည်သူတို့ မျက်မှောက်၌ပင်  မည်သို့ဇာတ်သိမ်းခဲ့ကြသည်ကို အားလုံးအ သိ ဖြစ်ပါသည်။ တိုင်းပြည်၏ အာဏာကို အင်အားရှိသောကြောင့် အလွယ်တကူယူခဲ့နိုင်သော်လည်း တိုင်းပြည်၏ စီးပွား ရေးတိုးတက်စေရန်  မဖော်ဆောင်နိုင်သည့်အပြင် ကမ္ဘာနှင့်မြန်မာကို အဆက်ဖြတ်ပြီး အလွန်ညံ့ဖျင်းသည့် အတွေးအခေါ် အမြင်အယူများသာရှိသူများက နိုင်ငံကို ဆယ်စုနှစ်သုံးခုနီးပါး ထုဆစ်ပုံဖော်လိုက်ခြင်းသည် မအောင်မြင်ရုံသာမက၊ အရှေ့ တောင်အာရှတွင်လည်းကောင်း၊ ကမ္ဘာ့ အလယ်တွင်လည်းကောင်း အောက်ကျ နောက်ကျ နိုင်ငံနှင့်လူမျိုးဖြစ်လာခြင်းဟူ သည့်ရလဒ်သာ အဖတ်တင်ကျန်ရစ်ပါသည်။ ကယ်တင်မည်ဆိုသည့် လူများလက်ဝယ် အာဏာမတည်မြဲခဲ့ပါ။ အာဏာပိုင် သူ အစစ်အမှန် ပြည်သူ့ထံလည်း ပြန်မပေးဝံ့ဘဲ ဖွဲ့စည်းပုံအားကိုးဖြင့် ထွက်ပေါက်ရှာပြီး သွယ်ဝိုက်အာဏာ ယူထားခြင်း သည် အာဏာတည်မြဲမှု ဟုတ်,မဟုတ် တိကျသည့်အဖြေမရပေ။

နောက်ဆုံးမေးခွန်းဖြစ်သည့် မြန်မာ့အချုပ်အခြာအာဏာကို မြန်မာတို့ တကယ်ပိုင်နေကြပါရဲ့လား။ ပိုင်သည်ဆိုလျှင် ပင် တစ်စိတ်တစ်ဒေသသာပိုင်ကြောင်း ယနေ့ မြန်မာတို့ ရင်ဆိုင်နေရသည့်  အဖြစ်အပျက် များကသက်သေခံနေပါသည်။ ယနေ့ မြန် မာတို့ မစည်းလုံးမညီညွတ် နိုင်ခြင်းမှာအဖွဲ့ အစည်းအကျိုးစီးပွားနှင့် ကိုယ်ကျိုးစီးပွားကို ရှေးရှုမှုအားကြီးခြင်း၊  အာဏာပိုင်လိုခြင်း (လုပ်ပိုင်ခွင့်ရလိုခြင်း) ဟူသော အကြောင်း များစွာပါဝင်နေပါသည်။ လက်ရှိအစိုးရ၏ လုပ်ကိုင်နိုင်စွမ်း ချည့်နဲ့စေရန်၊ မအောင်မြင်စေရန် တတ်နိုင်လျှင် လက်လွှတ်ရစေရန် လက်တွဲကြိုးပမ်းသူများလည်းရှိနေပါသည်။ အထူးသ ဖြင့် ပြည်တွင်းငြိမ်းချမ်းရေး ရရန်မလိုလားသော လက်နက်ကိုင်အဖွဲ့ တချို့ရှိကြောင်းထင်ရှားစွာ မြင်သိနေရပေသည်။ အဆိုပါ လက်နက်ကိုင်အဖွဲ့များကို လေ့လာကြည့်ပါက အထက်ပိုင်းအရာရှိများအားလုံး ကြွယ်ဝချမ်းသာနေကြပြီး အောက် ခြေအကြပ် တပ်သားရဲဘော်များကား ဆင်းရဲမွဲတေနေကြပါသည်။ သို့သော် ခြွင်းချက်အနေဖြင့် အောက်ခြေအကြပ် တပ် သားရဲဘော်များအနက် နေရာကောင်း ရထားသူများသည် အနေချောင်အစား ချောင်ကြပါသည်။

ဆင်းရဲမွဲတေမှု နှစ်ကြာလာခြင်းနှင့် ပညာရေးစနစ် မှားယွင်းမှုကြောင့်  ကိုယ်ရည်ကိုယ်သွေးနိမ့်ကျသူ များပြားလာပါ သည်။ အထူးသဖြင့် ဆင်းရဲခြင်းဒဏ်ကို  သည်းမခံနိုင်ဘဲ နည်းလမ်းမှားများဖြင့် ထွက်ပေါက်ရှာသူများ ပြားလာပါသည်။ မြန်မာပြည်သူတို့၏ ကိုယ်ရည်ကိုယ်သွေးကျ ဆင်းမှုမှတစ်ဆင့် မြန်မာအတော်များများတွင် အမျိုးသားရေးစိတ်ဓာတ်များ ပျောက် ဆုံးကုန်ပါသည်။ ထို့ကြောင့် ငွေယူ၍ဘင်္ဂါလီကို ခိုးသွင်းသူများ၊ တရုတ်ကိုမြေအငှားချသူများ၊ တရုတ်က ထန်းပင် တစ်ပင်ငွေတစ်သောင်းမျှပေးသည်ကို ကျေနပ်ရောင်းချသူများ၊ တရုတ်များအတွက် အမည်ခံပြီး လယ်မြေ ခြံဝယ်ပေးသူ များ၊ မြန်မာအမျိုးသမီးများကို တရုတ်မယားအဖြစ် မြှူဆွယ်ရောင်းချခြင်းဖြင့် အသက်မွေးသူများ ပေါ်လာခြင်းဖြစ်ပါသည်။ ဆင်းရဲခြင်းဒဏ်ကို မခံနိုင်တော့ဘဲ ကိုယ်ကျင့်တရားကို ရောင်းစားသည့်နည်း၊ အမျိုးဂုဏ်, ဇာတိဂုဏ်ကို ရောင်းစားသော နည်းများဖြင့် ဖြေရှင်းလာကြသည်။ ထန်းပင်အမြစ်များသည်  မိုးနည်းသော အညာဒေသ၏ မြေကြီးကိုထိန်း သိမ်းပေး ကြောင်း အသိမရှိကြသဖြင့် ထန်းပင်တက်သူရှားပါးလာခြင်း၊ ထန်းရည်ချ၍ အသက်မွေးသူ နည်းပါးလာခြင်းကိုအ ကြောင်း ပြုကာ လောလောလတ်လတ်ရသည့် ငွေတစ်သောင်းကိုမက်ပြီး ရောင်းချကြ သည်။

အခြေခံလူတန်းစားထက် ပိုဖောက်ပြန်သူများက မြန်မာ့သယံဇာတများကိုကိုယ် ကျိုးစီးပွားအလို့ငှာ၊ မိမိတို့ အာဏာ တည်တံ့ခိုင်မြဲရေးအလို့ငှာ အောက်ဈေးဖြင့်ရောင်း ခဲ့သူများဖြစ်ကြပါသည်။ ထိုသို့ အထက်,အလယ်,အောက် လူတန်းစား သုံးမျိုးစလုံးတိုင်း ပြည်မျက်နှာ၊ လူမျိုးမျက်နှာမထောက်ဘဲ ကိုယ်ကျိုးရှာလျက် အမျိုးသားရေးစိတ်ဓာတ် ကျဆင်းနေသည့် နိုင်ငံနှင့်လူမျိုးကို အင် အားရှိသည့် အိမ်နီးချင်းက မလေးစားတော့ပေ။ ထို့ကြောင့်သာ ၂ဝ၁၉၊ ဇန်နဝါရီ ၁၃ ရက်နေ့တွင် မြစ်ဆုံစီမံကိန်းကို ပြန်စတော့မည်ဟူသော စာမျိုးကိုတရုတ်သံရုံးက ပမာမခန့်ထုတ်ပြန်ရဲခြင်း ဖြစ်ပါသည်။  မြန်မာ အစိုးရ သည် တရုတ်သံရုံး၏ မြစ်ဆုံပြန်စ မည်ဟူသော ထုတ်ပြန်စာအပေါ် ဘာ            တစ်ခွန်းမျှ လူသိရှင်ကြား မတုံ့ပြန်ခဲ့ပါ။

မြစ်ဆုံပြန်စမည်ဟု စာထုတ်ပြန်ပြီး ၁၆ရက်အကြာ ဇန်နဝါရီ ၂၉ရက်နေ့တွင် တရုတ်နှင့်မြန်မာနယ်စပ် ကျောက်တိုင်အ မှတ် ( BP ၁၄၄/၃) နှင့် ( BP ၁၄၄/၄) ကြားရှိ နှစ်နိုင်ငံနယ်စပ် စည်းမျဉ်းအနီးတွင် စိုက်ထူထားသည့် မြန်မာနိုင်ငံအလံကို တ ရုတ်နယ်ခြားစောင့်တပ်ဖွဲ့ဝင် ၁ဝဦးကဝင် ရောက်ဖျက်ဆီးခဲ့သည်။ ထိုသို့စော်ကားခံရ မှုနှင့်ပတ်သက်၍  မြန်မာနိုင်ငံ ဆိုင်ရာတရုတ်သံအမတ်အား နိုင်ငံခြားရေးဝန်ကြီးဌာနကခေါ်ယူပြောကြားခဲ့သည်ဟု တချို့သတင်းစာများက သတင်းဖော် ပြခဲ့ပါသည်။ ခေါ်ယူသတိပေးလိုက်သည်ဟု မည်သည့် မြန်မာသတင်းစာကမျှ မဖော်ပြခဲ့ကြပါ။

မြန်မာနိုင်ငံ လွတ်လပ်ရေးဆုံးရှုံးခဲ့ပြီး နောက်အခက်အခဲတွေ့ရသူများထဲတွင် မြန်မာမင်းထံခစားခဲ့သူများ ရှေ့ဆုံးကပါ ဝင်ခဲ့ကြပါသည်။ သူတို့သည် ဘုရင်ကပေး သနားချီးမြှင့်သည့် ဆုတော်လာဘ်တော်ဖြင့်  ရပ်တည်ခဲ့ရသူများဖြစ်ရာ အရှင် များပင် နန်းကျခဲ့ပြီဖြစ်၍ သူတို့ဘဝရပ်တည်ရေးကို ခက်ခက်ခဲခဲရုန်းကန်ကြရပါသည်။ ဘုရင့် သားတော်၊ သမီးတော်များကို ထိန်းသိမ်း သွန်သင်ရသူများကို အကြီးတော်ဟုခေါ်ကြပါသည်။ သီပေါမင်းလက်ထက်တွင် အကြီး တော်အဖြစ် အမှုထမ်းခဲ့ သူတစ်ဦးကို အင်္ဂလိပ်အစိုးရက ဝေလမင်းသားဘုန်းတော်ဘွဲ့ ရေးပေးရန်တောင်းဆိုဖူးပါသည်။ ဥာဏ်ပူဇော်ခ ထိုက်ထိုက် တန်တန်ရမည်ဖြစ်သည်။ လာရောက်ပြောဆိုသူ ဝန်ထမ်းက အင်္ဂလိပ်ဝန့်ရှင်တော်မင်းကြီး၏ ”ဝေလမင်းသား ဘုန်းတော် ဘွဲ့ရေးပေးလိုက်ပါတဲ့” ဟုအထက်စီးသံဖြင့် ပြောသည်ကိုမကြိုက်၍ အကြီးတော်က ပညာရှင်မာနဖြင့်ခံပြင်းသည်။  ထိုမျှ သာမက၊ ငွေကြေးကျပ်တည်းနေစေကာမူ အင်္ဂလိပ်အိမ်ရှေ့မင်းသားဖြစ်သူဝေလမင်းသားဘုန်းတော်ဘွဲ့ရေးမှရမည့်ငွေကို မယူလိုဟူသည့် အမျိုးသားရေးစိတ်ဓာတ် ဇာတိမာန်ဖြင့် ငြင်းပယ်ခဲ့ပါသည်။

မြန်မာအစိုးရအဆက်ဆက် ပြည်တွင်းငြိမ်းချမ်းရေးကို မဖော်ဆောင်နိုင်သေးပါ။ ကွင်းဆက်အနေဖြင့် ပြည်တွင်းစီးပွား ရေးကို သိသိသာသာ မြင့်မားလာစေရန် မလုပ်ဆောင်နိုင်သေးပါ။ စည်းလုံးညီညွတ်မှုမရှိ ဆင်းရဲမွဲတေနေဆဲ နိုင်ငံဘဝဖြင့် စီးပွားရေး၊ နိုင်ငံရေးအရ တခြားတိုင်းပြည်များအားမှီခိုနေခြင်း အထူးသဖြင့် အိမ်နီးချင်းတရုတ် ကိုမျက်နှာရိပ်မျက်နှာကဲ ကြည့်ပေါင်း၊ ကြည့်ပြောကြည့်နေရခြင်းဘဝမှ ယခုတိုင် မလွတ်ကြပေ။ မြန်မာ့အချုပ်အခြာ အာဏာကို မြန်မာတကယ် ပိုင်ဆိုင်လိုပါက မြန်မာ တစ်မျိုးသားလုံး အမျိုးသားရေးစိတ်ဓာတ် များပြန်လည်နိုးကြားလာပြီး ဆင်းရဲမွဲတေသည့်ဒဏ်ကို အတူလက်တွဲခံနိုင်ရည်ရှိလျက် တိုင်းပြည်၏ ပြဿနာဗရပွကိုဖြေရှင်း နိုင်ပါမှသာ စာရွက်ပေါ်ကအချက် ၃ချက် အမှန်တ ကယ် အသက်ဝင်လာမည်ဖြစ်ပါကြောင်း။

ခင်နှင်းဦး