၂၀၁၉ ခုနှစ်အတွင်း ဥရောပအတွက် စိန်ခေါ်ချက်ကြီး ၄ ရပ်

 

၂ဝ၁၉ ခုနှစ်အတွင်း ဝင်ရောက်လာတာ သုံးပုံတစ်ပုံ လောက်ရှိနေပါပြီ။ ဒါပေမယ့်ဥရောပအတွက်တော့ ဒီနှစ်ဟာ ပုံဖော်လုပ်ဆောင်စရာတွေ ပြည့်နှက်နေတဲ့ ပျာပန်းခပ်သလို အလုပ်များမယ့် နှစ်တစ်နှစ်ဖြစ်ပါတယ်။ နိုင်ငံရေးအကျပ်အတည်း၊ နှေးကွေးလေးလံနေတဲ့ စီးပွားရေး ဖွံ့ဖြိုးတိုးတက်မှုနှုန်း၊ ကမ္ဘာ့စူပါပါဝါနိုင်ငံကြီးတွေနဲ့ တင်းမာနေတဲ့ ဆက်ဆံရေးတွေနဲ့အတူ လုံးထွေးနေရတဲ့အတွက် ဥရောပအတွက် ရေရှည်ကိုင်တွယ် ဖြေရှင်း ဆောင်ရွက်စရာ ကိစ္စရပ်တွေကတော့ စာရင်းအပြည့်နဲ့ ဖြစ်နေပါပြီ။ ဥရောပခေါင်းဆောင်တွေအနေနဲ့ ဂျာမနီ နိုင်ငံရဲ့ မတည်မငြိမ်ဖြစ်နေဆဲ နိုင်ငံရေးညွန့်ပေါင်းဖွဲ့မှု၊ ဆက်လက်အောင်ပွဲခံနေဆဲဖြစ်တဲ့ ပေါ်ပြူလစ်ဇင်၊ အီတလီရဲ့ စီးပွားရေး ဘေးဒုက္ခကြီးတွေ၊ တရုတ်နဲ့ပတ်သက်တဲ့ စိုးရိမ်မကင်းဖြစ်ရမှုတွေအပြင် ဥရောပအပေါ် ရုရှားရဲ့ စိတ်ပျက်ဖွယ်ရာရပ်တည်မှုတွေအပါအဝင် ကိစ္စရပ်ပေါင်းများစွာကို ၂ဝ၁၉အတွင်း ရင်ဆိုင်ဖြေရှင်းရမှာ ဖြစ်ပါတယ်။ အောက်မှာဆွေးနွေးသွားမှာကတော့ ဒီနှစ်အတွင်း ဥရောပရဲ့ နိုင်ငံရေး၊ စီးပွားရေး၊ လူမှုရေး အစီအစဉ်တွေကို ပုံဖော်ပေးသွားမယ့် ဦးတည်ချက်လမ်းကြောင်း (trend) ၄ခု ဖြစ်ပါတယ်။

လမ်းကြောင်း (၁) –

ဥရောပထိပ်သီး ကြီးလေးကြီးရဲ့ အကျပ်အတည်း

ဥရောပဇုန်ရဲ့အကြီးဆုံး စီးပွားရေးလုပ်ငန်းစုကြီး ၄ခုနေရာက အစိုးရတွေဟာ သူတို့နေရာဌာန ဒေသ အသီးသီးမှာရှိနေတဲ့ အနေအထားတွေကို ကန့်သတ်ပစ်မယ့် နိုင်ငံရေးဆိုင်ရာ အကျပ်အတည်း အစုအဝေး လိုက်ကြီးကို ရင်ဆိုင်ကြရမှာဖြစ်တယ်။ ဒါ့အပြင် ဥရောပကုန်သွယ်ရေး အုပ်စုကြီးတစ်ခုလုံးအနေနဲ့ စုစည်း ညီညွတ်တဲ့ ခေါင်းဆောင်မှုပုံစံတစ်ရပ်ကို ကမ်းလင့်ပေးနိုင်မယ့် စွမ်းဆောင်ရည်ကိုပါ တစ်ဆက်တည်းမှာ ကန့်သတ်လိုက်သလို ဖြစ်သွားနိုင်ပါတယ်။ ဂျာမနီမှာဆိုရင် ၂ဝ၂၁ခုနှစ်မှာ ရွေးကောက်ပွဲ ထပ်မကျင်းပတော့ဘူး ဆိုတဲ့ အိန်ဂျယ်မာကယ်လ်ရဲ့ ဆုံးဖြတ်ချက်ဟာဆိုရင် သူမပါဘဲနဲ့ နိုင်ငံရေးရပ်ဝန်းတစ်ခုကို ပြင်ဆင်တည် ဆောက်ဖို့အတွက် သူ့ရဲ့ညွန့်ပေါင်း အစိုးရအဖွဲ့ဝင်တွေကို ဖိအားပေးသလို ဖြစ်စေတော့မှာပါ။ မာကယ့်လ် အနေနဲ့ သူ့ရဲ့အစိုးရသက်တမ်းကို အောင်မြင်ပြီးမြောက်အောင် စီမံခန့်ခွဲနိုင်ရင်တောင်မှ လက်ယာယိမ်း Christian Dem-ocratic Union(CDU) ထဲက သူ့ရဲ့သြဇာအာဏာက နောက်လာမယ့် သူ့နေရာ ဆက်ခံသူ အတွက် ပါတီအစီအစဉ်တွေမှာ တစ်စတစ်စနဲ့ အင်အားနည်းချည့်နဲ့စေမှာဖြစ်တယ်။ အဲ့တစ်ချိန်တည်းမှာပဲ လက်ဝဲယိမ်း Social Democratic Party(SPD) က သူ့ညွန့်ပေါင်းတွဲဖက်ဖြစ်တဲ့ CDUဆီကနေ သူ့ဟာသူကင်း ကွာအောင် တွန်းပို့ပြီး သူ့အပေါ် လူကြိုက်များမှုကို တိုးပွားစေဖို့အတွက် ကြိုးပမ်းမှာဖြစ်တယ်။ အဲဒါက ဂျာမနီ အစိုးရက သက်ဆိုင်ရာကဏ္ဍအစိတ်အပိုင်းတွေ အလုပ်မလုပ်တော့တဲ့ အနေအထားဆီ တွန်းပို့သွားနိုင်ပါတယ်။ အီးယူအဆင့်မှာ ဘာလင်ရဲ့ ဖွဲ့စည်းတည်ဆောက်ပုံ ပြုပြင်ပြောင်းလဲရေး လုပ်ငန်းစဉ်တွေကို အစပျိုးဖို့ ဦးတည် ထားတဲ့ စိတ်ဆန္ဒကိုပါ လျှော့ချပစ်သလိုဖြစ်သွားနိုင်တယ်။ ရလဒ်အနေနဲ့ကတော့ common deposit ins-urance scheme ဆိုတဲ့ စုပေါင်းအာမခံစနစ်ထားဖို့ အစီအစဉ်ကို ဥရောပဇုန်အတွင်းက ဘဏ်တွေအတွက် တည်ထောင် ထားဖို့၊ ဒါမှမဟုတ် (ဂျာမနီကျောထောက်နောက်ခံပေးမှု မဖြစ်မနေလိုအပ်နေတဲ့) ဘဏ္ဍာရေးအကျပ်အတည်း ဆိုက်ရောက်နေတဲ့ နိုင်ငံတွေကို တည်တည်ငြိမ်ငြိမ်ဖြစ်စေဖို့အတွက် ကြီးမားတဲ့ဥရောပဇုန် ဘတ်ဂျက်တစ်ခု ဖန်တီးထူထောင်ထားဖို့ဆိုတဲ့ အဆိုပြုမှုတွေဟာ မကြာမီကာလအတွင်း ဘယ်အချိန်မဆို ဖြစ်ပေါ်လာနိုင်တဲ့ အနေအထားရှိနေပါတယ်။

ပြင်သစ်အစိုးကတော့ သူကိုယ်တိုင်လည်း သိသာထင်ရှားတဲ့ အကန့်အသတ် အတားအဆီးတွေကို ရင်ဆိုင် နေရတာ ဖြစ်တဲ့အတွက်ကြောင့် ပြည်တွင်းနဲ့ ဥရောပတွင်း ပြုပြင်ပြောင်းလဲရေးတွေကို သတ်မှတ် ဖော်ထုက်ဖို့ အကြံဉာဏ်ပေါင်းများစွာကို ထုက်ဖော်တင်ပြနေမှာဖြစ်တယ်။ သူ့ပြည်တွင်းမှာလည်း အဝါရောင်ဝတ်စုံဝတ် ဆန္ဒပြပွဲတွေကနေပြီး ပြင်သစ်နိုင်ငံသားတွေဟာ သူတို့ဆန့်ကျင်တဲ့ ဘယ်လိုစီးပွားရေး မူဝါဒတွေကိုမဆို ကန့်ကွက်ဆန္ဒပြဖို့အတွက် လမ်းမတွေပေါ် ထွက်ကြတာထက်ပိုပြီး စိတ်အားထန်သန်ကြောင်း အားလုံးကို သတိပြုမိစေခဲ့တယ်။ လူထုဆန္ဒထုတ်ဖော်ပွဲ ထပ်ပြီးမဖြစ်အောင် ကြိုးပမ်းတဲ့အနေနဲ့ သမ္မတအီမန်နူရယ်မက် ခရွန် အစိုးရအဖွဲ့က ဒီနှစ်အတွင်းမှာ ပြုပြင်ပြောင်းလဲမှုလုပ်ဆောင်ဖို့အတွက် ပိုပြီးဂရုတစိုက် ချဉ်းကပ်ပြုလုပ် လာဖွယ်ရှိပါတယ်။ ဆိုလိုနိုင်ဖွယ်ရှိတာကတော့ နိုင်ငံရဲ့ပင်စင်စနစ်ကို ရိုးစင်းလွယ်ကူစေဖို့နဲ့ အလုပ်လက်မဲ့ အာမခံအတွက် လိုအပ်တဲ့အခြေခံ အချက်အလက်တွေကို တင်းကျပ်ဖို့အတွက် အကျိုးသက်ရောက်မှု နည်းပါး နေတဲ့ အစီအမံတွေကိုပဲဖြစ်ပါတယ်။ တစ်ချိန်တည်းဆိုသလို အီးယူဘက်ခြမ်းမှာလည်း ဥရောပမြောက်ပိုင်း နိုင်ငံတွေက အတိုက်အခံတွေကနေပြီး ဥရောပဇုန်အတွင်း နိုင်ငံအချင်းချင်းတွေကြား တွေ့ကြုံရမယ့် အခက် အခဲတွေကို မျှဝေရင်ဆိုင်ဖို့နဲ့ ပိုမိုမျှခံသုံးစွဲကြဖို့အတွက်စီစဉ်ရေးဆွဲထားတဲ့ ပဲရစ်အဆိုပြုချက်တွေကို ပြီးခဲ့တဲ့ နှစ်အတွင်း ပျက်ပြယ်သွားအောင်ပြုလုပ်ပြခဲ့တာနဲ့ အသေအချာ သက်သေပြခဲ့ကြပါတယ်။ အဆုံးမှာတော့ ပြည်တွင်းအလိုက်ရှိနေတဲ့ အကန့်အသတ် အတားအဆီးတွေကနေ အမှတ်သက်သေပြုထားတဲ့ နောက်ထပ် နှစ်တစ်နှစ်က ဥရောပသမဂ္ဂ မူဝါဒဦးတည်ရာကို လွှမ်းမိုးဖို့ကြိုးစားနေတဲ့ ပဲရစ်အစိုးရရဲ့ စွမ်းဆောင်ရည်ကို ကန့်သတ်တားဆီးဦးမှာ ဖြစ်တယ်။

၂ဝ၁၉ မှာစောင့်ကြည့်ရမယ့် နောက်ထပ် နိုင်ငံတစ်ခုကတော့ အီတလီဖြစ်ပါလိမ့်မယ်။ ပြီးခဲ့တဲ့နှစ်ကုန်ပိုင်း မှာ အီတလီအစိုးရက ယူရိုငွေကြေးနဲ့ပတ်သက်ပြီး သူရဲ့ဝေဖန်မှုကို ပြန်လျှော့သွားစေဖို့အတွက် ငွေကြေး ဈေးကွက်တွေဆီက ဖိအားပေးတာအပြင် သူ့ဘတ်ဂျက် အစီအမံနဲ့ပတ်သက်ပြီး ဥရောပကော်မရှင်နဲ့ သဘော တူညီမှုရဖို့ လုပ်ရတာတွေပါခံခဲ့ရတယ်။ ဒါပေမယ့် ကြီးမားလေးလံလှတဲ့ အကြွေးဝန်ထုပ်ဝန်ပိုးတစ်ခု၊ အစွန်း အထင်းမခံတဲ့ ဘဏ်လုပ်ငန်းတွေအပြင် အရည်အသွေးမပြည့်ဝတဲ့ ဖွံ့ဖြိုးမှုဆိုင်ရာ နည်းလမ်းတွေနဲ့ တွဲဆက်နေ မှုက အီတလီရဲ့ စီးပွားရေးကို အဆုံးထိရောက်အောင် မဆိုးရွားသွားစေခဲ့ပါဘူး။ ဒါ့အပြင် အတိုကောက် M5S လို့ခေါ်တဲ့ League and Five Star Movement အဖွဲ့ဝင်တွေက လူဝင်မှုကြီးကြပ်ရေးလိုကိစ္စကနေ အခြေခံ အဆောက်အအုံ တည်ဆောက်ရေး စီမံကိန်းတွေအထိရှိတဲ့ ကိစ္စရပ်ပေါင်းများစွာ အပေါ်သူတို့ရဲ့ အိုင်ဒီယို လော်ဂျီ အမြင်ကွဲပြားမှုတွေကို ဖုံးကွယ်ဖို့ ခက်ခဲကြောင်း တွေ့ရှိသွားတယ်။ ဒါဟာ ၂ဝ၁၉ခုနှစ်အတွင်း ဆက်ဖြစ် နေဦးမယ့် ဦးတည်ပုံလမ်းကြောင်း (trend) တစ်ခုလည်းဖြစ်ပါတယ်။ သိပ်အံ့သြစရာမရှိတာက အဦးဆုံးရွေး ကောက်ပွဲက အီတလီရဲ့ အနာဂတ်နဲ့ပတ်သက်ပြီး မသေချာမရေရာမှုကို တိုးပွားစေရုံမျှသာ ဖြစ်မယ်ဆိုတာ ပါပဲ။ အဲ့အချိန်အတောအတွင်းမှာပဲ ဥရောပဇုန်ရဲ့ စတုတ္ထမြောက်အကြီးမားဆုံး စီးပွားရေး အင်အားကြီးဖြစ်တဲ့ စပိန်နိုင်ငံကလည်း ပြည်တွင်းရေး ပြဿနာပေါင်းများစွာနဲ့ (လုပ်စရာကိစ္စရပ်ပေါင်းများစွာနဲ့ လုံးလည်ချာလည် လိုက်နေတဲ့ လူနည်းစုအစိုးရအဖွဲ့ကနေ ကတ်တလိုနီးယားဒေသမှာ မကြာခဏဖြစ်ပွားနေဆဲဖြစ်တဲ့ ခွဲထွက်ရေး လှုပ်ရှားမှုတွေအထိ) ရင်ဆိုင်နေရတာဖြစ်တယ်။ ဥရောပသမဂ္ဂဆိုတဲ့ အုပ်စုကြီးရဲ့ အနာဂတ်ကို ပုံဖော်ဖို့ အတွက် ဆင်ခြင်သုံးသပ်နေဖို့ သူ့မှာလည်း ဦးမလှည့်နိုင်ဖြစ်နေတာပါ။

အဲဒီပြဿနာတွေဟာဆိုရင် ဥရောပသမဂ္ဂကနေပြီး မူဝါဒရေးရာပိုင်းမှာ ဆုံးဖြတ်ချမှတ် ဆောင်ရွက်မှုတွေပြု လုပ်ရမယ့် အချိန်တစ်ခုတည်းမှာ ပေါ်ပေါက်နေတာဖြစ်တယ်။ ဒီနှစ်အတွင်း ဥရောပတစ်တိုက်လုံးရဲ့ အပြင်ထန်း ဆုံး အငြင်းပွားငြင်းခုံစရာတွေထဲကတစ်ခုက နောက်လာမယ့် ၂ဝ၂၁ခုနှစ်အထိ အသက်ဝင်အကျိုးသက်ရောက် မှုရှိတဲ့ နောက်ထပ် ၇နှစ်စာ ဥရောပသမဂ္ဂဘတ်ဂျက်ကိစ္စကို သွားပြီးလှည့်ပေးနေဦးမှာပါ။ စိုက်ပျိုးရေး ထောက်ပံ့ ငွေတွေအပြင် ဖွံ့ဖြိုးရေး ရန်ပုံငွေတွေနဲ့ပတ်သက်တဲ့ အရွယ်အစားနဲ့ ဖြန့်ဝေသုံးစွဲပုံတွေအပေါ် အဓိကထားဆွေး နွေးမှုတွေက ဥရောပသမဂ္ဂအတွင်း အပြိုင်အဆိုင်ဖြစ်နေတဲ့ မဟာဗျူဟာ အကျိုးစီးပွားတွေကို ထုတ်ဖော်ဖွင့်ချ မှာဖြစ်တယ်။ ရန်ပုံငွေအသားတင် ရယူကြသူတွေဖြစ်ကြတဲ့ အုပ်စုဝင်တွေက (ဥရောပတောင်ပိုင်းနဲ့ယှဉ်ရင် အရှေ့ဥရော ပဘက်ပိုင်းက အများစုဖြစ်တယ်)တိုးမြှင့်ပေးဖို့ တွန်းအားပေးကြမှာမျိုး ဒါမှမဟုတ် အဓိကအသား တင် ကူညီပံ့ပိုးသူတွေ (ဥရောပမြောက်ပိုင်းက အများစုဖြစ်)က အသုံးစရိတ် ဖြတ်တောက်မှုတွေပြုလုပ်ဖို့ တိုက်တွန်းနေချိန်မှာ အနည်းဆုံးအနေနဲ့ လက်ရှိသုံးစွဲနေမှုအဆင့်ကို ထိန်းထားပေးဖို့ တောင်းဆိုကြမှာဖြစ် တယ်။ ဥရောပကော်မရှင် အဖွဲ့ဝင်သစ်တွေအပြင် ဥရောပဗဟိုဘဏ် (European Central Bank)နဲ့ ဥရော ပကောင်စီဥက္ကဋ္ဌနေရာရာထူးတွေကိုခန့် အပ်ဖို့အတွက် စေ့စပ်ဆွေးနွေးမှုကလည်း အီးယူနိုင်ငံအစိုးရတွေ အကြား အိုင်ဒီယိုလော်ဂျီနဲ့ မဟာဗျူဟာပိုင်းဆိုင်ရာ အငြင်းပွားမှုဆီ ဦးတည်သွားဦးမှာဖြစ်တယ်။ အဲဒီလို စေ့စပ် ဆွေးနွေမှုတွေက အပြည့်အဝ နားလည်သဘောပေါက်မှုတွေ ပြည့်နှက်နေပါတယ်။ ဘာကြောင့်လဲဆို ဥရောပသမဂ္ဂရဲ့ စီးပွားရေး၊ နိုင်ငံခြားရေးနဲ့ ငွေကြေးဆိုင်ရာ မူဝါဒတွေရဲ့အနာဂတ်က ဆွေးနွေးရေးစားပွဲပေါ်ကို ရောက်လာတော့မလို့ပါပဲ။

 

 

လမ်းကြောင်း(၂) –

ပေါ်ပြူလစ်ဇင်ရှိနေတာ လက်ခံရမယ့်    အချက်ဖြစ်နေမှု

မကြာသေးတဲ့ နှစ်ကာလတွေအတွင်း ပေါ်ပြူလစ်ဝါဒီတွေနဲ့ အမျိုးသားရေးဝါဒီ အင်အားစုတွေက အဖွဲ့ဝင်နိုင်ငံအတော် များများမှာ အပြင်းအထန် ချဉ်းနင်းဝင်ရောက်ပြီး စွက်ဖက်မှုတွေပြုလုပ်လာပါ တယ်။ ၂ဝ၁၉နဲ့ နောက်ပိုင်းကာလတွေမှာ အဲဒီအင်အားစုတွေက ရိုးစင်းတဲ့အကြောင်း ပြချက်တစ်ခုနဲ့ အုပ်စုဖွဲ့နိုင်ငံရေး ထဲမှာ လွှမ်းမိုးဖို့ အစဉ်တစိုက် ဆက်လက်ကြိုးစားလာမှာဖြစ်တယ်။ အကြောင်းကတော့ သူတို့ ကြီးထွားမြင့် တက်လာမှုကို ပံ့ပိုးပေးခဲ့တဲ့ အကြောင်းတရားအချက် အားလုံးကတည်ရှိနေဆဲမို့လို့ပါပဲ။ စီးပွားရေးဖွံ့ဖြိုးမှု နိမ့်ကျ နေမှု၊ ဂလိုဘယ်လိုက်ဇေးရှင်းရဲ့ အမှန်ကိုဖုံးကွယ်ထားတဲ့ အကျိုးစီးပွားနဲ့ပတ်သက်ပြီး မယုံသင်္ကာဖြစ်မှု၊ မြင့်တက်လာတဲ့ ဆင်းရဲချမ်းသာ မညီမျှမှု၊ လူဝင်မှုကြီးကြပ်ရေးနဲ့ပတ်သက်လို့ စိုးရိမ်မကင်းဖြစ်နေရမှု၊ လူဦးရေ အပြောင်းအလဲနဲ့ နိုင်ငံ့အချုပ်အခြာအာဏာ ဆုံးရှုံးလာရမှု စတဲ့ကိစ္စရပ်တွေက ဥရောပမှာ လက်ရှိနိုင်ငံရေး၊ စီးပွားရေးအနေအထား အစီအစဉ်ကို မေးခွန်းထုတ်နေတဲ့ နိုင်ငံရေးအင်အားစုတွေအတွက် လုံလောက်ပြည့်စုံတဲ့ အခြေခံအကြောင်း တရားကို ဆက်လက်ထောက်ပံ့ပေးနေဦးမှာ ဖြစ်တယ်။

သဘာဝအားဖြင့်တော့ အဲဒီအင်းအားစုတွေဟာ သိသာထင်ရှားတဲ့ ကန့်သတ်တားဆီးမှုတွေကို ရင်ဆိုင် ရမှာပါ။ ထောက်ခံသူအများက သူတို့သက်ဆိုင်ရာ နိုင်ငံတွေကို ဥရောပသမဂ္ဂနဲ့ ဥရောပဒေသဇုန် အတွင်းမှာပဲ ဆက်လက်ပြီး ရှိနေလိုဆဲပါပဲ။ ဖြစ်ရပ်အကြောင်းတရား အတော်များများရှိနေရင်တောင်မှ ဒီဆန္ဒသဘောက ဥရောပသည်သာ အခရာသဘောဖြစ်တဲ့ Continental project အတွက်ဆိုတဲ့ မွေးရာပါဒေသစွဲ ချစ်မြတ်နိုးမှုက နေ အရင်းတည်လာတာမဟုတ်သလို ဥရောပကနေ နုတ်ထွက်တာနဲ့ မခန့်မှန်းနိုင်လောက်တဲ့ အကျိုးဆက်တွေ ကို ကြောက်ရွံ့တာကြောင့် ဖြစ်ပါတယ်။ အလားတူသဘောက ဥရောပဆန့်ကျင်ရေး စကားမျိုးပြောတတ်ကြတဲ့ နိုင်ငံရေးသမားတွေတောင် လေသံလျော့သွားရတဲ့အထိ သက်ရောက်မှုရှိတယ်။ သူတို့က အဲဒါကို အသုံးချ စရာပါဝါလို့ ယူဆပြီး သေချာခိုင်မာတဲ့မူဝါဒရေးရာ ရွေးချယ်မှုတွေကို ပြုလုပ်ဖန်တီးရမှာဖြစ်တယ်။ ဘာပဲဖြစ် ဖြစ် ပေါ်ပြူလစ်ဝါဒီတွေနဲ့ အမျိုးသားရေးဝါဒီ အင်အားစုတွေကြီးထွားလာမှုက ဥရောပသမဂ္ဂအတွက်တော့ လက်ရှိ သူ့ပုံစံအနေအထားအရ ရှင်သန်ရပ်တည်နေမှုကို အကြီးမားဆုံး ခြိမ်းခြောက်နေတာပဲဖြစ်တယ်။ ပုံမှန်အားဖြင့် ကတော့ ဥရောပသမဂ္ဂက ဘာမှန်းမသိတဲ့အရာနဲ့ပတ်သက်ပြီး ဒါမှမဟုတ် သူတို့အနေနဲ့ ဥရောပအပေါ် မယုံသင်္ကာဖြစ်မှု (Euroskepticism)ကို ပြေလျော့အောင်လုပ် ရင်တောင်မှ ရွေးကောက်ပွဲမှာ အဲဒီဝါဒသမားတွေ အနိုင်ရရှိသွားမှာကို တားဆီးဖို့အတွက်နဲ့တော့ အင်စတီကျူးရှင်းအရ ကန့်သတ်ထားမှုတွေကို အရေးထားမနေ နိုင်ပါဘူး။ ဒီကိစ္စရပ်ကိုပေါင်းစည်းဖို့က ပေါ်ပြူလစ်ဝါဒီနဲ့ အမျိုးသားရေးဝါဒီသမားတွေ ပေါ်ထွက်လာမှုက အောင်မြင်ခါစ တက်ကြွသူတွေနဲ့ ရင်ဆိုင်ယှဉ်ပြိုင်ဖို့အတွက် အလားတူ ရပ်တည်ချက်မျိုးတွေကို အလယ် အလတ် သဘောမျှ နိုင်ငံရေးပါတီတွေကနေပြီး ကျင့်သုံးလာမှဖြစ်မယ်ဆိုတဲ့ အချက်ပါပဲ။

၂ဝ၁၉ကတော့ အဲလိုနိုင်ငံရေးလှုပ်ရှားမှုတွေအတွက် ကြမ်းတမ်တဲ့စမ်းသပ် ချက်ကာလတစ်ခု ဖြစ်ပါလိမ့် မယ်။ ဥရောပသမဂ္ဂအတွက် သတင်းကောင်းက အထွေထွေရွေးကောက်ပွဲ အတော်များများက ဒီနှစ်အတွင်းမှာ ဥရောပတစ်ခွင်လုံးကျင်းပ မှာမဟုတ်နေတာပဲဖြစ်တယ်။ ဒါပေမယ့်လည်း မေလနောက်ဆုံးပတ်မှာ ဥရောပ ပါလီမန်အတွက် ဥပဒေပြုသမားတွေကို ခန့်အပ်တာဝန်ပေးဖို့ ရွေးကောက်ပွဲတွေ နိုင်ငံအလိုက်ကျင်းပရမှာ ဖြစ်တယ်။ ဒီကနေပြီး မဲဆန္ဒရှင်တွေကို သူတို့သက်ဆိုင်ရာ အစိုးရတွေကို အပြစ်ပေးနိုင်ပြီး တည်ဆောက်ရေး ဆန့်ကျင်သူတွေကို ထောက်ခံပေးနိုင်မယ့် စွန့်စားရမှုနည်းပါတဲ့ အခွင့်အလမ်းတွေ ရရှိစေမှာဖြစ်တယ်။ အီးယူ ထောက်ခံရေး အင်အားစုတွေကလည်း ပါလီမန်ကို ဆက်လက်ထိန်းချုပ်နိုင်ဖို့လုပ်မယ်၊ ဒါပေမယ့် ဥပဒေပြုရေး ကဏ္ဍက အပိုင်းပိုင်းပိုဖြစ်သွားလိမ့်မှာဖြစ်ပြီး မူဝါဒရေး ဆွဲရေးလုပ်ငန်းပိုင်းက ပိုပြီးအခက်တွေ့ ဖြစ်သွားစေနိုင် ပါတယ်။ နိုင်ငံရေးပါတီတွေ (တည်ဆဲအာဏာရ အစိုးရပါတီမှာရော၊ အတိုက်အခံဘက်မှာပါ)က မဲပေးပြီနောက် ပိုင်းမှာ သူတို့ရဲ့နိုင်ငံရေး အနာဂတ်တွေကို အစီအစဉ်ရေးဆွဲဖို့ ဖိတ်ကြားမှုတွေပြုလုပ် ရမှာဖြစ်တဲ့အတွက် ကြောင့် ရွေးကောက်ပွဲတွေကနေပြီး ပြည်တွင်းမှာ ဂယက်ရိုက်ထမှုတွေကိုလည်း ဖြစ်လာစေမှာပါ။ ဥရောပ တစ်ခွင်က မဲရုံတွေက (စပိန်လိုမျိုး) အားနည်းတဲ့အစိုးရတွေ ဒါမှမဟုတ် (အီတလီနဲ့ ဂျာမနီမှာလိုမျိုး) ကိုးရိုးကား ရားနိုင်တဲ့ ညွန့်ပေါင်းဖွဲ့မှုမျိုးတွေနဲ့လို အနေအထားမျိုးတွေဆီကို အဦးပိုင်းရွေးကောက်ပွဲတွေကို တွန်းပို့သလိုဖြစ် သွားစေနိုင်တယ်။ စောင့်ကြည်ရမယ့် မဲအနေအထားတစ်ခုကတော့ နိုဝင်ဘာမှာကျင်းပမယ့် ပိုလန်နိုင်ငံရဲ့ရွေး ကောက်ပွဲပါပဲ။ မဲပေးပြည်သူတွေက လက်ရှိအစိုးရကိုပဲဆက်ပြီး ထောက်ခံမဲပေးမလားဆိုတာ ကြည့်ရမှာပါ။ လက်ရှိပိုလန် အစိုးရကလည်း ဥရောပသမဂ္ဂနဲ့ပတ်သက်ပြီး အကျယ်လောင်ဆုံး ဝေဖန်သူတွေထဲမှာ ပိုလန်လည်း ပါဝင်တယ်။

 

လမ်းကြောင်း (၃) –

စီးပွားရေးမှာ ရင်ဆိုင်နေရတဲ့ အန္တရာယ်ရှိနေဆဲ အခြေအနေ

ဥရောပဒေသဇုန် တစ်ခုလုံးအနေနဲ့လည်း ၂ဝ၁၉အတွင်းမှာ စီးပွားရေးနဲ့ပတ်သက်ပြီး စွန့်စားရမယ့် အခြေအနေ အရင်းအမြစ်အနည်းဆုံး ၃ခုကို ကိုယ်တွယ်ဖြေရှင်းရမှာဖြစ်တယ်။ အမေရိကန်သမ္မတ ဒေါ် နယ်ထရမ့် အစိုးရအဖွဲ့နဲ့ပတ်သက်တဲ့ ကုန်သွယ်ရေး ကိစ္စရပ်တွေထဲကမှ အဓိက ပင်စည်က ဥရောပကားထုတ် လုပ်ရေးပေါ် ပိုမိုမြင့်မားတဲ့ အခွန်နှုန်းထားတွေ စည်းကြပ်ပြဋ္ဌာန်းမလားဆိုတာကို စဉ်းစားသုံးသပ်နေတာပဲ ဖြစ်တယ်။ အမေရိကန်စီးပွားရေးဝန်ကြီးဌာနကနေ မော်တော်ကားတင်သွင်းမှုတွေက အမေရိကန်ပြည်ထောင်စု ရဲ့ အမျိုးသားလုံခြုံရေးကို ခြိမ်းခြောက်စရာတစ်ခုဖြစ်,မဖြစ်သုံးသပ်ထားတဲ့ အစီရင်ခံစာတစ်ခုက ပြီးခဲ့တဲ့ ဖေဖော်ဝါရီလလယ်မှာ ထုတ်ပြန်ဖို့ရည်ရွယ်ထားတာပါ။ အိမ်ဖြူတော်က အရေးယူဆောင်ရွက်မယ့် ဆုံးဖြတ် ချက်ချမှတ်ဖို့ ရက်၉ဝအချိန်ရမှာဖြစ်တယ်။ ဥရောပမှာ ယာဉ်ထုက်လုပ်ရေးကဏ္ဍမှာ အဓိကဖြစ်တဲ့ ဂျာမနီနိုင်ငံ ဆိုရင် အဲဒီခြိမ်းခြောက်မှုက လက်တွေ့သာဖြစ်မယ်ဆိုရင် ဆုံးရှုံးမှုတွေသူ့အတွက် အများအပြားဖြစ်လာမှာပါ။ ဒါပေမယ့် ဂျာမနီရဲ့ ထောက်ပံ့ရေး ကွင်းဆက်မှာပါဝင်နေတဲ့ ဥရောပနိုင်ငံ အတော်များများလည်း ခံရမှာပါပဲ။ အဆုံးမှာတော့ ဥရောပသမဂ္ဂဟာ စိုက်ပျိုးရေးကဏ္ဍပါဝင်တဲ့ အလုံးစုံလွတ်လပ်တဲ့ ကုန်သွယ်ရေး သဘောတူညီ ချက်ကို လက်မှတ်ထိုးဖို့ အခက်အခဲဖြစ်နေတာကို တွေ့ကြုံရမှာဖြစ်တယ်။ ဒီသဘောတူချက်ဆိုတာက အိမ်ဖြူ တော်အနေနဲ့ ဥရောပထုတ်ကားတွေအပေါ် မြင့်မားတဲ့ အခွန်နှုန်းထားစည်းကြပ်မှု မပြုလုပ်ဖို့အတွက် အပြန် အလှန်အနေနဲ့ ကြိုးပမ်းလာစေမှာ ဖြစ်တယ်။ ဒါတင်မက အီးယူထုတ်ယာဉ်တွေကို အိမ်ဖြူတော်ကနေ အခွန် နှုန်းပိုမြှင့်ပြီး စည်းကြပ်တာမျိုး လုပ်မယ်ဆိုရင်ဘရပ်ဆဲလ်ကလည်း သူ့နည်းသူ့ဟန် တန်ပြန်ဆောင်ရွက်မှုတွေ အရ ထိခိုက်နစ်နာရမှုကို တုံ့ပြန်လာမှာဖြစ်ပါတယ်။ ကမ္ဘာ့အကြီးမားဆုံး စီးပွားရေးအင်အားကြီး ၃ခုထဲက ၂ခု အကြားက နှစ်ဦးနှစ်ဖက် သဘောတူညီထားတဲ့ ကုန်သွယ်ရေးအပေါ် အကြမ်းဖျင်းအားဖြင့် လျော့ကျသွားစေ မယ့် ရလဒ်မျိုးဖြစ်သွားစေမှာပါ။

Brexit အကျပ်အတည်းကလည်း ဥရောပအတွက် စီးပွားရေးအပေါ် အန္တရာယ်ပေးနိုင်တဲ့ ဒုတိယ မြောက်အကြီးမားဆုံးသော အကြောင်းရင်းမြစ်တစ်ခုဖြစ်တယ်။ ဗြိတိန်ဝန်ကြီးချုပ် ထရီဆာမေ အစိုးရက ပြီးခဲ့တဲ့ နှစ်ကုန်ပိုင်းလောက်မှာ ဘရပ်ဆဲလ်နဲ့ စေ့စပ်ညှိနှိုင်းမှုပြုလုပ်ခဲ့တဲ့ အစီအစဉ်ကို အောက်လွှတ်တော်က ပယ်ချ မယ်ဆိုရင်တော့ ဗြိတိန်အစိုးရက ဥရောပသမဂ္ဂကနေ ပရမ်းပတာဆန်ဆန် ထွက်ပေါက်တစ်ခုကို ရှောင်လွှဲနိုင် မှာဖြစ်တယ်။ ဘာကြောင့်လဲဆိုတော့ အဲဒီအစီအစဉ်ကနေ စေ့စပ်ညှိနှိုင်းမှု အချိန်ကာလကို သက်တမ်းတိုးဖို့ မေတ္တာရပ်ခံနိုင်တယ် (ဒါကလည်း ဥရောပသမဂ္ဂရဲ့ ကျန်တဲ့ အစိတ်အပိုင်းတွေဆီကနေ အားလုံး သဘောတူညီ တဲ့ ထောက်ခံမှုရဖို့လိုအပ်မှာ ဖြစ်တယ်။) ဒါမှမဟုတ် အဲလို မေတ္တာရပ်ခံမှုကို ရုတ်သိမ်းတာမျိုးလည်း ဖြစ်နိုင် တယ် (လန်ဒန်အစိုးရက တစ်ဖက်သက်လုပ်နိုင်တဲ့အရာဖြစ်တယ်။) အဲလို နှောင့်နှေးကြန့် ကြာနေတဲ့အတိုင်း လိုက်လုပ်မယ့် မဟာဗျူဟာတစ်ခုကို လန်ဒန်အနေနဲ့ အကြမ်းသဘောလောက် ချမှတ်မထားရင်တော့ ယူနိုက် တက်ကင်းဒမ်းရဲ့ နုတ်ထွက်မှု လိပ်ခဲတည်းလည်းဖြစ်နေခြင်းက အဓိပ္ပာယ်သိပ်မရှိသလိုဖြစ်မှာပါ။ ဒီကိစ္စက ကနဦး ရွေးကောက်ပွဲပုံစံတစ်ခုလိုဖြစ်နေပြီး ဥရောပသမဂ္ဂအဖွဲ့ဝင်ဖြစ်မှုနဲ့ ပတ်သက်လို့ ဒုတိယအကြိမ် လူထု ဆန္ဒခံယူ ပွဲတစ်ခု ဒါမှမဟုတ် နောက်ထပ်ထွက်ပေါက် အသစ်တစ်ခုလိုဖြစ်ပါတယ်။ (အထူးသဖြင့် လေဘာပါတီ အစိုးရဖြစ်လာတဲ့အခါဆိုရင်) ဒီရွေးချယ်မှုတွေထဲက ဘယ်ဟာမဆိုက Brexit အရေးကို နောက်ရွှေ့သလိုဖြစ် မယ်ဆိုရင် ယူကေနဲ့တခြားနေရာတွေ အားလုံးမှာ မသေချာမရေရာမှုနဲ့ စိုးရိမ်သောက အရင်းအမြစ်အသစ် တွေကို ဖန်တီးလိုက်သလိုလည်း ဖြစ်လာမယ်။

ဖြစ်ပေါ်လာနိုင်မယ့် စွန့်စားရမှု နောက်ဆုံးတစ်ခုကတော့ အရင်အဟောင်းထဲကပါပဲ။ ဥရောပတောင်ပိုင်းရဲ့ အကဲအ ဆတ်မခံတဲ့ စီးပွားရေးအခြေအနေဖြစ်ပါတယ်။ ဒါကလည်း ၂ဝ၁၉ထဲမှာ သူ့နည်းသူ့ဟန် နည်းလမ်း ပေါင်းစုံနဲ့ ပေါ်ပေါက်လာ မယ့်ဟာဖြစ်တယ်။ စိုးရိမ်စေတဲ့အကြောင်းတစ်ခုက အကြွေးတနင့်တပိုး တင်နေတဲ့ နိုင်ငံတွေနဲ့ အဲဒီအကြွေးတွေကို ထိန်းချုပ်ထားတဲ့ဘဏ်တွေအကြား ”အကြွေးနွံသံသရာ” လို့ခေါ်တဲ့အရာပါပဲ။ ဟိုဘက်ဒီဘက် မပြီးဆုံးနိုင်အောင် အဖန်တလဲလဲ လှည့်ခွေနေတဲ့ သဘောမျိုးပါ။ ပြီးခဲ့တဲ့ ဆယ်စုနှစ်တွေတုန်း က ငွေထုတ်ချေးသူ မြီရှင်တွေဟာ ဥရောပဇုန် နိုင်ငံတွေဆီကနေ ငွေတိုက်စာချုပ်တွေကို ပိုပိုပြီး ဝယ်ယူလာ ခဲ့ကြတယ်။ ဒါပေမယ့် အကြွေးဈေးနှုန်းတွေကျတဲ့ အခါကျ အဲဒီငွေတိုက်စာချုပ်တွေကို ကိုင်ထားတဲ့ဘဏ်တွေ က ထိခိုက်ခံစားရတယ်။ အဲလိုမျိုးကို ၂ဝ၁၉အတွင်း စောင့်ကြည့်ရမယ့်နိုင်ငံကတော့ အီတလီပဲဖြစ်တယ်။ ရောမကဥရောပကော်မရှင်နဲ့ ယာယီပြေငြိမ်းမှုရတဲ့ အနေအထားရောက်ရင်တောင်မှ တချို့ဘဏ်တွေက ယူရို ငွေဘီလီယံပေါင်းများစွာနဲ့ ဘာမှမလုပ်ဘဲ ယူထားတဲ့ ချေးငွေပမာဏများစွာကို အီတလီရဲ့ နိုင်ငံခြားကြွေးမြီ အဖြစ် ပိုင်ဆိုင်ထားဆဲဖြစ်မယ်ဆိုရင် သူ့ရဲ့ပြည်သူ့ဘဏ္ဍာရေးပိုင်နဲ့ပတ်သက်တဲ့ ရေရှည်ရပ်တည်နိုင်မှုအပေါ် သံသယဖြစ်နေတာတွေကို သက်သာစေတော့မှာ မဟုတ်ပါဘူး။

ဒါပေမယ့် ဥရောပတောင်ပိုင်းမှာ စီးပွားရေးအနေအထားကို ရှုပ်ထွေးနေစေတဲ့ နောက်ထပ်ကိစ္စရပ်တွေ ရှိနေပါသေးတယ်။ အခုဆိုရင် ECB က သူ့ရဲ့ငွေတိုက် စာချုပ်ဝယ်ယူရေး လွယ်ကူအဆင်ပြေစေမှု အစီအစဉ်ကို အဆုံးသတ်လိုက်ပြီ ဖြစ်တယ်။ ဒီနှစ်မှာ ဥရောပဒေသရဲ့ ကြွေးမြီအတွက် တောင်းဆိုစရာ အရင်းအမြစ် နည်းပါး သွားမယ့်သဘောဖြစ်ပြီး အထူးသဖြင့် မြေထဲပင်လယ် ဥရောပဒေသက အင်အားချည့်နဲ့နေတဲ့ စီးပွားရေး အတွက် ချေးယူရမယ့်ကုန်ကျစရိတ်တွေဟာ အဓိကကျတဲ့ ငွေချေးသူတွေပါ ဝင်ငွေမရှိဘဲ ထိုးတက်သွားနိုင်ပါ တယ်။ တစ်ချိန်တည်းမှာပဲ အီတလီ၊ စပိန်နဲ့ ပြင်သစ်လိုနိုင်ငံတွေလိုက မြင့်မားတဲ့လို ငွေပြမှု အနေအထားဆီဦး တည်သွားမယ့် ၂ဝ၁၉ ဘတ်ဂျက်အစီအစဉ်ကို ကြေညာခဲ့တယ်။ ဒါဟာ ကြွေးမြီအရမ်းများနေပြီးသား နိုင်ငံတွေ အတွက် အလွန့်ကိုအန္တရာယ်များတဲ့ အပြုအမူတစ်ခုဖြစ်တယ်။ ဥရောပဇုန်အတွင်းက စီးပွားရေးအခြေအနေ အတော်များများကတော့ နှေးကွေးကျဆင်းနေပြီးဖြစ်ပါပြီ။ နောက်ထပ် စီးပွားရေးကျဆင်းမှုများ ထပ်ဖြစ် လာမယ်တဲ့အခါ အဲဒီနိုင်ငံတွေဟာ ပြဿနာကို ကိုင်တွယ်ဖြေရှင်းဖို့အတွက် ငွေကြေးအနေအထားက အတော် လေးကို သေးငယ်နည်းပါးသွားမှာတော့ အသေအချာပါပဲ။

 

လမ်းကြောင်း(၄) –

တရုတ်၊ ရုရှားတို့ကနေ ရှုပ်ရှုပ်ထွေးထွေး ချည်နှောင်ထားမှုတွေ

အမေရိကန်နဲ့ ကုန်သွယ်ရေးကိစ္စ အငြင်းပွားမှုတွေအပြင် ဥရောပသမဂ္ဂက တရုတ်နဲ့ ရုရှားတို့လို နိုင်ငံတကာစနစ်ထဲက အခြားအဓိက ပါဝါကြီးနဲ့လည်း လက်တွဲထားရတာတွေရှိမှာဖြစ်တယ်။ လက်ရှိမှာဆို တရုတ်နဲ့အမေရိကကြားက ကုန်သွယ်ရေး စစ်ပွဲက ဥရောပအတွက် အခွင့်အလမ်းဖြစ်စေတယ်။ ဘရပ်ဆဲလ်က ဥရောပရင်းနှီး မြှုပ်နှံမှုအတွက် ဈေးကွက်ဖွင့်ဖို့ တရုတ်ကို ဖိအားပိုပေးနိုင်တဲ့အတွက်ကြောင့် ဖြစ်တယ်။ ဥရောပ က တရုတ်ပြည်တွင်း ကုမ္ပဏီတွေနဲ့ ဥရောပရင်းနှီးမြှုပ်နှံသူတွေ ယှဉ်ပြိုင်ရာမှာ ညီတူညီမျှ အနေအထားမျိုးဖြစ် ဖို့ တရုတ်ကိုအာမခံပေးစေချင်တယ်။ ပြီးတော့ တရုတ်စီးပွားရေးလုပ်ငန်းတွေအတွက် ထောက်ပံ့ကြေးပေးနေ တာကို ဖယ်ရှားပေးစေချင်တယ်။ တရုတ်ကတော့ သူ့စီးပွားရေးမိုဒယ်ကိုသိပ်ပြီး သိသိသာသာ ပြောင်းလဲလို ဟန်မရှိချိန်မှာ အမေရိကန်-တရုတ်ဆက်ဆံရေး နောက်ထပ်ကျဆင်းလာမှု ဘယ်လိုပုံစံမဆိုက တရုတ်ကို ဘရပ်ဆဲလ်ရဲ့ ဖိအားပေးမှုကို လက်ခံလာစေဖို့ ဖြစ်စေနိုင်ပါတယ်။

ဒါပေမယ့် ဥရောပသမဂ္ဂကလည်း သူတို့ဒေသတွင်းမှာ တရုတ်ရဲ့ကြီးထွားလာနေတဲ့ တည်ရှိမှုနဲ့ပတ်သက်ပြီး စိုးရိမ်မှုရှိတယ်။ အထူးသဖြင့် ဘရပ်ဆဲလ်က အရှေ့နဲ့အနောက် ဥရောပဒေသတွင်းက ပေကျင်းရဲ့ရင်းနှီးမြှုပ်နှံမှု အစီအစဉ်တွေနဲ့ပတ်သက်လို့ စိုးရိမ်မကင်းဖြစ်တယ်။ အများပြည် သူထောက်ပံ့ရေးနဲ့ နိုင်ငံတော် အထောက် အပံ့ကိစ္စရပ်တွေမှာ အီးယူချမှတ်ထားတဲ့ စည်းမျဉ်းစည်းကမ်းတွေကို အဆိုပြုလွှာ တချို့က မလိုက်နာတာတွေ ရယ်၊ နောက်ထပ်အနေနဲ့ ကုန်ကျစရိတ်နဲ့ အကျိုးအမြတ် ခွဲခြမ်းစိစစ်မှု ကင်းမှုနေတာတွေကို မနှစ်မြို့မှုမျိုးတွေ ပါ။ အဖွဲ့အုပ်စုကြီးတစ်ခုလုံးအနေနဲ့ စိုးရိမ်နေကြတာက ပေကျင်းရဲ့ တိုးပွားလာနေတဲ့ စီးပွားရေး အစိုင်အခဲကြီး က နိုင်ငံရေးအရ လွှမ်းမိုးမှုဆီကို ပြောင်းလဲလာမှာကိုပဲဖြစ်တယ်။ ဒါက ဥရောပသမဂ္ဂရဲ့ နိုင်ငံရေးဆိုင်ရာ အစိတ် စိတ်အမြွှာမြွှာပြိုကွဲမှုကို ပိုပြီးဆိုးရွားသွားစေမှာဖြစ်လို့ပါပဲ။ ပြောရမယ်ဆိုရင် အဲလိုသူတို့ စိုးရိမ်ကြောက်လန့်မှု က အမှန်တကယ်လည်း ဖြစ်လာနေပါပြီ။ တရုတ်ရင်းနှီးမြှုပ်နှံမှုကို စိုးရိမ်မကင်းထိတ်လန့်နေတဲ့ ချမ်းသာတဲ့ ဥရောပနိုင်ငံတွေလည်း ရနိုင်သမျှ နိုင်ငံခြားရင်းနှီးမြှုပ်နှံမှုကို ကြိုဆိုလက်ခံထားတဲ့ ဆင်းရဲတဲ့ နိုင်ငံတွေနဲ့စပြီး ပြဿနာတွေဖြစ်နေပြီလည်း ဖြစ်ပါတယ်။

တစ်ချိန်တည်းမှာပဲ ဥရောပအုပ်စုတစ်ခုလုံးက ထိရှလွယ်တဲ့နည်းပညာပိုင်းတွေမှာဆို တရုတ်ရဲ့ရင်းနှီး မြှုပ်နှံမှုနဲ့ ပတ်သက်လို့ အတော်လေးသတိထားပြီး စိုးရိမ်နေကြပါတယ်။ ဥရောပသမဂ္ဂအနေနဲ့ တိုက်တစ်ခု လုံးအဆင့်မှာ အားလုံးသဘောတူညီတဲ့ လုပ်ငန်းစဉ်ယန္တရားတစ်ခု တင်သွင်းဖို့ပျက် ကွက်နေပေမယ့် ဂျာမနီ၊ ပြင်သစ်နဲ့ တခြား နိုင်ငံတွေကတော့ အထိအခိုက်မခံနိုင်တဲ့ နည်းပညာပိုင်း၊ အခြေခံအဆောက်အဦ ပိုင်းတွေက တရုတ်အပါအဝင်နိုင်ငံခြား ရင်းနှီးမြှုပ်နှံမှုကို စစ်ဆေးကြည့်ရှုဖို့ လုပ်ငန်းစဉ်ယန္တရားတွေကို အသင့်ပြင်ထား ပြီးဖြစ်တယ်။ အဲလိုပဲ အမေရိကန်ပြည်ထောင်စုက သူ့မိတ်ဖက် ဥရောပနိုင်ငံတွေကို တရုတ်ရင်းနှီးမြှုပ်နှံမှုအပေါ် အားကောင်း ခိုင်မာတဲ့ အတားအဆီးတွေချထားဖို့ ဖိအားတိုးပေးနေတယ်။ မှတ်ဉာဏ်တုခေါ်တဲ့ AIနဲ့ မိုဘိုင်း ကွန်ရက် 5Gလို ကိစ္စရပ်တွေအပါအဝင် အတော်များများနေရာတွေက သုတေသနနဲ့ ကုန်သွယ်မှုကို အဲလိုဖိအား ပေးမှု သက်ရောက်စေမှာဖြစ်တယ်။

အလားတူပဲ အရှုပ်အထွေးဖြစ်မှုတွေက ဒီနှစ်အတွင်းမှာ ဥရောပနဲ့ ရုရှားတို့ရဲ့ဆက်ဆံရေး သက်ရောက်မှု ရှိစေတယ်။ မကြာသေးခင်က ဥရောပသမဂ္ဂကနေပြီး ရုရှားအပေါ် ၂ဝ၁၉နှစ်လယ်အထိ စီးပွားရေးဒဏ်ခတ် ပိတ်ဆို့မှုကို သက်တမ်းတိုးခဲ့ပါတယ်။ ပြီးတော့ ဒါဟာ ယူကရိန်းအရှေ့ဘက်က ပဋိပက္ခကို ဖြေရှင်းဆောင်ရွက် ဖို့အတွက် မျှော်လင့်ချက် ရောင်ခြည်တွေကို မှေးမှိန်သွားစေတဲ့အတွက်ကြောင့် ဒီနှစ်ကုန်ပိုင်း ကာလမတိုင်ခင် အထိ အဲလိုစီးပွားရေးပိတ်ဆို့မှုသက်တမ်းတိုးဖို့က ထပ်ဖြစ်လာနိုင် ဖွယ်လည်းရှိပါတယ်။ အဇော့ပင်လယ် (Sea of Azov) ဝန်ကျင် စိုးမိုးရေးအတွက် ပြိုင်ဘက်တွေက ယှဉ်ပြိုင်နေကြရတဲ့အတွက် ပြိုင်ဘက်ချင်းကြား ပွတ် တိုက်မှုတွေတောင်မှု လျော့ကျသွားနိုင်ပါတယ်။ အလယ်နဲ့ အရှေ့ဥရောပဒေသ နိုင်ငံတွေက ရုရှားအပေါ် သူတို့ ရဲ့တင်းမာတဲ့ ရပ်တည်ချက်ကို ဆက်ထိန်းသိမ်းသွားဖို့ တောင်းဆိုသွားမှာသာဖြစ်တယ်။ ပိုလန်လို ဒေသတွင်း ခေါင်းဆောင် နိုင်ငံကလည်း အမေရိကန်ပြည်ထောင်စုနဲ့ နိုင်ငံရေး၊ စစ်ရေးနဲ့ စီးပွားရေးအရ ပူးပေါင်းမှုတွေကို ပိုမိုအားကောင်းစေဖို့ပဲ ကြည့်တော့မှာပါ။ ဖြစ်လာနိုင်ဖွယ်ရှိတဲ့ ရုရှားရဲ့ရန်လို ခက်ထန်မှုကိုဆန့် ကျင်တွန်းလှန်ဖို့ အတွက် အမေရိကန်ကို ဒေါင်ဒေါင်မြည် အကာအကွယ်ပေး နိုင်သူ မိတ်ဖက်အဖြစ် ရှုမြင်ကြလို့ပဲဖြစ်တယ်။ ပိုလန်၊ ရိုမေးနီးယားနဲ့ အခြားနိုင်ငံတွေဟာဆိုရင် အခြေခံအဆောက်အအုံ စီမံကိန်းတွေ၊ သဘာဝဓာတ်ငွေ့ရည် ဝယ်ယူမှုလို ဆောင်ရွက်မှုတွေကနေတစ်ဆင့် သူတို့ရဲ့စွမ်းအင် အရင်းအမြစ်တွေကို တစ်ခုထက်မက သုံးမျိုး လေးမျိုး ခွဲထုတ်လုပ်ဖို့နည်းလမ်းတွေကို ကြိုးစားရှာဖွေလာမှာဖြစ်တယ်။ ဒါပေမယ့် ဥရောပနိုင်ငံအားလုံးတော့ ရုရှားရဲ့ ခြိမ်းခြောက်မှုကို ခံနေရတာမျိုးတော့မဟုတ်ပါဘူး။ ဂျာမနီတစ်ခုတည်းအနေနဲ့ဆို အငြင်းပွားဖွယ်ရာ North Stream 2 ပိုက်လိုင်းကို ခုခံကာကွယ်နေတယ်၊ ဒါက ရုရှားကနေ ယူကရိန်းကို ဖြတ်သန်းပြီး ဥရောကိုပို့မယ့် ပိုက်လိုင်းဖြစ်တယ်။ ဥရောပသမဂ္ဂ အဖွဲ့ဝင်နိုင်ငံအတော်များများကလည်း ရုရှားနဲ့တင်းမာမှု လျော့ပါးအောင်ပြု လုပ်တဲ့နေရာမှာ ကူညီပေးနေကြပါတယ်။ ဆီးရီးယားကနေ အီရန်အထိ အရေးကိစ္စတွေအပေါ် အခြေခံကျတဲ့ ရပ်တည်မှုတစ်ခုရှာဖွေဖို့နဲ့ ကုန်သွယ်ရေး မြှင့်တင်ဖို့အတွက ဖြစ်ပါတယ်။

ပြဿနာတွေရဲ့ ရင်းမြစ်ဆုံ

ဂရိ၊ အိုင်ယာလန်၊ ပေါ်တူဂီတို့ရဲ့စီးပွားရေး အတိဒုက္ခတွေနဲ့ တခြားအရာတွေက ဥရောပဇုန်ရဲ့ ဆက်လက်ရပ်တည်နေမှုအပေါ် မေးခွန်းတွေထုတ်နေချိန်မှာ ဥရောပသမဂ္ဂက ရုတ်တရက်ပေါ်လာမယ့် ခြိမ်း ခြောက်မှုတွေနဲ့ပတ်သက်ပြီး တူညီတဲ့ပုံစံမျိုးတွေကို ရင်ဆိုင်နေရမှာမဟုတ်ပါဘူး။ ခြိမ်းခြောက်မှုတွေဆိုတာမှာ ဒီဆယ်စုနှစ် အစောပိုင်းကာလတွေအတွင်း ဘဏ္ဍာရေး အကျပ်အတည်း အမြင့်ဆုံးကာလတွေမှာ သူရင်ဆိုင်ခဲ့ ရတာတွေကို ဆိုလိုတာဖြစ်တယ်။ ဒီနေ့ ဥရောပသမဂ္ဂ ရင်ဆိုင်နေရတဲ့ ခြိမ်းခြောက်မှုတွေက သဘောသဘာဝ အားဖြင့် ပိုပြီးပုံစံကျလာတယ်။ ဥရောပဇုန် တည်ဆောက်ရာမှာ ဖြစ်ပေါ်လာတဲ့ ချို့ယွင်းချက်တွေ၊ မကြာသေး ခင်ကဖြစ်တဲ့ ငွေကြေးနဲ့ ရွှေ့ပြောင်းအခြေချ နေထိုင်မှုဆိုင်ရာ အကျပ်အတည်းနဲ့ပတ်သက်ပြီး တာရှည်ဖြစ်နေ တဲ့ လူမှုရေးနဲ့နိုင်ငံရေးဆိုင် ရာမထင်မှတ်တဲ့ ဂယက်ရိုက်ခတ်မှုတွေ၊ ပြီးတော့ ကမ္ဘာ့စူပါပါဝါ နိုင်ငံကြီးတွေကြား က ဆက်လက်ဖြစ်ပွားနေတဲ့ ယှဉ်ပြိုင်မှုတွေ အပါအဝင်ဖြစ်တယ်။ ဒါတွေကနေ ဆိုလိုနိုင်ဖွယ်ရှိတာကတော့ ဥရောပရဲ့ပြဿနာတွေဆိုတာက ပြီးခဲ့တဲ့ နှစ်အနည်းငယ်လောက်အရာလို ချက်ချင်းကြီးဖြစ်နေတာတော့ မဟုတ်ပြန်ဘူး။ ဒါပေမယ့် ဥရောပတိုက်အုပ်စုအတွက် အန္တရာယ်လျော့ပါးသွားစေမှာတော့လည်း မဟုတ်ပြန် ပါဘူး။ အနှစ်ချုပ်အနေနဲ့ပြောရရင် အောက်ပါအတိုင်းတွေ့ရပါတယ်။

– ဥရောပဇုန်ရဲ့ စီးပွားရေး အင်အားကြီး၎ခုထဲက ပြည်တွင်းအတားအဆီးတွေကနေ ဥရောပတိုက် တစ်ခုလုံးနဲ့ ပူးပေါင်းဆောင်ရွက်ရာမှာ သူတို့ရဲ့ စွမ်းဆောင်ရည်ကို ကန့်သတ်သလိုဖြစ်လိမ့်မယ်။

– ၂ဝ၁၉ ခုနှစ်ဟာ ဥရောပသမဂ္ဂအတွက် သူ့ရဲ့လက်ရှိပုံသဏ္ဌာန်အတိုင်း ဆက်လက်တည်မြဲနေဖို့ကို အဓိကခြိမ်းခြောက်နေတဲ့ အမျိုးသားရေးဝါဒီနဲ့ ပေါ်ပြူလစ်ဇင်သမားတွေရဲ့ လှုပ်ရှားမှုအနေအထားကို စမ်းသပ်ရ မယ့်သဘောရှိတယ်။

– စီးပွားရေးအရ စွန့်စားရမှုအန္တရာယ်၊ အမေရိကန်နဲ့ ကုန်သွယ်ရေးဆိုင်ရာ အငြင်းပွားမှုတွေ၊ ဥရောပ တောင်းပိုင်းမှာ Brexit အကျပ်အတည်းနဲ့ စီးပွားရေးအရ အတိမ်းအစောင်းမခံ ဖြစ်နေမှုတွေဟာ ဥရောပသမဂ္ဂ တစ်ခုလုံး ၂ဝ၁၉ထဲမှာ ရင်ဆိုင်ရမယ့် အရာတွေဖြစ်တယ်။

– ဥရောပသမဂ္ဂဟာ မဟာဗျူဟာကျတဲ့ နည်းပညာနဲ့ပတ်သက်ပြီး တရုတ်ရဲ့ဝင်ရောက်လာတာကို ကန့်သတ်ဖို့အပြင် အခြေခံအဆောက်အအုံကဏ္ဍမှာ ပေကျင်းက နေရင်းနှီးမြှုပ်နှံလာတာတွေကို ခုခံတွန်းလှန်ဖို့ အတွက် ပြည်တွင်းပြည်ပ ဖိအားပေးခံရမှုတွေ ဒီတစ်နှစ်လုံးခံရနိုင်တယ်။

(Stratfor Worldview က ဥရောပရေးရာ ဝါရင့်ကျွမ်းကျင်သူ Adriano Bos-oni ရဲ့ Europe’s Four Big Challenges in 2019 သုံးသပ်ချက်ဆောင်းပါးကို ဆီလျော်အောင်ပြန်ဆိုထားတာဖြစ်ပါတယ်။)

ထူးကျော်ဝင်း