ငြိမ်းချမ်းရေး ဝေးသည် မရှိ

အရင်ခေတ်ကတီဗွီမှာ ခဏခဏလာတယ်။ ပညာရေးဝေးသည်မရှိတဲ့။ အဝေးသင်ပညာရေးရဲ့ ဆောင်ပုဒ် ပေါ့လေ။ အဝေးသင်တွေအတွက် စာတွေတီဗွီမှာလွှင့်ခါနီးရင်လာတာ။ သဘောကတော့ ပညာရေးဟာ နီးတယ်ဝေးတယ်ဆိုတာမရှိဘူးပေါ့။ အဝေးကနေသင်ရင်လည်း တတ်တယ်ပေါ့လေ။ စိုပြေတို့လည်း အဲ့ကြော်ငြာကိုယုံပြီး အဝေးသင်ပဲ တတ်ဖြစ်သွားတယ်။ ကြော်ငြာက ကောင်းလွန်းတာကိုး။ စာတကယ် တတ်မတတ်တော့ မသေချာပေမဲ့ ၅၇ ရက်တိတိကြိုးစားလိုက်တာ ဘွဲတစ်ခုရလာတာ အမြတ်ပဲလေ။ အခုနောက်ပိုင်းတော့ စိုပြေလည်း တီဗွီမကြည့်ဖြစ်တော့ အဲ့လိုကြေညာသေးလာမသိဘူး။ ဒါပေမဲ့ အဝေးသင်တွေကတော့ တက်နေကြတုန်းပဲ။ အဲ့လိုပါပဲ။ ငြိမ်းချမ်းရေးဆိုတာကလည်း ဝေးတယ်မရှိ ပါဘူး။ အစိုးရအနေနဲ့ တီဗွီမှာတောင် အဲ့ဆောင် ပုဒ်လေးကို ကြေညာသင့်တယ်။ ငြိမ်းချမ်းရေးဝေးသည် မရှိဆိုပြီးတော့ပေါ့လေ။ ဒါဆိုရင်လူတိုင်း စိတ်ထဲ မှာ ငြိမ်းချမ်းရေးဟာ ဝေးသည်မရှိဆိုပြီး ယုံသွားကြမှာ ပေါ့လေ။

စိုပြေဟာ ဟိုရက်ပိုင်းက သင်တန်းတစ်ခု တက်ရတယ်။ ရုံးကောင်းမှုနဲ့ပေါ့။ ငြိမ်းချမ်းရေးလုပ်ငန်းစဉ် အကြောင်း သင်တန်းပါ။ အဲ့သင်တန်းကို တက်လိုက်တော့မှ ခုနက ဆောင်ပုဒ်ကိုယုံကြည်လာတယ်။ ငြိမ်းချမ်းရေးဝေးသည်မရှိဆိုတဲ့ ဆောင်ပုဒ်ပေါ့လေ။ မြန်မာပြည်ဟာ ၁၉၄၈ ဇန်နဝါရီမှာ လွတ်လပ်ရေး ရတယ်။ ဧပြီလည်းရောက်ရော ပြည်တွင်းစဖြစ်တာပါပဲ။ လွတ်လပ်ပြီးဘဝမှာ သုံးလလောက်ပဲ အေး အေးဆေးဆေးနေလိုက်ရတယ်။ အဲ့ဒီ ၁၉၄၈ ဧပြီလကနေ အခုထိ မြန်မာပြည်အနှံ့မှာ တိုက်ပဲတွေဖြစ်နေ တုန်းပဲ။ ဖြစ်တာမှ နေ့စဉ်ကို ဖြစ်တာ။ ကျည်မထွက်တဲ့နေ့ ဗုံးမကွဲတဲ့နေ့ဆိုတာ မရှိသလောက်ရှားတယ်။ တခါတလေတော့ တိုက်ပွဲမဖြစ်တဲ့ ရက်တွေရှိပါတယ်။ တရုတ်ပြည်သူ့သမ္မတမြန်မာနိုင်ငံ သမ္မတ မစ်စတာရှီကျင့်ဖျင်လာတုန်းကပေါ့။ သူ့ကိုတော့ လူတိုင်းလေးစားကြတယ်ထင်တယ်။ကျန်တဲ့အချိန်တွေ ကတော့ ဖြစ်တာပါပဲ။

ဘာကြောင့် တိုက်ပွဲတွေဖြစ်လဲတော့ မပြောတော့ပါဘူး။ လက်နက်တွေရှိတာကိုး။ လက်နက်တွေရှိနေ ရင်တော့ တိုက်ပွဲက ဖြစ်မှာပဲ။ နို့မို့ဆို လက်နက်တွေ နှမြောစရာကြီး။ အခြားအကြောင်းအရာတွေက လည်း မနည်းမနောပဲလေ။ လူမျိုးရေးကြောင့်၊ ဘာသာရေးကြောင့်၊ ကိုယ်စီကိုင်ဆွဲထားတဲ့ ဝါဒတေ ကြောင့်။ မျိုးစုံပဲပေါ့လေ။ လက်နက်ကိုင်အဖွဲ့တွေကလည်း စုံလင်တာကိုး။ လူမျိုးတိုင်းလိုလိုမှာ လက်နက်ကိုင်အဖွဲ့တွေရှိကြတယ်။ အားကောင်းတဲ့အဖွဲ့တွေရှိသလို အားနည်းတဲ့ အဖွဲ့လေးတွေလည်း အများကြီးပဲ။ အားအကောင်းဆုံးကတော့ မြန်မာစစ်တပ်ပေါ့လေ။ ငြိမ်းချမ်းတဲ့ဒေသဘက်က လူတွေက တော့ အခြားလက်နက်ကိုင်တွေကို သူပုန်တွေလို့မြင်တယ်။ မငြိမ်းချမ်းတဲ့ဒေသက လက်နက်ကိုင်တွေက လည်း မြန်မာတပ်ကို ကျူးကျော်သူလို့မြင်တယ်။ အမြင်တွေကတော့မတူကြဘူးပေါ့။ အရင်ကတော့ လွတ်လပ်ရေးလိုချင်လို့တိုက်ကြတယ်။ အခုတော့လည်း အဲ့လိုမဟုတ်တော့ပြန်ဘူး။ စစ်မှန်သော ဖယ်ဒရယ်စနစ်လိုချင်လို့တိုက်ကြပြန်တယ်။ စစ်မှန်သော ဖက်ဒရယ်စနစ်ဆိုတာ ဘာကြီးလဲ။ သိပ်လည်း ရေရေရာရာမရှိကြပါဘူး။ ဖက်ဒရယ်ဆိုတော့လည်း ဖက်ဒရယ်ပေဲပေါ့။

ဒါပေမဲ့ သေချာသလောက်တော့ တိုင်းရင်းသားတွေဟာလည်း တိုင်းပြည်က မခွဲထွက်ချင်ကြတော့ပါဘူး။ သီးခြားနေပြန်တော့လည်း အဆင်မပြေပြန်ဘူးမဟုတ်လား။ ဘေးကအင်အားကြီးနိုင်ငံတွေကိုကြောက်ရ သေးတယ်။ အခုလည်းကြောက်ရပေမဲ့ ကိုယ့်အမှတ်အသားနဲ့ကိုယ်နေလို့ရသေးတယ်။ တရုတ်လက် အောက်ရောက်သွားရင် တီဗက်လို အူဂါတွေလိုဖြစ်မှာ စိုးရိမ်ရသေးတယ်မို့လား။ ဒါပေမဲ့လည်း တစ်ယောက်နဲ့ တစ်ယောက်။ တစ်ဖွဲ့နဲ့ တစ်ဖွဲ့ကလည်း မယုံကြည်ကြပါဘူး။ လက်နက်ကိုင်အချင်းချင်း လည်း ကြုံရင်ကြုံသလိုတိုက်တယ်။ အစိုးရစစ်တပ်နဲ့လည်း အလျဉ်းသင့်သလိုတိုက်ကြတယ်။

ဒီလိုနဲ့ အရင်အစိုးရလက်ထက်မှာ ငြိမ်းချမ်းရေးဆွေးနွေးကြတယ်။ ၈ ဖွဲ့ အပစ်အခတ်ရပ်ဆဲရေး လက် မှတ်ထိုးတယ်။ ဒီအစိုးရလက်ထက်မှာ နှစ်ဖွဲ့လက်မှတ်ထိုးတယ်။ ကျွမ်းကျင်သူတွေပြောတာကတော့ အဲ့အပစ်ရပ်လက်မှတ်ထိုးထားတဲ့ ၁၀ ဖွဲ့ရဲ့ အင်အားဟာ နည်းနည်းလေးပဲတဲ့။ လက်နက်ကိုင်သူပုန် အားလုံးရဲ့ ၂၀ ရာခိုင်နှုန်းလောက်ပဲရှိတယ်လို့ဆိုတယ်။ ဒါတောင်မှ ရှမ်းလို၊ ကရင်လို အဖွဲ့ကြီးတွေပါ နေလို့။ အခြားအဖွဲ့လေးတွေက NGO သာသာလောက်ရှိကြတာဆိုပဲ။ ကိုယ်ဒေသမှာလည်း နေရာ ခြေကုတ်မရှိ။ လက်နက်ကလည်းမရှိ။ လက်နက်ချဖို့ဆိုရင်တောင် အရင်ဆုံး လက်နက် တပ်ပေးရမယ့် အဖွဲ့တွေ။ ပြည်သူ့စစ်တွေလောက်တောင် အားမတောင့်ဘူးပေါ့လေ။

မြန်မာပြည်မှာကလည်း ပြည်သူ့စစ်တွေက အားကောင်းနေပြန်တယ်။ သူတို့တွေကို စစ်တပ်က ထိန်းချုပ်ထားတယ်ဆိုပေမဲ့ လက်နက်တွေကိုင်ထားတော့ ကြောက်ရတာပါပဲ။ ရွေးကောက်ပွဲ မဲဆွယ် ကာလတုန်းကလည်း ပြည်သူ့စစ်ထိန်းချုပ်ဒေသတွေကို မဲဆွယ်ဖို့မလွယ်ဘူးလေ။ မဲလာဆွယ်တဲ့ အမတ်လောင်းကို လိုက်သတ်လို့ အမတ်လောင်းလည်း ခွေးပြေးဝက်ပြေး ပြေးခဲ့ရသေးတယ်။ ပြီးတော့ မြန်မာပြည်မှာ ပြည်သူ့စစ်အဖွဲ့ပေါင်းက ၅၀၀၀ ဝန်းကျင်လောက်ရှိတယ်လို့လည်း ဆိုပြန်တယ်။ သူတို့ ကတော့ သူတို့ ဒေသမှာ ဂိုဏ်းစတားတွေပဲပေါ့။ အဲ့လို ပြည်သူ့စစ်ကနေ ပုန်ကန်သူဖြစ်သွားတဲ့ အဖွဲ့တွေ လည်းရှိတာပေါ့လေ။ ပြောရရင်တော့ လက်နက်ကိုင် အင်အားရဲ့ ၂၀ ရာခိုင်နှုန်းလောက်ပဲ အပစ်ရပ်လက် မှတ်ထိုးတယ်။ အပစ်ရပ်လက်မှတ်ထိုးထားပေမဲ့လည်း အလျဉ်းသင့်သလို တိုက်ပွဲတွေဖြစ်တယ်။ အပစ် ရပ်လက်မှတ်တောင် မထိုးတဲ့ အင်အားကလည်း မနည်းမနော။ ဒီကြားထဲ ပြည်သူ့စစ်အဖွဲ့တွေကလည်း အများကြီးရှိသေးတယ်။ အစိုးရကတော့ ငြိမ်းချမ်းရေးဆိုတာကြီးရအောင်လုပ်နေတာပဲ။ ၂၁ ရာစု ပင်လုံ တို့ ဘာတွေနဲ့ပေါ့လေ။

ဒါပေမဲ့ ဗိုလ်ချုပ်အောင်ဆန်းပင်လုံစာချုပ် ချုပ်တုန်းက လက်နက်ကိုင်ထားသူမရှိဘူး။ ဒီခေတ်မှာတော့ အကုန်လုံးက လက်နက်တွေကိုယ်စီနဲ့။ စစ်တပ်ရဲ့ သဘောကလည်း တိုင်းပြည်မှာ စစ်တပ်တစ်ခုပဲ ရှိစေ ချင်တယ်။ ကျန်တဲ့အဖွဲ့အကုန်လက်နက်ချ။ လက်နက်ကိုင်တွေရဲ့ သဘောကလည်း လက်နက်ကို မစွန့် လွှတ်လိုဘူး။ လက်နက်လေးနဲ့မှ ဂုဏ်လေးရှိပြီး လုပ်စားကိုင်စားလွယ်တာ။ အစိုးရရဲ့သဘောကလည်း တိုင်းပြည်မှာ စစ်တပ်တစ်ခုမှကို မထားချင်ဘူး။ အာဏာပြန်သိမ်းသွားမှာစိုးရိမ်တယ်။ သူတို့အားလုံးဟာ မျဉ်းပြိုင်တွေဖြစ်နေတာပဲ။ ဆုံမှတ်ဆိုတာမရှိဘူး။ ဒီတော့ ငြိမ်းချမ်းရေးဟာလည်း ဝေးသည်၊ မရှိဘူးလို့ပဲ ဆိုရမှာပေါ့လေ။

စိုပြေ