နိုင်ငံရေးအင်စတီကျူးရှင်း၏ အခြေခံ

 

ကြည့်မြင်သုံးသပ်ခြင်း

နိုင်ငံရေးရည်မှန်းချက်အတွက် တည်ဆောက်သော အင်စတီကျူးရှင်းတစ်ခုအတွင်း အခြေခံလိုအပ်သည်မှာ လူ့ အဖွဲ့အစည်းအား မည်သို့ကြည့်မြင်သုံးသပ်မည် ဆိုခြင်းဖြစ်သည်။ ထိုသို့ကြည့်မြင်သုံးသပ်ပုံ တူညီသည့် အခြေခံပေါ်တွင် အင်စတီကျူးရှင်းကိုတည်ဆောက်ပါမှ အဆိုပါအင်စတီကျူးရှင်းသည် အားရှိသောတောင့်တင်းသော အခြေခံပေါ်တွင်ရပ် တည်နိုင်သည်ဟု ဆိုရမည်။

များပြားလှသော နိုင်ငံရေးအယူဝါဒများ၊ သီအိုရီများ၊ ကမ္ဘာ့အမြင်များ၊ အယူအဆများအနက် မည်သို့ကြည့်မြင် စဉ်းစားမည်ဆိုသည်နှင့်ပတ်သက်၍ အခြေခံကျသည့် အမြင်တစ်ခုကို ဦးစွာတည်ဆောက်ရန်လိုသည်။ ဆိုလိုသည်မှာအဆို ပါ အင်စတီကျူးရှင်းတွင် ပါဝင်လုပ်ကိုင်မည့်သူများ အထူးသဖြင့် ဦးစီးဦးရွက်ပြုကြသူများအနေနှင့် လူ့အဖွဲ့အစည်းတွင်းရှိ ပြဿနာများကို မည်သို့ကြည့်မြင်သုံးသပ်မည်ဆိုသည့် အခြေခံအမြင်တစ်ရပ်ရှိရန်လိုသည်။ လက်ရှိ လူ့အဖွဲ့အစည်းအတွင်း ၌ များပြားလှသော နိုင်ငံရေးအမြင်အယူအဆများစွာရှိနေသည့်ကာလတွင် အခြေခံကျသည့် ကြည့်မြင်မှုတစ်ရပ်ကို ကိုင် စွဲထားကြရန် လိုအပ်ပေသည်။

အခြေခံကျသည့် ကြည့်မြင်မှုအဖြစ် ပထမအချက်အနေနှင့် တည်ရှိနေသော လက်တွေ့အကြောင်းအချက်များကို ပြည့်ပြည့်စုံ စုံမျက်မှောက်ပြုရန်ဖြစ်သည်။ ဆိုလိုသည်မှာ ပြဿနာတစ်ရပ်ကို ကြည့်မြင်သုံးသပ်ရာတွင် တည်ရှိနေသော လက်တွေ့ကျသည့် အကြောင်းအရာများကို ဦးစွာမျက်မှောက်ပြုရန်ဖြစ်သည်။ မျက်မှောက်ပြုသည့် လက်တွေ့ကျသည့် အ ကြောင်းအရာအားလည်း အပေါ်ယံသက်သက်ကြည့်မြင်မှုသည် မှန်ကန်မှုမရှိပေ။ ထို့ပြင် မိမိလိုရာဆွဲ ယူကြည့်မြင်ခြင်း သည်လည်း ထိုအကြောင်းအရာကို မှန်မှန်ကန်ကန် ကြည့်မြင်နိုင်လိမ့်မည်မဟုတ်ပေ။ ပကတိတည်ရှိ နေသောအကြောင်း အချင်းအရာနှင့် ပတ်သက်၍ ခြေခြေမြစ်မြစ် နှစ်နှစ်ကာကာ ကြည့်မြင်ရန်လိုသည်။ ထိုအကြောင်းအရာတွင် ပါဝင်သည့် ဘက်အားလုံးအား သေချာခွဲခြမ်းစိတ်ဖြာရန်လိုသည်။ ထိုပြင် ထိုအကြောင်းအရာနှင့် ဆက်နွယ်ပတ်သက်နေ သည်များကို ချန်လှပ်ပစ်ပယ်ထားခြင်းမရှိဘဲ ထည့်သွင်းအသိမှတ်ပြုပြီး လေ့လာသုံးသပ်ရန်လိုအပ်ပါသည်။ သို့မှသာလျှင်ပကတိတည်ရှိ နေသော ပြဿနာအား တစ်ကယ် တမ်းသိရှိဆုပ် ကိုင်နိုင်ပေလိမ့်မည်။

ဒုတိယအချက်အနေနှင့်ဆိုလျှင် မိမိကိုင်တွယ်ကြည့်မြင် သုံးသပ်သည့် အကြောင်းအရာ၏ ဖြစ်စဉ်သမိုင်းကြောင်း အား ထည့်သွင်းစဉ်းစားသုံးသပ်ရန်ဖြစ်သည်။ မည်သည့် အကြောင်းအချင်းအရာမဆို မိုးပေါ်က ကျလာသည်မဟုတ်ပေ။ ထိုအ ကြောင်းအရာဖြစ်ပေါ်လာခဲ့သည့် သမိုင်းဇစ်မြစ်ရှိသည်။

ဖြစ်ပေါ်လာစေသည်သည့် စေ့ဆော်သည့် အကြောင်းအချင်းအရာများရှိသည်။ ထိုသမိုင်းဇစ်မြစ်ကိုလည်း ထည့် သွင်းသုံးသပ်ကြည့်မြင်ရန် လိုအပ်သည်။ အကြောင်းအရာတစ်ခုနှင့်ပတ်သက်၍ သူ့၏သမိုင်းကြောင်းကို ဖြတ်တောက် ကြည့်မြင်ပါက ပြည့်စုံလုံလောက်လိမ့်မည်မဟုတ်။ ထိုအကြောင်းအရာ မည်သို့ဖြစ်တည်လာသည်ကို သဘောပေါက်နိုင် လိမ့်မည်မဟုတ်ပေ။

သို့ဖြစ်ရာ အင်စတီကျူးရှင်းတစ်ခုကို လက်တွဲတည်ဆောက်ပုံဖော်ကြမည်သူများအတွက် တူညီသောအမြင်တစ်ခု အဖြစ် မိမိတို့ကိုင်တွယ်ဖြေရှင်းမည့် အကြောင်းအရာများနှင့်ပတ်သက်၍ ပကတိတည်ရှိနေသော လက်တွေ့ဘဝအ ကြောင်းအချက်များကို မျက်မှောက်ပြုခြင်း၊ ထိုအကြောင်း အရာများ၏သမိုင်းဇစ်မြစ်ကို ထည့်သွင်းသုံးသပ်ခြင်းကို အ ခြေခံကျသည့် ကြည့်မြင်မှုအဖြစ်ထားရှိရန်လိုအပ်သည်။ ထိုသို့သော ကြည့်မြင်မှုပေါ်တွင် အခြေခံခြင်းအကြောင်း အရာ တစ်ခုသို့မဟုတ် အကြောင်းအချင်း အရာများစွာကို ကြည့်မြင်ခြင်းသည် အကြောင်းအရာများစွာကို ခွဲခြမ်းစိတ်ဖြာ သုံးသပ်ရန်အတွက် ထိုမှတစ်ဆင့် မှန်မှန် ကန်ကန်ဖြေရှင်းရန်အတွက် အခြေခံဖြစ်ပေသည်။ ထိုကြည့်မြင်မှု အခြေခံပေါ်မှာ အင်စတီကျူးရှင်းကို တည်ဆောက်ရန်လိုပေသည်။ အခြေခံကျသည့် ကြည့်မြင်မှု မတူညီသော လူများစုစည်း၍ ညီညွတ်၍ အင်အား တောင့်တင်းသည့် အင်စတီကျူးရှင်းတစ်ရပ် တည်ဆောက်ရန်ခက်ခဲပေသည်။

 

 

ရပ်တည်မှု

ပကတိလက်တွေ့ အကြောင်းအချင်းအရာများကို မျက်မှောက်ပြုခြင်း၊သမိုင်း ဇစ်မြစ်ကို ထည့်သွင်းသုံးသပ်ခြင်း သည် ပြဿနာများကို ခွဲခြမ်းစိတ်ဖြာခြင်း အတွက်အခြေခံဖြစ်သော်လည်း ထိုအချက်များကို အခြေခံ၍ အကြောင်းအချင်း အရာများကို ဖြေရှင်းရန်အတွက် လုပ်ငန်းစဉ်၊ လမ်းစဉ်၊ နည်းနာတို့ကိုစဉ်းစားရန်တွင် ထပ်မံလိုအပ်သော အချက်နှစ်ခုမှာ ရပ်တည်မှုနှင့် အနာဂတ်ကိုကြည့်မြင်မှု ဖြစ်သည်။ ရပ်တည်မှုဆိုသည်မှာ အဆိုပါ နိုင်ငံရေးအင်စတီကျူးရှင်းအား တည် ဆောက်သူတို့အနေနှင့် လူ့အဖွဲ့အစည်းတွင်းတွင် မည်သည့်ဘက်မှရပ်တည်သနည်း ဆိုခြင်းဖြစ်သည်။ လူအဖွဲ့အစည်းအ တွင်းရှိ လူအများစုကြီးဘက်က တကယ်တမ်းရပ်တည်မှု ရှိမရှိဆိုသည်မှာ လွန်စွာအရေးပါ သည့်အချက်ဖြစ်သည်။ အနာ ဂါတ်ကိုကြည့် မြင်မှုဆိုသည်မှာ လူ့အဖွဲ့အစည်း၏ဖြစ်ပေါ်တိုးတက်မှုကို မျှော်တွေးကြည့်ရှုခြင်းဖြစ်သည်။ လူ့အဖွဲ့အစည်းအ တွင်းအဟောင်းတို့သည်ချုပ်ငြိမ်း၍ အသစ်အသစ်တို့သည် အမြဲတစေဖြစ်ထွန်းတိုး တက်နေသည်ဆိုသည့် အနာဂတ်ကို ရှေးရှုသည့် သမိုင်းအမြင်ကိုထားရှိဖို့ဖြစ်သည်။

ထိုသို့ လူအဖွဲ့အစည်းတွင်းရှိ လူအများစုကြီးဘက်မှရပ်တည်မှုနှင့် တိုးတက်သည့် အနာဂတ်ကိုရှေးရှုသည့် သမိုင်းအမြင် အခြေခံပေါ်တွင် အထက်တွင်ဖော်ပြခဲ့သည့် ပကတိလက်တွေ့ကို မျက်မှောက်ပြုခြင်း၊ သမိုင်းဇစ်မြစ်ကို ထည့်သွင်းသုံးသပ်ခြင်းစသည့် ကြည့်မြင်မှုနှင့်ပေါင်းစပ်ပါက ထိုအကြောင်းအချင်းအရာ မှန်မှန်ကန်ကန် ဖြေရှင်းနိုင်ရန်အ တွက် လုပ်ငန်းစဉ်၊ လမ်းစဉ်၊ ပေါ်လစီ၊ နည်းပရိယယ်တို့ကိုမှန်ကန် စွာသုံးသပ်ရေးဆွဲနိုင်ပေလိမ့်မည်။

 

မူဝါဒ၊ လုပ်ငန်းစဉ်၊ ပေါ်လစီ

သို့ရာတွင် ယနေ့ကာလ၌ နိုင်ငံရေးသီအိုရီများ၊ ကမ္ဘာ့အမြင်များ၊ အယူအဆများနှင့်ပတ်သက်၍ ရောထွေးယှက် နွယ်နေပေရာ အင်စတီကျူးရှင်းတစ်ခုကိုထူထောင် မည့်သူများအနေနှင့် တူညီသောကြည့်မြင်မှုဆိုသည်ကို ဦးစွာသဘော တူညီမှုရယူရန် ခက်ခဲပေသည်။ သို့ဖြစ်ရာ နိုင်ငံရေးအင်စတီကျူးရှင်း တည်ဆောက်မည့်သူများသည် တူညီသည့် ကမ္ဘာ့အ မြင် (ဝါ) ပြဿနာအား ကြည့်မြင်သုံးသပ်သည့်အခြေခံပေါ်တွင် စုစည်းမှုမပြုကြပေ။ ယနေ့ခေတ်ကာလတွင် နိုင်ငံရေး အင်စတီကျူးရှင်းများအား တူညီသောနိုင်ငံရေး ရည်မှန်းချက်များပေါ်တွင်စုစည်းကြသည်ကိုတွေ့ရသည်။ ထို့သို့သော အင်စတီကျူးရှင်းများသည် တူညီသော ကမ္ဘာ့အမြင်ပေါ်တွင် စုစည်းသည်ထက် လတ်တလော နိုင်ငံရေးရည်မှန်းချက်ပေါ် တွင် စုစည်းခြင်းဖြစ်ရာ တဖက်ကပြောလျင် လက်တွေ့ကျသည်ဟု ဆိုနိုင်သည်။သို့သော် တဖက်ကကြည့်လျှင် နိုင်ငံရေး အခြေအနေရှုပ်ထွေးလျှင်သော် လည်းကောင်း၊ နိုင်ငံရေးအရ အခြေအနေများအပြောင်းအလဲ ဖြစ်လျှင်သော်လည်းကောင်း အင်စတီကျူး ရှင်းအတွင်း မတူကွဲပြားသောအမြင်များ ပေါ်ထွက်ခြင်းအား ရှောင်လွှဲ၍မရနိုင်ပေ။

ဤသို့ အခြေခံကျသည့် ကြည့်မြင်မှု သုံးသပ်မှုနှင့်ပတ်သက်၍ တူညီမှုရရှိသည့် အပေါ်မှနေ၍ အင်စတီကျူးရှင်း တည်ဆောက်သည်ဖြစ်စေ၊ တူညီသောရည်မှန်းချက်များပေါ်မှနေ၍ အင်စတီကျူးရှင်းတည်ဆောက်သည်ဖြစ်စေ နောက်တ ဆင့်ဆောင်ရွက်ရန်လိုအပ်သည်မှာ အင်စတီကျူးရှင်းအား ဦးစီးဦးရွက်ပြုမည်သူများအနေနှင့် အင်စတီကျူးရှင်း၏ မူဝါဒ များ၊ ပေါ်လစီများ ချမှတ်ကြရန်ဖြစ်သည်။ မည်သို့ပင် အခြေခံကျသည့်အမြင်တူညီသည် သို့မဟုတ် နိုင်ငံရေးရည်မှန်း ချက်တူညီသည်ဆိုစေကာမူ လက်တွေ့ကျကျလုပ်ဆောင်ရမည့် ခြေလှမ်းများဖြစ်သည့် မူဝါဒများ ပေါ်လစီများချမှတ်ရာတွင် ကွဲလွဲမှု ရှိတတ်သည်ကိုတော့ ရှောင်လွှဲ၍မရပေ။

ဤတွင်တွေ့ရသည်မှာ  အခြေခံကြည့် မြင်သုံးသပ်ပုံတူညီပါက ညှိနှိုင်းဆုံးဖြတ်ရန် လွယ်ကူပေသည်။ သို့ရာတွင် အခြေခံကြည့်မြင်ပုံ သုံးသပ်ပုံမတူပါက ညှိနှိုင်းဆုံးဖြတ်ရန် မလွယ်ကူလှပေ။ သို့သော် နိုင်ငံရေးရည်မှန်းချက်တူညီပါက လည်း မတူညီမှုများကို ညှိနှိုင်း၍ရနိုင်ပါသည်။ သို့သော် ထိုသို့ညှိနှိုင်းနိုင်မှုများသည့် အကန့်အသတ်မဲ့တော့မဟုတ်။ အ ကန့်အသတ်ရှိသည်။

မည်သို့ပင်ဖြစ်စေ ယနေ့ခေတ်နိုင်ငံရေးအင်စတီကျူးရှင်းတစ်ရပ်တည်ဆောက်ရာတွင်  မူဝါဒများ၊ ပေါ်လစီများ သည် အရေးပါသောနေရာတွင်ရှိသည်။ အခြေခံကျသည့် ကမ္ဘာအမြင်ပြဿနာအားရှောင်လွှဲ၍ တူညီသော နိုင်ငံရေးရည် မှန်းချက်ဖြင့် စုစည်းသည်ဖြစ်စေကာမူ တူညီသောမူဝါဒနှင့် ပေါ်လစီကို ရှောင်လွှဲ၍မရပေ။  အင်စတီကျူးရှင်းတစ်ခုသည် မူဝါဒများ၊ ပေါ်လစီများပေါ်တွင် တည်ဆောက်ရပေမည်။ ထို မူဝါဒများပေါ်လစီများဖြင့် ရှင်သန်လှုပ်ရှားရမည်ဖြစ်သည်။ သို့ဖြစ်ရာ ယနေ့ကာလတွင် မူဝါဒများ၊ ပေါ်လစီများသည် အင်စတီကျူးရှင်းတစ်ရပ်အတွက် အခြေခံဖြစ်နေပေတော့သည်။

သို့ဖြစ်ရာ ယနေ့ကာလ၌ နိုင်ငံရေးအင်စတီကျူးအားတည်ဆောက်ရာတွင် အခြေခံမှာတူညီသော နိုင်ငံရေး ရည်မှန်းချက်တစ်ရပ်အား အကောင်အထည်ဖော်မည့် ရှင်းလင်းပြတ်သားသည့် မူဝါဒ၊ လုပ်ငန်းစဉ်၊ လမ်းစဉ်၊ ပေါ်လစီတို့ အား အဆိုပါအင်စတီကျူးရှင်း တည်ဆောက်မည်သူတို့က ရေးဆွဲနိုင်ရေးဖြစ်ပေသည်။ ထိုသို့ရေးဆွဲထားသော မူဝါဒများ နှင့် အင်စတီကျူးရှင်းအား မောင်းနှင်ကြသည်။

ထိုသို့အခြေခံပေါ်တွင် အင်စတီကျူးရှင်းအား တည်ဆောက်မည်ဆိုလျှင်ကနဦးလိုအပ်သည်မှာ အဆိုပါ အင်စတီ ကျူးရှင်းအား ခေါင်းဆောင်မည့်သူများ၊ အင်စတီကျူးရှင်း၏ ပေါ်လစီများကို ဦးဆောင်အကောင်အထည်ဖော်မည့် သူများ သည် အဆိုပါမူဝါများ၊ ပေါ်လစီများကို အာမခံ နိုင်စွမ်းရှိရပါမည်။ နောက်တစ်ဆင့်တက်၍ ပြောရလျှင် အင်စတီကျူးရှင်း၏ အဆင့်ဆင့်တွင် တာဝန်ယူကြသူများသည် မိမိအင်စတီကျူးရှင်း၏ မူဝါဒပေါ်လစီများကို ကောင်းစွာသဘောပေါက်နား လည်ပြီး ထိုမူဝါဒများအတိုင်းရပ်ခံနိုင်ရမည်။ ထိုပေါ်လစီများကို အကောင်အထည်ဖော်နိုင်မှု ရှိရပေမည်။ သို့မှသာ အဆိုပါ အင်စတီကျူးရှင်းသည် မူဝါဒများ၊ ပေါ်လစီများပေါ်တွင် အခြေခံတည်ဆောက်ထားသည်ဟု ဆိုနိုင်ပါမည်။

သို့သော် ထိုသို့တည်ဆောက်ထားသော အင်စတီကျူးရှင်းများသည် ပြည်တွင်းပြည်ပ နိုင်ငံရေးအခြေအနေများ ပြောင်းလဲသောအခါ မူဝါဒ၊ လမ်းစဉ်၊ ပေါ်လစီများကို ပြောင်းလဲရန်လိုအပ်လာသောအခါ အသစ်ချမှတ်မည့်မူဝါဒ၊ လမ်းစဉ်၊ ပေါ်လစီများနှင့်ပတ်သက်ပြီး အင်စတီကျူးရှင်းအတွင်း အငြင်းပွားမှုများ ကြုံတွေ့ရလေ့ရှိသည်။ တခါတရံ ထိုသို့သောအ ငြင်းပွားမှုများသည် ပြင်းထန်ပြီး အင်စတီကျူးရှင်းပင် နှစ်ခြမ်းကွဲသွားသည်ကို တွေ့ရသည်။ ဤသို့ ဖြစ်ရသည်မှာ လူ့အဖွဲ့အစည်းအား ကြည့် မြင်ပုံမတူကြ၍ စေ့စပ်မရအောင် ကွဲလွဲ သွား၍ဖြစ်သည်။

ထို့ကြောင့်လည်း အင်စတီကျူးရှင်း တည်ဆောက်ရာတွင် နိုင်ငံရေးရည်မှန်း ချက်တစ်ခုပေါ်တွင် စုစည်းသော အင်စတီ ကျူးရှင်းများတွင် ထိုသို့သော ပြဿနာကို အများဆုံး တွေ့ရလေ့ရှိသည်။ ကြည့်မြင် သုံးသပ်မှု အခြေခံပေါ်တွင် စုစည်းသည့် အင်စတီကျူးရှင်းများတွင် တွေ့ရမှုနည်းသည်။ သို့ဖြစ်ရာ နိုင်ငံရေးအင်စတီကျူးရှင်းတစ်ခုအား တည်ဆောက် ခြင်းသည် အကျိုးစီးပွားတစ်ခုကိုရှေးရှုသည့် အင်စတီကျူးရှင်းနှင့် ကွဲပြားခြားမှုရှိသည်မှာ လူ့အဖွဲ့အစည်းအား ကြည့်မြင် သုံးသပ်ပုံပေါ်တွင်အခြေခံရန်လိုအပ်ခြင်းဖြစ်သည်။ လူ့အဖွဲ့အစည်းအား ကြည့်မြင်သုံးသပ်ပုံပေါ်တွင် အခြေခံသည့်နိုင်ငံရေး အင်စတီကျူးရှင်းသည်သာလျှင် ပြောင်းလဲနေသော အခြေအနေနှင့်အမီလိုက်နိုင်ပြီး အင်စတီကျူးရှင်းအတွင်း ညီညွတ်မှု ကိုကောင်းစွာ တည်ဆောက်ထားနိုင်ပေလိမ့်မည်။

သို့ဖြစ်ရာ နိုင်ငံရေးအင်စတီကျူးရှင်း တစ်ရပ်တည်ဆောက်ရာတွင် လက်ငင်း အခြေအနေနှင့်ကိုက်ညီသည့် မူဝါဒ၊ လုပ်ငန်းစဉ်၊ ပေါ်လစီများလိုအပ်သည်မှမှန်သော်လည်း အခြေခံအကျဆုံးအရာမှာ လူ့အဖွဲ့အစည်းအား ကြည့်မြင်သုံး သပ်ပုံဖြစ်သည်ကို တွေ့ရပေသည်။ သို့သော် ယနေ့ကာလ နိုင်ငံရေးအင်စတီကျူးရှင်းများကား လတ်တလော နိုင်ငံရေး ရည်မှန်းချက်ပေါ် အခြေပြုသည့် မူဝါဒ၊ လမ်းစဉ်၊ ပေါ်လစီများပေါ်တွင် အခြေခံ၍ တည်ဆောက်နေသည်ကတော့ ယနေ့ ကာလ၏ အရှိတရားဟု ဆိုရပါမည်။

မောင်မောင်စိုး