NCA နှင့် ၂၁ ရာစုပင်လုံ တတိယညီလာခံ ၂၁ ရာစုပင်လုံ

၂၁ ရာစုပင်လုံညီလာခံ ဝါ ပြည်ထောင်စုငြိမ်းချမ်းရေးညီလာခံသည် အစိုးရ၊ တပ်မတော်နှင့် တိုင်းရင်းသား လက်နက်ကိုင်အဖွဲ့များ နိုင်ငံရေးအရသဘောတူညီချက်များရယူချမှတ်ရန် NCA တစ်နိုင်ငံလုံးပစ်ခတ် တိုက်ခိုက်မှု ရပ်စဲ ရေး သဘောတူစာချုပ်တွင် ထည့်သွင်းရေးဆွဲဖော်ပြထားသည့် အမြင့်ဆုံးအင်စတီကျူးရှင်းဖြစ်ပေသည်။ တဖန် အဆိုပါ ၂၁ ရာစုပင်လုံညီလာခံ အောင်မြင်စွာကျင်းပနိုင်ရေးအတွက်ဆွေးနွေးဆောင် ရွက်ကြရမည့် UPDJC ပြည်ထောင်စုငြိမ်း ချမ်းရေးဆွေးနွေးမှုပူးတွဲကော်မတီ၊ JMC အပစ်အခတ်ရပ်စဲရေး ပူးတွဲစောင့်ကြည့် ရေးကော်မတီ၊ JICM တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးဆိုင်ရာညှိနှိုင်းအစည်း အဝေးစသည့် အင်စတီကျူးရှင်းများသည်လည်း NCA တွင် ထည့်သွင်း ရေးဆွဲ၍ဖွဲ့ စည်းထားခဲ့ကြသည်ကို မြင်တွေ့ရပေ သည်။

NCA ပါသတ်မှတ်ချက်အရ ၂၁ ရာစု ပင်လုံညီလာခံသည် တစ်နှစ်လျှင်နှစ်ကြိမ် ကျင်းပရန်ဖြစ်သည်။ ညီလာခံ၏ အနှစ်သာရမှာ အစိုးရ၊ တပ်မတော်နှင့် တိုင်းရင်းသား ကိုယ်စားလှယ်များသည်နိုင်ငံရေးဆွေးနွေးမှုများ ပြုလုပ်ကြပြီးနောက် သဘောတူညီချက်များ ချမှတ်နိုင်ကြရန်ဖြစ်သည်။ အဓိကအားဖြင့် ပြည်ထောင်စု သဘောတူညီချက်များကို ရယူနိုင် ရန်ဖြစ်ပေသည်။

၂ဝ၁၆ ခုနှစ်တွင်ကျင်းပခဲ့သော ပထမအကြိမ် ၂၁ ရာစုပင်လုံကား ခြွင်းချက်ဖြစ်သည်။ NLD အစိုးရတက် လာပြီးနောက် ပြုလုပ်သည့် ပထမအကြိမ်ညီလာခံသည် NCA ထိုးသည်ဖြစ်စေ မထိုးသည်ဖြစ်စေ တိုင်းရင်းသား လက်နက်ကိုင်အဖွဲ့အားလုံး လိုလိုအား (အချို့မပါနိုင်သည်မှအပ) ဖိတ်ခေါ်၍ ကိုယ်စီ၏သဘောထားများအား တင်ပြခွင့် ပေးခြင်းမျှသာဖြစ်သည်။ နိုင်ငံရေးအရ ဆွေးနွေးညှိနှိုင်းပြီး ပြည်ထောင်စုသဘောတူညီချက်ရယူခြင်း အစီအစဉ်မပါဝင်ပေ။

သို့သော်လည်း ၂ဝ၁၇ မေလတွင်ကျင်းပခဲ့သည့် ဒုတိယအကြိမ် ၂၁ ရာစုပင်လုံမှစ၍ ပြည်ထောင်စုသဘော တူညီချက်များစတင်ရယူခဲ့သည်။ သို့သော်လည်း ဒုတိယအကြိမ် ၂၁ ရာစုပင်လုံကျင်းပပြီး တစ်နှစ်ကျော် ကြာမြင့်ခဲ့ပြီဖြစ် သော်လည်း ယခုဆောင်းပါးရေးနေသည့် ၂ဝ၁၈ ခုနှစ် ဇွန်လဆန်းအထိ တတိယအကြိမ် ၂၁ ရာစုပင်လုံကျင်းပ မည့်ရက် အားသတ်မှတ်နိုင်ခြင်း မရှိသေးပေ။ ညီလာခံကျင်းပရန်ခက်ခဲနေခြင်းမှာ ညီလာခံတွင် မည်သည့်သဘောတူညီချက် များရ ယူဆုံးဖြတ်မည်ဆိုသည်ကို ညှိနှိုင်းရယူနိုင်ခြင်းမရှိသေး၍ဖြစ်သည်ဟု ဆိုရပါမည်။

 

အလွတ်သဘောဆွေးနွေးပွဲများနှင့် ကွဲလွဲမှုများ

မူလက ရည်ရွယ်ထားသည့် နေ့ရက်များတွင် ကျင်းပနိုင်ခြင်းမရှိဘဲရက်ရွှေ့လာခဲ့ရသောတတိယညီလာခံသည် ၂ဝ၁၈ ခုနှစ် မေလအတွင်းကျင်းပရန် ကြိုးစားခဲ့သော်လည်း အောင်မြင်ခဲ့ခြင်းမရှိပေ။ သို့နှင့် ၂ဝ၁၈ ခုနှစ် မေလအတွင်းတွင် ငြိမ်းချမ်းရေးကော်မရှင်နှင့် NCA ထိုးထားသော တိုင်းရင်းသားလက်နက်ကိုင်အဖွဲ့များကြား အလွတ်သဘောဆွေးနွေးမှုများ ခပ်စိပ်စိပ် ပြုလုပ်လာသည်ကို တွေ့ရပေသည်။ ထိုသို့ ပြုလုပ်သည့် အလွတ်သဘောဆွေးနွေးပွဲများမှ မည်သည့်အချက် များတွင် ညှိနှိုင်းမရဘဲ လိပ်ခဲတည်းလည်းဖြစ်နေသည်ကို အောက်ပါအတိုင်းတွေ့ရပေသည်။

၂ဝ၁၈ ခုနှစ်မေလအတွင်း ငြိမ်းချမ်း ရေးကော်မရှင်နှင့် တိုင်းရင်းသားလက်နက်ကိုင်များ အလွတ်သဘော တွေ့ဆုံ ညှိနှိုင်းမှု နှစ်ရက်ကြာပြုလုပ်ပြီးနောက် တိုင်းရင်းသား လက်နက်ကိုင်အဖွဲ့များ၏ ညှိနှိုင်းဆွေးနွေး ပွဲကိုထိုင်းနိုင်ငံချင်းမိုင်တွင် ပြုလုပ်ခဲ့ကြသည်။

NCA ရေးထိုးထားသော တိုင်းရင်းသား လက်နက်ကိုင်အဖွဲ့များ NCA –S EAOS များ ၏၂ဝအကြိမ်မြောက်ငြိမ်း ချမ်းရေးလုပ်ငန်းစဉ် ဦးဆောင်အဖွဲ့ PPST အစည်းအဝေး ကို ၂ဝ၁၈ ခုနှစ်၊ မေလ ၂၇ ရက်နေ့က ထိုင်းနိုင်ငံ ချင်းမိုင်မြို့တွင် ကျင်းပခဲ့သည်။ ထိုအစည်းအဝေး အဖွင့်မိန့်ခွန်းပြောကြားခဲ့ သည့် KNU ဥက္ကဋ္ဌ စောမူတူးစေးဖောက အောင်မြင်သော ငြိမ်းချမ်းရေးအခြေပြု နိုင်ငံရေးဆွေးနွေးပွဲများတွင် တစ်ဖက်နှင့်တစ်ဖက် ကြိုတင်စည်းကမ်းသတ်မှတ်ချက် များမထားရှိဘဲ အမျိုးသားရင်ကြားစေ့ရေးနှင့်ငြိမ်းချမ်းရေးကို ရှေးရှုဆွေးနွေးရမည်ဖြစ်ကြောင်း မိမိတို့ငြိမ်းချမ်းရေးဆွေးနွေးပွဲများတွင် အောင်မြင်မှု ရသင့်သလောက်မရရှိခဲ့ သေးခြင်းသည် အစိုးရတပ်မတော်နှင့် EAO များကြား ယေဘုယျကြည့်ရင် တူသ ယောင်ယောင်နှင့် ကွဲပြားမှုရှိတဲ့ ရည်မှန်းချက်ပန်းတိုင် ကိုယ်စီရှိကြ၍ဖြစ်ကြောင်း၊ ထို့ကြောင့် ဘုံသဘောဆန်သည့် တူညီ သည့် ရည်မှန်းချက်ရှာရမည်ဖြစ် ကြောင်းပြောဆိုခဲ့သည်။

ယနေ့ရင်ဆိုင်ရသော တစ်ဆို့မှုများသည် ကြိုတင်စည်းကမ်းသတ်မှတ်ချက်များကြောင့်လော သို့မဟုတ် အချက် အလက်အရညှိနှိုင်းရာမှာ ကွာဟချက်ကြီးမား၍လော ဆိုသည်ကို ဆန်းစစ်ရန်လိုသည်ဟု KNU ဥက္ကဋ္ဌကဆိုပါသည်။ အ ကယ်၍ကြိုတင်   စည်းကမ်းသတ်မှတ်ချက် ရှိလာပြီဆိုပါက နိုင်ငံရေးအရ အကျိုးစီးပွားကွာခြားမှု ကြောင့်သောလည်း ကောင်း တစ်ဖက်ဖက်က စိုးရိမ်စိတ်ကြီးမားနေ၍သော်လည်းကောင်း ဖြစ်တတ်သည်ဖြစ်ရာ သင့်တော်သည့်အဖြေ ရှာရန် လိုအပ်သည်ဟုဆိုပါသည်။ ငြိမ်းချမ်းရေးရရှိအောင်ဘုံဆိုင်ရာ လုပ်ငန်းစဉ်၊ သဘောထားမျှော်မှန်းချက်နှင့် စံတန်ဖိုးများကို ရှာဖွေနိုင်ပါက အပေါင်းလက္ခဏာဆောင်သည့် တိုးတက်မှုရရှိမည်ဟုဆိုပါသည်။ NCA အကောင်အထည်ဖော်ရာတွင် မည် မျှအခက်အခဲကြုံရသည်ဖြစ်စေ အပြန်အလှန်လေးစား အသိအမှတ်ပြုခြင်း၊ ညှိနှိုင်းတိုင်ပင်ခြင်း၊ အကျေအလည်ညှိနှိုင်း ခြင်း၊ အင်အားမသုံးခြင်း အစရှိသည်တို့ပါဝင်သည့် နိုင်ငံရေးယဉ်ကျေးမှုသစ်ကို အခြေခံပြီးငြိမ်းချမ်းရေးလုပ်ငန်းစဉ်ကို ဆောင်ရွက်သွားဖို့ KNU ဥက္ကဋ္ဌက တိုက်တွန်းသွားပါသည်။

အစိုးရ၊ တပ်မတော်တို့နဲ့ သဘောတူညီချက်မရဖြစ်နေသော အချက်များနှင့်ပတ်သက်ပြီး ထိုင်းနိုင်ငံ ချင်းမိုင်မြို့မှာ နှစ်ရက်ကြာ ညှိနှိုင်းဆွေးနွေးနေသည့်အကြောင်း မွန်ပြည်သစ်ပါတီ ဒုဥက္ကဋ္ဌ နိုင်ဟံသာက ပြောခဲ့ပါသည်။

အစိုးရဘက်နှင့် တပ်မတော်ဘက်က လုံးဝခွဲမထွက်ရေးဆိုသည့် အဆိုပြုချက်စာတမ်းမပါရင် တခြားကိစ္စတွေ သူ တို့က လက်မခံဟုဆို၍ ဆက်ဆွေးနွေးရမည့် ကိစ္စများ တစ်ဆို့နေသည်ဟု နိုင်ဟံသာကဆိုပါသည်။

EAO အနေနှင့် ခွဲထွက်လို၍ မဟုတ်သော်လည်း၊ ထိုအချက်ကိုထည့်ထားပါက  တစ်ခုခု ကန့်သတ်ထားသကဲ့သို့ ဖြစ်မည်ကိုစိုရိမ်ကြောင်း၊ ထို့ပြင်နောင်ကာလများတွင်  ဥပမာ ဖိနှိပ်ခံရပါက၊ ချိုးဖောက်ခံရပါက မည်သို့လမ်းဖွင့်ထားမည်ကို စဉ်းစားစရာ ဖြစ်သည်ဟုဆိုပါသည်။

၂ဝ၁၈ ခုနှစ် မေလလယ်က နေပြည်တော်၌ အစိုးရ၊ တပ်မတော်နဲ့ NCA လက်မှတ်ထိုးထားတဲ့ တိုင်းရင်းသား လက်နက်ကိုင်အဖွဲ့ ၁ဝ ဖွဲ့ကကိုယ်စားလှယ်များတွေ့ ဆုံခဲ့ကြပြီး နိုင်ငံရေးနှင့် လုံခြုံရေးဆိုင်ရာ ကိစ္စရပ်များအား အလွတ်သဘော ဆွေးနွေးခဲ့ကြပါသည်။ ထိုဆွေးနွေးပွဲကနေ ရရှိလာသောအချက်များကို တိုင်းရင်းသားလက် နက်ကိုင် အဖွဲ့ ၁ဝ ဖွဲ့ကခေါင်းဆောင်များ က နှစ်ရက်ကြာ ပြန်လည်ညှိနှိုင်းနေကြခြင်း ဖြစ်သည်။

DDR/SSR လို့ခေါ်သော တပ်ဖျက်သိမ်းရေး၊ လက်နက်ဖြုတ်ရေးနှင့် လုံခြုံရေးဆိုင်ရာ ပြန်လည်ပေါင်းစည်းရေး ကိစ္စများနှင့်ပတ်သက်ပြီး တပ်မတော်နဲ့ တိုင်းရင်းသား လက်နက်ကိုင်အဖွဲ့တွေကြား သဘောတူညီချက်ရရှိခြင်းမရှိသေးဘဲ တပ်မတော်ဘက်က တိုင်းရင်းသားလက်နက်ကိုင်အဖွဲ့များ၏တပ်တွေကို ဖျက်သိမ်းပေးဖို့ဆိုသည့် ပုံစံမျိုးကိုသာပြောခဲ့သည် ဟု  နိုင်ဟံသာကဆိုပါသည်။

ရှမ်းပြည်တပ်မတော် DCSS/SSA လည်း အမျိုးသားအဆင့် နိုင်ငံရေးဆွေးနွေးပွဲများကို သူတို့ရည်မှန်းထားသော တောင် ကြီး ဒါမှမဟုတ် ပင်လုံမြို့များတွင် ကျင်းပနိုင်ခြင်းမရှိပါက ရှေ့ဆက်ရန်ခက်ခဲမည်ဆိုသည့် သဘောထားမျိုးကို တွေ့ရသည်ဟု နိုင်ဟံသာက ပြောဆိုကြောင်း သတင်းများ တွင်ဖော်ပြထားသည်ကို တွေ့ရှိရပါသည်။

တိုင်းရင်းသားလက်နက်ကိုင်အဖွဲ့များအား အခွင့်အရေးများစွာပေးလိုက်ပါက ၂ဝဝ၈ ဖွဲ့စည်းပုံအခြေခံဥပဒေကို အားလုံးပစ်ပယ်ပြီး ဖက်ဒရယ် ခွဲထွက်ခွင့်ဆိုသော ပုံစံအထိတောင်းဆိုလာမည်ကို တပ်မတော်ဘက်က စိုးရိမ်စိတ်ရှိနေ နိုင်သည်ဟု မွန်ပြည်သစ်ပါတီ ဒုဥက္ကဋ္ဌ နိုင်ဟံသာကဆိုပါသည်။ တိုင်းရင်းသားအဖွဲ့များအနေနှင့်ကတော့ ဖက်ဒရယ်ဆို သည်အား ပေါင်းစည်းခြင်းဟူ၍သာ နားလည်လက်ခံထားကြောင်း နိုင်ဟံသာက ဆိုပါသည်။

၂၁ရာစုပင်လုံ အစည်းအဝေးအား တတိယအကြိမ်ပြုလုပ်နိုင်ရန်အတွက် ကြိုးပမ်းဆောင်ရွက်ချက်တစ်ခုအဖြစ် NCA ထိုးထားသော တိုင်းရင်းသားလက်နက်ကိုင်အဖွဲ့ကိုယ်စားလှယ်များနှင့် အစိုးရ၊ တပ်မတော်ကိုယ်စားလှယ်များ သုံး ပွင့်ဆိုင် အလွတ်သဘော တွေ့ဆုံပွဲကို နေပြည်တော်၌ မေလ ၁၈ ရက်နေ့က ကျင်းပခဲ့ရာတွင် တပ်မတော်က တိုင်းရင်း သားလက်နက်ကိုင်များ၏ တပ်များအားဖျက်သိမ်းပေးဖို့ ပြောဆိုတာမျိုးရှိခဲ့သည့်အချက်နှင့် ပတ်သက်၍တပ် မတော်တွင် ဒီမိုကရေစီစံနှုန်းတွေမရှိသေး၍ လက်နက်ကိုင်တပ်များဘက်က ဖျက်သိမ်းရေးကို လက်ခံနိုင်မည်မဟုတ်ဟု  မွန်ပြည်သစ် ပါတီ ဒုတိယဥက္ကဋ္ဌ ဦးနိုင်ဟံသာက  အောက်ပါအတိုင်းပြောဆိုခဲ့ပါသည်။’အစိုး ရတပ်ဘက်ကတော့ သူတို့ကတော့ ဒီလက် ရှိတပ်မတော်ကိုပဲ မပြုပြင်ချင်ဘူးဆိုတဲ့သဘောမျိုးရှိနေတယ်။ အဲဒီအပေါ်မှာ ကျွန်တော်တို့အမြင်က လက်ရှိတပ်မတော်က ဒီမိုကရေစီမဆန်ဘူးပေါ့ဗျာနော်။ နောက်ပြီးတော့မှ တိုင်းရင်းသားတွေရဲ့ အခွင့်အရေးကလည်း ဘာမှအာမခံချက်မရှိသေး ဘူး။ အဲဒီတော့ အဲလိုအနေအထားမျိုးမှာ ကျွန် တော်တို့တပ်တွေ ဖျက်သိမ်းရမယ်ဆိုရင်လည်း တိုင်းရင်းသားတွေဘက်က ဘယ်သူမှလက်မခံချင်ဘူးဗျ။ တစ်ဖက်ကလည်း ကျွန်တော်တို့နိုင်ငံက ဒီမိုကရေစီပုံစံမဟုတ်သေးဘဲနဲ့ပေါ့နော် အမည်ခံဒီမို ကရေစီပဲဖြစ်ပြီးတော့မှ စစ်တပ်က အာဏာတွေအများကြီးယူထားတယ်။ အဲဒီပုံစံမျိုးကို ကျွန်တော်တို့က လက်မခံနိုင်သေး ဘူးဗျာ’ ဟူ၍ဖြစ်ပါသည်။

အထက်ပါ အကြောင်းအချက်များမှာ လက်ရှိ NCA လက်မှတ်ရေးထိုးထားပြီး နိုင်ငံရေးဆွေးနွေးနေကြသော တိုင်းရင်းသားလက်နက်ကိုင်အဖွဲ့ ၁ဝ ဖွဲ့နှင့် အစိုးရ၊ တပ်မတော်တို့ နိုင်ငံရေးဆွေးနွေးရာမှ တစ်ဆို့နေသော အခြေအနေ များဖြစ်ပြီး တတိ ယပင်လုံကျင်းပရန် ရက်သတ်မှတ်ရန် ခက်ခဲနေသော အကြောင်းအချက်များပင်ဖြစ်ပါသည်။

တတိယပင်လုံ ကျင်းပနိုင်ရေးအတွက် အဓိကလိုအပ်နေသည်မှာ အဆိုပါတတိယ ပင်လုံညီလာခံ၌ မည်သည့်သ ဘောတူညီချက်များရယူသွားမည်ဆိုခြင်းကို ညှိနှိုင်းသဘောတူညီမှု ရရှိရန်ပင်ဖြစ်သည်။ တစ်စုံတစ်ရာ သဘောတူညီချက် ဝါ ပြည်ထောင် စုသဘောတူညီချက်ဆိုသည့် အချက်တစ်စုံ တစ်ရာမရရှိဘဲ တတိယအကြိမ်ညီလာခံ ကျင်းပရန် မဖြစ်နိုင်ပေ။ ၂ဝ၁၈ခုနှစ် မေလ ၃ဝ ရက် နှင့် ၃၁ ရက်နေ့များတွင် ဃြဗ လက်မှတ်ထိုးထားသော တိုင်းရင်းသားအဖွဲ့ ၁ဝ ဖွဲ့ကိုယ်စားလှယ်များနှင့် အစိုးရ၊ တပ်မတော် ကိုယ်စားလှယ်များအလွတ်သဘော ထပ်မံတွေ့ဆုံခဲ့ကြသည်။

နောက်ဆုံး အလွတ်သဘောတွေ့ဆုံမှုမှလည်း ပြီးပြတ်သော သဘောတူညှိနှိုင်းမှု မရဟုဆိုရမည်။ သို့သော်လည်း လက်ရှိအ ကြပ်အတည်းကိုကျော်လွှားနိုင်ရန် ညှိနှိုင်းသဘောတူညီမှု အချို့တော့ ပြုလုပ်နိုင်ခဲ့ သည်ဟုဆိုရမည်။ ၄င်းတို့မှာ တတိယအ ကြိမ်ပင်လုံညီလာခံတွင် ခွဲမထွက်ရနှင့်ကိုယ် ပိုင်ပြဋ္ဌာန်းခွင့်အား မဆွေးနွေးသေးဘဲ တတိယအကြိမ်ပင်လုံပြီးမှ ဆွေးနွေးရန် ညှိနှိုင်းခဲ့ကြပြီး ဒုတိယအကြိမ်ပင်လုံကျင်းပစဉ်က မပြီးပြတ်ခဲ့၍ ဆုံးဖြတ်ချက်မချနိုင်ခဲ့သည့် လူမှုရေးကဏ္ဍ၊ စီးပွားရေးကဏ္ဍ၊ မြေယာနှင့် သဘာဝပတ်ဝန်းကျင်ကဏ္ဍများ ကိုဆွေးနွေးဆုံးဖြတ်ရန် ရည်ရွယ်ထားရှိ သည်ဟုဆိုသည်။ သို့သော်လည်း NCA လက်မှတ်ရေးထိုးထားသော တိုင်းရင်းသားအဖွဲ့များက ပြန်လည်ညှိနှိုင်း၍ အတည်ပြု မည်ဟုဆိုသည်။ အကယ်၍ သဘောတူညီ ချက်ရရှိပါက UPDJC အစည်းအဝေးတရားဝင်ခေါ်ယူပြီး ၂ဝ၁၈ ခုနှစ် ဇွန်လ ၃ဝ ရက် နေ့ခန့်တွင် တတိယအကြိမ် ညီလာခံပြုလုပ် ရန်ရည်ရွယ်သည်ဟုဆိုပါသည်။

ကျော်လွှားရမည့် အကျပ်အတည်းများ

လက်ရှိ ငြိမ်းချမ်းရေးကော်မရှင်နှင့် NCA ရေးထိုးထားသော တိုင်းရင်းသားလက် နက်ကိုင်အဖွဲ့များကြား ၂၁ ရာစုပင်လုံညီ လာခံတွင် အောက်ပါ ပြဿနာများ ကျော် လွှားနိုင်ရန် လိုအပ်နေပေသည်။

ပထမအချက်မှာ ကြိုတင်စည်းကမ်း သတ်မှတ်ချက်များဟုဆိုနိုင်သည့် နှစ်ဖက်စလုံးက ကိုယ်စီကိုင်စွဲထားသည့် မူဝါဒများဖြစ်သည်။ ဆွေးနွေးပွဲတွင်ပါဝင်သည့်ဘက်အားလုံးအနေဖြင့် မိမိတို့ကိုင်စွဲသည့် မူဝါဒအား ပျော့ပျောင်းစွာ ကိုင် တွယ်ရန်လိုအပ်ပြီး လက်တွေ့ကျသည့်ရလဒ်ထွက်ပေါ်ရေးကို ရှေးရှုရန်လိုအပ်သည်။

ဒုတိယအချက် နိုင်ငံရေးအရ ခွဲမထွက်ရနှင့် ပြည်နယ်ဖွဲ့စည်းပုံရေးဆွဲရေးသည် လည်းကောင်း စစ်ရေးအရ SSR နှင့် DDR ပြဿနာသည်လည်းကောင်း ယခုအချိန်တွင် မည်သို့ပင် ရှောင်ရှားကျော်လွှားသည် ဖြစ်စေ  နောက်ဆုံးတွင် မလွဲမသွေ ရင်ဆိုင်ဖြေရှင်းရမည်ဖြစ်ရာ ဆွေးနွေးပွဲတွင်ပါဝင်သည့် ဘက်အားလုံးမှ လက်သင့်ခံနိုင်သည့် ပုံစံ၊ မြန်မာပြည် အခြေအနေနှင့်ကိုက်ညီသည့်ပုံစံအား လေးလေးနက်နက်စဉ်းစား ညှိနှိုင်းသွားကြရန် လိုအပ်နေသည်ကို အထူးသတိပြုကြ ရန်လိုနေပေသည်။ ဤ အချက်ကို မကျော်နိုင်ပါက ငြိမ်းချမ်းရေး လုပ်ငန်းစဉ် ပြီးပြတ်အောင်မြင်မည် မဟုတ်သည်ကို အားလုံးသဘောပေါက်နေကြပြီ ဖြစ်ရာ မည်သို့ဆွေးနွေးညှိနှိုင်းအဖြေ ထုတ်မည်ကို လေးနက်ရန်လိုပေသည်။

တတိယအချက်အနေနှင့် လိုအပ်သည်မှာ NCA တွင်ပါဝင်သည့်လုပ်ငန်း တခုဖြစ်သည့် အမျိုးသားအဆင့်ဆွေး နွေးပွဲကျင်းပရေးနှင့် အဓိပ္ပာယ်ဖွင့်ဆိုချက်အား ရှင်းလင်းရန်လိုအပ်သည်။ အမျိုးသားအဆင့် ဆွေးနွေးပွဲများမှတစ်ဆင့် ကျယ်ပြန့်သော လူထုသဘောရယူပြီး ၂၁ ရာစုပင်လုံညီလာခံတွင် ဆွေးနွေးဆုံးဖြတ်မည်ဟု တိုင်းရင်းသား လက်နက် ကိုင်အဖွဲ့များက အဓိပ္ပာယ်ဖွင့်ဆိုထားကြသည်။ ယခုညှိနှိုင်း၍မရသေးသော နိုင်ငံရေးပြဿနာများကို ခေတ္တဖယ်ထား၍ ဖြေရှင်းရန် လွယ်ကူသောပြဿနာများကိုအ ရင်ဆွေးနွေးရန် ကြိုးစားစဉ်မှာပင် အမျိုးသားအဆင့် နိုင်ငံရေးဆွေးနွေးပွဲအ ဆင့်ကို ဖြတ်သန်းပြီး လူထုသဘောထားရယူခြင်းမရှိဘဲ ညီလာခံတွင် ဆွေးနွေးရန်ခက်ခဲသည်ဟု အမျိုးသားနိုင်ငံရေး ဆွေး နွေးပွဲကျင်းပနိုင်ခြင်းမရှိသည့် တိုင်းရင်းသားအဖွဲ့များက ထောက်ပြနေကြပေသည်။ သို့ဖြစ်ရာ NCA အတိုင်း ငြိမ်းချမ်းရေး လုပ်ငန်းစဉ်အတိုင်းသွားမည်ဟု ဆိုနေစဉ်တွင် NCA ပါ ဝိဝါဒ ကွဲပြားဖွယ်အချက်များကို ရှင်းလင်းအောင် ဆွေးနွေး ဖြေရှင်းရန်လိုအပ်ပါသည်။

သို့ဖြစ်ရာ ငြိမ်းချမ်းရေးလုပ်ငန်းစဉ် အား NCA ထီးရိပ်အောက်မှ သွားမည်ဆိုသော်လည်း NCA လက်မှတ်ရေး ထိုးထားပြီးသော် နိုင်ငံရေးအရ ညှိနှိုင်းဆွေးနွေး၍ နှစ်ဖက်လက်ခံနိုင်သည့် သဘောတူညီချက်များရရှိနိုင်ရန် ခက်ခဲစွာ လုံးပန်းရန် လိုအပ်နေပေသေးသည်။ ထို့အတူ ရင်ဆိုင်ကျော် လွှားရမည့် အကျပ်အတည်းများစွာ ပြဿနာများစွာရှိ၍ နေပေသေးသည်ကို ယခု ဒုတိယအကြိမ် ၂၁ ရာစုပင်လုံညီလာခံ ပြီးနောက် တစ်နှစ်ကြာမြင့်သည့်တိုင် တတိယအကြိမ် ၂၁ ရာစုပင်လုံညီလာခံ ကျင်းပ ရန် ခက်ခဲနေဆဲဖြစ်နေသည်က ပြသနေပေသည်။

 

မောင်မောင်စိုး