နိုင်ငံရေးအောက်လမ်းနည်းများက ပေးမည့်ရလဒ်

 

နိုင်ငံရေးသည် ပင်ကိုအားဖြင့် မွန်မြတ်ကောင်းမွန်သည့် အရာဖြစ်သော်လည်း နိုင်ငံရေးမှ တစ်ဆင့်ပေါ်ပေါက်လာ သည့် အာဏာကို ရယူလိုကြရာမှတစ်ဆင့် နိုင်ငံရေးကို ညစ်ပတ်သော နည်းလမ်းများ၊ အောက်တန်းကျသော နည်းလမ်း များသုံး၍ အာဏာနိုင်ငံရေး တည်ဆောက်ကြခြင်းကြောင့် နိုင်ငံရေးသည် နာမည်ပျက်ရပေသည်။ မည်သည့် နိုင်ငံရေးစနစ် သုံးသည့် မည်သည့် နိုင်ငံမဆို နိုင်ငံရေးအာဏာအတွက် ညစ်ပတ်ခြင်း၊အောက် တန်းကျသော နည်းလမ်းများသုံးခြင်းတို့ကို ကမ်္ဘာ့သမိုင်း, မြန်မာ့သမိုင်းတွင် တွေ့ရှိနိုင်ပါသည်။ ယနေ့ထိလည်း တွေ့ရှိနေရဆဲဖြစ်ပါသည်။

အမြစ်တွယ်နေသည့် စနစ်တစ်ရပ်ကိုဖြိုဖျက်ရန် ခက်ခဲပါသည်။ မြန်မာလူထုသည် နှစ်၅၀ကျော်ကြာ အမြစ်တွယ် လာသည့် စစ်အာဏာရှင်စနစ်နှင့် စစ်အာဏာရှင်စနစ်ကို အသွင်ပြောင်းလိုက်သည့် တစ်ပါတီ အာဏာရှင်စနစ်ကို ၁၉၆၂မှ ယနေ့ထိတိုင် အသက်သွေးချွေးဘ၀များ ပေးဆပ်၍ တိုက်ဖျက်နေခဲ့ကြရပါသည်။ ၂၀၁၆တွင် ပြည်သူတင်မြှောက်သည့် အန်အယ်လ်ဒီ အစိုးရတက်လာသည် ဆိုစေကာမူ အာဏာရှင်စနစ်ဆိုးကပေးခဲ့သည့် ၀န်ထုပ်ဝန်ပိုးဆိုးမွေများသည် ပုံစံမျိုး စုံဖြင့်ကျန်ရစ်ခဲ့သည်ကို အန်အယ်လ်ဒီအစိုးရ လက်ခံခဲ့ရခြင်းဖြစ်ပါသည်။

အန်အယ်လ်ဒီ၏ အမျိုးသားရင်ကြားစေ့ရေးမူအရ တပ်မတော်ကိုပျော့ပျောင်းစွာ အလျှော့ပေးဆက်ဆံနေသည် ဟု အားမလို အားမရ ဖြစ်ကြသူများရှိကြပါသည်။ သို့သော် အန်အယ်လ်ဒီ ပါးနပ်လှ၍သာ အရပ်သားအစိုးရ ယခုထိသက် ဆိုးရှည်နေခြင်း ဖြစ်ကြောင်း လတ်တလောဖြစ်ပေါ်နေသည့် ဖွဲ့စည်းပုံပြင်ဆင်ရေးနှင့် အမျိုးဘာသာ သာသနာကိစ်္စများက သက်သေခံလာပါသည်။ ၂၀၂၀ပြည့်နှစ် ရွေးကောက်ပွဲနီးလာသည်နှင့်အမျှ အာဏာပြန်ရလိုသူများဘက်က မသေချာမရေ ရာသည့် အခြေအနေကို ထိုသူများ ကောင်းစွာနားလည်လာ ပုံရပါသည်။ သို့ဖြင့်တစ်ဖက်တွင် ဖွဲ့စည်းပုံပြင်ဆင်ရေး၌ ၅၉(စ)ကဲ့သို့သော ပုဒ်မများကို မပြင်ဆင်နိုင်ရေးအပြင် ဗဟိုအစိုးရလက်တွင် ၂၀၀၈ ဖွဲ့စည်းပုံအရ ရရှိထားသည့် လုပ်ပိုင်ခွင့်များကို လျှော့ချရန်ပြင်ဆင်မည့် ဥပဒေများကိုသာ တစ်ဖက်ကတင်သွင်းလာသည်ကို တွေ့မြင်နိုင်ကြပါသည်။

အာဏာရှင်စနစ်ဖြင့်  အာဏာရှင်များက မြန်မာနိုင်ငံကို အုပ်ချုပ်နေစဉ် တစ်နေ့ မည်သည့်အစိုးရ တက်လာသည် ဖြစ်စေ၊ မည်သည့်ပါတီ တက်လာသည်ဖြစ်စေ သူတို့အတွက် နောက်ကျောလုံမှုကို အခိုင်အမာ တည်ဆောက်ထားကြောင်း ကြည့် တတ်မြင်တတ်ပါက အထင်းသားမြင်ရပါ မည်။ စိုက်ပျိုးရေးကိုအားထားရသည့်နိုင်ငံမှ လယ်မြေများ အများစုသိမ်း ယူထားသည်။ စီးပွားရေးလုပ်ငန်းမျိုးစုံ ထူထောင်ထားပြီး ထိပ်ပိုင်းအာဏာရှင်များက ချုပ်ကိုင်ထားသည်။ တိုင်းပြည်တစ် ပြည်တွင် မြေနှင့်ငွေကို အစိုးရမဟုတ်သည့် အဖွဲ့အစည်းက ချုပ်ကိုင်ထားပြီးသည့်အပြင် အစိုးရမဟုတ်သည့် အဆိုပါ အဖွဲ့အစည်းသည် အရေးကြီးသည့် တချို့သော အာဏာများကိုလည်း ၂၀၀၈ ဖွဲ့စည်းပုံအရ ရရှိထားသည်။ သည် လိုအနေအထားတွင် အရပ်သားအစိုးရအဖြစ် ရပ်တည်ရသည့် မည်သည့်အစိုးရ ဖြစ်စေ ဘေးကျပ်နံကျပ်လမ်းပေါ်လျှောက် နေရမည်သာ ဖြစ်ပါသည်။

အန်အယ်လ်ဒီအစိုးရအနေဖြင့် တချို့ မှားယွင်းသော လူရွေးချယ်မှုနှင့် အားနည်းသည့် မူဝါဒများက ထပ်နှောင့် လိုက်သည့်အခါ အစိုးရ၏ရုပ်လုံး ကြွတက်မလာဘဲ ရုပ်ပုံသေသဖွယ် ရှိမှန်းပင်မသိရသည့် အစိုးရဟု တချို့က ဝေဖန်လာ သည်ထိ နှုတ်ဆိတ်သည့်အစိုးရ ဖြစ်လာပါတော့သည်။ သို့သော် မိုက်ကယ်ကျော်မြင့်ကိစ်္စနှင့် ဦးဝီရသူကိစ်္စ သာသနာရေး ၀န်ကြီးဌာနနှင့် အစိုးရ ကိုင်တွယ်ပုံကတစ်ဆင့် ပါးနပ်သော အစိုးရဖြစ်ကြောင်းပြသခဲ့ပါသည်။

အာဏာပြန်ရရန် အားထုတ်သူဘက်ကိုလေ့လာကြည့်ပါက ပါတီခေါင်းဆောင်ချင်း အရည်အသွေး ယှဉ်ပြိုင်နိုင် စွမ်းမရှိပေ။  လူထုယုံကြည် ထောက်ခံမှုတွင်လည်းမယှဉ် နိုင်ပြန်ပေ။ သို့ဖြင့် ပညာအရ၊ လူ့အရည်အ သွေးအရ၊ လူထု ထောက်ခံမှုအရ မယှဉ်ပြိုင်နိုင်သည့် နိုင်ငံရေးအတွက် အောက်လမ်းနည်းသုံးရန်မှအပ တခြားမရှိပြီ။ လူမျိုးရေး၊ ဘာသာရေးမှိုင်းလောက်ကိုတော့ လူထုက နောကျေနေပြီဖြစ်ကြောင်း ၂၀၁၅ ရွေးကောက်ပွဲရလဒ်က ပြသပေးခဲ့သည့်တိုင်  အာဏာအောက်လမ်းနည်းသမားများ နားလည်ပုံမရဟုထင်လျှင် တက်တက်စင်မှားပါလိမ့်မည်။ နားလည်ပါသည်။ နားလည်၍သာ လူမျိုးရေး၊ ဘာသာရေးနည်းကို ဆက်သုံးခြင်းဖြစ်ပါသည်။

တောင်ဒဂုံတွင် အစ်္စလမ်ဘာသာဝင်များ ဥပုသ်လဖြစ်၍ သူတို့ယုံကြည်ရာ ဘာသာရေးအရ ၀တ်ပြုဆုတောင်း ခြင်း၊ ဥပုသ်ဖြေခြင်းတို့ ပြုလုပ်သည်ကို ပလီဆောက်တော့မည်ဟု ဟစ်ကြွေးလျက် မိုက်ကယ် ကျော်မြင့်နှင့် အဖွဲ့က ညဘက်ပြဿနာလုပ်သည်။ အစ်္စလမ်ဘာသာဝင်များဘက်က ခေါင်းငုံ့ခံလိုက်သောကြောင့် ဆက်ပြီးပြဿနာ ရှာမရတော့ ပေ။ ထို့ပြင်ရပ်ကွက်လူထုက မိုက်ကယ်ကျော်မြင့်တို့ကို လက်မခံ။ အကယ်၍ တစ်ဖက်ဘာသာဝင်များက ဒေါသ ဖြင့်တုံ့ပြန်ခဲ့ပါက ထိုညသည် တောင်ဒဂုံတွင်ကြီးမားသည့် လူမျိုးရေးဘာသာရေး ပဋိပက်္ခကြီးအဖြစ် အသင့်စောင့်နေမည့် မည်သည့်အရပ်က ရောက်လာမှန်းမသိရ သည့် လူစုကြီးရောက်လာမည်။ ရိုက်ကြ၊ နှက်ကြ၊ ၀တ်ပြုမည့် နေအိမ်များကို ၀င် ရောက် ဖျက်ဆီးကြလုပ်မည်။ ရပ်ကွက်ထဲမှ ဘုမသိဘမသိဝင်ပါမည့် ရိုးသားသော လူငယ်များကို ဆူပူဖျက်ဆီးသူများ အဖြစ် ဖမ်းမည်။ မည်သည့်အရပ်က ရောက်လာမှန်း မသိရသူများက ကိုယ်ယောင် ဖျောက်သွားမည်။ အကယ်၍ သည် အစီအမံသာအောင်မြင်ခဲ့ပါက အန်အယ်လ်ဒီအစိုးရသည် ပြည် တွင်းပြည်ပမှ ဝေဖန်အပြစ်တင်မှုမျိုးစုံကိုဖြေ ရှင်းရပေမည်။ ဤတွင် ၁၀ပါတီအဖွဲ့က သော်လည်းကောင်း၊ ၁၅ပါတီအဖွဲ့က သော်လည်းကောင်း လက်ရှိအစိုးရသည် တိုင်းပြည်လုံခြုံ ရေးကို တာဝန်မယူနိုင်တော့ ကြောင်း ထင်ရှားနေပါသည်။ ကာ/လုံခေါ်ပါ။ ပြည်သူများ ဆက်အားမကိုးသင့်သည့် အစိုးရ ဖြစ်၍ ၂၀၂၀တွင် ကျွန်တော်တို့ကို မဲပြန်ပေးပါ…စသည့် ကြေညာချက် ထွက်လာပေမည်။ သို့သော် လူမျိုးရေး၊ ဘာသာရေး မီးမွေးနေသူများသည် မြန်မာလူထုမဟုတ်ကြောင်း နိုင်ငံရေးပါးနပ်ရုံသာမက လက်မည်းတို့၏ လက်စလက်နကို ကောင်းစွာသိနေသည့် မြန်မာလူထုက အစ်္စလမ်ဘာသာဝင်များကို နှင်းဆီဖြူကမ်းသည့် လှုပ်ရှားမှု တစ်ခုပြုလုပ်လိုက် ပါသည်။ သို့ဖြင့် မိုက်ကယ်ကျော်မြင့် အမှူးပြုသည့် မီးမွေးသူများအဖွဲ့ ပက်လက်လန် သွားရ ပြန်ပါသည်။ သက်ဆိုင်ရာက ဖမ်းဆီးသည့် အခါ မိုက်ကယ်ကျော်မြင့် ခြေရာဖျောက် ထွက်သွားလေပြီ။

ဦးဝီရသူသည် သင်္ကန်းဝတ်ထားသော်လည်း ဗုဒ္ဓတရားနှင့် လားလားမျှ မဆိုင်သည့် အကြောင်းများကို လူထုဟော ပြောပွဲများအဖြစ် ဟောပြောခဲ့သည်မှာ ကြာခဲ့ပါပြီ။ ရဟန်းတစ်ပါးအနေဖြင့် မည်သည့်အမှု ကျူးလွန်မှ ရဟန်းဘ၀မှ ပျက်ပြယ်ကြောင်း ၀ိနည်းအရ ထောက်ပြကြပါသည်။ ဆိုလိုသည်မှာ နိုင်ငံတော်၏ အတိုင်ပင်ခံပုဂ္ဂိုလ်ကို ပုတ်ခတ်ပြောဆို ခြင်းသည် ဖရုသ၀ါစာ (ရုန့်ရင်းကြမ်းတမ်းသောစကား) ကိုဆိုခြင်း မျှသာဖြစ်ပြီး ရဟန်းသိက္ခာပုဒ်မကျိုးမပေါက်ပေ။ သို့သော် မြန်မာဗုဒ္ဓဘာသာ ရဟန်းတစ်ပါးသည် ရဟန်းတစ်ပါးအနေဖြင့် ဒကာမကြီး ဒေါ်အောင်ဆန်းစုကြည် လမ်းမှားနေ ပါက မေတ္တာဖြင့် ထောက်ပြ ဆိုဆုံးမခွင့်ရှိပါသည်။ သူ၏ ကိုယ်ရေးကိုယ်တာ အမူအရာများကို သိမ်သိမ်ဖျင်းဖျင်းပုံစံဖြင့် မည်သည့်ရဟန်းမျှ လူပုံအလယ်တွင်မိန့်ကြားမည် မဟုတ်ပါ။

ဦးဝီရသူသည် စာချဘုန်းကြီးတစ်ပါး၊ ဗုဒ္ဓစာပေ ကျမ်းဂန်တတ်မြောက်သူဘုန်းကြီး တစ်ပါးဖြစ်၍ အဘယ်ကြောင့် ဘုရားအဆုံးအမ တရားတော်များကို သိနားလည်သူ ရဟန်းတစ်ပါးက ဤသို့ ပုံပျက်ပန်းပျက် လူထုရှေ့မှောက်ထွက်လာ လေသနည်း၊ တာဝန်ရှိသူများ ဆန်းစစ်လေ့လာကြရမည်သာဖြစ်ပါသည်။ ထို့ကြောင့် သာသနာရေး ၀န်ကြီးဌာနအနေဖြင့် အစိုးရနှင့် နိုင်ငံတော် သံဃမဟာနာယကအဖွဲ့နှင့် အပြန်ပြန်အလှန်လှန်တိုင်ပင်ပြီးမှသာ ဦးဝီရသူအရေးကို ကိုင်တွယ် သည်ဟု အကဲခတ်ရပါသည်။ လူထုလိုချင်သည်က ဦးဝီရသူကိုချက်ချင်းဖမ်း၊ အ၀တ်လဲ၊ ပုဒ်မတပ် တရားစွဲရန်ဖြစ်ပါသည်။ ဤသို့လုပ်လျှင် တစ်ဖက်၏အကြိုက်ခွင်ထဲသို့ အန်အယ်လ်ဒီ အစိုးရ၀င်သွားခြင်းမည်ပါသည်။

မိုက်ကယ်ကျော်မြင့်နှင့် ဦးဝီရသူကို မည်သူတွေကြိုးဆွဲနေကြောင်း အစိုးရကောင်းစွာ သိပုံရပါသည်။ အာဏာသုံး၍ သူတို့နှစ်ဦးကိုဖမ်းလျှင် ထောင်ထဲထိ ကြိုးဆွဲနေသည့် လက်များကပါလာဦးမည်။ သူတို့ကို အမှုစစ်ရန် ရုံးထုတ်သည့်နေ့တိုင်း သူတို့ကို ထောက်ခံသူ၊ ၀န်းရံသူဆိုသူများက တရားရုံးဝန်းကျင်သို့ ရောက်လာကာမွှေကြ နှောင့်ကြဦးမည်။ သည်တော့ သူတို့ဆရာ လက်မည်းကြီးများက ကြိုးဆွဲခံတပည့် နှစ်ယောက်ကို ကာကွယ်ပေးနိုင်ရန် ဘေးကင်းလုံခြုံရာသို့ ပို့ပေးနိုင်ရန် အချိန် ဆွဲပေးလိုက်သည်။ အမှုတည်ဆောက်နေ သည်ဟု ဟ, ပေးလိုက်သည်။ သည်နောက် တကယ်ဖမ်းဟန်ပြုချိန်တွင် နှစ်ဦးစလုံး လစ်လေသတည်းဟု ဇာတ်လမ်းကို လူထု ရှေ့ချပြလိုက်သည်။ ၂၀၂၀ ပြည့်နှစ်ထိတိုင် သည်နှစ်ဦး လူထုရှေ့ထွက်လာတော့မည် မဟုတ်။ ထွက်လာပါကလည်း စွဲဆိုထားသည့် ပုဒ်မ များအရ ထောင်နန်းစံကြရတော့မည်။ ထို့ကြောင့် နှေးကွေးရန်ကောဟု သာသနာရေးဝန်ကြီးဌာနနှင့် အစိုးရကို အပြစ် မြင်နေသူများ အစိုးရက မည်သို့ အစသတ်ပေးလိုက်ကြောင်း ဝေဖန်ကြည့် ကြပါကုန်။

သည်ဖြစ်ရပ်က လူထုမကျေနပ်မှု မြင့်တက်နေသော အန်အယ်လ်ဒီအစိုးရအတွက် ကောင်းကျိုးရလဒ်များကို ပေးဆောင်ခဲ့ပါသည်။ “ညစ်ပတ်တဲ့ အကျင့်မပျောက်၊ အောက်လမ်းနည်းသုံးတဲ့ အကျင့်မပျောက် သူတွေကို ဘယ်လို လုပ်မဲပြန်ပေးရမှာလဲ””ဆိုသည့် လူထုအသံထွက်လာပါသည်။ ၂၀၁၅တွင် အန်အယ်လ်ဒီမဲနိုင်ရန် တစ်ဖက်ကသုံးသည့် အမျိုးဘာသာသာသနာဗျူဟာက များစွာပံ့ပိုးပေးခဲ့ပါသည်။ ယခုလည်း အာဏာငမ်းဖမ်းနေသူများက ဘာသာသာ သနာနှင့် မိန်းမတစ်ယောက်၏ ဖက်ရှင်၊ ဆံပင်၊ ပန်း၊ ဖိနပ်စသည်တို့ကို အောက်တန်းကျကျ ထုတ်သုံးလာခြင်းက ၂၀၂၀တွင် အန်အယ်လ်ဒီအသက်ရှူချောင်စေရန် လမ်းဖောက်ပေးခြင်းနှင့် အလားတူကြောင်း သိမြင်နိုင်ကြပါစေ။

ခင်နှင်းဦး